لقينا نيما قاعده ف البيت ولا هاميها شي وجايبه معاها ويسكي وشراب وعفن😵 ومجهزه البيت للحفله مهند جاط فيها ونبزه وقاليها اطلعي من البيت سريع عمار قال لي مهند م دخلك فيها دا بيتي وانا حر في وانا البقرر منو البطلع ومنو البقعد فاهم وبعدين هي غلطت ف شنو كانت عايزه تجهز للحفله بس واخدت اذني وانا الصرحته ليها فاهم😒 مهند زعل شديد اعتذر وطلع وانا بس مصدوومه😵 قلت لي عمار اعمل اي شي بس م تشرب 😰 قالي عامله فيها حالك خايفه علي 😒 م دخلك اشرب اطير اعمل الفي راسي قلت ف قلبي م ح يسمع كلامي اكيد جريت تسنيم ع جنب قلت ليها اسمعيني انتي صحبتو واكيد بتخافي علي صح؟قالت لي طبعا ! قلت ليها بس عايزه منك طلب ابعدي عمار من المشروب والسكر والكحول والمخدرات بس عشان صحتو لانو الدكتور قال اقل شي ح يضيعو وانتي اكيد م بترضيها لي ☹💔 قالت لي طيب بس عشان عمار م عشانك قلت ليها تسلمي☺
مشيت قرفتي قفلتها علي كنت تعبانه شديد وقلت م عندي دخل ف حفلتهم الزفته دي اصلا كل شي فيها حرام😡 اخدت لي دش ولفيت كعكاتي ونمت قلت اتصل لي سموحه صحبتي مشتاقه ليها شديد اتصلت ليها بالله البت هاجت فيني ذي المجنونه😹😹انتي اصلك معفنه وعارفاك ح تنسيني بعد العرس وووو خليته كملت قلت ليها اوووعك تعرسي بعرس كلو تعب قالت لي مالك ي بت المهم ع حسب م مخنوقه😔 حكيت ليها وانا ببكي😭😭 وهي تبكي قالت لي ابدا م ارتحت لي الطويل الشين 😹 قلت ليها م تنبزي ف النهايه راجل اختك☹👋 المهم نبزتو كدا لمن بطلت😹 اصلا شاطره ف الردحي قالت لي عنديي ليك خطه وح تنفعك شديد قلت ليها خيير🙄🙄 قالت لي بكره بتصل ليك وبفهمك ليها قلت ليها تمام
قفلت الخط فجاه باب القرفه دقه فتحت لقيتو عمار قالي اجهزي قلت لي م طالعه قالي اسمعي هنا م تعملي لي حركاتكي اسي انا عزمت اصحابي وقاطعين مسافاات عشان حضرتك م تحرجيني معاهم وخليك زوجه مطيعه😡
بي قلبي قلت لي انت بتعرف حق الزوجه كمان😒 قلت هيي ي ياسمين مالك ومال المشاكل ووجع الراس اطلعي سلمي واعملي رايحه بس قلت لي حاضر قالي شاااطره😘.
لبست لي اسكيرت وتشيرت ححلو ولبست طرحتي وعملت مكياج خفيف وطلعت صحبتو كانت بتعاين لي بي ححرقه بس ولا هببته ليها المعصعصه عمار عرفني ع اصحابو كلهم شي جون وشي برستيج وشي بلاستيك😹😹اسماء اخير عدمه وتعالو شوفو صحباتو والعصعوصه برضو عزمت صحباته كلهم طبعا نس استطايله وفاكين الشعر واللبس الضيق 😖 عمار عرفني عليهم كلهم قالو لي مرتك ححلو🙈 ومهذبه ومحترمه🙈💕 بس هو يتبسم سااي
وصاحبتني ورفيقاته النار ولعت فيهم قامت نادت عمار ومشت بي بعيد اتكلمو مسافه جاتني وحده من صحباته قالت لي طبعا قبل م عمار يسافر كنا عايزين نزوجو لي نيما بس انتي قصيتي ليها
قلت ليها لو عايزه كان اتزوجه بس هو م رفضني ابدا بالعكس حنسني عشان اتزوجو وع فكره م جاب لي سيره صحبتكم دي ابدا☺ البت ملامح وشها اتغيرت😹.
وانا اعجبكم اموت ف المكاوه🙊 بس اتغظت لسه ديل واقفين وبضحو وانا واقفه براي فجاه جا واحد من اصحابو شكلو سوداني اتعرف علي وقال انو طول من السودان بقينا نتونس والولد طلع ظريف جريت الونسه ونسيت عمار نهاي😹 بس فجاه اشوفو ليك واقف وراي لقانه بنضحك قام قال لي عمار نيالك ع مرتك ححلوه ودمها خفيف بالجد حاسدك عليها قالي م عندك اخت بالله بس شرط تكون بتشبهك كدا😉 بس زولي عيونو بقت الشراره وهاج ليك ف الولد
اتاري ف مشاحنات بينهم من زمان والفهمتو انو عمار من زمان بكرهو سمع ليك ود الناس كلام زي السم الولد زعل وطلع ومسكني من يدي شدييد قالي م تنسي انك مرتي واي تصرف تعملي برجع لي قلت لي من قبيل واقف مع العصعوصه دي لي م انتبهته لي اني واقفه براي😡 قالي بتغيري يعني ؟!قلت لي وانت بتغير؟!قالي بطلي حركاتك دي وامشي اقيفي مع البنات قلت لي م واقفه مع اي زفت قالي ولا انا 😉 قلت لي انت شنو يعني😒 قالي راجلك دا م بكفي
قلت لي من متين ي اخوي قالي من اول م شفتك وانتي بقيتي حقتي فهمتي😡 مشيت ولا رديت لي قلت اكيد الولد دا م طبيعي
خلصت الحفله واصبحنا وكان عمار تعبان شديد م صحا المهم اتسوكت واخدت لي دش عملت الشاي وشربت قلت اتصل لي مهند بكون زعلان ترصي علي اتصلت لي واعتذرته لي وقلت لي امسحه لي ف وشي قالي م مشكله المهم انتي كيف واكلتي واوعي يكون سالك قلت لي اطمن بس عمار سمعنا قالي دا شنو قلت لي شنو🙄 قالي من متين مهند بهتم بيك قلت لي من اول يوم جدعتني في وخليتني محتاره بس هو الوحيد الوقف معاي وم حسسني بي الوحده وساندني لحدي م قويت
لدرجه حسيت انو هو راجلي م انت 😒بس فجاه جاني كف طاير لمن طششت وخاتكم😹👋
يتبع....
