((( مَلَأّګيِّ أّلَحٌأّرَّس )))

البارت الثامن

سلمت فضيلة عليها ودخلتها وكالت روحي جيبي مي للحجية واني انصدمت لان فارس ماكالي راح يدز امه وديت ماي ورجعت ختلت ورا الباب واسمع الحجية كالت اني ام فارس جيتكم مرة وانشاءالله ماتردوني هالمرة كلتو بتكم انخطبت بس سمعنا مامخطوبة وردينا خطابة الها ان شاءالله ماتردونا
بهالاثناء اني ميتة خوف وواكفة اسمع شفت واحد عاط بيه ولج نرجس على شنو تتسمعين شفت ابوية متت مابقه دم بجسمي وريكي نشف كلت ها يابه ماكو شي فتح الباب وفات جوا
الحجية- هلا بابو محمد شلونك خي
-- الحمدالله هلا زارتنا البركة
فضيلة-- ابو محمد هاي جارتنا ام فارس جاية على نفس طلبها القديم وتريد نرجس
-- هلا بيها بس كتلج نرجس انخطبت
--مو سمعنا مامخطوبة
--منين سمعتو وبعدين كولي ابنج منين يعرفها لبنتي وليش هلكد متمسك بيها كولي اكو شي ماعرفه اني منين شافها
-- ها لا لا ماكو شي بس ابني جان يوصلها لبنتك ويه الطالبات للمدرسة
--- بس بنتي بطلت من بداية السنة المهم والله يا ام فارس اتشرف بيكم بس ماعندي بنت للزواج هاي منطيها لولد كرايبي ومنطيه كلمة ومايصير اتراجع باجر ادز عليه يعقد عليها
-- ها ... يصير خير ابو محمد اسفة ازعجتكم مع السلامة اترخص
.نرجس. ماعرف شصار بيه اريد ابجي بس ماكدر احس راح اختنك وانوب من كامت كبل انهزمت للغرفة وقفلت الباب وابجي بحركة احس كلبي راح يطلع من مكانة ويوجعني ماشوف غير  وابوية يضرب بلباب دفرات فتحي بنت الكلب اني اعلمج هاي الي جبتي من المدارس ولج منين يعرفج هذا الولد فتحي لا اكسره واني اصيح يابه فدوة ماعرفه بس عوفني وهو ولا يفيد يضرب بلباب جان ينكسر ودخل ابوية وبيده حزام وبده يضرب بيه واني اصيح عوفني حرام عليك يمه لحكيني والكل جان يصيح بس الي يقترب ابويه هم يكتله الا ان فقدت وبعد ماتذكر شصار
.فارس. شفت نرجس جبانة وخوافة كلت لازم اتصرف دزيت امي مرة ثانية عليهم بس من رجعت كالت يمه وليدي اني بعد ذاك البيت لو اموت ماروحلهم كافي وليدي انسه البنية مخطوبة الله يستر عليها شايلة جمال بس ماعدكم قسمة سوا اعقل وخليني اخطبلك سهى بنت عمك تره عمك فضله جبير علينه طبعا ولا سمعتها وطلعت سريع بسيارتي رحت يم بيتهم كلت اروح اخذها بالغصب شفت تكسي واكفة بلباب واثنين نسوان شايلين نرجس وصعدوها بالتكسي وطلعو رحت وراهم نزلو بالمستشفى اتخبلت رحت وراهم شفت نرجس اتخبلت فاقدة ومغمي عليها وملابسها دم وشكلها وجسمها مزورك ماعرف شصار بيه حسيت رجلي ماتشيلني بعد اريد اوكف ماكو دخلوها للطوارئ وبدو يعالجوها واني بس اباوع ووحدة من الي وياها جانت بس تبجي عرفت هاي اختها نور والثانية بس واكفة وتباوع كلت هاي اكيد مرة ابوها شفت صديق الي هناك سلمت عليه كلي خير شبيك شو ترجف ووجهك اصفر كتله يمعودة رايدك بشغلة وحجيتله وكتله اريد اطلع هالنسوان بره حتى اني اكدر ابقه يمها كال ولايهمك راح طلعهم انقهرت على اختها لان جانت تتوسل حتى تبقه بس ماقبل فتت يمها كلبي يوجعني كامت صحت بس تصيح يمه وينج يمه لحكيني كمت ابجي كتلها نرجستي يابعد بيتي وهلي  وعشيرتي ولج اني امج وابوج اني كلشي الج كون انكسرت ايدهم كون الوجع بيه ولابيج بس كومي وفتحي عيونج اريد اشوفهن واشبع بيهن الممرض كال لازم نخيط ايدها خليها تصحى كعدها هاي كامت تبجي وتصيح فارس ماريد عفية عوفوني والله موجوعة واني احاول اهدي بيها حضنتها كل قوتي كلت حبيبي لازم تتحملين اني يمج ماعوفج بدا الممرض يخيط وهي تحضن بيه قوي وتبجي كلبي خلص اتمنيت اخذ الوجع مالتها راسي راد ينفجر كلت لازم اكتل ابوها من خلص الخياط اغمى عليها شلتها وخليتها بغرفة خاصة واجوي خللولها مغذي وانطوها مسكن وطلبت من صديقي محد يدخل من اهلها وطلعت برا انقهرت على اختها جانت بس تبجي كلت لصديقي روح صيح بس اختها راح صاحها كال تعاي اختج تريدج اجت تركض دخلت للغرفة كلت انت منو كتلها اني فارس كالت هاي انت شكرا لانك خليتهم يهتمون بيها وجبتها لهاي الغرفة بس اخاف ابوية يجي ويشوفك كتلها ليش منو كلج راح يجي اني راح اشتكي عليه واذبه بالسجن كامت تبجي وكالت عفية عوف اختي بحالها شوف شصار بيها من وراك مانريد مشاكل كتلها ماعوفها الا على جثتي وبعدين كعدت نرجس وحضنت اختها وكامن يبجن طلعت عفتهم وحدهم ياخذون راحتهم