((( مَلَأّګيِّ أّلَحٌأّرَّس )))

البارت الخامس

.نرجس. مرت ايام واني داعيش ايام مثل العسل ويه حبيبي كمت اعشقه مدللني دلال مو طبيعي الشي قبل لا اتمناه يسويلي اياه ومستواي الدراسي صار كلش زين فديوم طلعنه من المدرسة من وكت خابرت فارس واجه كال ظهر ووكت غدة شنو رأيج اعزمج على مطعم نتغده وارجعج اني استحيت حيل لان اذا اكوله مارايحة بحياتي مطعم اخاف مايصدكني كتله اخاف احد يشوفنه كال محد يشوفج دامشي راح اموت من الجوع اتذكرت مرة ابوية الله الي يعلم شطابخة تاخذ الزين هي وجهالها وتبقيلنا الموزين كلت يله فرصة اجرب اكل المطاعم كتله اوكي فرح ورحنا وكف السيارة يم مطعم كلللش حلو راقي واول ماتفوتين ونادل يرحب بيج والثاني يسحبلج كرسي والثالث يقدم مي وعصير انصدمت جنت مامصدكة اشكد جنت احاول ماابين انو اني اول مرة اجي للمطعم ماكدرت اخفي الدهشة والاعجاب بالمكان المهم جابو انواع واشكال من شوربات ومقبلات وكباب وقوزي اتخبلت اكل وماشبع هههههه اكلت مال شهر كامل بس خجلت من شفت فارس شون يباوعلي وكلت بيني وبين نفسي هذا ليش يحبني مليون وحدة تتمناه المهم شبعت فوووول كال فارس -- هاحبيبي شبعتي عجبج الاكل والمكان
-- اي طبعا عجبني اصلا يخبل وحلو كلش شكرا شكرا 😊😊😊😊
-- بلعافية على كلبج حبيبتي اذا تريدين يومية اجيبج
--- لالالا مايحتاج اصلا بعد شهر مااكل ههههه لان هواية اكلت
.فارس.. اخذت نرجس للمطعم جانت فرحانة حيل انقهرت عليها كلت شنو ذنبها ابوها هيج مسوي بيهم ومتزوج وحدة شريرة جنت اراقبها من تاكل بمكن بحياتها مامتلذذة باكل الله يعلم هاي مرة ابوها شتوكلهم المهم خلصنا وطلعنا ووصلتها للبيت وكالعادة يومية اوديها واجيبها وصار العلاقتنه فترة وابد مايوم اتعاركنا اتعلقت بيها وهي هم هواية اتعلقت بيه جنت انتظر هاي ال كم يوم وتصير امتحانات النهائية  حتى اخطبها ونتزوج
.نرجس. فارس مو كل مرة تسمعني اغاني اليوم اني اريد اسمعك
-- اطربيني يله
عايشه حالة حب معاك واخداني
وصعب انها تتكرر تاني
وبعيشها لو انت بعيد او قدامي
واخيرا الايام رضيو عليا
اخيرا جه يا حبيبي يوم ليا
ارتاح من قسوة ايامي

سيبني اسرح فيك شويه .. وانسي ايام ضاعو مني
نفسي عمري يعدي بيا وانت بعينيك دول حاضني
وانا جنبك شايفه منك حاجه من ريحة ابويا
حب الدنيا دي جواك ومعاك .. شايفه حنية أخويا
وانت هنا معايا .. بدعي من جوايا
تجمعني الايام بيك
كل يوم بينك وبيني .. مش هيبقي يوم وعدى
بكره يجي وتلاقيني .. نفس احساس النهارده
من هنا ورايح سنيني .. ناويه اعيشهالك بحالها
وانا صعب سنيني فى يوم تتعاش ..
غير لإنسان يستاهلها
وانت هنا معايا .. بدعي من جوايا
تجمعني الايام بيك .. ربنا يقبل دعايا
.فارس. الله حبيبي حلوة مثلج
.نرجس.داعيش بحلم بس صاحتني منه مرة ابوية كالت نرجس تعاي سديته ونزلت شفت جاينا خطار بيت اختها وهوسة واختي خطية بالمطبخ ماتلحك نزلت بيه العقربة دوسة ونص ولج ساعدي اختج يله حتى نلحك نصب عشه كلت اي اي قابل منو جاي وزير كالت احترمي نفسج ذوله يشرفوج يالعوبة اني عفتها وكمت اشتغل سوينه عشه واني بكلبي اكل تاكلون سم انشاءالله رحت صبيت العشه وبناتها كاعدات شقه وضحك ويه ولد خالتهم واني واختي عبالك خدم وجان اكو ولد وياهم شايف نفسه ونافخ روحه بس يباوع عليه ضوجني حيل كملنا انهزمت لغرفتي وبديت اقره حتى ماخابرت فارس تعبت من القراية ونمت كعدت من الصبح غسلت وبدلت وطلعت انتظر فارس اجه صعدت ورحنه طبعا هو كام يجيني اول وحدة وينزلني اخر وحدة حتى نحجي شوية كال خيرج حبي شو البارحة ماحجيتي ويايه وعيونج شو وارمات كتله اسكت وخليها غير جو اخت العقربة وجهالها وضليت اخدم بيهم وبعدين قريت لحد مانمت كال حبيبي اصبري ماضل شي هانت كله كم شهر وتصيرين مريتي ام جهالي كتله اوووي لاتخجلني
ومرت الامتحانات على خير بس ماجنت مطمنة من جيات زيد ابن اخت مرة ابوية يومية ابيتنا وفديوم اجيت من المدرسة سمعتهم يحجون يكوللها خالة عفية عاجبتني زوجيني اياها وهي دكوله لو تموت ماتاخذ هيج وحدة عوبة ماحبها مستحيل اسويها جنة لاختي وهي يكول غصبا عليكم اخذها عاجبتني وبكيفي واذا انتي ماتحجين ويه ابوها اني احجي كالت لا اصبر شوية واني احاجي ابوها اتخبلت من سمعت هيج وهو اني اموت منهم انوب اقوي علاقتي بيهم واذا ابوية سمع كبل راح يوافق لان وزيد ماناقصة شي خفت انتظرت للعصر بدلت واخذت كتبي وطلعت شفت زيد كبالي سلم عليه اني من وره خشمي جاوبته طلب مني يوصلني كتله لا اني اروح لح عليه كتله عندي سايق بقه واكف اجه فارس خفت حيل كبل فتحت الباب الخلفي وصعدت ليوره وكتله فارس اطلع بساع فارس متفاجئ ماعرف شكو بنص الطريق وكف السؤارة وكالي تعاي كعدي يمي بالصدر كتله مايحتاج راح نوصل اتعصب كال كلت انزلي اني هم كبل نزلت وصعدت يمه بالصدر كال ليش هيج سويتي ومنو هذا الولد وعيونه تجدح نار خفت منه كتله هذا زيد وحجيتله على الي سمعته.....