خايف ياقلبي خايف

الجزء 45

جات ساره .... ناصر.. تعال ابيك..
قام ووقف جنبها.. خير ان شاءالله..
ساره : ابي اروح المستشفى...........
قرب منها ومسك كتوفها.. شفيك حبيبتي؟؟ تعبانه؟؟
ساره : لا..........
ناصر: اجل ليش تبي تروحي المستشفى؟
ساره : .......................
ناصر: قلبي شفيك؟
ساره : ابي اتأكد من شغله......
ناصر: اللي هي؟
ساره : امممم........
ناصر: يقلدها.. امممم.. شنو......
ساره : بعدت عنه.. خلاص مابي منك شي..
ناصر: مسكها من كتفها..هههههههه تعالي خلاص.. اسمعك..
ساره : .....نزلت راسها..... ابي اعرف ليش ماحملت مره ثانيه.....
ناصر: وهو يبتسم.. ليش مستعجله... كل شي بيد رب العالمين..
ساره : والنعم بالله... لكن ابي اتأكد.. حاسه فيني شي......
ناصر: وهو يحضنها.. مافيك الا كل خير... لاتقعدي توسوسي..
ساره : بعدت عنه.. لا ابي اروح ....... بتروح معاي او اروح مع السواق؟
ناصر :هههههههههههه..... شفيك..كأنك عجيز..
ساره : اتكلم جد..... 
ناصر: اختفت ابتسامته.. خلاص بكره الصباح قبل الدوام.. حلو..
ساره : نزلت عيونها.. ايه..
ناصر: وهو يأشر على خده.. وينها... لازم طلب يعني..
ساره : ايه ..ومافي توصيل.. ومشت عنه..
مسك كتفها : وهو يحوط خصرها.. مافي توصيل هاااااا......
ساره : ناااااااااصر......
................
في بيت نوره وحمد.......
نوره تكلم بدريه...
نوره : تعبانه..
بدريه : تطمني هذا شي طبيعي.. دخلتي أي شهر الحين..
نوره : اممم الخامس..
بدريه: تقومي بالسلامه..... بتروحي الليله بيت ابوي؟
نوره : ماادري والله.. ندووش عندها امتحان نهائي.. بنقعد مع هيوف..
بدريه :هههههههههههه.. ماسمعتي آخر الأخبار...
نوره : شنو؟؟
بدريه :فهد اخوك ناوي يتزوج.....
نوره : بجد؟؟؟؟؟؟
بدريه : وامي تدور له على عروس.....
نوره : من اللي امها داعيه عليها بتاخذه..
بدريه : نوره مهما كان هذا اخوك..
نوره : اخوي.. لكن الحق حق.. ماطلع على ناصر..
بدريه :أي والله.. تعالي من زمان ماشفناه..
نوره : ايه واحشني هو وساره وعبود..
بدريه : اش رايك نعزمهم على عشا يوم الأربعا.. وتجي انتي وندووش.
نوره : حلو........
بدريه :خلاص ادق عليه اليوم.......
نوره :اوكي صار........ دخل حمد.. يلا باي..
بدريه :ههههههه جا حمد.. باي..
جلس جنبها... باس خدها...... شلون الحلوين اليوم......
نوره : هههههههههه انا بخير.. لكن ولدك يرفس..
حمد :هههههههههه... حط يده على بطنها...... مايرفس ظالمته...
نوره : مايرفس الا وانا نايمه....
حمد : هههههه المهم حبيبتي.. عندي شفت الليله...
نوره :نزلت عيونها.. بعد الليله..
حمد :حط يده على شعرها.. هذا شغلي..... المهم جهزي اغراضك.. بروح انام لي ساعتين.. صحيني عشان ما اتأخر.باس جبينها....وقام....
نوره : طيب..... بعد ماراح...... تعبت من هالحال.....
في الأسبوع انام هنا يومين وفي بيت اهلي ثلاثه...
............
في بيت ابوناصر......
ام فهد : تكلم التلفون..... ايش مو موافقين؟؟ وليش..
بعد ماسكرت الخط..
جات ندى وفي يدها كتاب....
ندى : يمه مع منو كنتي تتهاوشي في التلفون؟
ام فهد : اهل البنت اللي رحنا لهم قبل كم يوم.. مو موافقين...
ندى : ضحكت في داخلها.. مجانين يوافقون.. وليش؟؟
ام فهد : غباء... والا احد يرفض فهد..
ندى :قامت وراحت المطبخ.. قبل لا تضحك قدام امها وتذبحها.. صبت لها شاي.. وراحت غرفتها تكمل مذاكرتها..
ام فهد : وبعدين هذي سابع وحده ترفضه.. هو واعدني اذا لقيت له بنت مثل ساره بيقطع كل شي... مالقى الا هالساره.. اش شايف فيها هو واخوه مدري......وععع......
.............
في الليل........
ناصر.. نايم.. 
ساره جات من غرفة عبدالله......
ناصر: نام؟
ساره : ايه.. وجلست جنبه.......
ناصر: طالعها.... في شنو تفكرين؟
ساره :........... ممكن يكون فيني شي... يارب ... 
ناصر: مسك يدها....ساره.....
ساره : انتبهت.....نعم..
ناصر: جلس جنبها.. وهو يبعد شعرها عن وجهها.. شفيك وين وصلتي؟
ساره : خايفه؟
ناصر: من شنو؟
ساره : نزلت عيونها.. تتوقع فيني شي؟؟
ناصر: ابتسم.. حبيبي لاتفكري بشي.. اللي الله كاتبه بيصير.. يلا نامي..
ونومها.. على صدره وهي حاضنته........
...........
حمد وصل نوره بيت اهلها..
حمد : يلا حبيبتي .. انتبهي لنفسك.. وللولد..
نوره : متضايقه.. ان شاءالله.. وانت بعد..
حمد : تامري يامدام..
نزلت ودخلت بيت اهلها.....
شافتها ندى.... جات وسلمت عليها.. هلا بنونو..
نوره : نونو.. بيبي انا...
ندى: ههههههههههه ولا تزعلي اقصد الحلو اللي ببطنك..
نوره : هههههههههه الله يرجك.. 
جلست معها... وين امي؟
ندى: ههههههههههههههههههه
نوره : الحمدلله والشكر.. ش فيك؟
ندى: راحت مع عمتي يخطبوا لفهد......ههههههههههه
نوره : وهذا شي يضحك؟
ندى: اكيد هذي ثامن بنت.. واتوقع الجواب نو..
نوره : الله يهديه....ويوفق له.. اجل وين هيفاء..
ندى: بغرفتها.. ماتطلع منها..
نوره : طيب ليش؟
ندى :مدري انا معها ببيت واحد ولا اشوفها..
نوره : اممم.. انا بقوم انام..
ندى : وانا بعد.........
.................
الصباح......
ساره : جنب ناصر.. قربت منه.. ومسكت يده..
وهي تهمس في اذنه.. حبيبي......
ناصر: تحرك.. همممم..
ساره : قوم اقعد.......
ناصر: فتح عيونه.. شافها.. ابتسم.. صباح الخير....
ساره : ابتسمت.. صباح الخير.....يلا قوم لا نتأخر..
ناصر: وهو يقوم.. تامري يامدام..
ساره : ههههههههههه.. وراحت تلبس عبدالله..
في السياره.. بعد ماوصلوا عبودي الروضه...
ساره : كلمت مديرها.. طلبت منه اذن ساعه..
ناصر: والله مالها داعي..
ساره : لا انا ابي اتطمن....
ناصر: لكن حبيبتي......
ساره : قاطعته.. قلت لك من امس اذا ماتبي تجي معي. اجي لحالي..
ناصر: ساره ش فيك.. ماقلت شي.....
ساره: متوتره.. 
ناصر: سكت وكمل الطريق........
وصلوا المستشفى.. بعد ماسجلت ساره .. ناصر.. كان واقف بعيد عنها شوي.. راحت له..
ساره : اذا عندك شغل.. روح..
ناصر: لا ماعندي.. وحتى لو عندي بظل معك.. كم ساره عندي..
ساره: نزلت عيونها..ههههه ..
راحت غرفة الأنتظار..
ش فيني متوتره... وخايفه,,, يمكن يكون فيني شي.. 
ناصر.. شفيها معصبه ومتوتره.. مشكلتها دوم تتوقع الأسوأ,, متشائمه..
نادوا على ساره.. وقامت ورا النيرس.. شافها وهي طالعه.. قام ومشى حنبها..
ساره : بتدخل معي؟
ناصر: وهو يبتسم.. ايه عندك مانع..
ساره : لا لكن..
وصلوا .. غرفة الدكتوره..
سلموا وجلسوا..
الدكتوره : الحقيقه انا بنبسط اوي لما راجل يجي مع مراته .. 
ناصر: ابتسم.. طالع ساره؟؟؟
ساره : كانت منزله راسها.. وتفرك ايديها ببعض..
الدكتوره : ايه المشكله يامدام؟؟
ساره : ...............
ناصر: ساره؟؟
ساره : ها.....ايه.. انا اجهضت قبل 6 شهور تقريبا.. وللآن ماحملت مره ثانيه..
الدكتوره : ماشي.. تفضلي نعمل لك فحص.....
ساره : فحص؟؟؟؟؟؟؟
ناصر: مبتسم.......ليش خايفه..
الدكتوره : خايفه.. ماتخافيش يابنتي.. دا انتي ان شاءالله اذا حملتي ح تعملي الفحص شهريا... خايفه دلوقتي....
ساره : بلعت ريقها...... لو انا جايه لحالي احسن....
قامت.. نامت على السرير.. وسكرت الدكتوره الستاره..
ناصر: منحرج شوي........الله يعينك ياساره....
خلصت فحص......
رجعت وجلست وهي مزعوجه..
ناصر: بشري يادكتوره.....
الدكتوره :آه.. اعملي اشعه وبعدين نتأكد.. 
ساره : خافت.. ليش دكتوره فيني شي؟
الدكتوره : تطمني انا شاكه بحاجه... وعايزه اتطمن اكثر.. ماتخافيش..
ناصر: اكيد يادكتوره.. 
الدكتوره : كل خير ان شاءالله.....
ساره : قامت مع الممرضه لغرفة الأشعه.. ناصر كان واقف عند الباب....
بعد ماخلصت وطلعت..وقفت قدامه..
ناصر: مسك يدها.. حبيبتي لا تخافي.....
ساره : قلت لك حاسه ان فيني شي......
ناصر: لا تصيري متشائمه.. خلي ايمانك بالله قوي......
ساره : والنعم بالله...
رجعوا غرفة الدكتوره..
الدكتوره وهي تطالع الأشعه... امم.. متل ماتوقعت.. 
ناصر: خير يادكتوره؟؟
ساره : فيني شي؟؟
الدكتوره : حطت الأشعه على الطاوله.. خير ان شاءالله..
في عندك مشكله..
ساره : هنا حست انها بنتهار..... مشكله..
ناصر: شاف وجهها شوي بتبكي.. مسك يدها.. 
الدكتوره: ماتخافيش.. دي مشكله عاديه جدا..
بصي يااختي.. انتي لما جهضت اول مره وقعتي صح؟؟
ساره : بعلت ريقها.. ايه..
الدكتوره : وقعتك دي.. سبب لك مشكله والحمل دلوقتي نسبته اقل من 25%......
ناصر: ايش؟؟؟؟؟؟؟؟؟؟؟
ساره : نزلت راسها وطاحت دموعها........
الدكتوره : الرحم تأثر كثير ..... ومتل ماقلت الحمل صعب عندها ......
ناصر: والحل......
الدكتوره : في علاج... تستمر عليه.. وبأذن الله.. راح تحمل..
ساره : وهي تبكي.. زين كم المده..
الدكتوره : مخبيش عليكي.. من 6 شهور لسنتين..
ساره : تزلت راسها وهي تبكي..
ناصر: ماسك يدها.. همس بأذنها.. اهدي حبيبتي.. 
ساره :..............
الدكتوره : ماتبكيش.. ربنا سبحانه وتعالى قادر على كل حاجه.. اهم شيء تلتزمي بالدوا والمواعيد.. وربنا كريم...
كتبت لها الدوا..... اخذ ناصر الوصفه.. وقاموا طلعوا..
ساره تمشي وهي منزله عيونها وساكته..
تسمع ناصر يتكلم لكن ماتدري شنو يقول.. كلام الدكتوره يرن في اذنها..
ناصر: الله ان شاءالله يشفيك ويعوضك خير اهم شي تكوني متفائله.. 
ركبوا السياره ..
ناصر مر صيدليه وجاب الأدويه.. ومشوا..
ساره طول الطريق ساكته وتطالع قدام..
ناصر: يسوق وكل شوي يلف يطالعها..
وصلوا البيت.. ووقف ........
ساره :................
ناصر : مسك يدها.. وقرب لها.. ساره..
ساره : .....انتبهت له.. نعم.. ولفت عليه..
ناصر: يلا انزلي..
نزلت.. ولما سكرت الباب.. جايبني البيت؟؟؟؟؟
ناصر: ايه توك منتبهه..؟؟
ساره : وديني الشركه..
ناصر: لا خذي اجازه اليوم..
ساره : ماقدرت تاخذ وتعطي وياه.. دخلت البيت ..شالت عبايتها وجلست على اقرب كنبه..
ناصر: جلس قدامها وهو يطالعها.. والله لو انت قدامي ذبحتك بأيديني يافهد.. ولو اذبحك ماتبرد النار اللي بصدري.. ولا تبعد نظرة الحزن اللي بعيون زوجتي... حط يده على وجهها ومسح دموعها..
حبيبتي لا تبكين.. 
ساره : غطت وجهها بأيديها.. ليش انا.....ليش...
حضنها.....اهدي حبيبتي.....اهدي......
ساره : شلون تبيني اهدا وانا ماراح اصير ام......
ناصر: لا تيأسي من رحمة الله...
ساره : ..............
ناصر: وانا معك.....ماراح اتركك لحظه...
................