((( مَلَأّګيِّ أّلَحٌأّرَّس )))

البارت التاسع

وره ساعة تقريبا صحت نرجس دخلت كعدت يمها  وطلبت من صديقي ممنوع احد يدخل من اهلها كال تدلل بستها من راسها ومن ايدها وهي بس تبجي --هاحبيبي يوجعج شي شنو تحسين هسه
-- كلبي يوجعني فارس
--- اسم الله عليج ياروح فارس يارويحتي انتي يابعد بيتي يامريتي الصغيرونة يانرجستي الحلوة والله اموت من اشوفج هيج
- عساس انت ماتعبان شوف جوا عينك اسود شنو جنت تبجي
-- ولج طبعا ابجي قابل كم نرجسة عندي والله اموت عليج شوفي حبيبي اني راح اشتكي على ابوج واريدج ويايه
--مستحيل شنو اشتكي هذا ابوية
-- يا اب هذا هتلر ارحم منه
-- لا حبي مستحيل شيل موضوع الشكوة من راسك
--اوكي ارتاحي هسه الله كريم تعالي خلي راسج على صدري حتى تنامين
.نرجس. صح جسمي جان يوجعني بس فارس نساني كلشي جان خايف عليه وانوب كعد يمي وخلاه راسي على صدره اوووف متت حسيت بأمان موطبيعي وكام يلعب بشعري ويغنيلي بصوته الحلو بصوت ناصي وداعت امي جنت احب اسمعها بصوته اكثر من الاغنية الاصلية لحد ماغفيت
.فارس. غفت نرجوستي بين ايدي تشبه الملائكة وجنت اغنيلها والعب بشعرها جنت اول مرة اشوفه لان بس اشوفها بالحجاب بس مع ذللك هم لبستها حجاب اخاف احد يدخل ويشوفها بقيت ياربي افكر للصبح شسوي طلع الصبح رحت اجيب ريوك كعدتها واطمنت على حالها --حبيبي احلى نومة بحياتي جانت لان بحضنك وعلى صوتك نمت - من تصيرين حلالي يومية هيج تنامين يله كومي حتى اريكج -- شنو هالدلال تره راح ابقه بالمستشفى -- هههه لا اسم الله حبيبي
.نرجس. بدا فارس يوكلني ويتغزل بيه واني بس اضحك عليه سمعنا صوت صياح واصوات عالية كتله فارس هذا صوت ابوية اطلع بره اترجاك كال ماشي طلع واني متت خوف
--شنو وين بنتي من البارحة حابسيها بالغرفة وماتخلونه نشوفها ماتت شنو
--الشرطي-- استاذ رجاءا صوتك نزله انت جايه شكوة بحقك وممنوع تشوفها هسه راح ناخذ اقوالها
-- شنوو منو مشتكي عليه بس لا هية بنت الكلب
فارس-- اني الي اشتكيت
--منو انت حتى تشتكي
--اني فارس سايق مالتها
--ها انت ابن الكلب ولك شنو هالوقاحة وجاي تشتكي عليه ولك اليوم انعل والديك
.نرجس. كمت ارجف سمعت الصياح بره بين والدي وفارس اتشاهدت على روحي كلت اليوم ميتة ميتة بس حيل ضجت من فارس لان مشتكي وانوب شوف نفسه واتعارك يعني بعد زواجنا صار مستحييل لميت رجلي وكعدت ابجي ولبست حجابي شفت الباب اندفر ابويه ولازمية شرطة وفارس منا هم لازميه شرطة والكل يصيح ماعرفت شسوي الشرطي كال والله اذا ماتهدون اذبكم كلكم بالحجز شوية صار هدوء دار عليه كلي بنتي شنو اسمج
واني ابجي واشهك وارجف كتله --ن ن نرجس
--عمو منو كتلج ومنو جابج هنا
--ا ا اني جنت انظف ووكعت من الدرج محد ضربني وعوفو ابويه عفية لاتسوله شي
-- مممم اكيد--- اي اي سيدي اكيد واني مامقدمة شكوى ضد احد واني واختي ومرته لابويه جينه للمستشفى بتكسي
-- اي تعرفينه لهذا ويأشر على فارس
باوعت عليه واباوع على ابويه عينه تجدح نار كلت سيدي هذا السايق مالتي اجه صدفة هنا وشافني وسلم عليه وعباله اهلي ضاربيني راح اشتكى احجي واشهك شفت فارس انصدم حسيت راح ينفجر وابويه شوية هدا الشرطة كالو لابويه هاي هيه عوفوها ترتاح وتعال ويانه حتى توقع شوية اوراق ودار على فارس انت هم تكدر تطلع بره اخذ راحتك وطلعو بس فارس بقه واكف كبالي يباوع عليه بنظرات استحقار  اني ارجف وابجي --  فارس اسفة اسفة حبيبي والله ماعرفت شسوي سامحني اسفة فارس
فارس -- انعل ابو فارس ولج ليش هيج صدمتيني ولج اني بلنسبة الج مجرد سايق ولج ليش اجه لزمني من ايدي قوي وسفة عليج نرجس ولج اني كلشي سويت علمودج ولج حتى عمي الي بمثابة ابويه زعلته وماخذت بنته وامي الحجية هنت كرامتها مرتين واجتي لبابكم وطردتوها ولج وسفه الحب الي انطيتج اياه ماطلعتي تستاهلين ويضرب على صدره قوي ولج انشاءالله اشلع هذا الكلب من مكانه ولا ارجع افكر بيج انتي ذبحتيني ولج ليش مادافعتي عني شردتي جنتي تستغلين حبي لهذا ماجنتي تقبلين تتزوجيني لو انتي جبانة  ولج وسفه عليج العشك ماريد اشوفج بعد ماريد روحي اتزوجي زيد تتهنون  ---فارس اروحلك فدوة انتظر بس اسمعني شكو بيدي احبك والله احبك فارس لاتعوفني فااارس
طلع فارس ومادار وجهه عليه بقيت ابجي بحركة حسيت طلعو كلبي من مكانه بديت اختنك لحد ما اغمى عليه وماحسيت بشي بعد
.فارس. طلعت احس اعصابي راح تنفجر اريد اموتها لهاي الجبانة اتخبلت طلعت متعصب شفت ابوها كدامي-- انت هم حاسب نفسك اب انت جنت تعرف شلون جانت تروح للدوام بنتك لوص جان عدها فلوس لو شجانت تاكل لو تشرب ولك شنو انت من اب اني خطبتها مرتين انت ماقبلت اني هم راح اطلع من حياتكم وسامحوني ديربالك على هاليتيمة الي بركبتك ورحت شفته بقه واكف مصدوم ماتحرك اني عفته وطلعت
.