((( مَلَأّګيِّ أّلَحٌأّرَّس )))

البارت السابع

البارت السابع
       ((( مَلَأّګيِّ أّلَحٌأّرَّس )))
😇مَلَأّګ أّلَأّحٌمَدِ😇
طلع الصبح كمت غسلت وجهي وبدلت وطلعت اجه فارس صعدت وسلمت باوع عليه انصدم هم عيوني وارمات من البجي وهم اثار ضرب يبين اتهستر فقد اعصابه ولج منو هيج سوالج كولي والله الا امحي من الارض كولي احجي منو مد ايده عليج
-- فارس فدوووة امشي ونصي صوتك لاتفضحنه بس خلينه نبتعد عن البيت واحجيلك بس امشي بقيت اتوسل بيه واهدي بيه بس هو جان فااقد كل شوية ويكول انزل اكتل ابوج بلكوة هديته ومشينه وحجيتله شصار بالزليد اتخبل كال يعني شنو لاتخبليني راح يزوجوج جاوبي والله افخخ بيتكم كلكم شجاي تحجين انتي ولج اقتل الي يفكر يلمسج مو انوب ياخذوج مني افتهمتي واني حايرة ماعرف شاكوله كلت والحل شسوي ساعدني كال انهزمي من البيت كتله مستحيل اني مامسوية غلط واذا لكوني يذبحوني كبل الكه غير حل وبعدين والله اني تعبت وره شهر امتحاناتي وراح تخسروني كلشي
-- طبعا هو هذا همج امتحاناتج هسه راح تعطلون واني بعد ماشوفج واخاف يزوجوج بلعطلة ولج شسوي كولي
-- حبيبي والله احبك بس انت حبيبي الي راح اتزوجه شوف راح اقنع ابويه يأجل الموضوع وره ماخلص امتحانات وبهالفترة احاول اقنع زيد اني ماريده وخلي يخطب زينب هي تحبه والله كريم --- اولا ماريدج تحجين ويه زيد وثانيا اذا ماوافق شون لاتخبليني خلي اجي احجي ويه ابوج
--اترجاك اسمعني خليني احاول هاي المرة لخاطري
وبقيت اقنع بيه متت لحد ماقتنع ورحت للمدرسة وجنت متأخرة طبعا وكملت ورجعت للبيت انتظرت جية ابوية من الشغل سمعت صوته نزلت ركض ها يابه الله يساعدك
-- خيرج يانرجسة كولي
-- يابه اكعد ارتاح واصبلك غدة واريدك بكلمتين
-- مو جنها كثرت طلباتج
-- يابه هذا اخر طلب
-- يله روحي صبي غدة وتعلي
رحت صبيتله غدة وكعدت يمه
-- يابه ترضى تعب سنيني كله يروح بلحظة اترجاك سد موضوع الزواج هسه بس لحد ماتخلص الامتحانات وبعدها عساك تذبحني مايهمني اني وعدت امي اكمل مدرسة وهذا الوعد لازم انفذه يابه لاتشغلون بالي بالزواج وبعدين اختي نور وزينب موجودات وماعدهم مدارس زوجهم اني تعبت بالدراسة خليني اكملها الله يخليك
شو ابويه صفن وكال يصير خير يله روحي لدراستج كتله اي يابه صار رحت مددت عالجرباية مالتي وادعي ابويه يقبل بعدين كمت اقرا وماحس بنفسي الا غافية وماخذني النوم بس فزيت على صوت نور تكعد بيه دكول زيد اجه وديحجي ويه ابويه كتلها روحي اسمعي شيكولون راحت اني هم كمت غسلت وجهي ورحت يمها كتلها ها ولج شديحجون
---غريبة انصدمت ابوية يكوله اجل الموضوع وره الامتحانات وهو يتوسل بيه يكوله بس عقد ابويه كال هي الك بس انتظر وره الامتحانات فرحت هوواية وكمنا نركص اني ونور ونكمز فرحانين اجتي فضيلة علينا
-- ها ولجن شنو المفرحجن ليش تركصون
-- وانتي شنوو دخلج اني واختي فرحانات
نزلت جوا شافت زيد ضايج وكاللها كالت اكيد هاي الحية هيج قرت براسه يله اصبر مابقه شي وبلكي تغير رأيك منا لوكتها هههه
.نرجس. فرحت فارس بس هو بقه قلق وبدت الامتحانات النهائية وانشغلت حيل حتى ماجنت احجي ويه فارس مكضيتها قراية  وجاوبت كلهم زين جنت اجتهد بالامتحان حتى انجح وافرح فارس لان هو ساعدني حيل هو الي وكفني على حيلي من جديد وهو بقه بحبه الي وزاد ما قل وزيد شكد حاولت ابينله اني مامهتمة بيه  حتى مااسلم عليه وكل مايجي زينب تترتب وتبدل وتكعد كباله بس هو مايفيد يوم عن يوم يصر اكثر عليه كملت الامتحانات وجان حيل صعب اودع فارس لان عطلة وماراح اكدر اشوفه بعد
-- اوعديني نرجستي مارح تصيرين لغيري اوعديني  راح توفيلي وبس ؛- اوعدك حبيبي ماصير لغيرك ابد انت دنيتي كلها -- نرجستي كولي احبك كولي -- احبك احبك احبك --- ولج اخ ياكلبي شكد عذبتيني شوكت تصيرين مرتي وارتاح شوكت تباتين على هذا الصدر --فارس -- اشتعلو اهله لفارس كولي -- هههه هيج بس احبك زين انت ليش تحبني واني شالعة كلبك هيج -- ولج اخ منج ليش اني اعرف ليش احبج
-- فارس --عيونه كولي ؛- غنيلي بصوتك وداعت امي احب اسمعها من صوتك حبيبي -- ههههه ماتملين من هاي الاغنية --  لا ماامل ابد
كضينه هالساعات سوا وجان يغنيلي ويبوس ايدي وبعدين وصلني للبيت ونزلت فرحانة لان خلصت السنة وخلصت القراية وضايجة لان بعد ماشوف فارس وخايفة لان اخاف ابوية يفتح موضوع زيد المهم اتعشيت ونمت كعدت الصبح استلمتني فضيلة خاتونة خلصتي امتحانات هسه بلازحمة عليج شرفينه بالمطبخ بعد هذا مكانج مدرستج وخلصت والله الا اطلع قهري بيج كلت استغفر الله اصبخنا واصبح الملك لله بقت هاليومين شغل البيت كله عليه وصار بصعوبة احجي ويه فارس بلبوكات اروح اخابره واضم الموبايل وارجع اشتغل صبيت غدة وغسلت المواعين جان الباب يندك رحت فتحت شفت مرة جبيرة كالت سلام عليكم كتلها هلا اتفضلي حجية كالت بنيتي انتي نرجس كتلها اي حجية اني تفضلي ردت اني ام فارس اهلج موجودين .اتبسمرت بمكاني جمدت كلت ها اي اي وجان تصيح فضيلة ولج منو عالباب .