يوم خطوبة دينا و طارق. وكان حاضر كوثر و خالد و مراته و معتز و نوال وطبعا فريده كانت موجوده مع دينا في اوضتها وصاحبات دينا .
حكمت: الناس وصلو خلصتو ولا لسه.
فريده: اه خلاص شوفي كده ايه رايك.
حكمت: قمر يا حبيبتي ربنا يتمملك بخير.
فريده: هو مين اللي بره بالظبط يا طنط.
حكمت: طارق ومعتز واخوهم و امهم ومعاهم اتنين ستات.
فريده: اتنين ..... اكيد نوال جت.
دينا: طيب وفيها ايه.
فريده: فيها اني كل ماشوفها بحس بالذنب وبعدين انا معرفش هي تعرف انك انتي اللي هيخطبها طارق واني قربتك ولا لاء.
دينا: ايوه عارفه طارق قال اودامها قبل مايجو هو قالي في التليفون كده .
فريده: ربنا يستر انا خايفه اوي.
حكمت: طيب يلا تعالي يا فريده قدمي انتي العصير للناس.
فريده: انا لا اتحرج.
حكمت: تتحرجي من ايه يلا بلاش دلع.
خرجت فريده عشان تقدم العصير. شايله صينيه عليها كاسات عصير كتير وتقيله وطبعا هي مرتبكه جدا وخايفه جدا.
فريده: (الصينيه بتتهز شويه في ايدها من التقل و الارتباك) السلام عليكم.
كلهم: عليكم السلام.
شافها معتز في الحاله اللي هي فيها قام اخد منها الصينيه و حطها علي التربيزه.نوال باصتلهم باستغراب وبصت لاختها.....
صالح: تعالي يا حبيبتي سلمي تعالي.
كوثر: ايه القمر ده عرفت تختار يا طارق.
طارق: لا مش دي دينا . دي فريده بنت عمتها.
كوثر: امممممم اهلا يا حبيبتي .
نوال: ازيك يا فريده عامله ايه .
فريده: ازي حضرتك . ازيك يا مدام نسرين.
نسرين: تمام ازيك انتي.
وبعد السلامات جت فريده تدخل .
صالح: رايحه فين يا فريده
فريده: داخله للعروسه.
صالح: لا تعالي اقعدي هنا جمبي .
قعدت فريده وكانت بتحاول بقدر الامكان ماتبصش لمعتز.
نوال: هو انتي مش هتسلمي علي معتز يا فريده. اصل يا ماما معتز هو اللي عملها ديكورات السنتر بتاعها.
فريده: ها اه ازيك يا بشمهندس معلش مش واخده بالي.
معتز:(وهو متغاظ من نوال) ولا يهمك الحمد لله تمام.
أنت تقرأ
لست لي وحدي
Romanceهو: متزوج ابنة عمه ولديه طفلتين نعم متزوج لكنه علي خلاف ومشاكل مع زوجته التي تزوجها دون حب هي : توفي والديها في حادث سياره ومن يومها وهي وحيده تقابلا احبها واحبته صارحها بحبه وبزواجه واراد الزواج منها هل ستوافق ام ماذا سيكون ردها.