Tama ba simulan ko sa Salitang Masaya? Oh sa salitang malungkot?
Teka Mali, Sa salitang kalokohan nalang Kaya? oh mas tamang simulan ko sa salitang kaibigan?
Oo tama kaibigan!
Ang sarap sa pakiramdam na may tinatawag kang kaibigan.
Kaibigang kasama sa saya lungkot,kalokohan
Kaibigang Hindi maiwasang dumating sa buhay ko.
Buhay kong napuno ng kulay ng dumating ka,
Mula ng dumating kayo Sa bawat kanto Ay may kwento walang pakealam kung Hindi totoo,
Dahil ang ating pag kakaibigan na binuo ay
Pinuno ng Libre ng tawa,
Bidang yabang sa tuwing magkakasama ,
Sama sama sa layaw ang bawat isa,
Dahil ang kaibigang binuo ay Sinabing walang iwanan.
San man mapad pad
Ngiti Bakat,
Bakit ang salitang tinuran ay Hindi alam kung saan na napad pad.
Oo lumipad ang mga salitang binitawan
Ang lapad ng ngiti sa mga labi ay nawalan nang saysay.
Dahil ang kasaysayang
Mga kamay na mag kakahawak ay bumitaw,
Oo nawala na parang bula,
Pero Hindi ako manghuhula para malaman ang dahilan.
Bakit?
Pumatak man ang luha mula sa aking mga mata,
Matatag akong mag hihintay
Dahil ang samahang binuo,
Tiwalang natamo sa bawat isa,
Kaisa ko kayo sa saya, lungkot at pag kakamali sa buhay ko,
Buhay kung nabuo Dahil sainyo
Nakumpleto ang ngiti Ko,Kaya kaibigan
Alam ko na Ang nawasak na samahan
Wala mang paalam ng nawala kayo,
Hindi man alam kung ano ang dahilan
Umaasa akong kayo ay babalik.
Oo babalik ang bawat isa dahil ang samahang nabuo ay
May halong
Pag mamahal,
Pag mamahal bilang kapatid kaibigan at pamilya.
Kaya kaibigan ito ang sasabihin ko.
Walang paalam kayong dumating walang paalam kayong umalis, Alam ko sa parehong paraan ang inyong Pag dating ay gaya din ng inyong Pag balik.
Yaan ang paasang pinang hahawakan ko
Na panghawakan nyo din,
Wala akong galit na itinanim
Na aanihin ko sa pagsating ng inyong pag babalik.
Dahil,bukas ang pinto ng puso ko sa inyong
Pag babalik kaibigan.
