علمني احبك💝

لعنة

  اخدت نفس عميق ونزلت طول الليل وهي بتفكر ازاي هتقابله واهو جيه الوقت اللي لازم تواجهه فيه
دخلت الاوضة االي هو قاعد مستني فيها شافته قاعد وجنبه اخوها فيصل اللي اول ما شافها قام وقال
_انا برا ياحبيبتي لو عاوزة حاجة
نور في نفسها : لا يافيصل الليه يخليك متسبنيش معاه لوحدي
بس فيصل مسابش فرصة انها تتكلم ومشي
نور بهمس :السلام عليكم
وليد بنفس الهمس :وعليكم السلام
نور(بنت طيبة ومرحة عمرها ٢٣٣ سنة خريجة تربية خاصة وشها خمري وشعرها اسود فاحم وغمازاتها احلي حاجة فيها)
فضلت واقفة متصلبة مكانها وعينيها في الارض كتمت نفسها بعد ما شمت ريحة عطره في المكان وهي مش عايزة تشمها ولا تبص ف وشه اما هو بصلها من فوق لتحت وهو مش قادر يقعد معاها ف نفس المكان ولو دقيقة بيكرهها ومقتنع انها السبب ف موت مراته وحبيبته اسيل
وليد بجمود : هتفضلي واقفة كدا كتير
قعدت علي الكرسي المقابل ليه وسمعته صوت نفسه وهو بيتنهد مسكت دموعها بالقوة عشان متضعفش قصاده وهي حاسة بنار ف جسمها من نظراته وفضلت ساكتة لحد ما حرقها بكلامه
وليد بحقد : بصي انتي عارفة كويس ان انا وانتي مستحيل نعيش مع بعض تحت سقف بيت واحد بس انا مجبر اني اخدك معايا عشان خاطر عمي عشان كدا اجهزي من غير شوشرة وهعدي عليكي بكرا اخدك
عضت شفايفها بقهر وعصبية وتكلمت بعد جهد منها انها تسكت بش مقدرتش تتحمل فضلت طول سنتين ساكتة وكان لازم تتكلم معتش ينفع سكوت
نور بغصة : هو دا اللي قدرت عليه وتاعب نفسك لحد هنا مكنتش تعبت نفسك ولا حاجة كنت اتصلت وقلت كلامك التافه دا وطبعا مستني الجارية اللي تنفذ وهي ساكتة
وليد بنفس الجمود : والله وانتي متوقعة مني اقولك ايه
وقفت نور بغضب :للدرجادي مستكتر كلمة اسف للدرجادي انا رخيصة عندك عشان تسبني وانا عروسة بعد فرحي بكام يوم رغم انك كنت اكتر حد محتاجاله ايه اللي رجعك طالما بتعمل كدا كنت خليك هناك
وليد معتش مستحمل كل ما يبصلها يحس فيها بوجود اسيل شكلها طريقة كلامها حتي انفعالها ونبرة الصوت قريبة منها لدرحة انه معتش متحمل يشم ريحتها حاول يمسك نفسه
وليد : انا مغلطتش عشان اتاسف وانتي عارفة ان الي حصل كله كان بسببك
نور: بسببي!! هو انا اللي قلتلها تعالي اترجيني عشان اتجوزك ولا انا اللي اترجيتها عشان توصيني علي بنتها ولا....
حط وليد ايده علي بوقها
وليد بغضب :مرة تانية تعلي صوتك وتتكلمي عليها هقطعلك لسانك فاهمة.....اخر كلام بكرا تبقي جاهزة ولو مجتيش بالزوق انا نعرف ازاي اجيبك بالعافية
وسابها ومشي وهي قعدت ع الارض معدتش متحملة كل اللي بيحصل كانت خايفة منه وظنها فيه مخابش حاولت تتماسك وتقوم لحد ما توصل لاوضتها طلعت السلم بسرعة وجرت علي اوضتهادخلت وقفلت علي نفسها شوية وسمعت صوت امها بتنادي عليها ونوره بتخبط عشان تفتحلهم الباب بس مكنش فيه مجال انها تتكلم مع حد سابت نفسها للدموع والقهر اللي عاشته وبدات تفكر ف حياتها اللي جاية شكلها هيبقي عامل ازاي ياتري
في مكان تاني
كان قاعد جنب مامته يكلمها
_بس انا عاوزها يا ماما هي وبس
ام ماجد : بس البت لسه صغيرة يا سلطان استني عليها شوية
سلطان : طب اخطبها دلوقتي وناجل الجواز للاجازة الكبيرة ماشي انتي عارفة انها ليا انا دلوقتي او بعدين
ام ماجد : وطالما انت عارف انها ليك دلوقتي او بعدين فيها ايه لما تصبر شوية
سلطان : انا مش موافقة ليه ياماما انا هكلم بابا ف الموضوع بس وافقي انتي الاول
دخلت اخته الصغيرة العنود
العنود : هي مش موافقة عشان انت ونورة مينفعش تعيشو مع بعض اصلا
سلطان بثقة : وانت ايه اللي دخلك ف الموضوع اصلا ملكيش دعوة انتي هي عاملة نفسها انها مش بتحبني بس انا عارف انها بتموت فيا ..ومشي سلطان وسابهم
العنود باندهاش : نورة الكلبة كل ما اسالها بتحبي سلطان تقولي يع انا احب دا ومتجبيليش سيرته واتاريها بتحبه من تحت لتحت وانا معرفش والله لاوريكي يانورة
ام ماجد :انتي يابنت ياقليلة الادب حد يقول الكلام دا وامه قاعدة صحيح جيل بايظ
العنود :ايه يا مامي خليكي ديمقراطية شوية وبعدين انا كلامي ميتزعلش منه اصلا هههههههههه
عائلة ابو ماجد
ابو ماجد(ناصر) :الابن التالت لابو راشد رجل اعمال كبير
ام ماجد (موضي) :بنت خالة ابو ماجد ست طيية ومحترمة قريبة جدا من ولادها رغم انشغالها ف الازياء والموضة
ماجد:الابن الكبير عمره ٣١ متجوز وعنده ولدين توام
سلطان :الابن التاني ٢٥٥ سنة صاحب فيصل شاب وسيم بيحب نورة من وهما صغيرين بس مقضيها معاها مقالب
العنود :اخر العنقود بنت عندها ١٨ سنة ودراستها مع نورة وصاحبتها جدا
**
دانة :يووووه انا زهقت معتش قادرة استحمل بقا تعالو نقعد شوية
رمت نغسها ع الكرسي وحطت الاكياس جنبها قرب منها شخص متعرفوش ومد لها ايده وفيها حاجة وقال بصوت هادي
_اتفضلي المحفظة دي انتي نسيتيها ف المحل وشاور ليها ع المحل
مسكتها وهي بتقول :شكرا...بس انت مين انا مشفتكش جوا
رد بنفس الهدوء
_انا الكس
ردت دانة بمزح : والله هههههههه وانا اليس ف بلاد العجائب
ششافته بيبصلها باستغراب عدلت من قعدتها وقالت : احم...ع العموم شكرا
سابها ومشي واحد صاحبه شافه وهو بيضحك ساله
_مالك ياطلال بتضحك يعني بعد ما كنت مضايق!!
طلال :ههههههاليس في بلاد العجائب هههههههه
في البحرين
كانز قاعدين ع الكراسي وكينان بيجري بلبس الرياضة جوا التراك انبهت من سرحانها علي صوت نواف الطفولي
_سامي ايه رايك في الرسمة دي؟
بصت للوحة اللي ف ايده وابتسمت : حلوة اووي انت فنان
نواف بفرح : انا فنان؟
سامي : اكيد انت مش واثق ف نفسك ولا ايه!
نواف :اممممم شوية
كانت لسه هتتكلم بس سمعو صوت جامد جاي من بعيد :اااااااااه
بصو لقو كينان واقع ع الارض صرخ نواف وجري عليه بسرعة
_كينان مالك....كينااان
سامي بخوف :كينان
كينان بصوت متقطع :اااااه قلبي
سامي بارتباك : نواف روح هات مية ونادي السواق بسرعة
جري نواف بسرعة اللي بيخاف علي اخوه بطفولة اما كينان فضغط علي قلبه وهو بيتالم ومن غير ما تحس حطت ايديها علي قلبه وهي بتقول بخوف
_بيوجعك اوووي
كينان بصلها بصة غريبة :بجد لما حطيت ايدك الالم راح
ردت وهي بتغير الموضوع ومش عارفة تتكلم
_المستشفي....،اااه لازم تروح المستشفي
كينان وقف :لا انا بقيت كويس مجرد نغزة كدا متقلقش
سديم عطته ضهرها وهي بتهرب من نظراته الغريبة وهي حاسة بالاحراج لما حطت ايديها علي قلبه ضربت نفسها وهي بتقول
_ايه الجراة اللي بقيتي فيها دي انتي صدقتي خلاص انك ولد مش بنت ااااااااه انتي غبية
بصلها وهو بيضحك علي شكلها وهي متوترة ووشها اللي احمر من كسوفها كل ما تفتكر اللي عملته وقعد يضحك ككل ما يفتكر المقلب اللي عمله فيها
في اليوم التاني
معاد رجوع نور لبيت وليد اللي طلعت منه باهانة عمرها ما هتنساها وجيه وقت رجوعها ليه بعد سنتين ..جهزت شنطها ولبست عبايتها ونزلت بعد ما ندهولها لخامس مرة بس هي كانت متعمدة تتاخر عليه
مسك فيصل الشنط وحطها في العربية هي ركبت من غير ما تتكلم ولا كلمة لحد ما جالها صوته وهو يتنفس بضيق : كنتي اتاخري كمان شوية
مردتش عليه وفضلت ساكتة وباصة للناحية التانية م الطريق وطبعا الحاجة دي مريحة جدا لوليد لانه مش عاوز يسمع صوتها
وصلو البيت ونزلت نور بسرعة هي تتنفس هو نضيف مفيهوش ريحته اللي فضلت كاتمة نفسها طول الطريق عشان متشمهاش اول ما دخلو سمعت ضحكة طفولية فكرتها بالماضي كانت ضحكة براءة اللي بقت نسخة تانية من امها اسيل وقالت ف نفسها (اااه يا اسيل فينك تشوفي بنتك اللي كبرت وبقت نسخة تانية منك)
حضنتها اووي وهي بتعيط :براءة حبيبتي وحشتيني
بصتلها براءة باستغراب : انتي مين؟
نور بغصة : انا نور انا...
قاطعها وليد بغضب وقال لبنته بعصبية
_براءة روحي اوضتك غيري هدومك وانزلي تحت
براءة :بس يا بابا...
قاطعها : براءة قلتلك اطلعي اوضتك
راحت براءة بزعل لاوضتها بسرعة وهو بص لنور وقالها بجمود
_اسمعي انا مش عايزك تكلمي بنتي خالص فاهمة مش عايزها تتعلق بيكي ولا تعرفك من اصله عشان كدا متكلميهاش ولا تبصلها حتي بطرف عنيكي
نور بصلته باحتقار :انتةعارف معني الكلام اللي انت بتقوله دا براءة دي امانة عندي وانا مقدرش اخلف وعدي لصاحبتي فاهم انت!
قرب منها وبصلها باحتقار هو كمان : اتعلمي ازاي تتكلمي معايا بادب والزمي حدودك لمل اكلمك توطي وشك ف الارض ومتبصليش بالنظرات الزبالة دي فاهمة!!
نور لسه باصة ف عينيه وهي بتعانده عضت شفايفها بقهر
_انا اسلوبي زبالة بالله عليك دور علي اسلوبك
ولفت وكانت هتمشي لما مسكها من دراعها ولفها
_لما اكلمك متعطليش ضهرك وتمشي واسلوب دا تغيريه عشان مش هيمشي معايا
بعدت ايده بقوة وبعدت عنه بسرعة ودخلت اوضتها وقفلت علي نفسها وانهارت من العياط وهي بتقول في نفسها (ليه يارب بيحصل معايا كدا مش مستحملني ولا مستحمل وجودي ليه انا عملت فيه ايه يارب صبرني علي قضاءك )
في البحرين
كينان : عرفت لي اسمها ايه؟
تامر: ايوا يافندم اسمها سديم وعمرها ١٩ سنة واخوها اسمه سامي بس توفي من كام سنة
كينان : مات وهو عنده كام سنة
تامر : وهو ٢١ سنة يافندم
كينان :وابوها واهلها فين؟
تامر :ابوها متوفي من زمان وعندها خال واحد عايش في الرياض
كينان : طيب تابع لي اخبارها اول باول
تامر : امرك يافندم
مشي تامر وتنهد كينان وهو يسند راسه علي الكرسي
_اااااه ياسديم والله وطلعتي زي ما توقعت مخبش ظني فيكي بس انا لازم اعرف انتي ليه عملتي كدا ليه تنكرتي بشخصية اخوكي
**
دخل عليها وهي بترتب هدومها في الدولاب من غير نفس وباين عليها مضايقة حست بوجوده بس كملت اللي بتعمله ولا كانه موجود لحد ما تكلم بصوته الحاد :قومي اتعشي
نور :مش عايزة اكل
وليد باستهزاء :ليه ناوية تموتي من الجوع منزلتيش ع الغدا وشكلك مفطرتيش وهتنامي كمان من غير عشا !
بصتله نور بسخرية ورجعت تكمل اللي بتعمله بس هو قرب منها وسحبها من ايديها وجرها وراه وهي فضلت تسحب ايديها منه بس من غير فايدة
نور بالم :اااااه سيب ايدي
وليد بعصبية مكتومة : لما اقولك حاجة بعد كدا تسمعي الكلام من غير مناقشة فاهمة!
نور :سبني شايفني عبدة عندك
بصلها بتهديد:لسانك الطويل دا مش عايزة اسمعه بمعني اصح مش عايز اسمع صوتك تاني لاني مش طايقك ولا طايق اسمع صوتك
وشد علي ايدها : فاهمة
نزلت راسها عشان تداري دموعها وهي بتهز راسها بمعني فاهمة ونزلت معاه
*
دانة :وهم الحقي
اتنفضت وهم من علي السرير بخوف : خير!!
دانة : فراس بيقول ان عمك وابنه جم وشكلهم قاعدين مع جدي وبابا تحت
بدات ضربات قلب وهم تزيد وقلبها بيدق من الخوف وهي بتقول
_هي دي نهايتك يا وهم.....خلاص نهايتك قربت
بدات تسمع اصوات اللي حواليها ام راشد وام يوسف اللي مكنش عندهم علم بالخبر قربو منها وبداو يطمنوها تشان متخافش و بيطمنوها انهم معاها للنهاية بس هي في الوقت دا كانت في عالم تاني مفكرتش غير في الناس اللي زلوها وداسو علي كرامتها وشرفها الناس اللي ياما اتوسلت ليهم بس عمرهم ما سمعوها الناس اللي كانو المفروض يحافظو هما علي شرفها بس هما اللي دنسوه وباعوه برخص التراب
بصولها بخوف وهي مش قادرة تنطق الكلام.. كلام بسيط بس اللي طلع منها
_الموت ارحملي من اني ارجع معاهم