بقيت قاعده ومنتظره خبر من مهند تمت ساعتين وانا متوتره ومقلقه شدييد وراسي يودي ويجيب ي ربي مهند دا قصدو شنو🤔 كلامو معاي بدل ع انو عارف عمار وين او كانو فاهم عمار عمل كدا لي تاني قلت لا بطلي تتكلمي كلام فارغ اكيد ماف شي وم ح يحصل شي وبس بقيت بدعي👐 فجاه مهند اتصل لي قالي انا اسف ي ياسمين م لفيت عمار دا الا اسال اصحابو وانا بس دموعي نزلو😭😭 قلت كيف الكلام دا انت لازم تجي تطلعني من هنا انا خااايفه شديد 😰 قالي طيب وكان ملبوش شديد وفجاه اسمع ليك صوت ولد بتكلم مع مهند وكانو م واعي 😳 والصوت م بغباني وفجاه قطع الخط خلاص هبطته وشكلي غهمت الحاصل يعني مهند عشان لقي سكران م عايزني اشوفو بالحاله دي عشان كدا كذب علي😔💔
لحدي الصباح م نمت فجاه الباب اتفتح ودخل عمار ومهند والاتنين كانو متوترين وانا بس بقيت ببحلق فيهم ومخنووقه شديد قلت لي مهند اتفضل مشيت اتسوكت واخدت لي دش عشان اصحصح من التعب دخلت المتبخ عملت العصير والشاي وختيتو ف الطربيزه وبس عمار مدنقر وعيونو واارمه وحالتو بالبلاء دخل يستحم وبقيت قاعده ومنتظره مهند يفسر لي البحصل
قالي انا اسف ي ياسمين بس دا طبع عمار كدا ح يتغير انشالله بس انا بقيت ببكي بي حرررقه 😭💔 وقلبي واجعني مهند قالي ي ياسمين م تعملي كدا ف روحك وعشان اكون صريح معاك والله عمار دا كدا كدا كدا كدا...خلاني عامله كدا😵😳 طلع عمار اوسخ نوع بتاع بنات ورقيص ف الدسكو وسكر 😔💔 قمت وانا م واعيه ع نفسي وووووورب وقعت من طولي حسيت بشي غريب مهند نادي لي عمار وجا جااري مخلوع بس تاني م وعيت لي شي صحيت وانا ف المستشفي وراسي واجعني شدييد 😭 لقيت عمار ماسك يدي ومهند واقف فكيت منو يدي قلت لي لو سمعت م تلمسني فاهم واطلع سريع م عايز اشوف خلقتك دي بقيت بقرف منك انا😡 فكي يدي وقام ع حيلو نفض قميصو ورفع حاجب قالي والله تصدقي اخر همي 🙂 ووووووواي انا حسيت بي سهم اخترق قلبي💘 وبقيت مصدومه ف الوش التاني
طواااالي طلع وقال لي مهند رجع البت دي للبيت وانا ح اتاخر مهند بقي محتار م عارف يتصرف بس انا بقيت ببكي لي 😭💔قلت لي رجعني البيت طلعنا ورجعني الشقه وقالي انا طالع لو احتجتي اي شي اتصل لي اقفلي الباب عليك وخلي بالك من نفسك وم بقدر اقوليك غير ربنا يعينك ويحل ليك مشكلتك دي م رديت لي الدنيا ضلمت ف وشي قفلت علي الباب وبقيت مربعه ف نص السرير وخايفه ودموعي م وقفو بقيت منفسنه وحالتي بالبلا ولا باكل ولا بشرب
عديت باقي اليوم وخلااص تعبت وبقيت م قادره افكر قلت لو اهلي عرفو الحصل عم صالح ح يتجلط اكيد😰 وابووي عندو السكري م ح يستحمل😭😭💔 اعمل شنو ي ربي💔 بس قلت اقوم اتوضا واصلي لي ركعتين وبقيت ببكي وبدعي بس لحدي م نمت ف الارض سمعت ليك صوت باب بدق بصوت عاالي وكانو زول عايز يكسر الباب وصوت الجرس م وقف قمت مخلوعه شديد فتحت الباب لقيتو عمار😳 سكراان وحالتو بطاله والساعه كانت12بالليل دفر الباب ودخل قالي بقيتي كيف ي مدلعه وبضحك م رديت لي مشيت منو مسكني من شعري قالي وانا بحكي معاك م تطنشي فااااهمه 😡ودفرني ع السرير بقيت لا بسمع ولا بشوف 😭💔 لحدي الصباح م نمت اخدت لي غفوه كدا لمن قمت لقيتو استحما وهو طالع بتكلم بالتلفون وبضحك سمعتو قال انو خلاص جاهز وطالع ونتلاقه ف الحته الفلانيه وداك ي الهظار وكلام الشماسه داك الحاجه الفهمتها انو كان بتكلم مع نيما القال عنها صحبتو وشكلو ف حاجه بينهم ومتفقين ع شي 💔
يتبع....
