Sa bawat bagong mundo na papasukin natin
Hindi maiiwasan na may maiiwan ka
Hindi maiiwasan na may masaktan
At dahil may nagbago sa mundong iniikutan mo
Maiiwan ang mga dati mong nakasama
Hindi mo napapansin na unti unti
Unti unti mong kinakalimutan ang mga ala ala
Mga ala ala na binuo kasama siya
Mga alaalang sinabing pansamantalang iiwan at babalikan matapos ng lahat, Matupad lang ang minimithing panibagong mundo
At dumating na nga ang araw
Na napasok mo na ang kakaibang mundo
Ang mundo kung saan wala ang mga taong nakasanayan mo
Gusto mong magpatuloy ngunit alintana ang pangungulila sa mga dating kasama
Mga kasama mong puno ng tuwa at galak tuwing kasama ka
Ngayo'y magdadalawang isip ka kung tutuloy ka pa ba sa mundong gusto mong tahakin
Ngunit naisip mong kailangan mong magpakatatag
Pero sa pagpapakatatag mo hindi mo napapansin
Kinakalimutan mo na pala ang mga alaala ninyo
Masyado kang natuwa sa bagong mundo
Na kinalimutan mo na pati ang mga alaalang sinabi mong hindi mo malilimutan kasama siya, kasama sila
Hindi mo napansin na nabago na pala ng mundong ito ang pagkatao mo
Ang paguugali pati na rin ang damdamin mo
Hindi mo na magawang makabalik sa mga kaibigan mo
Hindi ka na makabalik pa sa kanya
Hindi mo na alam kung paano
Kung paano pa ibabalik ang sayang nararamdaman mo tuwing kasama sila
Hinihiling sa panahong ito na sana hindi ko na lang tinahak ang mundong to
Nang hindi kita naiwan at kinalimutan
Masyado akong kinain ng bagong mundong ito
Masyadong nagpalamon sa bagong sistemang pinasok ko
Ngunit wala na, wala na akong ibanh magagawa
Kundi ang ipagpatuloy ang buhay ko sa panibagong mundong to
Kaya pasensya, pasensya kung kakalimutan na kita
Pasensya kung kakalimutan ko na lahat ng mga alaala ko sayo
Mga alaala na bumubuo sa dating pagkatao ko
Ngunit pasensya ka na
Hanggang dito na lang
Paalam pagkat tatahakin ko na ng tuluyan ang panibagong mundo na ito
Isa
Dalawa
Tatlo
Paalam....
BINABASA MO ANG
SPOKEN POETRY
PuisiThis is my collection of Spoken Poetry written on my mind. I just wanna share it to you guys. Being a writer is really one of my dreams. I hope you'll enjoy 😘