صاح عليه رشيد جنت واكفه وره الباب
ها رشيد
تعاي عدي حجي وياج-
- اي كعدت يمه باوعلي وباوع لامي رجع باوعلي جمانه صار عمرج 17سنه وبعمرج البنات يجوهم خطابه وجاييج خوش ولد
- ماريد
- صفنت عليها باوعتلها انتي مخليه واحد جوه ابطج
- ااالا
- لعد شنو راسن ترفضين فكري اول اعرف منو
- ماريد رشيد داكوم لزمني من ايدي بعصبيه لج تكعدين لا اطلع قهر الله بيج اكعدييي صحت
- اي دمعت عيني
- الولد خوش ولد ومرتاح وخالو كفله وكال بركبتي وانتي هسه مطلكه مو مثل كل بنيه
- رشيد ماريد الله يخليك
- انتي عدج احد
- والله لا استغفر الله ربي
- احجي اسمعج اني اخوج
- ماكو شي
- لج جمانه حتخبليني اساسا موضوع الفصخ اني تخبلت من سمعت بي سومد ذهب اني اعرفه بس انلصمت لان جنت محبوس شحجي بعد المهم الولد اني وامج مقتنعين بي تردين تحاجي بالتلفون فتره الخطوبه وراها يله يصير العقد اني قابل حتى تتقربين منه
- لالا ماريد احجي واي احد خليت ايدي على وجهي ابجي طبت نسوم
- نسمه- شبيها جمانه تبجي
- وشيد- جايبها ناس ومقابله بيهم تنهدت شونج انتي
- زينه بقيت صافنه عليها هاي بعدها روحها بسعد وذاك هم متاكده يحبها من نضراته عفتهم ورجعت لبيتنا --- سعد سعد
- سعد- ها هياتني دازين لحيتي
- شتزين باوع تره جمانه جاييها ناس ورشيد--
- شنوووو عفت المكينه غسلت ونشفت لبست عدومي وتسمه تكمل حجي خالها جابه وخوش ولد نار وتحركني بيها---- كافي نسمه هسه حروح جمانه ماصير لغيري
- اني هم جنت متاكده كاعده تبجي وتكوله ماريد تره
- خرب ---- رايحله رحت لبيتهم صحته من الباب رشيييد مثل قبل
- ها ابو سعود فوت فوت
- الله يساعدك يابه
- هلاو كلبي تعال تكعد بالصاله لان حاره بره
- اي والله تنهدت مااعرف منين ابدي كعدنا وامه جابت جاي شفت جمانه خطفت انخطف كلبي وياها نصيت راسي كعد كدامي رشيد-- رشيد جايك بطلب
- كول عيوني الك
- تنهدت جريت نفس وذبيته
- ولك ماعدي ولا عانه مفلس وروح ابوي
- جب لك خل الغي
- احجي
- اريد جمانه
- شنووو عكدت حاجبي
- رايد اختك لتردني ومحمد اخليها بعيني
- وكفت انت صدك تحجي اشرت بيدي انت تشاقه مو لك بابا صغيره عليك
- رشيد شسوي يعني رابين سوه ماالكه احسن منها نصيت واسي خجلان
- سعد مترهم والله
- ليش ولك هيج اني عجوز
- ولك مو هنا الحجي بس صغيره عليك انطيها لابوها اسف سعد هاي مو بايسكلي لو هدومي هاي اختي بنيتي ربيتها على ايدي
- رشيد حتفشلني البنيه اريدها
- باوع خل افهمك تتذكر من خابرتك وتتحرش بيك تذكر هالموقف وشوفها شكد طفله انت عمرك مال وحده واعيه سعد ماريد اخسرك
- رشيد شنو قصدك متنطيني رفضتني رفض قاطع قافل
- اي اصلا جاييها ناس وناطي حجايه
- وكفت صدك تحجي انت اني اريدها صار فتره اراقبها كلش عجبتني اخلاقها وتربايتها ومحافضتها على روحها
- سعد الف وحده احسن منها تره لتضل تحجي هالحجي
- صفنت كعدت كمت اهز برجلي واحك باذني من اتوتر اضل احك بيها شسوي اني هسه شسوي بله ترخصت وطلعت رحت لامي كلتلها روحي لامها بلكن تقنع فرحت امي لان تحب جمانه كلش وهالمره اني الجيت وكتلها ارد فلانه مو كتلها خطبيلي وفهمتها من زمان عيني عليها راحت امي وهم رفض رشيد وكعد يقنعها لامي النوب امي جتي مقتنعه
- جمانه- ضليت ابجي عرفت تقدم ورفضه رشيد متوقعت حيرفضه طب عليه للغرفه مسحت دموعي وكعدت عدل
- رشيد- تنهدت عرفت بعدها تفكر بي جمانه اكدر احاجيج
- اي تعال
- باعي اني اخوج واعرف بمصلحتج سعد شكد احبه ويمكن اعز انسان عدي بس ميفيدج ابد
- ليش باوعتله بحيره ضل يباوعني متفاجا
- بعدج تفكرين بي
- اي دمعت عيني وبرطمت
- لج بابا ميفيدج اولا نسوينجي وثانيا جبير كلش عليج وثالثا تنهدت باعي اقل مشكله بينكم حيعيرج ويكولج انتي ذبيتي روحج عليه انتي التحارشتي بيه
- لا ميعيرني
- مو داحاجييييج صحت متحملت بعد --- استغفر الله بابا صديقي واعرفه مدام شايف عليج شوفه مراح ينسى
- باوعتله شسويله لهذا اكوله كلشي هسه اخلي يكفر بالهندي هزيت راسي اي وانلصمت شوي وجتي هدى همزين جتي طلع رشيد وعافنا اخذت تليفونها دكيتله ابجي الو
- الو منو جمانه شبيج حبيبي
- سعد شون شسوي
- انتي كوليلي شسوي قافل اخوج
- يكلي يعيرج لان انتي تحارشتي بي باقل مشكله راح يعيرج
- انتي متحارشتي اني الطيحا حضج
- تنهدت تعبانه سعد ومااعرف شسوي كلت لماما مااقبل كلتلي انتي واخوج وهو اعرف بمصلحتج سعد اذا تحبني حلها الطوبه بملعبك
- ماشي اضل الح عليه واشوف الله شون يدبرها الله يجعلج من قسمتي
- احبك بجيت
- لتبجين حبيبي دموعج تدمرني
- ماشي باي
- الله وياج سديته مو اني اعرف روحي ميلوكلي اجر عدل واستقيم مكسرات تكعدلي مثل الورد لليل رجعت رحت لرشيد اشوف تاليتها ويا شنو -- رشييد
- ها سعد تعال بالحديقه اني
- الله يساعدك رشيد
- هلاو ابو سعود باوعتله اكيد حيرجع يفتح الموضوع ها شعدك اطلعلي بالنضيف من الاخير
- رشيد اختك اريدها ابتسمت هسه مو نطيتك اختي
- سعد اختك مناسبين واحد للاخ اني وياها شجلبت انت ها زعطوطه
- مالك دخل هاي شبيك اخليها بعيني
- لا يابه تنهدت درت وجهي الغي السالفه كًلها لتخاجلني وياك
- رشيد متصير لغيري
- لك بابا شبيك ماكو بنيه عدي روح
- ليش هيج رشيد البارحه عرفتني ؟تنطيها للمتعرفه
- هاي باقل مشكله راح تصير تكولها انتي تحرشتي بيه لان عدها سوابق وياك
- ماكولها وروح ابويه
- سعد الغي السالفه شبيك جلبت خلصو النسوان
- رشيد اني التحرشت باختك
- شنوو
- مثل مداكولك اني طبيت للغرفه من دااحاجي ندى من طبكت السياره بعيد ميلاد هدى وبستها عبالي ندى ونطيتها رقمي كتلها خابريني جانت ضلمه عبالي ندى
- فتحت عيني هاي من جانت بصف ثالث متوسط جانت طفله ياضالم طفللله ضربته بوكس بوجهه رجع ليوره منصي
- رشيد احبها وروح ابويه حبيتها لبرائتها
- لك امشييي اطلع برررره لك امنتك على عرضي ناقص دون
- والله مجنت اعرف بيها هي
- ولم لعبه بيدك عروض العالم بس اني صوجي والله اني صوجي ولك تغدر بيه ولك اختك كل يوم تصعدلي اخاف بنضره انضرلها اكول هاي اخت سعد تالي تجي لاختي طفله ولك ششفت منها
- ماااااادرررري صحت بعلو صوتي بوجهه مااعرف بيها هي
- دفعته قوي وكع بالكع وكفته وطلعته بره وصحت اذا شفتك بباب البيت والقران منيتك على ايدي
- سعد- طلعت صافن راح رشيد وجمانه اعز ثنين روحي وروح روحي شسويت اني شسويت للصبح منايم نسمه راحت لبيتهم لان حجيتلها كلشي ضلت صافنه عليه افتر راسها راحت الهم
- نسمه- طبيت سويت نفسي كلشي ماادري نفسيه رشيد طين لكيت خالهم هناك كعدت يم جمانه بس تبجي باوعتلي حضنتني بجيت وياها مااعرف شون اساعدها سكتت
- جمانه- رشيد كام يكره سعد
- اندعي الله يهديهم
- كله لخالو طيني مجال سبوع واردلك خبر وطب صييح عليه وكال تشيلي من راسج لا ادمرج وحتى اشيل منا
- شيكولج كوليله صار هو هسه عصبي
- اني هم هيج كلت سكتت كمت صليت جنت كاطعه صلاتي وهسه رجعتلها مر يومين واني روحي تطلع جتي هدى وخابرته الوو
- ها عيني تنهدت
- شونك
- موزين ابد موزين بيومً واخد خسرت حبيبتي واخويه رداخوج جواب
- بعد يومين يرد ويصير قرايه الفاتحه
- لو يختمون القران متصيرين لغيري
- احبك
- اااه جمانه
- كمت ابجي
- لتبجين حبيبتي الله يحلها وراح اجي اليوم عليه
- حتعوفني ادري بيك مثل معفتني بالاول
- لا ماعوفج تنهدت مااكدر اعيش دونج
- اني هم مااتحمل احد يلمسني غيرك
- ششش لتحجين هيج اتخبل
- اوك يله باي هدى حتروح
- باي باعي لتضلين تبجين
- اوك سديته راحت هدى خابر رشيد واتفق الخميس الفاتحه والعقد طب عليه وكللي حجايه متصير 2الخميس مهياه نفسج
- يعني تجبرني لو بابا عايش
- لو بابا عايش جان تصرف مثل متصرفت وياج الحب يجي وره الزواج بالمعاشره ولج بين مايه هسه انطيج لواحد غدار
- ميعرفني جان والله
- انجبي لحد هسه النار تاكل بيه امي مكتلها جان ذبحتج
- اني شسويت
- مسويتي شي بس شجعتي بس
- رشيد الله يخليك
- الله ليخليني اسكتي وحسج مااسمعه والنبي اذبحج واحسب الله ماخلقج لو اعرف حتى نسمه افصخ منها هالزواج ميتم
- سكتت وطلع اجه سعد علبه ودز امي كلها كوليله طالع اول تالي هيج يصيرون
- سعد- صرت اعصاب دزيت نسمه وهم كلتلها خاله طالع حتى نسمه نفر منها ضلت تبجي
- نسمه/ خابرته ميرد دزيتله رساله شنو ذنبي اني هيج تنفر مني رشيد اذا تريد تفضخ بعدنا عالبر مردلي جواب اسمعه يصلح بالبيت والحديقه وشميت ريحه صبغ من بيتهم عرفت ديصبغ البيت
- رشيد- فصلت من كلشي حقدت عليه كلسا اتخيله من ديبوسها نار وتكب بين ضلوعي حبيبتي جانت صغيره شصار بيها هاي 15سنه وكلشي متعرف اختي واعرفها عقلها اصغر من بنات جيلها واول مفتحت عينها باسها الحقير حتى لو ميدري مااكدر اسامحه مااكدر كملت شغلي ورحت نمت باجر عدي شغل عكبه عقدها خابرني الولد وطلب مني يحاجيها قبلت ردتها تتعرف عليه قبل العقد --- جمانه هاج تلفون ماما مويد حيخابرج تتعرفين عليه قبل العقد ماشي
- ماريد نترت بي
- اشششش صحت بعلو صوتي باعي تره النار البيه كافيه والنبي اطلع وبعد متلكوني
- لا رشيد لتكول هيج مصارلك شهر من جيت
- لعد سمعي كلام اني اعرف بمصلحتج
- اي ماشي راح وسد الباب دكيت لسعد راسن -- سعد نطاني التلفون يكولي حيخابرج ماريد احجي وي غيرك حمووت
- لتحاجي وليسمع صوتج جمانه لتحجين ويا اموتج واموت روحي
- ماحاجي راح اقفله وداعتك
تنهدت احبج لتعوفيني
ماعوفك والله
