الحب علي أوتار الموسيقي

ذكريات مؤلمة وخواطر عابرة

#الحب_علي_أوتار_الموسيقي
#بقلمي_إسراء_خالد
(ذكريات مؤلمة وخواطر عابرة)
كانت تسير هائمة لا تعرف طريقها مشاعر الضياع والوحدة مسيطرة عليها كان شريط حياتها يمر أمام اعينها كالميت قبل وفاته وهكذا كانت حالة نرمين بعد خروجها من المستشفي وشكوك الطبيب من إصابتها بمرض السرطان في المخ دفعتها قدميها لزيارة قبر زوجها ...وقفت أمام القبر بعيون باكية لا تعلم ان كان علي مرضها الغير مؤكد ولا علي ابنتها التي ستصبح بلا معيل اما علي حظها العسر مع زوجها وحبيبها
Flashback
امام البحر كان في صخرة يجلس عليها عاشقان
نرمين:وبعدين يا فهمي هتعمل ايه مع بابا اللي بيرفضك
فهمي: انا مش عارف أبوكي بيرفضني عشان انا معيد في كلية تربية قسم موسيقي مع ان بنته طالبة عندي
نرمين:للمرة المليون يافهمي بابا مش عارفة اني بدرس موسيقي هو عارف بدرس اقتصاد منزلي
فهمي:لما تخرجي يا فلحة هتعملي ايه دي كلها ترم وتخرجي..
نرمين :مش عارفة ساعتها يحلها ربنا...وبعدين ما تغيرش الموضوع هتعمل ايه؟
فهمي :هاعمل ايه معه علي يدك دا سابع مرة اروح لابوكي ويرفضني..دا حتي المرة ديه كان من علي الباب
فهمي مقلد ابو نرمين:انتي ابرد من البحر في ليالي أمشير..هو الدم انعدم من عندك مفيش بنات للجواز مفييييش
نرمين:ههههههههه..فاكرة
فهمي بعصبية:فاكرة ايه دا كان امبارح
نرمين:خلاص خلاص...فهمي انت عمرك ما كلمتني عن أهلك
فهمي:ياستي اهلي صعايدة من عيلة كبير أول ماعرفه اني هشتغل في الموسيقى قالوا يا موسيقي ..يا عيلة
انا طبعا اخترت الموسيقي
نرمين:ما حاولتش تكلمه بعد ما بقيت معيد كدا
فهمي:والله...ياستي لا عمرى ما حاولت عشان أهلي عمرهم ما كانوا قربيين مني...انا اصلا امي ماتت وانا عندي شهرين وابويا اتجوز تاني وكانت الست ديه مش بتحبني عشان بفكر ابويا بأمي لاني شكلها
نرمين:ما تخافش ياحبيبي انا جانبك وهعوضك عن كل أهلك وانت كمان هتعوضني عن قسوة بابا
فهمي مبتسم وهو ينظر بهيام لعيون نرمين:اه...يا مالكة قلبي سوف يشهد العالم بأن قلبي تملكته امرأة وحفرت حبها في قلبي بنظرات عينها الساحرتين ...عيون سيطرت علي روحي وعقلي وعيون بعد ان نظرت لها لم اعد انظر لغيرها وعيون منذ ان رايتها ايقنت بان كل نساء العالم مجرد خدعة...وانتي هي الحقيقة
نرمين:مفروض اقول ايه بعد الكلام الحلو دا
فهمي:ولا حاجة كفاية بصة واحدة من عينكي
Back
تدمع عينها عندما تذكرت حبيبها وكام تذكرت قسوة أبيها معها في إجبارها علي زواج من رأفت
Flashback
فتحي أبو نرمين :هتجوزي رأفت ابن عمك السيد ابنه دكتور ليه مستقبل ومش الواد بتاع العوالم دا
نرمين:انا مش اتجوز غير فهمي فهمي كويس والدليل ان هو اتقدملي
فتحي:والله بتحدي ابوكي ايه رأيك بقا هتجوز رأفت ورجلك فوق رقبتك طالما الذوق مش نافع  وانا بقا هربيكي من جديد قام بضرب نرمين بعصا خشب حتي انكسر احد ذراعها وسبب لها كدمات في جميع أنحاء جسمهاوتم نقلها الي المستشفي للعلاج
وبعد أن شفيت تم خطوبة نرمين علي رأفت وفي يوما ما قبل زفافها بشهر حدث أمر لم يتوقعه أحد
نرمين:ماما انا هروح أقيس فستان الفرح الخياطة زمانها خلصت التعديلات عليه
فاطمة :ماشي .. روحي
Back
افاقت من شرودها علي صوت هاتفها وكانت رنيم تتصل
نرمين: الو..
رنيم:اتأخرتي ليه انا جايت ما لاقتكيش
نرمين:حاضر يا حبيتي جاية
رنيم:سلام
نرمين:سلام
                                ★**********★
في نفس الوقت في منزل محمد عبد المقصود
دخل محمد ووضع مفاتيحه وهاتفه علي المنضدة وجلس علي الاريكة بتعب   
مني:كنت فين؟ مكرم قالي انك مشيت ولغيت البروڤة وبعدين بدور علي رنيم مش لاقيها ايه الموضوع؟
محمد: رنيم صوتها حلو مش محتاجة كل الوقت دا للتدريب فكنت بفرج رنيم علي القاهرة
مني:رنيم...ايه الموضوع ياروميو..عالفكرة رنيم مش زي البنات اللي تعرفهم ماشي
محمد:مش يمكن تعمل اللي غيرها ماقدرش يعمله..وتبقي نصيبي
مني:مين؟ اللي بيقول كدا وداني بتسمع صح محمد بيقول نصيبي دا كنت نسيت خالص اني عندي ابني ممكن يتجوز..بس صغيرة اوى
محمد:حيلك ..حيلك انتي أي حد بيقول بتصدقي كدا انا بهزر
مني:طالما مش بتفكر فيها سبها قبل ما البت تتعلق بيك
محمد:حاضر.... تعالي انتي وحشني بقالك اسبوع عند اختك ايه مش فيه بني ادم عايش معاكي
مني:لا  حيوان ..اسبوع اسافر ارجع الاقي البيت بالشكل دا ودا بقا زي الزربيرة
محمد:شاب بقا وعايش لوحدي
مني:اقصدك جاموسة ..حمار..بقرة اي حاجة من الحيوانات اللي بتأكل توسخ مكانها  شايف الارض كلها قشر لب وفول سوادني وموز ياربي بربي قرد  
محمد:ههههههه
مني ضربت محمد:طب قوم بقا  يلا نضف الزبالة اللي انت عاملها 
محمد بيضحك:طب ماتجيبي ام سيد تعمل الليلة ديه
مني:ايه ذنبها تنضف جبلاية القرود ديه ....تضربه مرة تانية ..اقوم..اقوم
محمد:انا قومت خالص..... وهو يقوم بالتنظيف بس تعرفي
رنيم ديه عاملة كدا زي النوتة اللي الناس ينبهروا بيها ولكن محدش يقدر يعزفها...ماما هو أنتي تعرفي عنها ايه
مني:اعرف انها امها مدرسة موسيقي وابوها ميت وعندها 16سنة و2ث
محمد:تمام
                             ★***********★
نادية: اعملك الاكل
هادي:لا يا ماما انا هنام
وذهب إلي غرفته ومدد علي الفراش قائلا:انا مش عارف اعمل ايه مع المدير دا يلا ان الله مع الصابرين
وغطي في نوم عميق
                         ★************★
نرمين وقد وصلت إلي منزل ولكن وجدت رنيم نائمة ولكن اخدت ان تنظر إليها كأنها لم تريها من قبل قبلتها وذهبت هي الآخر في نوم عميق جانب ابنتها
                    ★**************★
أشرقت شمس جديد لتعلن عن يوم جديد ملئ بالامل والطموح للبعض والهموم واليأس للبعض الآخر
في منزل رنيم
استقيظت نرمين لتجد نفسها بجانب رنيم وثم ناديت علي ابنتها
نرمين: هتروحي المدرسة
رنيم بصوت نائم: لا مش رايحة
نرمين ذهبت إلي المستشفي لتجري التحاليل والاشعة المطلوبة منها
                            ★**********★
نرمين في المستشفي تستعد لتدخل غرفة التي يوجد بها أشعة رنين( فهي عبارة عن جهاز كبير يكون المريض ممد عليه سرير ويدخل بداخلها) وكانت نرمين ممد علي السرير وبتدخل في الجهاز إذا بتذكر
Flashback
بعد ان أغلقت الخط مع مراد أخيها وهي تعلم لا فائدة منه ويمر يومين فقط إذا قضاء الله كانت ذاهبة في الصباح لتمضي اليوم مع أمها في المستشفي إذا لا تجد أمها في الغرفة وتسأل الممرضة كانت تمر في الردهة عن أمها
نرمين:الحاجة فاطمة محمد اللي كانت في غرفة 321
الممرضة: انتي بنتها
نرمين:انتي بنتها ....ماما حصلها حاجة
الممرضة بحزن:الباقية في حياتك ..قضاء ربنا كان من ساعتين
Back
كانت نرمين قد انجزت كل التحاليل والاشعة وكانت تسأل أحد الدكاترة عن موعد النتيجة قائلا لها:بكره تجئ تاخدي النتيجة
                              ★************★
عند رنيم في المنزل
استقيظت من نوم علي صوت الهاتف
رنيم بصوت نائمة:ألو
محمد:الو..يا رنيم انا محمد عبد المقصود فاكرني..
رنيم بتمثيل:اه اه فاكرة
محمد:انا كنت هتصل بيكي امبارح بس قلت أنك تعبانة من السفر
رنيم: اه فعلا انا تعبانة من السفر وكدا وبعدين نمت كتير
محمد:ألف سلامة عليكي يا قطتي
رنيم:هههههه..قطتك
محمد:اه
ساد الصمت بينهما لمدة دقيقة كلاهما يفكر في موضوع يقوله حتي قطع محمد الصمت قائلا:أشوفك في البروڤة..خدي بالك من نفسك... سلام
رنيم: سلام
قامت رنيم من علي السرير بسعادة وفرحة لاتعلم سببها أحقا هي تحب محمد أم هي معجبة بشخصية محمد واهتمامه بها وهذا ما كان يدور في رأسها وهي تقفز علي السرير كأطفال وقطع ذلك صوت هاتفها وتقول في نفسها:معقول محمد بيتكلم تاني
ولكن خاب ظنها فكان صديقتها رنا
رنيم بضيق: ألو
رنا:ايه يابت الوش الخشب دا..طردكي من الاوبرا ولا ايه
رنيم:لا ...لسه صاحية من النوم
رنا:ماشي..أظن الفستان الاسود عمل شغل انا اختارتي ما تجبش الارض ابدا
رنيم بسخرية:اه طبعا...دا مسح الأرض وأنا رايح وأنا جاية والتراب بصراحة كان شورا مهببة زي صحبتها
رنا:خلاص..خلاص انا الحق علي..بس شكلك كدا في حاجة.. انا لازم اعرفها
رنيم:يلا..سلام بقا عشان هاخد شوار. 
رنا:سلام
                        ★**************★
في مدرسة الإمام####
في غرفة الموسيقي كان مدرسات الأنشطة يتناولون الإفطار ونرمين تدخل عليهم مسرعة
نرمين: أسفة علي التأخير ياجماعة...حد مضي لي
جيهان مدرسة أولي لنرمين: اه...البت صفاء مضيت..وبعدين ايه اللي جابك مش قولنا ترتاحي في البيت..يلا تعالي افطرى
نرمين: ماليش نفس والله
جيهان:شايفة وشك أصفر ازاي وتعبانة
نرمين: خلاص والنبي
جيهان وهي تأكل: اللي ياكل علي ضرسه ينفع نفسه
ليسكت الجميع ويحل الصمت وتعود نرمين للذكريات مرة أخري
Flash back
نزلت نرمين من المنزل بحجة فستان زفاف وسرت مسافة قليلة وركبت سيارة
السائق لنرمين:متأكدة من اللي عايزة تعمليه
نرمين: عندك حل تاني
تنطلق السيارة وتقف أمام عمارة
Back
صوت يقطع شرود نرمين قائلا:مالك بتعيطى ليه ؟
نرمين وهي تمسح دموعها:مفيش...وتمسك حقيبة وتخرج قائلة لجيهان:اعملي إجازة
                     ★**************★
في غرفة رنيم
كانت رنيم جالسة أمام المرآة تغني:
أحبك يانى ولو ترعانى ..... أحبك تاني واقول آه ياني

معاك وجدانى وكل حنانى ..... وأخاف تنسانى

آه يانى آه يانى

الحب دا إيه انا معرفشى ..... وبنهواه ليه

ومدام على بعدك مقدرشى ..... قولي نويت إيه

انت حتهوانى والا حتسلانى ..... والا إيه تانى

آه يانى آه يانى

أنا قلبى كتاب وفتحتولك ..... علشان تقراه

ولقيت لما وريتهولك ..... صورتك جواه

ان جت للحق القلب أهو دق ..... وشافك رق

وقال آه يانى

وكانت هناك عيون ترقب رنيم وهي تغني وعندما انتهيت رنيم من الغناء قبلت رأسها
نرمين:يارب يسعد كمان وكمان...انا هروح احضر الغدا
                        ★************★
في منزل علاء الحسيني
نادية لعلاء:هو العريس هيجى امتي؟
علاء ابو هادي :بعد العشا...وبعدين هو مش عريس دا ابن واحد صحابي جاي يزرونا هو و عائلته يتعرفوا وبس مش هتكلموا في حاجة....بعدين خلي ابنك الشملول يقعد مش يروح يتسرمح مع صحابه
نادية:حاضر
وفي المساء أتي محسن طبيب نسا وتوليد في مستشفي خاص ويمتلك عيادة وأمه زينب مديرة مدرسة بنات وأبوه حماد زميل علاء في العمل ويعمل في مصلحة الضرائب
علاء:اتفضلوا يا جماعة في الصالون
وكان الجميع يجلسون في الصالون يتحدثوا في أمور شتي حتي أتيت هدير وكانت ترتدي فستان سماوي من الشيفون وتضع مكياج خفيف يتمشي مع بشرتها القمحية وكانت تحمل العصير للضيوف
نادية:تعالي يا هدير
زينب لهدير:ماشاء الله قمورة
هدير بتوتر:شكرا
زينب:أنتي عندك كام سنه؟
نادية:21سنه بتدرس في طب بشري
زينب:ماشاء الله
ويمر الوقت وكان علاء وعائلته يودعوا عائلة محسن
هادي بهمس لهدير:مكسوفة
هدير:بس ياض
هادي:في عروسة تقول ياض
هدير: اه
                       ★************★
كان كل من رنيم ونرمين ذهبوا لغرفهم ليناموا رنيم غطيت في نوم عميق ولكن نرمين لم تنام وكان تفكر فيما مضي
Flash back
المأذون:بارك الله ليكما وجمع بينكما في الخير...مبروك يا أستاذ فهمي... مبروك يا مدام نرمين..
رحل نرمين وفهمي من عند المأذون وفتح فهمي السيارة لنرمين قائلا:مبروك يا مدام
واتجه إلي الجانب الآخر ليفتح باب قائلا بضحك:هيا بنا الي عش الزوجية
نرمين: هههههه... انا خايفة اوي من بابا تفتكر هيعمل إيه؟
فهمي: مش عارف بس مش هقدر يعمل حاجة احنا متجوزين علي سنه الله ورسوله..ماتخافيش
Back
نرمين بدموع: أنا خايفة أوي يا فهمي
#الحب_علي_أوتار_الموسيقي
#بقلمي_إسراء_خالد