جمانه- دخل رشيد واخذ السويج وطلع كمت ارجف طبيت لغرفتي بعد مطلعت اروح منا واجي منا شون ياربي شون اكوله كلشي بس يجي اكوله كلشي يطبه طوب لعد اخويه يشوفني ادبسز احسن ويكرهني هالكره بلحضتها كرهت اخويه وامي اكثر واحد بالدنيا كرهته امي سمعت صوتها جتي تصيحني -- ها ماما هااا ماتت جمانه انشاء الله
انشاء الله تموتين واخلص من لسانج
اشكرج
امشي فوتي طلعي المسواك وغسلي وخللي بالثلاجه لا اكسر الماسحه على راسج
اي يوم طلعت شوي ودك تلفون امي
رشيد- خنكني البيت حيطانه احس ضغطت على صدري متت اخذت السويج وطلعت افتر كل شويه بالي يطوش ويشرد غير مكان وكلسا ارد اسوي حادث شون فشله شون بله هيج تسوي بيه هالزعطوطه صخمت وجي كدام سعد اذكرت من كللي دير بالك من هدى عمي سلام الله على هدى شفايتلي مثلها شفايتلي خرب حضي الله يعلم شمسويه رادت تصادقه واكول كل يوم اريد ادرس رياضيات خرب حضي صخام الصخمج جمانه شكد عيب اني هادها اني امداني مااسمع الا شحطه من بعيد التفتت سياره بصفحتي وانضربت بيه ومحسيت شي بعد
جمانه- ردت ماما عالتلفون الو الو تعاي شوفي منو هاي مااسمع
منو الو تفضل اي اي رشيد اخويه انت منو وكف كلبي شنووووو عزه عزه عزه ماما رشيد سوه حادث وهسه بالمستشفى
شنووو
ماما من ورايه ماما والله من ورايه
ولج احجي شبي مااات احجييي
ماما من ورايه اني صادقت سعد ابجي والطم مثل المخبله واصيح من ورايه طبت نسمه على صياحي
لج احجي اخوج وين
بالمستشفى يرموك الولد يكول حالته خطره اذا مات اخويه اكتل روحي والعباس وروح ابويه اكتلها لروحي من ورايه مااات
اش اش انجبي انجبي اخوج ممات كمت اضرب بجمانه بكل قوتي ركضت نسمه تبجي لسعد جاب السياره واخذ ام رشيد وطلعو جانت فاقده بس تبجي وتصيح بقيت يم جمانه هي الثانيه هم بس تبجي وتكول من ورايه من ورايه وتدك على راسها
سعد- ةلشي ماريد من هالدنيا بس رشيد يطلع منها لان ماراح اسامح نفسي ابد تبجي امه بصفي واني وي دمعتها تنزل عشر دموع حسيت نفسي اكثر ضعف منها واكثر منها انثويه من كد مبجيت وصلت للمستشفى رخت رجلي من شفت رجال عالسديه مغطي مكدرت اوكف امه بس تصيح دلونا عالردهه جان فاقد والاطباء فوك راسه يجبرون ويضمدون والدمايه تارسه سديه النايم بيها ردت اتخبل بس ردت يفتح عينه نقلو للانعاش بقينا هناك ساعه ساعتين 3 متنا امه بس تون واني ساكت لامي لاهوا لا احساس واللي اسمعه بس صدى وتدور كل ذكرياتي ويا براسي---سعودي هاك بايسكلي اني بابا اشترالي اكبر منه
سعودي هاي القميص على كدك مديفوت بيه
سعودي اخذ التراكسود خالي جابه من بره صغير عليه
رشيد اكثر من اخ وصديق روح وحده ومقسومه بجسدين يوميه اذا ماشوفه احس شي ناقصني لو بالحديقه لو فديو كام من يلتحق ---- انتو اهل رشيد
اي اي دكتور
الجمد لله تعده مرحله الخطر عضم الفخد مفطور وعده فقره العجز طالعه من مكانها سويناله عمليه وعده ارتجاج بالمخ بس اسبوع ياخذ قراره ونجبرله الفطر والله يسهل هو هسه افاق تكدرون تتفضلون تشوفو بس محاس عليكم اكثر من دقيقه متبقون
خاله تقوتين
اي افوت
دخلت امه وره شوي طلعت تبجي
شونه خاله الله يخليج احجي
وجهه مدمى ومورم ليش هيج هو سياقته رزنه وليش جمانه تكول من ورايه تذكرت من كالت من ورايه صادقت سعد
يمه سعودي صارحني شسوت جمانه والله اذبحها
خاله شنو جمانه شبيها بلعت ريك ياالله حيموتوها البنيه وراح تفضحني --- ماكو شي خاله هاي مصدومه
مااعرف مااعرف راسي حيطك
اهدي خاله الحمد لله كام بسلامه
الحمد لله على كل حال
اسبوع وطلع من المستشفى رشيد اخجل اطب للغرفه بس متركته ابد لا اله ولا لامه جمانه بعد مشفتها من الحادث
جمانه- تدمرت شنو دمار تدمرت بمعنى الكلمه اخويه كرهني ولا سال عني امي عرفت كلشي بالطبه والطلعه تكفخ وتضرب وتسب وتدعي كرهت شي اسمه سعد وكرهت كلشي وياه نسمه بس جانت نسمه الي من الدنيا الاخذت كلشي مني جانت تحتويني تحضنني وتسمعني ومن ابجي تبجي لبجايه عرفت كلشي وحلفتلي ابد متكول لسعد بس مكتلها اخوج هيج سوه مكتلها هو اللي خلاني اتعلق بي ماريد رشيد يخسر حتى سعد تصرفت بوعي حبيت نسمه كلش وتقربت منها وهدى هم خطيه متركتني رجع رشيد من المستشفى اخجل ادخل لغرفته سعد كابله وكعد كمت مااطلع من غرفتي
سعد- واخيرا دخلت لغرفته بالمستشفى بيوم الديطلعوً فتت باوعتله باوعلي ابتسم ونصه
رشيد- ناقص مو بيدك همست تقرب مني حضنني قوي كام يشهك ولك ماعليه شي العار ميموت
سعد- دكل تبن عاد الا تصير جاكي دسوق مثل العالم
رشيد- باوعت بعينه خجلان منك ياخوي نزلت راسنا جنها
سعد- هاي شنو رشيد مو كتلك زغيره وغلطت شجلبت واحنا نبقى اخوه مو هيج سالفه تفركنا
رشيد- نعم الاخو ابو سعود امي كالتلي ماخذ اجازه صارلك اسبوع ومكابل الردهه وكاعد بس متفوت
اي والله هاهي كضت الحمد لله
اي والله يستاهل الحمد يله خل اروح لعبت نفسي من الردهه شلع قلع
يله كوم اخذته ورجعت للبيت جمانه مااسمعلها نفس بس نسمه مفاركتها واعرف من نضراتها الي عرفت بكلشي شسوي كضت بعد الحمد لله رشيد الحمد لله بعد اسبوع يفكون تجبيرته بقت الفقره مال ضهره تاثر على مشيته لازمها علاج طبيعي بالات خاصه هاي شغل نسوم ااه الحمد لله
جمانه- مر سبوعين وامي راحت السوك سمعت رشيد يصيح يووم يوم بس اني بالبيت رحت متحملت بعد وصلت لغرفته وكفت بالباب مسدود الباب خنكتني العبره
رشيد- من نعالها عرفتها هاي جمانه اني المشتري الها تعاي كلتها ببرود
جمانه- طبيت باوعتله عيني مغرغره
رشيد- جيبي الدولكه مال مي خليها هنا مشتاقلها اكثر من ما مشتاقتلي بس كلبي حاقد عليها متوقعت هيج حتسوي بيه لزمت نفسي ودرت وجههي عنها تقربت خلتها من غير متحجي شي اندارت عليه باوعتلي مبرطمه تذكرت من برطمت من عرفت ابويه مات اكثر وحده تاذت هي جمانه بقيت اباوع بعينها
جمانه- همست مخنوكه بعبرتي اسفه
رشيد- هزيت راسي اي نصيت تقربت حضنتني وباستني اني متحركت
جمانه- حمد الله عسلامتك طلعت من الغرفه اشهك
رشيد- بس طلعت نزلت دموعي اني معرفت اربيها هملتها هملتها مو بس انفذ التريده جان مفروض اضل اسولف وياها اخصصلها من وكتي واميي اوووف امي حايره بنسىم وعايفتها ومشافت منها غير قسوه وامر بس
جمانه- اخويه كارهني الله ياخذني الله ياخذني
سمعت صوت الباب انفتحت وصيحه يا الله هاي صوت هذا الحقير سعد طبيت للغرفه وقفلت الباب شوي وجتي نسمه
نسمه- شبييج هم دتبجين شبيج ياعيني شبيج
جمانه- كارهني
ميخالف ينسى وتصير سوالف
الله يسمع منج --- رجعت للمدرسه وضلت نسمه تروح وتجي هي وسعد ويكضون ساعات بغرفه رشيد سعد ورشيد ونسوم يمي من تكمل علاج طبيعي تنزل يمي صرت مااحجي شي بس ساكته وادرس رجعت لدوامي تعقدت كلش حتى بدوامي ماحاجي احد
سعد- وره سبوعين يله شفتها من دتطلع من بيتهم راسن درت وجهي بقت منصيه راسها وراحت لدوامها لازم اشيلها من بالي كم يوم كضيتهن وي رشيد ونسمه تبلش بالعلاج الطبيعي من ارجع من الدوام حتى ويايه
نسمه/ ها رشيد الله يساعدك
هلو نسمه باوعتلها مبتسم وين سعد
اليوم ميكدر يجي عده اضافي عادي وحدي لو عدك اشكال
ها لا بس دااسال عليه
ها هسه يجيك وره الدوام كال ابات يمه اا اليوم بدون جهاز باوعت بعينه
شون يعني بيدج
ااي اكو اشكال
ها لاماكو
خوش هسه تجي خاله كالت شوي واصعد
اي زين باوعتلها ها تبلشين
اي احم يله تنزع تيشرتك باوعت بعينه ونصيت رفع ايده ونزعه اول مره ينزع كدامي كل مره اعلم الحركات لسعودي هو يسويها هالمره اني ارتبكت وهو خجل مني اندار نطاني ضهره خليت الدهن على ضهره
رشيد- بس لا يبين عليه متاثر غمضت عيني ماريد يبين عليه اخت سعد هاي نسمه- مديت ايدي وي تلامس اصابعي بين فقرات ضهره كش جلده ورجفت ايدي صارت كهرباء باوعني بالمرايه صارت عيني بعينه باوعت راسن على ضهره اويلي شون ضخامه اني شبيه استغفر الله ماادري وين اودي عيني ابتعدت عنه غطيته
رشيد-نسمه كملتي
نسمه- صفنت توني بديت --- للالا هسه بس اجيب الدهن من الجنطه
رشيد- ابقه نايم?
اي نزلت ورجعت صعدت علساس داطلع الدهن رجعت دهنت ضهره وكمت اسوي العلاج باوعلي بالمرايه وعيوني هالمره مهلي اشيلها من عينه-- دتتاذه
جج همست شبيج باوعت بعينها بالمرايه
مبيه شي تنهدت كملت العلاج بالشفاء العاجل
رشيد_ ممم شكرا
نسمه- رشيد اكو سوال ببالي من زمان اخجل اسالك
رشيد- ابتسمت اسالي
نسمه- شفتني ذيج اليله
رشيد- اي نصيت عيني مااكذب عليج اجزاء مو كله
نسمه- خرب حضي
بس مبقه ببالي تره باوعتلها تره انتي عرضي اني اشوفه ولا ضعيف نفسيه
صح ماانسه وكفتك
لتحجين هيج لعد اني انسه وكفتكم
احنا اهل رشيد
اي والله اهل باوعت بعينها متوسل نسمه امي كالت جمانه تحجي وياج هواي عفيه انتبهي عليها انتي عاقله وواعيه خاف عدها شي اخاف يصير شي وماادري بي
لالا لتخاف كلشي ماعدها واذا رادت تغلط اني اصدها لتخاف بامانتي
الله يخليج لاهلج بقيت اباوع بعينها شكرا نسمه صدك انتي نسمه
شكرا عفته وطلعت كلبي دك لاول مره عمري مجربت الحب خطوبتي جانت عاديه كلش ومصار حب لان مخلاني احبه كرهني بام الحب والزواج شلع نزلت لجمانه جانت تقره طلعت واجه سعد صعد يمه واني رجعت لبيتنا
مرت الايام ورشيد مديكدر يدوس على رجله ميكدر اصلا يوكف وسعد معافه
رشيد- مضل شي مسويته ومطبت نسمه ايدها المثل النسمه تقربت منها وكمنا نسولف هواي البنيه ترفه كلش وحساسه وتنحب حيل كمت اكدر امشي بس الم ضهري تعبني سعد التزم بالمدرسه يتاخر خطيه داتعبه هواي وياياواني الحمد لله اكدر اعتمد على روحي رحت للطبيب وكال هاي الفقره الدسك الغضروفي التحتها مكسور بالضربه من ينكسر الغضروف يدك عضم بعضم من قدره الله اكو تحت كل غضروف كيس عضمي سائل حين انكسار الغضروف يطك الكيس ويتعضم الساءل يتحول لعضم بس ياخذ او ضاع مو مرتبه بشكل بحيث تضغط عالحبل الشوكي اللي بين الفقرات واثناء الضغط يصير الم فاقترح عليه الطبيب اروح للهند واسوي عمليه فقد يحددون العضم بماكنه تبرده بس تسوي بشكل ميضغط عالحبل الشوكي تكلف عمليتي 40ورقه واني محدق الراتب دااخذ نصه لان عطال بطال وكوه مدبر العيشه وي تقاعد الوالد رجعت لبيتنا وحجيت لامي كالت اذا بقيت هيج حته شغل مراح تشتغل اخذ الذهب واني جنت مخليه اضعف الامور بس من لا جاره اخذت ذهب امي وبطلعتي تلاكيت وي سعد صار يومين يدك عليه مااطلعله واكلهم كولوله نايم لان بس اشوفة افرط الاكو والماكو
سعد-لك وينك اسال نسوم تكول فوك واخابرك ماكو شبيك متكولي
وشيد- موجود بس شوي تعبان تعبتك وياي ابو سعود
سعد- شنو هالحجي يمعود ازعل عليك والله يول شنو هالرسميات صاير عدك اخلاق
رشيد- نصيت راسي باوع ساعه واجيك نسولف ببيتكم
سعد- وين لافي جاي وياك
رشيد- لالا
وجعا وين رايح غير يكول اخذك بالسياره
ولك عوفني براحتي
رشيد احجي شكو شكد محتاج عليك بروح ابوك
والله خويه من الاخير الدكتور كايلي مترهملك الا عمليه وبالهند تكلف 40ورقه يله يطيب ضهرك
سعد- من اهمداني اي والله شبيه لعد مو صاحبك وهاي شنو بس لا ذهب امك هاي شبيك اني عدي 36 بالبنك هسه اخذهن وانطياك واتداين الباقيه
لا سعد لتحرجني
لا بربك صاير تنحرج والله دنيا رشيد اني ابو سعود اذكرك لو تتذكر وحدك
سعد وراك زواج
باع هذا المخبل منو يتزوج كل عقلك روح بابا الله وياك اروح وياك اني
لا خالي يجي نصيت راسي ممنون منك ابو سعود انشاء الله اردهن من ارجع للوضيفه
بس طيب ارد العب طوبه وياك تنهدت شوكت تسافر خليت ايدي على كتفه
يومين واطلع
بالسلامه وشكد تضل
سبوعين
ماشي ابقه على تواصل واي شي تحتاج عود ابيع ذهب امك وادزه الك بحواله
ماشي هزيت راسي رفعت نضري بعينه اهلي امانه بركبتك
من غير متكول خويه بعيوني
جمانه سعد خايف عليها كلش بس عينك عليها ماعدي غيرك ادري ثكلت
لك دنجب لك ميخالف اني امشي وراها بالروحه والجيه بس روح تعالج وتعال طكت روحي باوعتله حضنته بكل قوتي رشيد اني ضهرك وانت ضهري تتذكر من جننا نلعب شرطي حرامي تكولها الي
اي سعد اتذكر الله منطاني اخ بس عوضني
باحسن اخ
الله ليفرقنا وميحرمني منك ولك جنت كل ما احتاج شي اجيك ركض وانت تشيل وتنطي
اي والله ادري لان انت ذهب
رحم الله والديك يله عيني خل اجيب الفلوس حتى تكمل الاجراءات يومين وطلع رشيد صار المسواك عليه واجيبه للباب جمانه اراقبها اوديها واجيبها بس ماحاجيها ومتصعد بالسياره ومتدري داامشي وراها نسمه يوميه ساعتين هناك واي شي تحتاج خاله تطلع وياها يجيبو ويرجعون
كمت اشوفها بعيني يوميه اوصلها واروح للدوام كم مره شافتني درت وجهي عنها
جمانه- شبي هذا يوميه لاحكني كبر طمك طبيت للمدرسه مستواي حيل تحسن امتحنت ونجحت وجتي العطله وكت دعمه رشيد حيسافر ويرجع وكت الدوام علاقتي باهلي زفت ماما كمت اصلا ماحاجيها لان شسوي مااعجبها عدت الايام بصعوبه مستحيله سافر رشيد ورجع الحمد لله العمليه نجحت من رجع من احاول احاجي يجاوبني ببرود ماما نفس الشي كمت ماشوف سعد بس سمسم نسمه وصديقتي هدى وهو يوميه يتسوك للبيت ونتغده سوه ببيتنا حتى ام سعد تجي يمنا مره جبيره تخرب ضحك مرت الايام جتي المدارس داالبس الهدوم مال سنه الراحت صغرت عليه كبرت ملامح جسمي كبرت متنسد السحاب --- ماما ماما هاي هدوم المدرسه صغيره عليه
امي- يطبج طوب ماكو دوام هالسنه اخوج من وراج تسكط تردين هدوم ماكو غيرهن ماعدي فلوس
جمانه- ماشي طبيت للغرفه بجيت بقهر لو ابويه موجود مجان كالت هيج امي تكرهني والله تكرهني صرت صف رابعج دخلت علمي لان الرياضيات احبه مداومت هالاسبوع كله
نسمه- جيتهم ثاني يوم الصبح وي سعد طبيت لكيت جمانه بالغرفه ها لج شو ممداومه
جمانه- ماروح تنهدت هدومي صغرت عليه وبعدهم مم تشتريلي عوفيها ملازم
نسمه- مم ماشي صعدت لرشيد وي سعد سعد بلش العلاج التفت رشيد شافني طبيت ابتسم
-هلو نسوم
-هلو رشيد شونك اليوم
- الحمد لله بخير ممنون كمت امشي بدون الم كم يوم واعوف العلاج
- سعد- يله كملنا اني رايح ولك رايد شي
- لالا سلامتك
- نسمه- باي رشيد
- هلاو نسوم هلو عيني شو شوي ورجعت صعدت ها شبيج شكو
- نسمه- اكولك شنو شبيها جمانه
- شكو يمعوده تحسين شي لتعوفيها
- لالا يمعود شبيك والله ماعدها شي بس ليش منداومه
- ليش مداومت شعجب
- ماادري تكول بعدها ممجهزه مال مدارس
- لا يا الله نسيييييت خرب روحك رشيد دتعاي فدوه هاي بالجيب مال قميصي المعلك فلوس وروحي جيبيلها ولو حتعبج
- خاف خاله متقبل
- ملج دخل بامي
- ماشي تنهدت رحت للقميص اخذت الفلوس وجبتهن اله طلع منها ونطاني شنريد بعد اجتياجات هاي طيني خبر
- لا هاي كافي اخذتهن ونزلت جمجم
- ها عيني نسمه هياتي بالغرفه
- باعي شعدي اشرتلها بالفلوس
- اي بالعافيه عليج
- ثوله هاي مالتج يله بدلي رشيد طاني فلوس وكال ترحين تتسوكيلها مال مدرسه
- صددك سوده عليه منساني هسه حبدل ابدل وافكر اي التاخير عالسريع اقراه ماريد يضيع مني شي بدلت وطلعت للسوك وياها اشترينا لمحت سعد ورانا يمشي نسمه سعد ورانا مو
- اي شرايده منه رشيد يخاف عليناهههه
- ولد جلب كلسا يمشي ورانا اخر شي جر جنطتي التفتت جريتها قوي ضل يباوع ويغمس ووجعع
- سعد- فار دمي ركنت السياره ونزلت جريته من زيكه للولد وتضاربت وياه فكونا كوه صعدت بالسياره صحت بنسمه وبيها اصعدو خواتين صعدو وضلت نسمه تنك ليش تسوي هيج وليش تسوي لغوه نلبسه وكلشي يكعد بمكانه مجاوبت باوعتلها بالمرايه تلاكت عيوني بعيونها خزرتها وخزرتني دارت وجهه
- شكد كارهه بحياتي مثله مكرهت كلب حياتي واهلي كرهوني
- سعد- اكيد ضايجه مني وره الصار رجعتهم وفتت لرشيد بقيت يمه للفجر داانزل اروح طبيت سديت باب الخديقه طبكتها عبالي محد بره بعد متنفتح الا من جوه رفعت راسي شفتها بالحديقه تقره قران ترددت اتقرب منها بس تقربت وصلت يمها
- حسيت اخد يمي رفعت راسي شفته سعد كمزت من مكاني رحت للباب مال مطبخ افتح بيها طابكها الغبي انداريت عليه يباوعني مادري شون نصيت راسي شفته شال الفون وخابر مااريد اتذكر صوته بيش يذكرني بيا حجي ماريد اتذكر اي شي منه خابر رشيد وكله انزل افتح الباب طبكتها ومن طلعت شفت جمانه ونسمه بالحديقه سده وباوعلي
- هسه يجي رشيد يفتحها الج تنهدت طلعت وسديت باب الحوش باوعتلها وصعدت كلشي يذكرني بيها بحراره نفسها وحضنها بهمساتها واضح انها خايفه مني وحاقده الافضل مااقترب منها اني صدك بعدني احبها نايم واتكلب طفله ياالله طفله سعده عمرك30 جانت تصيحك عمو شدتحس نمت وصوتها بخيالي شالها يم راسي ساعه اتخيل روحي ابوسها ساعه احضنها كوه نمت والصبح بدلت وطلعت اروح لدوامي
- جمانه - بدلت الصدريه والقميص والشال الجديد كلش مكيفه ورحت لدوامي كالعاده بالباب ديشيل الغطا من سيارته باوعلي ودار وجهه طلعت رحت لمدرستي
- بقيت اباوعلها لحد موصلت راس الفرع شغلت السياره وصلتلها باوعتلها رادت تعبر وكفت عبرت منصيه غير بنيه متحوله حتى الربطه محنكه والهدوم عريضه رحت لمدرستي اني هم ديله مدرس وبالك عنه تاخذ تفكيري بت ال17تفر راسي هم قهر هذا رجعت لبيتي ومرت الايام ماحرك سيارتي اذا ماشوفها كدامي تطلع واوصلها لامدرسه وراها ثكيل امشي لحد متوصل للمدرسه تروح وتجي وي هدى اخت ندى ندى ضلت فتره تخابر اخر شي مللت من اهمالي عافتني
- نسمه-كمت ماعوف جمانه داءما يمهم ومن يجي سعد اصعد ويا فوك يمهم انطي الدهن والعلاج وانزل تقربت هالفتره منها كلش اسرارها صارت كلها يمي اخر شي سالتها----جمانه ليش حبيتي سعدوهو اكبر منج ب13سنه انتي بعدج صغيره اللي بعمرج يحبون اللكبر منهم ب7سنين كلش كلش مو هالشمره
- جمانه- منو كلج كعدت عدل توقعت سعد كايللها والله افضحه اذا هو حجه
- انتي من جنتي تصيحين من اندعم رشيد كلتي لامج كلشي
- ها دمعت عيني نصيت راسي جنت زماله
- نسمه- حشاج تنهدت الف من يتمناج انتي لتبجين عليه
- سكتت نصيت راسي
- تحبي بعدج
- لا حاقده عليه كارهته
- ليش انت الخابرتي وبديتي العلاقه
- هو كلج هيج
- لج بابا اني ممحاجيته بهالموضوع هاي شبيها هاي اني سمعتج تكولين لخاله من ضربتج هنا اشرت عالهول
- هزيت راسي مااعرف ليش حاقده عفيه نسوم سدي الموضوع انتي اكبر مني 8سنين واني كلش احبج واحترمج مصدكت وحده مثلج اصادقها
- ماشي مينفتح بعدتنهدت رشيد هواي يحبج
- جمانه- باوعتها بمكر ويحب وحده ثانيه هم
- شنو منو هاي
- حبيبته متعرفيها حاسه باخويه من زمان نضرته واهتمامه ولهفته من اكوله جتي بداخلي
- الله يهنيهم عكدت حاجبي ليش يباوعلي هيج لعد بداخلي
- سعد- صحت من عالدرج يله نسوم وادري بيها يم جمانه
- نسمه- جيت جيت يله بباي
- جمانه- هلاو الله وياج كمت كملت دراستي لحد منمت بقيت افكر بسعد كمت اتذكر كلشي وابتسم ردت اشيله من بالي مدااكدر تذكرت من ضربني رشيد وهو دفعه لو بي خير يكوله اني صوجي ويحجيله بس مبي فيره شون حبيته شون وشون صلف يوميه يضل يباوعني بالباب لحد مااوصل لمدرستي يمشي ورايه يله يروح شهر شهرين بده رشيد يتحسن ومستمر عالعلاج و الرياضه مال فقره بمساعده سعد ونسوم يوميه يجي سعد
- نسمه- رحتلهم لبيتهم صعدت فوك دكيت الباب جانت خاله يمه
- رشيد- عبالي سعد تعال تعال ابو سعود
- نسمه- اني ام سعود هههه هلاو خاله هلو وشيد شونك
- رشيد- هلو نسوم شنو وين سعد
- عده فاتحه مخابرك ميكدر يجي اليوم هم وحدي تحملني ههه
- رشيد- لا عادي يابه كمت وكفت امي ترتب الهدوم وتخليها بالكنتور تباوعلنا وتبتسم نزعت تيشرتي باوعتلها احب اباوع خجلها نصت راسها وطلعت الجهاز رجعنا عليه وره مطابت العمليه حتى العضم ياخذ وضعه باوعت بعينها اخرب بعيونها من تختلس النضرتمددت على بطني --- تره هاي اخر 10ايام كال الطبيب حتخلصين مني اليوم مشيت كومه موجعني ضهري
- نسمه- لا يابه شورايه حتى اخلص منك عادي
- رشيد- بدت تمشي الجهاز--- ضوجتج اني وتعبتج ويايه هال3شهور
- نسمه- تعبك راحه
- اشكرج تنهدت كملت الجهاز وزعت الدهن بقت تسوي بيدها الفقره كلبي ينتضر لمسه ايدها هادىء انتضر بدت تتلمس ضهري وتمشي ايدها برقه رخه جسمي لنعومه ايدها --- مممم
- نسمه-شبيك شو ساكت بس وي سعد السوالف
- ايدج صغيره ورقيقه ترخي الاعصاب ذاك شحل ايده خشنه
- ههه
- نسمه
- هممم
- ليش فصختي وي خطيبج
- مكدرت اتواصل ويا
- بقت تمشي ايدها وتسولف --- شون يعني عاطفيا
- مممم كلشي
- هو هم خسرج ميستحقج امي جانت بعيده عننه بالسويت مدتسمعنا
- كملت بالشفاء العاجل ردت انزل
- نسمه نسمه اوكفي
- انداريت عليه وكفت طلع ورده من المزهريه مالته
- امي الصبح هطيه جابت ورد من الخديقه وخلته بغرفتي خليت عيني على وحده ورديه بلون خدها كلت من تجي انطيهيا --- هاج هاي ابتسمت
- هاي الي
- ممم تسلم ايدج ضلت تباوع لجسمي ونصت راسها لبست ونزلت وراها طلعت للاسواق اشتري حليب شفت جمانه ترجع من المدرسه وسعد وراها بالسياره منصيه راسها الحمد لله مشيتها حلوه
- سعد- شفت رشيد واكف مو مال اثكل مشيت سريع وكفت يم بابنا نزلت ولك هااا شعدك تتمشى ولك ليضربوكً عين توك طالع من عمليه
- دكوم لك بقيت اباوع لجمانه فاتت ركض مستحيه-- سعودي شونها هاي بعدها مثل قبل تره اني مكرم كوه امشي وانت اخويه بعدها تخابرك عفيه لتضم عليه
- سعد- باوعتله ابتسمت نصيت لا وروح ابويه دمعت عيني وهو يسال وذاب اللوم بيها يامن اخته عدي عد الخانك اني خنتك ياخويه احاجي بعيني وكلبي يحترك سكتت ورجعت كملت حجي والله تفيرت مو مثل قبل من وكعتك ليهسه صارت شخص ثاني عرفت غلطها وكبرت تره
- رشيد- والله العضيم اول واحد يتقدملها انطي واني الممنون عسى ما زبال تروح تفضحنا الجمد لله جتي عليك لو على غيرك جان الله يعلم شسوت
- سعد- بعد مكدرت اسمع متحملت -- يله رشيد فايت اني اجيك فد ساعه
- تعال مالمن الفاتحه انت موكلت عطله عدي باجر
- ولك ابو مدرس عدنا البارحه نطاك عمره خطيه رحنا كلنا
- الله يرحمه سعد فدوه دير بالك عليها احد يلحكها هاي روحه وجيه فدوه لعبنك
- كل يوم كدامي تروح وتجي وحدها وي هدى لا اخد لا حكها ولا شي ولا ترفع راسها لاحد اطمن واذا صار شي اكولك ولو انت خبل
- لازم اعاملها غير معامله امي مدري شبيها متعرف تتصرف وياها نسمه حلو تعاملها متضحك بس وياها
- تنهدت مجرد كلامه بيها يرجف كلبي الله كريم خويه
- جمانه- عدت الايام لا نسمه عافتني ولا سعد عاف رشيد ولاامه عافت امي تقربنا من بعض كلش الصبح دااطلع كالعاده الخارس الشخصي ينتضر بالباب يلعب بفونه من يشوفني يضل يباوع ويدير وجهه عني عباله ماادري دينتضرني مشيت ومشه ورايه بالسياره وصلت لراس الفرع دااعبر الشارع وشحطت سياره وصلت لرجلي ووكفت ابو السياره صاح --- ادري شبيج عميه متشوفففين رفعي راسج باعي يمنه ويسره يله تعبرين معذور ابو سفيان من جان يدفنكم احياء رفعت راسي شفت سعد نزل من السياره مالته ركض
- سعد- تقربت منها بيج شي متت خوف عليها باوعتلي ونصت راسها تنهدت براحه الحمد لله --- انداريت على ابو السياره -- شبيك متشوف عالم تمشي لو الشارع باسمك
- ادري شنو تمشي وراسها بالكع الاصول تكول تلتفت يمنه ويسوه يله تعبر
- لعد شترييد تتفرج على شكولك--- صعدي اوصلج
- جمانه- عفته ومشيت سريع
- سعد- باوعتلها والولد ضل يباوع -- اني عبالي اختك كال-- لا مو اخوها عدك اعتراض
- لا العفو شتصير منك لعد حبيبتك
- انجب واحترم روحك كرايبي وذنه بنات عوائل امشي ولي منا يله
- وين بيتهم باوعتله صار عصبي
- انت صدك متستحي خزرته ونار شبت بيه شفته صعد لسيارته وطلع بقيت صافن رحت للمدرسه وبقيت النهار كله اعصابي منهاره بالرجعه شفت الولد طابك يم مدرستهم لحكها بقيت امشي وراهم ضل يذب حجي الها ضليت اراقب اشوف شحتسوي سررعت بمشيتها لحد ماوكعت بمثل النكره نزلت ركض -- ها جمانه شو باعيني
- جمانه- هذا القندره خوفني اباوع رجليه تجرحت نفضت هدومي
- شو باعيني خومتاذيتي
- جمانه- انتتتتت معللليك صحت بيه ولي ماريد اشوف وجهك
- سعد- ضليت صافن عليها هزيت راسي طبت للبيت انداريت عالولد اللي راح وصل لراس الفرع لحكته لزمته من ياخته ضربته بوجهه اذا فتت للفرع بعد اموتك تضارب ويايه وكللي منسجل باسمك اليوم جايب اهلي عليها وانت شللك غرض
