علمني احبك💝

عجز

  كان الليل لسه ف اوله كانت الساعة ٧ و٤٥ دقيقة بعد العشا
دانة : خلاص يا وهم كفاية عياط هتموتي يابنتي
وهم وهي بتشد في شعرها بقهر وعياط : انا عملت ايه ف حياتي عشان يحصل فيا كدا مش عايزين يسيبوني ف حالي ليه ياربي ارحمني...دانة ابوس ايدك متخليهمش ياخدوني
وقعدت في زاوية من زوايا الاوضة وضمت ركبتها لبعض ودفنت راسها فيهم وحضنت نفسها وفضلت تعيط ومن كتر خوفها وعياطها بدات تهلوس بالكلام بصتلها دانة بخوف وهي بتتفرج ع الحالة اللي وصلتلها ومش عارفة تعملها حاجة وهي قاعدة معاها لوحدهم والكل سابوهم وخرجو قعدت تهدي فيها وتكلمها بس من غير فايدة حاولت تقرب منها وهي قاعدة ع الارض بس سمعت صوت واطي جدا بينطق بخوف
_لا متقربيش مني
دانة : وهم مالك؟في ايه؟
وهم رفعت راسها وعينيها حمرا والدموع بتنزل منهم وبصت لدانة بحزن وخوف
_بليز متقربيش
بصت دانة للمكان اللي وهم قاعدة فيه واتصدمت لما شافت سائل شفاف تحتها مالي هدومها شهقت دانة وهي مش مصدقة ونطقت وهم بغصة وهي بتحاول تمسك نفسها عن العياط والكسوف ملي وشها
_دانة بليز متقوليش لحد انا خايفة مش عاوزة ارجعلهم هموت لو رجعت لسيف دا تاني مش هقدر
قربت منها دانة بعد ما حست ان الموضوع اكبر بكتير من اللي كانت فكراه مسكتها ووقفتها وقالتلها بحنان
_متقلقيش مش هقول لحد طبعا ادخلي انتي بس خدي شاور وهدي نفسك وان شاء الله هنلاقي حل
**
خبطت واستنت صوته لما سمحلها بالدخول وقفت قدامه وهي مش عارفة تبدا منين لحد ما اتكلم هو
وليد: خير
نور : عاوزة اروح عند ماما
وليد : ايه وحشوكي بالسرعة دي..انا من رايي تقعدي هنا احسن وملهاش داعي الحركات دي
نور : قلتلك عاوزة اروح لاهلي ومش بمزاجك تمنعني انا مش عارفة اصلا ايه اللي خلاني اجي اخد رايك
قاطعها وليد بعصبية : لو رحتي دلوقتي مش هترجعي ع البيت دا مرة تانية لان ورقة طلاقك هتوصل هناك قبلك فاهمة
نور بانفعال : مستحيل بجد العيش معاك مستحيلة
وليد بسخرية : شعور متبادل ياست نور وانتي لسه مشوفتيش حاجة هدوقك من نفس الكاس اللي شربتيني منه
وصرخ : اطلعي براا مش عايز اشوف خلقتك
بصتله بدموع :قبل ما اطلع احب اقولك ان احساس الكره برده متبادل بس ياريت تفتح عينيك وتعرف ان اللي حصل دا قدر من ربنا وياريت متعترضش
وسابته ومشيت بس سابت وراها انسان مل من الحياة انسان عايز يسيب الدنيا ويشوف حبيبته ف اقرب فرصة ومعتش لاقي في الدنيا حاجة تفرحه ولا تملي عليه حياته بعدها
*
اخدت وهم الدش وطلعت بس ملقتش حد ف الاوضة لبست هدومها ورمت نفسها علي السرير سمعت صوت خبط علي الباب بس غمضت عينيها بخوف خايفة تسمع صدمة تالتة غير اللي سمعته فجاة حست بايد بتمسح علي شعرها البني الناعم فتحت عينيها وشافت وش ام راشد وهي بتضحك لها اتعدلت وهي بتقول بطفولة
_هتسيبيه ياخدني يا امي
ام راشد : انتي متاكدة انك مش عايزاه
بصلتها وهم باستغراب بس هزت راسها للتاكيد
ام راشد :طيب احنا فكرنا ف حل بس لازم توافقي عليه عشان نقدر نواجه عمك وابنه
قالت وهم بسرعة : ايه هو؟
ام راشد :تتجوزي اسامة
نطقت وهم بصعوبة : اتجوز
ام راشد : يعني تتجوزيه علي ورق بس لحد ما ابن عمك يسيبك ف حالك هو وعمك وبعد فترة تتطلقي ولا كان حاجة حصلت
وهم : متاكدة يا امي انه علي ورق بس
ام راشد : ايوا متاكدة ايه رايك؟
سكتت وهم شوية تفكر وبعدين نطقت : موافقة يا امي
*
بعد ساعة تم كتب الكتاب وكل الامور مشيت زي ما خططو بالظبط وطبعا اسامة مشافش وهم ولا طلب حتي انه يشوفها لانه مقتنع انه جواز علي ورق وبس اما وهم فبعد اللي حصل قدرت تنام وهي مرتاحة بس كان جواها خوف بسيط من ردة فعل عمها هو وسيف لما يعرفو اللي حصل
*
ام يوسف : الف الف مبروك يا حبيبي
اسامة : علي ايه ياماما احنا مش اتفقنا انه علي ورق وبس
ام يوسف : مش يمكن تقدر عليك وتغير كلامك
اسامه وقف وهو بيطلع نار من دماغه
ابو يوسف : اسامة
بصله اسامة : ايوه يابابا
ابو يوسف : الاسبوع الجاي هنعمل حفلة بسيطة في البيت
اسامة : ليه؟؟
ابو يوسف : مينفعش يابني تتجوز واعمامك وولادهم ميعرفوش الخبر احنا هنعمل فرح كان كل حاجة تمام عشان محدش يحس بحلجة ومنديش لحد فرصة انه يتكلم
اسامة : اللي انت عاوزة يا بابا وسابه ومشي
*
كانت نايمة علي السرير بالعرض وايديها وشعرها طايرين من علي السرير وبتحلم حلم خلاها تبتسم ف عز نومها لحد ما حست بايد نقيلة بتصحيها من النوم فتحت عينها براحة ورجعت غمضتهم
وليد : نور قومي وبلاش دلع ماسخ
رجعت فتحت عينيها وبصتله حست انها ف حلم فرجعت كملت نومها ومحستش باي حاجة غير وراسها في الحوض والمية نازلة عليها بعد الايد اللي علي راسها وبعدت عن المية وشهقت وهي بتكح بس هو رجع شدها مرة تانية عشان يحط راسها تحط المية زقته بعيد بس هو اتكلم بعصبية
_عشان لما اقولك قومي تبقي تقومي صحيتي ولا اكمل
اتكلمت من وسط المية اللي ملت جسمها ووشها احمر
_صحيت
خرج من المطبخ وخرجت وراه وهي بتحاول تداري دموعها وهو اتكلم من غير ما يبصلها
وليد : انزلي اعمليلي قهوة
راحت اوضتها عشان تغير هدومها وتعمله اللي هو عاوزه وهي مش قادرة تبطل عياط
*
راحو مدينة الملاهي بعد اصرار من نواف وبداو يلعبو ويستمتعو بالالعاب مر وقت كبير وهما مبسوطين لحد ما نواف قال انه عاوز يروح الحمام فاضطر كينان انه يروح معاه وشاور لسديم تستناهم الجو كان فيه تراب كتير وسديم كانت حاسة انها مخنوقة ومش قادرة تتنفس وفجاة لون وشها اتقلب للازرق وبدات تاخد نفسها بصعوبة ومعدتش قادرة تقف ولا تتكلم وكينان سابها ومشي حاولت تمسك نفسها اطول فترة ممكنة وهي ساندة ع الجدار اللي جنبها فضلت تكح وحست انها خلاص بتموت لحد ما الناس اللي حواليها بصولها بخوف لما شافو حالتها ودموعها اللي نازلة ثواني وكينان كان وصل قربلها وهو مش فاهم حاجة غير ان الناس متجمعين حواليها وقف حاجز بينها وبينهم وهو بيحاول يغطيها عنهم شاف حالتها ووشها اللي لونه اتحول للازرق وقال بخوف
_سامي مالك؟
هي مقدرتش تتكلم ولا تقول اي حاجة غير كلام بسيط بصوت واطي كينان بس اللي سمعه لانه قرب منها جدا ومسكها قبل ما تقع
_مش قادرة اتنفس
ماخدتش بالها انها قالت (مش قادرة) بس كينان خد باله حلول يوقفها وهو بيقول :طب قوم خلينا نخرج من هنا
بس ملقاش منها استجابة لانها كانت راحت في عالم تاني بسرعة قلع الجاكيت بتاعه حطه عليها وشالها ومشي بيها بسرعة ناحية العربية وهو بيسالها لما حس انها فاقت شوية
_انت عندك الربو؟
هزت راسها وهي بتكح وحاولت تمسك فيها بكل قوتها عشان كان ماشي بسرعة ووراهم نواف اللي كان خايف عليها
*
فيصل : نوووووورة بتعملي ايه؟
نورة : بسم الله الرحمن الرحيم خضتني يابني فيه ايه
فيصل : هو انتي حد يقدر يخضك بتعملي ايه عندك؟
نورة : زي مانت شايف بسقي الزرع البيت بقي ممل اوي من غير نور قلت اعمل حاجة مفيدة
فيصل :طب اتفضلي ادخلي دلوقتي عشان سلطان جاي
قال كلمته وراح للخدامة عشان تعمل فطار ونور قالت بينها وبين نفسها
_اوف ودا ايه اللي جايبة ع الصبح دا كمان
بصت لرشاش المية اللي ف ايديها وابتسمت بمكر وراحت ناحية المدخل وملته كله مية وبعدين اتستخبت في زاوية وهي ماسكة الرشاش وبتحاول تكتم ضحكتها فضلت تستني كتير بس مجاش لحد ما تعبت وقررت تدخل بس وقعت في شر اعمالها ووقعت في المية اللي غرقت بيها المدخل جيه صوت من وراها بيضحك
_ههههههههههههههه صحيح من حفر حفرة لاخيه وقع فيها
بصتله بقهر وهي بتتوجع : انت هنا من امتي؟
سلطان قرب منها : من ساعت ما غرقتي المدخل مية الا قوليلي هو دا كره ولا استقبال حار
نورة : استقبال حار ليه الامير شهريار
سلطان بثقة : لا مش امير ..سلطان ياجاهلة قومي قومي غرقتي نفسك مية
ومشي وسابها وهو بيضحك اما هي ففضلت تسب وتلعن فيه