سعد- ضلت هي ببالي وبقينا بس عيون تتحاجه تعبت حيل اخذت شالها وخليته بجيس من دتطلع للدوام تقربت منها طيتهيا
جمانه- شنو هاي عكدت حاجبي
سعد- تنهدت هاي غراضج اخذيها كافي
جمانه- مفتهمت منه شي وشنو من غراضي عده اخذت الجيس وطلعت كبل فتحته براس الفرع شفته ثگل من يمي بالسياره باوعني رفعت راسي شفت شالي بالجيس يعني يريد يطلعني من حياته ماشي الحاويه بصفي باوعتله دااذب الجيس بيها جره من ايدي قوي بعصبيه خزرني واخذه وراح لعد ليش هيج سويت شنو هالسوالف التعبانه لو تريد لو متريد حاير واني هم حايره شايفني طفله وماناسبه وشايفته ابويه وحبيبي ودنيتي الفتحني عليها رجعت للبيت مدري شبيه احس روحي تعبانه ماادري من الدوام ماادري منه ومني نمت من المغرب وحسيت الفجر ب5تلفون ماما عالشحن اخابره اسمع صوته اسمع كلمه وحده ولو مثل قبل بس حرف واحد تنهيده همسه اي شي يحن كلبه عليه بي اخذته جرأه قبل موموجوده عدي بس دكيت دكتين رد صوته مال نوم الوو الو خاله ام رشيد الو خاله منتهى اكو شي
- الو
- جمانه همست توني كلعد من النوم فركت عيني عبالي احلم رجعت كلت جمانه شبيج
- سعد
- نعم
- مشتاقتلك صعبه وثكيله من طلعت بين شفافي
- سكتت غمضت عيني قربت الشال شميته بقيت ساكت اريد اسمعها تنهدت برجفه ليش
- شنو
- ليش مشتاقتلي ليش
- سكتت وره شوي دمعت عيني سعد ممشتاقلي
- لا كلتها ببرود وبعدني مغمض اتخيل شكلها من تحجي
- كارهني
- لا عادي
- عادي تنهدت لعد اني هم عادي واسفه لان دكيت عليك واخر مره ادك واعتبر هالشي مصار مع السلامه سديته غمضت عيني ليش اني رخيصه هلكد ليش هيج سويت ليش كافي بقيلج كرامه من امداج اي والله نمت وكعدت بالسبعه ونص لل8وعشره يله طلعت حتى ماشوفه وفعلا جان رايح يمكن عباله ماداوم رجعت من الدوام مشه ورايه ومن رجعت نسمه جتي ببيتنا كتلها باجر ماداوم تعبانه حتى تكوله ومنتشاوف كمت اتهزم منه خلي اطيب بعد كافي فكرت اسوي علاقه جديده وي شخص ثاني بس لا حرامات هطيه رشيد تجي حجايه هدى صادقت خطيبي السابق سرمد ومبين عليها حبته وحبها كيفتلها لان اني من اول اضوج منه بعد اهتم بدراستي وبس
- سعد- شون رفضتها ماادري يمكن صار رشيد بوجهي كامت تتهرب مني لبست الجينكو المرتب نسوم قللت روحاتها ببيت رشيد واني وكت المسواك اتسوك ووديه وارجع كمت ماشوفها بس الروحه والجيه للمدرسه ومتباوعني اكثر من قبل احسن هيج الي والها ندى كامت تخابر كومه رديت عليها اشوف شتريد ضلت تسولف واسولف وياها طلبت نطلع وعزمتني واني ضايج فكرت اطلع وياها قبلت بلكن اغير جو طلعنا ورجعت بليل هالبنيه غريب امرها سبورت حيل للاخير وامها فاصله من الرئيسي صعدنا للغرفه واخذت كل راحتي ورجعتها بليل بال9 جانت فرحانه بس طبيعتي من اكمل وراها اختنك اضوج من نفسي كلش رجعت نمت بغرفتي انبني ضميري
- جمانه- كلتلي هدى طلع وي ندى لزمت نفسي طلعته من كلبي اني اكرررررهك هيج تلاعب بالمشااعر ماكو تره هيج شي شون نفسيه خرب عقلي من حبيته عده شهر لخ بعد شهر واكمل دراسه وامتحانات سعد-وبيوم من الايام بيبيتها ماتت خطيه وامها طلبت مني اوصلها لبيتهم وي امي ونسمه وصلتهم كعدت ورايه باوعتلها بالمرايه نفس المكان اللي التقينا بيه وصلتهم بيت جدها وكالت امها يمه ودي جمانه بيت خالها هي تدليك تندله تساعد البنات بالطبخ
- جمانه- ماما ماانزل وياج
- لايمه كلها نسوان روحي ساعدي البنات يحتاجوجً
- اوكي نزلو وعافوني بقيت وياه وحدنا يباوعني بالمرايه
- سعد- ماكو داعي تدليني اندل تنهدت تتذكرين همست
- مارد اتذكر شي
- اوك درت وجهي عنها وصلنا باوعت لباب بيتهم تذكرت كل لحضه نزلت ودارت وجهه باوعتلي وفاتت اخ الله شون بيه شوننن هنا نزلت ولزمت ايدها حضنتها بستها اوف ربي تبقى هي راحتي وعافيتي ترجع من اتذكر ايامنا نسيت نفسي وراها حسيت السياره تشتغل طلعت ورجعت للبيت بليل رحت جبتهم وثاني يوم جان عدها امتحان ب10اني كملت مراقبه ورجعت للبيت وصلت امها ببيت بيبيتها ونسمه بالمركز رجعت للبيت شفتها من شباك الغرفه تحاول تشغل الماطور بالطرمه لابسه حجاب ومديشتغل تسحب المي وميفيد نزلت دكيت باب الحوش ادري كل احد ماكو مااعرف شجابني هنا رجليه وكلبي جابني
- منوو
- اني سعد
- فتحت الباب جنت عركانه --- ها سعد
- شنو الماطور مديصير باوعت عالفرع فارغ
- اي شككل موتتتي والتانكي فارغ
- ممم شويه خل اشوفه حاولت اشغله ماكو واكفه البروانه المهم اشتغل رفعت راسي شفتها تبتسم
- اخييرا اشتغل شكرا تعبناك
- لا عادي وكفت باوعتلها توصل لزندي بقصرها وهي طولها حلو بس اني الطويل كلش تقربت اريد عطرها
- شبيك عكدت حاجبي
- جمانه همست تنهدت مديت ايدي اخذ ايدها رجعت ليوره غمضت عيني تقدمت جريت ايدها رجفت بيدي نفس اول رجفه باوعت بعينها البريئه تقربت منها اكثر
- شدتسوي سعد همست بدت روحي تنخطف مني وخر عني اكرهك
- والله ماادري شداسوي والله ماادري نصيت راسي خليته قريب ركبتها شميت عطرها اويلي همست شفتها هدات اليكره احد ميخلي يقترب منه بداخلي
- سعد روح همست اني اخت رشيد اني طفله روح لندى مو ثوبك اني
- ادري ادري بس عوفيني شوي تردلي روحي صار 7شهور ميت
- نصيت راسي شفته مغمض يشتم يبلع ريك يتنفس بسرعه وصعوبه احس ذبل بيدي هالضخامه والقلافه يمي ماع اريد حضنه تقرب ومرفضته حضني عصرني بين ضلوعه بقوه بعدها رققها كام يتنهد بصوت مسموع اهاته دمرتني سكتت بقيت بس اسمعه صوت نفسه وتنهداته كافي --- سعد اذيتني
- اسف
- ماسامحك
- شسوي بس رجعيلي
- كول لرشيد كلشي
- شون بلعت ريك اي ميخالف اكوله من يجي وداعت امي بقيت حاضنها واحاجيها جمانه انتي الي ماخليج تهمسبن لغيري طفلتي واميرتي ذنبي البريءباوعت بعينها متروسه عينها دمع واني نار شبيج
- مداصدك الداسمعه
- ممعقوله محاسه بيه ممعقوله جمانه اني بكبري وبسني هذا نهيتيني بحبج ابتسمت وجهه تخربط ذبلت وخدودها صارت دم
- هيج يصير بيج من اتقرب منج هيج تتغير وتذبل ملامحج
- ليش عفتني من عرفت اني منو ليش عمود اني صغيره لو عمود اخت رشيد
- لا نصيت مااعرف حسيت بغدر بس بعد صار الصار
- لعد ليش بعدك تحبني
- انتي نصيت مدااكدر احجي روحي راح اخابرج من تجي خاله
- تخابرني
- اي اخابرج والله
- خاف من توصل تكلب
- لا تنهدت وداعتج
- خاف ندى تاخذك مني
- رفعت راسي تدرين
- اي ادري كلشي تكولي هدى
- اخر مره باوعتها بتوسل
- راح وسد الباب يباوعلي جتي نسمه يمي وره شوي وبليل جتي ماما اخذت التلفون وطرت للغرفه دكيتله
- الو
- الو
- تنهدت هلاو بنفسي
- هلو سعد
- احبج جمانه اعشقج باجر ادز امي عليج
- شون يصير وبيبي صارلها 2يومًيته كلتها بفرح
- ميهم بس تطلع اربعينها اتقدم اعشق صوتج ونفسج
- سكتت اسمع صوته اريد افوت الجهاز باذني بقلبي
- احجي
- اريد اجي يمك
- ششش سكتي احسن
- ماه --- سعد
- عيونه
- تحبني
- خلي هذا يكولج نزلت التلفون على كلبي دكاته متسارعه
- اموت على دكات كلبك دكه دكه
- سمعتي شون تخربطت وضعيته
- اي
- احبج احبج احبج
- اموت عليك يله حروح ماما كعدت هسه تشوف الفون ماكو تذبحني عالقبله
- روحي حبيبي الله وياج سديته منها توني اغفه ساعه5الفجر جنت حيل مرتاح دك التلفون رقم غريب
- الو
- الو سعود
- لك رشيييد
- اي اي
- لا بشرفك شبيك يول داك هالوكت
- هههه ولك حررونا وراح ارجع الضهر اني يمكم كول لامي مشتاقلك كوا-----
- هههههه واني اكثر خرب روحك يله منتضريك على نار كمت بعد حتى النومه طارت من عيوني الفرحه ملتني قررت ماكو شي لخاله وجمجم ونسوم مفاجاه رحت حجزت مزايق وذبيحه ب12ونص ضليت الوب لل11اني واكف براس الفرع واحسب كم ساعه من الموصل لحي اور وكم دقيقه يمههههه الوكت اكلني اكل جكاره بروح جكاره ماطفيها من الكطف للكطف كلشي مماكل اجتي المزايق واكفين ننتضر فتحت البابتين مال بيت رشيد تاكدت ماكو احد بالمطبخ خاف يشرف روحي بدت تنقبض الانتضار صعب وحتى الامل هم صعب وين صرت هي ابن ال---- كعدت عالرصيف اجه الكصاب والذبيحه ويا الناس كامت تسال شكو ونسومه وخالتي ميدرون بعدهم طبت سياره لمحتها من بعيد عسكريه المطي واكف بالبدي بدشداشه هو مو هوه اشوو اي وعلي هوو لك رشييييييد صحت بعلو صوتي دكت المزايق بوكفته والناس التمت يحضنون بيه ويبجي غير الزمه غير الكفه من ايد لايد حبو هسه جان الخبل مال منطقه بصغره واخيرا وصلي ولك طايح الحظ بعدك عايييش
- ولك عار ماعليه شي حضنني يبجي وابجي ويا طلعنا قهر 9شهور فراك واشتياق لكعداتنا اخويه وابن روحي مو بس صديقي فوتته للبيت طلعت نسمه لونها مخطوف ركضت عليه باوعتلي نصت
- من رخصتك لك حضنتها
- نسمه- حمد الله عسلامتك همست باذنه
- اوووف انتي كل سلامتي الله يسلمج بستها من راسها اباوع بعينها منصدك داشوفها تفاجات لمحت امي هالكرسي تبجي ركضت عليها لج يوم شبيها رجليج كومي
- والله يمه احسن ايام وارجع امشي وخطيبتك معايفه العلاج طبيعي ويايه
- جمانه خويه تعاي تعاي يمه بنيتي حضنتها ولج شونج صايره مره ادبسس كبرانه
- جمانه- مشتاقتلك احجي وابجي
- اني هم وحق غربتي هاهي الحمد لله فرجت سعد خويه ماقصرت تعبتك وثكلت حملك ادري اعوضك انشاء الله
- سعد- دنجب لك شوفتك تكفي تعال ديذبحون مال سلامتك تعال ذبحو الذبيحه وتعاركنا عالمعلاك واشتغل الضحك اخيرا رجعتلي الضحكه برجعتك اضحك اني ويا ونرجع واحد يصفن بوجه الثاني ونتحاضن ونبجي حالنا مو احسن من حال النسوان اجه خاله وولد شباب من عشيرتهم واحد من عدهم كص جمانه كص كمت افور اليوم احاجي يابيبيته ياجده اليوم اطلبها منه كافي عاد طلعو العالم لليل نسوم الضحكه مفاركت شفافها فديت كلبج شكد حبته وهو هم ينحب فدوه لعيونه التراقب عيونها -- رشيد كوم ببيتنا والنسوان هنا كوم بحديقتنا
- ولك عوفني امشي فوك بغرفتي
- ها يله امشي صعدنا فوك وسالفه تجر سالفه سولفلي شون كضاها وي ابو البيت وشون اشتغل ويا بالنفط وكام يصيح نفووط نفووط ههههه وصارت سوالف منشوف الا الجو جهجر وطلعت الشمس
- رشيد- اللله ياشمس بغداد الله والله العضيم حتى هواها يختلف ذوله العالم شون يسافرون صدك يحجون اختنكت ولك تعرف شنو اختنكت
- الحمد لله رشيد انت بينه صدك لو احلم
- الحمد لله تدري سعد العده مثلك ميضل باله على اهله والله مطمن لانك موجود رغم وجود خالي بس ادري بيك اخو خيتك
- تسلم رشيد انت هم وكفاتك متنسي نسيت وكفتك ويايه من مات ابويه
- الله يرحمه اخ ربي الحمد لله شوف خويي الباجر جايين نطلب اختك واني طالبها منك قبل
- يابه اخذها بعبايتها صدك تحجي
- والله العضيم بادي من الصفر بس الله يسهل ويوفقنا ولو بس حلقات وعقد والباقي سهل
- اي انشاء الله جيت افتح موضوع مكدرت شفتها صعبه خاف يكول جيف طلبيت تخته يطلب اختي يستغل موقف يعني واني موقفي اضعف من موقفه اكبر منها بهواي ---
- ها شو سكتت اكو شي صاير بغيابي سولفلي
- ماكو شي جديد يله نام ارتاح حتى باجر تجيب اخلك شوف لك جيب ناس واصله تره ماانطيك
- عمي العشيره كلها اجيبها وحتى ابو النفط هههه والله ياهو الاشوفه بالشارع اجيبه
- خوش لعد يله ياب اخذ راحتك نورت المنطقه بعد اخوك
- ورده ابو سعود الله وياك وصلته للباب وصعدت نمت مرتاح كلش
- سعد- جمانه من اخر مكالمه ليهسه لشايفها ولا سامع صوتها اشتاقيتلها كلش اجوي اهل رشيد ونطينا الهم ونسمه فرحانه جماعته رمو بالشارع خطيه فرحانين برجعته وبخطوبته نفس اليوم عقد سيد ومحكمه وتغدو عدنا واخيرا شفت جمانه جانت طالعه تخبل مخليه عطرها الدمرني وكلما تفوت من يمي اغمض وانصي اذبل كللي ناويه عليه نيه سوده هالبنيه مر الاسبوع ودز عليه رشيد بليل سولفنا وضحكنا نسوم جانت يمنا
- سعد- رشيد هسه شوكت نفرح بيكم
- رشيد- باوعت لنسمه تضحك ونصت بعد بس خلي الله يسهلها اني نقلوني لعمليات التاجي بعد ماكو خفر اكثر من يوم وبعد اسبوعين الراتب واشتري بالاقصاط
- نسمه- خو عدي غرفتي القديمه من فصخت اخذتها
- رشيد- لااا خزرتها وعفتهم وكمت فتت للبيت
- سعد/ انتي شبيج زماله صدك جذب اكو وحده هيج تكول من طاح حضج ناقص مغثه
- نسمه- مو قصدي شي بس علموده خطيه حاير
- سعد- لا حفصي بمصارينه لعد دروحي صالحي
- نسمه- اوك حروح فتت للمطبخ مالتهم شفته ديشرب مي بعده لحد هسه ملازم حته ايدي ---- رشيد
- باوعتلها ودرت وجهي غثتني كلش
- حبيبي
- ابتسمت ونصيت رخه كلبي
- تقربت منه حضنته من ضهره احبك والله اموت اذا زعلت
- اذيتيني همست غمضت عيني
- اسفه انشاء الله اموت
- الله يخليج لتجيبين طاري الموت هلكت هال9شهر بعيد عنكم خليت ايدي على شفافها بقت تباوعني بحب جريت راسها لحضني مو تتني باسلوبها الحلو بستها من راسها امشي اخوج بره عيب
- سعد- يابه كلنا صالحي مو ساعتين هم فكرو اكو عالم بره الله واكبر عليكم فكرو بالعزوبي
- رشيد- منفرح بيك سعودي بس اشر بس لتاشر على راس الفرع بربك ندى فندق ممنوع خط احمر
- خهههههه لا ياب البنيه سافرت ايفاد طلعلها مثل حضي ضليت صافن افتح الموضوع يله مبقه شي على اربعين بيبيتها خوماسوي مثل خطوبته سكيتي حته هلهوله مهلهلو
- رشيد- نسوم حبيبي تقبلين بحلقه وكردان كوله امي موقتا
- نسمه- ارضى بحصيره اني ماهذتك الك ماريد جاه
- سعد- بالنسبه للصونده اللي بالحديقه غازيه لو نايلون
- رشيد- صونده حتتكطع على راسك خل نسمع الغزل هههه
- سعد- تخلون الواحد يتزوج احلى عصافير الله يحفضكم نسوم اني نعست مننام اليوم
- نسمه - اي سعد يله امشي باي رشيد
- هلاوو نسوم سعد سعد
- ها شكو
- باوع ااا شسمه
- شسمه
- سرمد شون عرفت اخته هيج
- هااا باوعت لنسمه ابتسمت ضليت اسال وراه
- ولك هو خوش ادمي بس اخته هيج وشعلينهً من اخته
- ها صدك تحجي
- والله يله بعد صار الصار
- في امان الله عفته ورجعت للبيت باجر اكعده واحاجي كافي عاد رجعت نمت والصبح طلعت مسواك البيت وترتيبات وتصليح عطلات ضجت من الكعده العطله تفلش مو بس تكسر خابرت ندى وضلت تلغي على سفرتها مليت سديته منها بقيت اتصفن بفراشي مديت ايدي جوه المخده طلعت الشال اشتميته اوووف يارحيتج مضل شي الله يجمعني بيج عن قريب مجال هسه كاعد انصب عليها كمت نزلت افتر بالشارع لمحتها وي خاله بالسوك طبكت ونزلت --- ها خاله الله يساعدج ابتسمتلي بشوق جمانه
- ام رشيد- هله سعودي شونك امي
- سعد- محتاجه شي اخذه للبيت بلكن تكلي اخذ جمانه
- لا سلامتك ماعدنا شي بقت تبتسم غمزتلها واشرتلها خابريني رجعت للبيت والتلفون بيدي كلهذا وبعدها بالسوك اووف شوكت ترجع باوعت من شباك الغرفه شفتها فاتت للبيت وي خاله اخيرا شوي ودك التلفون رقم امها الووو
- هلاو
- عمري انتي تنهدت مشتاقلج كومه
- والله اني هم شسوي رشيد عينه عليه اخاف منه
- اي حقج تنهدت هاهي اكتفيت روحي حبيبي خاف يلزموج بست التلفون هاي هم بوسه روحي عمري وتذكريني
- اوك اصلا مناسيتك سديته وخليته على كلبي مسحت المكالمات وطلعته سمعت صوت خالو يحجي وي ماما انه رايدني لابن اخت مرته عرفت من نضراته بيوم رجعه رشيد وكف كلبي ومعرفت شسوي رشيد جاوبه احسن ناس والباجر نرد خبر اهووو هم حيستعجلىن والعباس غير سعد مااخذ لو يذبحوني
