ماما- هاي شنو التلفون شبي
جمانه- اخذي وروحي ماما تكسر وكع من ايدي
ماما- كبر ام ايد الحلل
جمانه- انشاء الله ياربي اروح للكبر صيحت ياربي انشاء الله اروح للكبر واموت
ماما- قزرقط بت القندره شبيييج
رشيد- هاي شكو الصياح
ماما- شوفلك صرفه وي اختك تعبتني ادبسس
رشيد- يوم يوم روحي عوفيني شويه يمها
ماما- ضل طعج بيها شسكطها غير دلالك
جمانه- باوعتلها صافنه يادلال هذا بداخلي درت وجهي خليت راسي بالمخده
رشيد- راحت امي اجيت كعدت يمها جوجو منو وياج ليش هلكد عصبيه
جمانه- درت وجهي عليه ضميري يانبني مابيه شي همست
رشيد- تعاي بحضني تقربت حضنتها قوي حسيتها محتاجه حنان
جمانه- من حضنني كرهت روحي اكثر كمت ابجي وراها صفنت ميستاهل مني رشيد هيج
رشيد- ها شو صفنتي شذكرتي
جمانه- صار شكد محاضنني كوومه
رشيد- ملتهي عنج عذريني محد يستاهل ياخذ وكتي اكثر منج ومن امي
جمانه- باوعتله انت تحبني اذا متت تتاذى عليه
رشيد- باوعتلها وقصص المراهقات الاسمعها كل يوم المنتحره واللي مهزومه من اهلها صارت ببالي --- جوجو حبيبي تدرين شوكت صرت رجال
جمانه- شوكت
-من بابا توفى وباوعتلج الج ولامي حسيت روحي رجال البيت واخذت عهد على روحي انه ماراح ابجيكم ولا اخليكم معتازين شي جنتي صغيره تحبين الشرطه تكولين عمو الشرطي حباب يدلينا الطريق ويدافع عننا وهو هذا الشي الخلاني ادخل الجيش لخاطر الكلام البريء الطلع من كلبج حبيبتي اني اذا صار بيج شي يعني اموت احسن لي يعني اني قصرت وياج وما اديت واجبي باحسن صوره اذا هوه ضربج يصير عليه رصاص مو هوا فهمتي
جمانه- بقيت اباوعله من يومي احسه بطلي رغم هالفتره احتاجيته وملكيته بس كلامه رد الروح بيه خليت راسي على كتفه --- رشيد صدكني بعد ماااذيك ولا اخليك تحس بتقصير وعد مني
رشيد- فدوه لعيونج رحت الله يوفقني ومااقصر وياج بشي حبيبتي شبي التلفون وياج هههه تفلش
جمانه- وكع من ايدي
رشيد- ولا يهمج اجيب بمكانه لامي فدوه الج
جمانه- شكرا نصيت خجلانه على كارهه روحي على لعبانه نفسي من نفسي من كلشي شويه رخصت نفسي رخصتتتها اولا جبير ثانيا ميفيدني وسويت علاقه ويا شحيكول عن اخويه بعد خلص شلته من راسي ومن باجر ابدي صح لهنا وبس رشيد هلكان علمًود جهرتي واني هيج اجازي حاول رشيد يصلح الجهاز مصار طلع السيم كرت وذب الجهاز بالزبل اباوعله واحس كل احاسيس الحسيتها راحت بالزبل نمت والصبح بدلت ولبست لبس مستور راح ابدي بدايه نضيفه كصيت اضافري وطلعت
سعد- كعدت غركان بعركي سبحت وشربت الحليب امي تباوعلي بقلق --- يمه وعيونج مبيه شي طمنتها وطلعت فتحت باب الحوش صارت بوجهي مداصدك بعدني هاي جميله اللي يرخى جسمي واعصابي من اتذكر همساتها وكلامها
نصيت راسن رجعت رفعت عيني شفتها تباوع كبل بشموخ حتى مباوعت لصفحتي والله صلافه وكباحه صعدت السياره فتت من يمها باوعتلها بالجامه الجانبيه نصت راسها الله يهديج رشيد صار يومين نازل يخابرني مارد شروح اشوفه بصخام وجههي خرب الحظ اجيت على عرضه عفت الكل واجيت لعرضه وصلت للمدرسه بعدني مسطور درس درسين وكلسا طيفها يجي باذني صوتها احبك سعد صوتها احضنني اهدا وجسمي يرخى مثل المراهقين كملت 3دروس اخذت زمنيه وطفرت للبيت ارتاح نمت بس النوم ينسيني بس النوم وشالها مدااكدر اذبه لازم اطلعها من حياتي وتفكيري مساله وكت بس
كعدت لكيت رشيد داك خمسين مره لبست ورحتله جانت ب1وهو باجر يلتحق خل اروح اشوفه زعطوط يفرقنا استغفر الله مريت للبيت باوعت من فوك الباب مثل كل مره صحت رشيييد
رشيد- ها ووجع وينك ادك عليك ماكو شبيك حضي المصخم متكولي
سعد- تنهدت دسوي بالحديقه مديت ايدي فتحت الباب وطبيت
رشيد- بوري مكسور داسويه وينك وليش من اخابر مترد وجه الجوب
سعد- مريض رفعت راسي باوعت على شباك المطبخ اشوفها موجوده لو لا نصيت راسي شلي غرض
رشيد- امشي نروح نشتري جهاز لامي
- ليش شعجب
- مو انكسر متدري كسرته جوجو ياالله هسه بس ابدل واجيك انتضر لتتتبخر
- افتهمناااجاوبت---- كسرته جوجو اكيد تكسره من خابرتني ولكته مغلق اااااه بداخلي
- وجع
- فات بدل وطلع واني اباوع عالحديقه والطرمه نضيفه اكثر من قبل جريت حسوه احس روحي مضحوك عليه كلش حبيتها وتالي طلعت زعطوطه تلعب نفسي من اتذكر جميله هي جمانه شون بستها بله شون اني هم صوجي طلع رشيد وال يلللللللله مالته فززتني من تفكيري جيت جيت
- رشيد- ابو سعود بيك شي شو مو على بعضك
- ماكو شي امشي يله طلعنا اخذنا جهاز طلع سيم كرت امه من تلفونها القديم وربطه بالجديد بقيت اباوع للجهاز حديث ويصير بي فايبر يعني اكدر احاجيها فايبر يبووووووو هاي شبيه اني رجعنا للبيت وضلينا نسولف اني ويا للفجر طلع التحق واني رجعت نمت لان جان عدي عطله2يوم بيومها مسمعت حسها وصاحها كم مره كلها سوينا جاي شفتها سدت البرده وسوت من دون حس ابد ابد مشفتها الله يهديها وتبتعد ويبتعد كلبي هم
- نسمه- خطيبي ضوجني كلش كمت ميعجبني حتى احاجي لعب روحي ياجل بالزواج ىطلباته تلعب النفس من سولفت لخاله ام رشيد كلتلي كلشي لتسوين ويا ولتطلعين الا بمكان عام ويا اتصل بيه اليوم وكلي نروح لبيتنا مقبلت كللي لعد بالمطعم جانت ساعه 10هو صح نفس المنطقه بس دنيا ليل بدلت وطلعت ويا بالسياره رحنا للمطعم وبقينا لل12الا ثلث يابه كوم يمعود لا بعد وكت صارت 12ونص طلعنا واخيرا ضل يفتر بالفروع الضلمه مال منطقتنا اخر شي طبك السياره وتقرب مني كلش راد يرجع يسوي هالشغلات ادري وين غيرتك يرجال احنا بالشارع
- ضلمه ضلمه كل احد ماكو باعي الشارع نام عليه وراد يسوي فضيحه كمت ادفع واضرب بي عرفت نيته مو شريفه دفعني قوي ومجان يهمه اذا اخد شافنا
- رشيد- وره يومين رجعت من الواجب تالي الليل فتت بفروع حي اور داروح لبيتنا شفت سياره وواحد ديعتدي على وحده شعر راسي وكف فتحت الباب مال السياره وجريته ضربته مجان واضح شكل البنيه وملامحها لان ضلمه بس صوت بجيها ومسبتها للولد الولد كام يصيح مرتي مرتي
- ولك انت هم رجال لو مرتك شعدك بالشارع وياها وليش ابجي وتصيح لعد من نصيت اسالها هذا رجلج جانت تعدل بهدومها انصدمت هاي منو هاي نسومه اخت سعود ---- ولج شون تقبلين تسوين هيج انزلي يله بسع
- نسمه- نزلت شمرت حلقتي بوجهه انتهت وياك ضافر دير بالك توصل بعد وباجر دز اهلك اخذ الجهاز ضل يضحك ويخربط بالحجي
- رشيد- صافن متعجب عليها صعدت بسيارتي بالصدر ومحجت ابد كمت كلسا اباوعلها بقلق اخر شي نطقت --- خو ماا
- قطعت كلامه لحكتلي لاخر لحضه دمعت عيني نصيت كمت ابجي الله يخليك لتحجي لاحد
- ماشي همست باوعتلها خطيه نسومه ورده مال الله متستاهل --- حتضلين وياه
- مستحيل اخذت كفايتي تعبت تنهدت عفيه رشيد لتكول لسعد
- كتلج ماكول
- ماشي وصلنا يله مع السلامه اشكرك الحمد لله جيتني ررحمه
- الله يحبج يله الله وياج ويستر عليج راحت----من طيح الله حضك نص جسمها شفته ناقص غيره والعده نسمه هم يسوي بيها هيج كبر لفك رجعت للبيت نمت واتذكر رجفتها ودمعتها
- رشيد رشيد
- هايمه
- يمه هاي الارقام كلها رايحه لا خالتك لا ام ررحيم
- اي يمه باجر اسوي
- خوش
- جمانه- كعدت الصبح رحت للدوام طلعت من البيت صار بوجهي سعد نزع مناضره الشمسيه ضل عاكد حاجبه يخزرني نصيت جان بيدي كتاب الفيزياء طلع روحي الفصل الرابع البارحه فتت من يمه وكانما ماكو احد واكف وصلت يمه منصيه سرعت مشيتي بس القنادر الكتاب وكع ولك حته كدام العالم مخزيني شكد اكره الفيزيا ارتبكت
- سعد- كامت متعرف شون تنصي وكعت جنطتها من دتنصي نصيت بمكانها عالكتاب نطيتهيا باوعت بعينها نصت ركض كانما متريد تشوفني كلشي مكلت بس كلبي اليرجف نشف ريكي ورجفت اطرافي هاي جمانه الجنت اشوفها طفله ترجفني سبحان الله اخذته بنتره ومشت سريع وراحت للدوام بقيت شارد بذهني صافن لخطاها شسويت بيج وبروحي كمت اشوفها اميره بعدما جانت طفله بعيني كمت اطابق خيال وواقع الجنت اسمعه واتخيلها من تحاجيني من تهمس احبك اهوووو هم رجعت هاي شون بيه ارجع لندى اشرفلي الضاهر اني ميصير اجر عدل رحت لدوامي شفت رشيد داك عليه ب11الضهر رجعت من الدوام حاجيته برساله----حبيب كلبي وره ال8اني يمك
- رشيد- ماشي يله عدي كروه تعبانه هههه
- تتدلل يايوم مخابرني لسواد عيني حضر النركيله ياب جايك لفيت راسي ونمت كعدت المغرب ---يوووم يووم
- ها يمه
- جوعان شعدج اكل
- اليوم بيت ام رشيد دزولنا تمن ماش تاكل
- تنهدت جيبي يمه جيبي كعدت اكلت وراها طلعت رحتله لرشيد مثل كل مره رفعت راسي فوك الباب وصحت رشييد شفتها تلم الاوراق بالحديقه صارت عيني بعينها مشت سريع دتفوت للبيت عثرت بعتبه الحديقه --- الله وكف كلبي بعثرتها اندارت خزرتني وطبت للبيت صحت رشيييد
- هاها اجيتك
- وينك يمعود ساعه
- دفتح الباب وفوت اول مره
- ديله مديت ايدي وفتحت الباب وفتت جاب النركيله واجه وسالفه منا سالفه منا صارت ب9
- ام رشيد- رشيد ماما سويت الجهاز ولا رقم بي
- يوو نسيته جيبي حجيه
- اي فدوه دهاكيا شونك يمه سعودي
- هله خاله عاشت ايدج عالتمن يخبل
- اي والله اليوم ركبنا على روح ابو رشيد انشاء الله يوصل
- انشاء الله باوعت لرشيد يكلب بالتلفون راحت امه لبيتنا باوعت على شباك المطبخ مموجوده بي هيه اكيد بغرفتها جريت حسره جانت تضحك عليه من اجي هنا تخابرني كعدت اربط واضحك على روحي غير زمال اني خرب حضي رجعت حقدت عليها
- - رشيد طلعت الارقام وخزنتها بالبطاقه بالصدفه طلعتلي رسايل بطاقه السيم هاي تطلع بيها الرسايل الممسوحه ترجع من تبدل الجهاز
- رشيد هسه اجيك تلفوني عفته عالشحن هسه فوول
- ماشي ماشي بس مو تنام والكعبه ادفنك
- لا اجيك يول وين انطي وجي
- اويلي عليك بقيت اكلب قريت رساله مكتوب---- اذا بعد دكيتي اكول لاخوج ياساقطه انتي وحده ممتربايه امج هادتج --- كعدت عدل مصدوم --- منو هاي طلعت الرقم هاي رقم سعد المن هاي
- جمانه- رشيد اصبلك جاي تره صار
- رشيد- صفنت عليها تذكرت من انكسر التلفون جمانه هاي شنو
- سعد- رشيد
- ها تعال صحت
- شكو باوعتله وجهه اصفر شبيك باوعت لجمانه مدمعه عينها تباوع عالتلفون وتباوع لرشيد
- جمانه- رشيد بس باوع
- رشيد- شباوع شباوع مبين كلشي تره مبين سعد هاي شنو فهمني
- سعد- بلعت ريك رفعت راسي رشيد ابس انتضر
- رشيد- احجييييي فضني باوع لجمانه لج شنووو شكاتبتله وداز هالرساله
- جمانه- برطمت وردت ابجي متت خوف باوعت لسعد
- رشيد- احجي سعد انت
- سعد- اا خابرت دتنصب ووعرفتها باوعت لجمانه نزلت دمعتها حركت بروحي حرك
- رشيد- وهيج بس تنصب تحجي هيج حجي ممتربايه وامج هادتج احجي انت متحربط بلاش احجي يمعووووووود مديت ايدي وركعتها راشدي حسيتها طارت وي جف ايدي وكعت بالكع وانركع راسها بمحجر الحديقه
- سعد- يابه ردت اركض عليها اكومها --- رشييد صحت بعلو صوتي ماكو شي لتعممها وتلكجها ماكو شي هي بالغلط
- رشيد- لك ياغلط ياغلط شمسويه الخارط هالخرط دفرتها
- سعد- دفعته هاي شبيك باوعتلها تباوعلي بغضب
- جمانه- كله من وراك حجيتها بنبره مكبوته اريد اطلع قهري وابجي ابتعدت وكفت
- رشيد- لج الج عين تحجين امشي فوووووتي
- سعد- رشيد هاي شبيك تره زعطوطه خففت لا تكوله كلشي واخسر اخويه
- رشيد- تصخم وجهي كدامه نصيت نضري وكلبي ممرود عرفت عدها شي عرفت رفعت راسي سعد فدوه روح غير وكت نتلاكه
- ماروح لزمته من كتفه رشيد اني ابو سعود سترك وغطاك زعطوطه وغلطت
- هزيت راسي اي اي اترخص
- ماشي رشيد بس بروح ابوك لتكيسها مسوت شي واعتذرت متندمه والموضوع صارله كومه تره مجاوب منصي نضره قابض ايده وصلني للباب ماريد اطلع من بيتهم اخاف ياذيها طلعت وسد الباب ورايه بقيت كاعد عالرصيف جسمي انحل كله فشله وخوف عليها يطبها طوب حتى بعد متلعب هيج لعبه بس حقها من ورايه تذكرت نضرتها بعيونها المدمعه نبرت صوتها المخنوكه تحملني الذنب الله لا ينطيني بقيت منصي فتت للبيت مالتنا نسمه صارت بوجهي
- شبيك سعودي
- عفيه نسمه روحي لبيت رشيد خاف عدهم شي
- ليش شكوو
- ماكو شي بس شو تعارك وي جمانه
- عزه هسه حروح
- سمعت صوت سيارته طلعت رفعت راسي اي والله هو همزين راح خل يهدا بره احسن استغفر الله ربي واتوب اليه
