((( مَلَأّګيِّ أّلَحٌأّرَّس )))

البارت الثاني

فارس. اخذت طالبات جيرانه وبديت اوديهم واجيبهم في سبيل اشوفها واخليها تجي ويانا بالخط واتقصد افوت من يم بيتهم ومرة شفناها تمشي كلت للبنات صيحوها خطية وكفنالها بلكوة قبلت تصعد من شافتني ارتبكت
.نرجس. جنت امشي كالعادة وبطريق وكفت سيارة اني خفت بس اشو طالبة ويايه طلعت راسها وطلبت مني يوصلوني اني فرحت لان تعبت من المشي من صعدت شفت نفس الشاب الضخم ارتبكت شنو هاي الصدفة
فارس.  اذا تحبين تعالي ويانا بعد المسافة طويلة من بيتكم للمدرسة والباصات هم شغلة متعبة
.نرجس. ارتبكت واصلا ماجاوبت جنت حيل خوافه وجبانة نزلنا ورحت للمدرسة كمت افكر بهذا الولد شافوني البنات الي بالسيارة وكالو ها ماتجين ويانه بلسيارة تره خوش ولد حباب هو جيرانه وياخذ اجر رخيص مو غالي تعالي احسنلج كتلهم اكول لاهلي وانطيكم خبر
رحعت للبيت وحجيت ويه ابويه كتله يابا تره اني تعبت من المشي يومية رايحة جاية رجلي ورمت والباصات مااحب اروح بيها صديقاتي لازمات سايق ورخيص يوديهم ليش ماروح وياهم ..وبعدني احجي اشوف مرة ابويه اجت وكالت -- خاتونة شنو سالفتج شفتي ابوج كاعد على مصرف مرة دروس خصوصية ومرة سايق صوجك عيني ابو محمد انطيتها وجه بطلها تكعد بلبيت اصرفلك اني كبل كمت ابجي وكلت ماريد يابه بس لاتبطلني ورحت للغرفة كمت ابجي وينج يمه رحتي وعفتيني اشو بليل اجه ابوية صاحلي نرجس سويلي جاي وتعالي سويت ورحت ها يابه كال من باجر تروحين ويه السايق وادبرلج عود بنهاية الشهر الفلوس فرحت بست ايده ورحت طلعت بوجهي العقربة - ها خاتونة سويتي الي ابالج اشوف شراح اطلعين كليه عشتووو بنات اخر زمن ... مادرتلها بال كمت مااهتم بكلامها لان تعودت عالمغثة مالتها يومية ...ثاني يوم رحت اتمشى شفتهم وكفولي وصعدت وكتلهم بعد راح اجي وياكم
فارس--- اهلا بيج بالمناسبة اني اسمي فارس وايشي تحتاجين اني موجود واذا تريدين انطيج رقمي حتى اتصل بيج قبل لا نوصل البيت او من تاخذين اجازة
نرجس--- لا مايحتاج اطلع للباب انتظركم قبل لاتوصلون واصلا ماعندي موبايل
فارس-- ها اي اوكي ياصف انتي ؟؟
نرجس-- سادس علمي
فارس-- ممم خطية الله يساعدج السادس يسوي اكتئاب
نرجس وبهمس اي صح الحمدالله على كل حال
فارس-- شونج ويه الدروس شنو اصعب درس عندج ؟؟
نرجس-- الحمدالله بس الكيمياء موتتني حيل صعبة
فارس-- مممم صح والله اكيد عندج مدرس خصوصي اذا تريدين اني اوديج للمدرس عادي ماعندي اشكال
نرجس-- لا ماعندي ولا مدرس
فارس-- اهااا لعد اكيد شاطرة لهذا ماتحتاجين ....يله ان شاءالله بالتوفيق ومعدل عالي
نرجس --- شكرا
...وصلنا للمدرسة واني كاعدة افكر اول مرة انتبه على شكله حلو ورجولي واول مرة واحد يسئلني على دروسي لان اهلي محد بحالي ومايوم سئلو عليه بعدين كلت خلي اسكت اني مو مال حب وهيج سوالف .... وعادي مرت ايام واجت ايام واحنه نتبادل النظرات ومرات نحجي شوية عالسادس وحجالي هو شون طلع من السادس جان كلامه يشجعني وارتاح هواية من احجي وياه انعجبت بيه بس جنت اخاف اشيل عيني بعينه
فارس... كمت يومية قبل لا اروح للشغل اوصلها للمدرسة واكحل عيني بشوفتها خو اني بس اتقصد اخليها تبتسم حتى اشوف غمازتها يمه فدوة صدقة ربي شكد احبها احسها مثل بنتي خايف عليها من نسمة الهوا اعشق عيونها وبراءتها وهدوءها بس احس اكو وره هالعيون حزن وغصة يومية احاول افتح موضوع حتى احجي وياها وصار راس الشهر الصبح البنات دفعو وهي كالت ميخالف باجر اجيب كتلها يمعودة اذا ماتجيبين هم عادي كالت لا باجر كتلها براحتج
.نرجس. صار راس الشهر وكلت لبابا انطيني فلوس السايق كال ماعندي بطلي منه واشوف مرته واكفة ورا وتضحك كتله يابه ابطل بس هذا الشهر عيب لازم انطي كال ماعندي شبيج ماتفهمين كمت ابجي رحت ياربي شسوي منين اجيب فلوس شورطت نفسي اني شون مصيبة اتخبلت خجلت حيل رحت وياهم الصبح البنات دفعو واني لا الظهر من رجعنه نزل البنات مثل يومية وبقيت بس وحدي كتله اريد ابطل من السيارة وفلوس هذا الشهر راح ادزلك ويه البنات عن قريب ماشي
☺--- ليش يمعودة شصار ضوجتج بشي
😇-- لا لا ابد بس بعد ماريد ارجع امشي احسن
☺--- اذا على الفلوس مايحتاج تدفعين
.نرجس . من كال هيج بعد ماسيطرت على نفسي انفجرت دموعي اريد اوكف بجي ماكو خطية هو وكف السيارة كبل وكال -- شبيج نرجس شكو شصاير فهميني مو قصدي اضوجج اترجاج لاتبجين كولي شكو
😇-- ماكو شي عفية وصلني عالبيت
☺-- اوصلج حبيبي  بس لاتبجين فدوة اروحلج مااتحمل اشوف دموعج
.نرجس . من سمعت كال حبيبي اتبسمرت بمكاني الدموع وكفت كبل كتله عفية وصلني بسرعة للبيت
فارس-- اسف اسف ماعرف شون طلعت كلمة حبيبي مو قصدي هسه اوصلج بس لاتبجين بس لو تفهميني شكو مو كلبي انشلع
نرجس.. 😢😢😢😢 اكولك عفية سامحني والله مو قصدي شوف بس اتخرج واتعين انطيك هاي 30 الف وعد دين واني ابجي واحجي
فارس وبغضب -- بابا يافلوس شبيج فهميني