في مكان في القاهره في بيت فقير
سميه:انتي يا زفته تعالي هنا
جودا في نفسها:هنبتدي بئه الاسطوانه المشروخه بتاعت كل يوم
جودا:ايوه يا مدام سميه جايه
سميه:مش قولتلك تنظفي اوضتي منظفتهاش ليه
جوداوانتي معندكيش ايد ورجل ولا هما اتشلو
سميه:بتردي عليا يا قليلة الربايه
:جوداجري ايه ما تردحيلي احسن ده انتي حيالا مرات ابويا مش خدامتك انا
سميه:بقولك ايه روحي نظفي اوضتي من سكات والا وديني لاتصل بالبوليس اخيلهم يطردوكي والشقه باسمي
جودا :بجد انا مش عارفه ابويا اتجوزك علي ايه
سميه:بتقولي ايه يا بت انتي
جودا:مبقولش طالعه انظف الاوضه
جودا وهيا طالعه :الاهي تتشل اديكي وتنقطع رجليكي وودانك تطرش وبؤك يتخرس وعنيكي تتفقع قادر يا كريم
وطلعت تنظف الاوضه
في مكان تاني في احدي الدسكوهات
طارق:يا عم زهقتني ساعه وانت قاعد ساكت مش عوايدك هتتكلم ولا اقوم
جلال:قوم
طارق:لا قاعد قول فيك ايه
:جلال انا خايف هايدي تضيع مني
طارق باستغراب:ليه انتو اتخانقتو
جلال :لا لكن ابويا الايام دي متغير بئه يلح عليا كتير اشتغل معاه وسعات الاقيه بيدبسني في موعد جواز وانهارده سمعته انه مخلي حد يراقبني
طارق:ليه حق
جلال بعصبيه:يووو نقصاك انت كمان
طارق:يابني مانت طول مانت مقضيها في الدسكوهات ومع البنات هيفضل يراقبك ويعمل فيك اكتر من كده كمان
جلال :انا هلف شويه بالعربيه وبعديها اروح
طارق:طب استني هاجي معاك
جلال:لا عايز اكون لوحدي
طارق:طب هات عشره جنيه
جلال باستغراب:ليه
طارق:اصلي معيش حق التاكسي
جلال :لا يا شيخ
وراح اداله عشره جنيه وخرج
عند جودا خلصت تنظيف الاوضه وراحت لاوضتها وسمعت موبايلها بيرن
جودا :الووو
هند:تحبي تتشتمي ولا ادعي عليكي
جودا:ليه
هند:ساعه ونص وانا اتصل وانتي مبترديش
جودا :كنت بنظف اوضة امنا الغولا
هند:اومال لازمة الكارتيه الي انتي اخدتي فيه جوايز ايه انت بس اديها بوكس وهيا تخاف منك
جودا :اه صح عشان هيا تطلبلي البوليس وتطردني من البيت
هند:خلاص خلينا نقفل علي السيره دي اخبارك ايه
جودا:الحمد الله تمام وانتي
هند:الحمد الله تمام مفيش اخبار جديده عن باباكي
جودا بحزن:لسه في غيبوبه
هند:لا حول ولا قوة الا بالله ان شاء الله يبئه كويس ويكون زي الفل
جودا :يا رب لكن انتي دايمن بتتصلي عليا بدري ايه الي مخليكي تتصلي متاخر كده
هند:جبتلك الحل لكل مشاكلك
جودا بدون فهم:ازاي
هند:لقيتلك وظيفه بمرتب كبير اوي في شركه كبيره محتاجين فيها لمترجمة الماني
جودا باحباط:وهما هيشغلوني انا
هند:وليه لاء
:جودا شركه كبيره يعني اكيد مبتقبلش غير بالوسايط
هند:يا بنتي روحي هتخسري ايه مش احسن ما مرات ابوكي بتذل فيكي ليل ونهار وبتاكلي طول النهار بيض وجبنه بسبب بخلها وتعد تاكل عيالها لحمه
جودا بتفكير:ماشي اديني العنوان
هند:العنوان.....
جودا :اوك يلا بئه تصبحي علي خير عشان الحق اروح بكرا
في مكان تاني في فيلا فخمه كان ينتظره وهوا بداخله عضب شديد
دخل جلال الفيلا
فريد:لسه بدري ما كنت تيجي الساعه 4 احسن
جلال :بابا انا تعبان تصبح علي خير
فريد:استني عندك لما اكلمك متمشيش وتسمعني
جلال بملل:ايوه يا بابا
فريد:اعمل حسابك هتيجي معايا بكرا الشغل
جلال بعصبيه:يا بابا انا مليش في شغلك ده
فريد:لكن ليك في الدسكوهات والتفاهات مش كده
جلال:يا بابا انا
قاطعه ابوه:انتهي الكلام بكرا هتصحي بدري تيجي معايا الشغل
ذهب جلال وهوا في قمة غضبه فهوا يكره ان يجبره احد علي شئ
تاني يوم الصبح صحيت جودا الساعه سته كانت متشوقه جدا تروح الشركه الي صحبتها قالتلها عليها لبست واتجهزت وقبل ما تخرج
نور:انتي خارجه
:جوداايوه
نور:رايحه فين
جودا:وانتي مالك
نور:لا يا حبيبتي كلميني عدل ولا اندهلك ماما تشوف شغلها معاكي
غضبت جودا لدرجه كبيره راحت مسكت ايد نور ولوتها ورا ظهرها
جودا :يلا نادي مامتكك ووريني هعمل فيكي ايه
نور:ااااه ايدي اوعي
تركتها جودا فا جودارغم براعتها في الكارتيه الا انها لا تحب استخدامها الا في الدفاع عن النفس فقط ملحوظه نور تكون اخت جودا الكبري
في مكان تاني كان جلال نائم فا دخلت عليه الخادمه وصبت عليه كوب ماء بارد
جلال بفزع:اااااااااه انتي اتهبلتي ولا ايه
الخادمه:اسفه دي اوامر الاستاذ فريد
جلال قام بغضب كانت الساعه السادسه والنصف لبس واتجهز ونزل ليفطر مع ابو
جلال :انا خلصت فطار
فريد:طب يلا بينا علي الشغل ولو فكرت تزوغ من الشغل هجيبلك بودي جارد
جلال في نفسه هيا وصلت لكده ماشي راحو الشغل وجلس علي علي مكتبه بملل ففتح هاتفه ليلعب به وهوا بداخله يشعر بالقلق خائف من ان لا يقبل اباه بحبيبته هايدي لان ابوه لا يثق في اختياره حتي لو كانت صائبن
في هذا الوقت دخلت جودا علي السكرتير
جودا:صباح الخير
السكرتير:صباح النو.. ولم يكمل جملته فا لقد راي امامه فتاه جميله وجهها طفولي طبيعي به عفويه ونشاط كانت فتاه جذاب
جودا يا فندم حضرتك معايا
السكرتير:هااا اه معاكي
جودا :انا كنت جايه اقدم لوظيفة مترجمه
السكرتير بغزل:القمر الي زيك يشتغل اميره او ملكه
جودا باستغراب:نعم
السكرتير :بقولك ايه ده رقمي يعني لو قلبك شورك تتصلي بيا وتحتاجي اي حاجه
مزقت جودا الكارت الذي عطاها لها السكرتير
جودا انت قليل الادب باين عليك
السكرتير بعصبيه:مالك داخله فيا شمال كده متنكه علي ايه يا بت انتي ما تتلمي
جودا بعصبيه:اتلم!!! طيب وراحت عطته بوكس ومن قوة البوكس نزف انف السكرتير في هذا الوقت سمع جلال صوت خارج المكتب فا خرج وانصدم من الذي راه السكرتير الخاص به واقع علي الارض
جلال:ايه الي عمل فيك كده فا كل الموظفين ناظرالى جودا
جلال:انتي الي عملتي فيه كده
جودا:ايوه
جلال بعصبيه:ليه
جودا:ابئه اساله
ولم تعطيه اي فرصه وذهبت
في هذا الوقت خطرت فكره ع بال جلال فا جري ورائها
جلال استني
جودا وكانها لم تسمعه فا امسك علي بذراعها
فا ناظرته جودا بعصبيه فابعد يده بسرعه
جلال:ممكن نتكلم
جودا:لاء
جلال:بعد اذنك
جودا:بس تلخص
جلال تعالي نقعد في الكافتيريا الي جمب الشركه وبالفعل ذهبو الاثنين
جودا:ها عايز ايه
جلال:انتي ازاي ضربتيه بالقوه دي
جودا:وانت مالك
جلال:يا بنتي براحه عليا شويه
جودا:انا كنت جايه اقدم للشركه كمترجمه والسكرتير عاكسني فا ضربته
جلال:انتي من عيله فقيره صح
جودا باستغراب:عرفت ازاي
جلال:من لبسك بصي لنفسك لبسك ده اتلغي من القرن العشرين
جودا:اه انت جاي تعايرني بئه
جلال :بالعكس انا جاي اساعدك
جودا مش فاهمه
جلال:بصي انا في واحده بحبها جدا وعارف ان ابويا هيرفضها
جودا:وليه هيرفضها
جلال:عشان هوا شايفني صايع ومبيثقش في اختياري لدرجة انه عايز يجوزني علي مزاجه
جودا:طب وانا مالي بكل ده
جلال:ايه رايك تبئي البودي جارد بتاعتي
جودا فتحت عيناها علي اخرها:نعععععععم
جلال:انا هديكي سبع الاف جنيه مقابل انك تكوني البودي جارد بتاعتي
جودا طب وده ازاي هياسعدك انك تنجوزحبيبتك
علي:انا عارف ابويا كويس هيجي من ورايا ويسالك عني بروح فبن وبعمل ايه فا عايزك تقوليله اني اتغيرت واني بئيت ماشي علي السراط المستقيم عشان يحل عني واعرف اتجوز هايدي
جودا:ايه التفاهه الي انت فيها دي
جلال :دي مش تفاهه انا لما جيت قولتله ان في واحده بحبها وعايز اتجوزها رفض حتي من قبل ما يعرف اسمها هايدي بقالها خمس سنين وهيا معايا مش عارفين نتجوز والحل الوحيد ان ابويا يصدق اني بئيت كويس عشان كده عايزك تقوليله انا اد ايه بئيت كويس وبشتغل كويس في شركته لحد ما اتجوز وانا هديلك سبع الاف جنيه
جودا:لاء لا يمكن اعمل كده
جلال :فكري كويس انتي شكلك لسه صغيره واكيد مفيش شئ هيجبرك تشتغلي في السن ده الا اذا انتي محتاجه فلوس وده الكارت بتاعي فكري علي مهلك وراح سابها ومشي وهيا غرقانه في حيرتها
ايه رئبكم اكمل ولالا
