.................
വിവാഹം കഴിഞ്ഞ് പതിനൊന്ന് വർഷം കഴിഞ്ഞപ്പോഴാണ് സബീറിന് ഒന്നോടെ നിക്കാഹ് ചെയ്യണമെന്ന് ഒരു പൂതി മനസ്സിൽ കയറിയത്.ഇപ്പോഴുള്ള ബീവി ആയിഷായുടെ മൊഞ്ചൽപ്പം കുറഞ്ഞോന്നൊരു തോന്നൽ.
ആയിഷാ, ഞമ്മളൊരു കാര്യം പറഞ്ഞാൽ അനക്ക് ബേജാറാവോ?
ഇല്ലാ ഇക്ക, പറഞ്ഞോളീ ങള്...!
മ്മടെ കോയേന്റെ മോൻ രണ്ട് കെട്ടി ബീവികളായി സുഖായി കഴിയണ്. അത് കണ്ടപ്പോൾ മ്മക്കും ഒരു പൂതി ഒന്നൂടെ സംബന്ധം ചെയ്താലോന്ന്. അന്റെ മനസ്സിൽ എന്താന്ന് അറിഞ്ഞാൽ കൊള്ളാം.
ഇക്കാ...ങള് കാര്യായിട്ടാ പറയണെ
അതെ ആയിഷ..മ്മടെ കുഞ്ഞിക്കാന്റെ മോൾ ഹസീനയെ നിക്കാഹ് ചെയ്ത് തരാന്ന് എറ്റിട്ടുണ്ട്. അഞ്ച് പെണ്മക്കളല്ലേ. കായ ഇല്ലാത്തോണ്ട് അവർക്കും സമ്മതാന്ന്.
ഇക്കാ...
ഞെട്ടി വിറങ്ങലിച്ച് പോയ ആയിഷ ഒന്നേ വിളിച്ചുള്ളു...എന്നെ ഇഷ്ടല്ലാതായോ ഇക്കാ?
ഇഷ്ടല്ലതാവേ...ഇല്ലെന്റെ ആയിഷ. അവർക്ക് കായ ഇല്ലാത്തോണ്ട് ഇതൊരു പുണ്യമല്ലേ.
എത്ര ലാഘവത്തോടെയാണ് ഇതൊക്കെ ഇക്ക പറയുന്നത്, എങ്ങനെ ഇങ്ങനൊക്കെ പറയാനും ചിന്തിക്കാനും സാധിക്കുന്നു. വേറെ പെൺകുട്ടിയെ നിക്കാഹ് കഴിക്കാൻ പൂതിയുള്ള മനസ്സിലാണോ എന്നോട് സ്നേഹം ???
ആയിഷയുടെ മനസ്സിൽ ചിന്തകൾ പെരുത്ത് കയറി
ഞെട്ടിത്തരിച്ചിരിക്കുന്ന ആയിഷക്ക് ലോകം കീഴ്മേൽ മറിയുന്ന പോലെ തോന്നി. ഖൽബിലൊരു ഇടിമിന്നലേറ്റ പോലെ. സ്വന്തം ബീവിയൊട് ഒന്നൂടെ കെട്ടിക്കോട്ടേന്ന് ചോദിക്കുന്ന ഭർത്താവ്.. ഏതോരു ഭാര്യയും ഒട്ടും കേൾക്കാനിഷ്ടപ്പെടാത്ത കാര്യം.
എന്തു പറയണം എന്നറിയാതെ ആയിഷ ആകെ അസ്വസ്ഥയായി.
ഇത്ര വർഷം ഒരുമിച്ച് കിടന്നിട്ടും ഒരേ വീട്ടിൽ ഒരേ മുറിയിൽ, ആയിഷ ഇയ്യെന്റെ ഖൽബാണ് മൊഞ്ചാണ് മുത്താണ് എന്നൊക്കെ പറഞ്ഞ ഇക്കയാണ് കുറച്ചീസം കഴിയുമ്പോൾ മറ്റൊരുത്തിയുടെ കൂടെ ഇതേ വീട്ടിൽ ഈ മുറിയിൽ കിടക്കാൻ പോണത് .
പടച്ചോനെ ഞാൻ ഇതെങ്ങനെ സഹിക്കും. ആയിഷയുടെ മനസ്സ് നീറാൻ തുടങ്ങി...
YOU ARE READING
Short stories😊😍😍
Short Storyshort stories. picturs, quotes etc etc.... from whtsapp facebook.. ചുമ്മാ ഒരു രസം ഒന്നും ente സൃഷ്ടികൾ അല്ലാട്ടോ എല്ലാം എനിക്ക് കിട്ടുന്നവ ആണ്.. പിന്നീട് വായിക്കാൻ തോനിയാൽ evde vannu വായിച്ചാൽ മതിയല്ലോ... അതിനുവേണ്ടി സേവ് ചെയ്യുന്നതാണ്.. നിങ...