- هنا انصدمت ضليت ساكت صدك ياخذها غيري ويسوي وياها السويته لامستحيل مستحيل اخلي بس شون ينطوني اني اكبر منا 13سنه هذا يناسبها اكثر استحي استغل صداقتي برشيد اوهوووو شون راح تكضى احسن شي اسد حلكي سويتها بله ملح افك ياخه عن البنيه
- جمانه-طبيت ابجي للبيت امي لحت عليه شبيج وشبيج --- ماما الله يخليج عوفيني من شوكت حابتني شو بس ترزلين وتصيحين عليه تكرهيني انتي
- اكو ام تكره بنتها انتي وحده حرام الربا بيج لج ماما اني ام اريدج احسن وحده
- حضنتني ماما وضليت ابجي من كل عقلي جنت محتاجه حضن يحسسني بحبه ضلت تمسد على راسي تغيرت امي ويايه كلش كامت تحجي على كيفها ويايه وتتبسم واني طايره بيها كمت كلسا اتقرب منها احضنها بليل جتي نسمه وسعد صعدو فوك
- نسمه- صعدت وي سعد نطيته العلاجات وهو كدامي يسوي يباوعلي رشيد بابتسامه وسعد ويسوي المساج
- سعد- خرب عرضك ولك نمله بفراشك
- رشيد- مو هو يجي عالحلاه واخيك عسل
- سعد- دكوم كوم دننفضه
- نسمه - شو شويه سعودي خل انفضه وخر سعد راح عالجهه الثانيه شلت المخاديد مالته وكعت صوره من جوه المخده رشيد ميصير ينصي نصيت جبتها شفت صورتي من جنت صغيره وي امه باوعتله مستغربه ارتبك رشيد باوعني ونصه راسه شال الجرجف
- سعد- شكو شبيكم صفنت عليهم واحدد صفن بوجه اللخ
- نسمه- ماكو شي هيج شال الصوره ورجعها جوه المخده مالته باوعني مبتسم نزلت جوه
- رشيد- خرب حضي نسيت الصوره اكيد عرفت كلشي خل تعرف احسن شوي وراح سعد واني جيت انام بقيت افكر بيها دك فوني نسمه كعدت عدل --- الو
- هلو رشيد
- هلو شونج
- الحمد لله تنهدت --- ليش صورتي جوه مخدتك
- صوره امي هم
- ممم يعني بس هيج
- سكتت غمضت عيني اي بس هيج
- ماشي يله باي
- الله وياج سديته ليش محجيت ليش لا اني اساسا من اريد راسن اروح اخطبها بس شون رشيد وانت تلوب من تتذكر خطيبها وقربه منها اوووف الله
- جمانه-الصبح كالعاده نفس السالفه والموضوع كدامي بجهرتي يصبح تقرب عبر الشارع باوعلي
- سعد- ها هلو جمانه رشيد هنا كلبي وكف من باوعتلي
- مجاوبته ومشيت من يمه
- تعاي جريتها من جنطتها مو داحاجيج من احاجيج جاوبي نترت بيها
- شتريد ماادري فوت وساله شمدريني هدني يله خزرته
- هديتها متفاجا بيها صايره تخوف شرسه راحت وحدها اليوم صعدت لرشيد جان ديبدل --- ها على خير
- داروح استلم الراتب الحمد لله صرت احسن
- صدك الحمد لله ديله اوصلك بدربي
- اي والله
- نزلنا وصلته استلم ورجعته تاخرت على دوامي كملته ورجعت شفتها دترجع والولد هم ديلحكها بس من بعيد ماانزل اعجنه لهذا هسه وصل للفرع لمحني وطفر وصلت للباب اندارت عليه ورجعت نصت وفاتت البنيه كارهتني ليش ماشيلها من بالي يعني سعد هاي تبوس وتنام وياها مدااكدر اتخيل ليش كلبي عدها اوف الله شكد متناقض اني لليل رحت لرشيد نسمه داكه اقامه هناك يم جمانه وخاله يم امي لو ننجمع بيت وحدنا كلنا والله اصرف النا صحت ياالله وصعدت فوك يم رشيد جان ديتمرن الحمد لله افضل بهواي بعد يومين يلتحق وصاني باخته كم مره وهالمره اكدلي بدمعه ادري ضوجتك وثكلت عليك ولبستك همي بس مالي غيرك اخ سعودي دير بالك عليها بلكن يجوها خطابه وانطيها واستر عليها ببيت رجلها دكيت على صدري وكتله بعيوني التحق رشيد الفجر بيومها منمنا للصبح اني ويا سوالف وضحك واحس قطعه مني حتروح عني تعبقت بيك هالفتره هواي واحس هالمره كلش صعبه روحتك عني
- يول صاير عاطفي دمعت عيني سعودي رايد منك نسمه تنطينياها
- سعد- ولك صدك جذب كببع واخذ بس هي شوي تعقدت وره فصخها الخطوبه اخذ رايها ويابه عن نفسي اني موافق
- بسته وكعدت خجلان ماالكه مثلها مره بس اني تره مهتلف حديقه
- ميخالف الله موجود الله واكابلك واكعد من صدك
- ههههه الله كريم باوعت بعينه وانت شوكت تتزوج
- نصيت راسي الله كريم همست
- سعودي ببالك وحده
- رفعت راسي رشيد بكلبي وحده بس بعد موهسه تنهدت مااعرف كلشي قسمه ونصيب خليها على الله ماريد احجي درت وجهي عالساعه كوم بددل بعد اخوك داوصلك واروح لشغلي خرب بشرفك هم اليوم اغفي بالصف
- اي والله اخذنا الوكت باوع هاي خليها جوه ايدك مسواك اهلي
- ولك البارحه طيتني 100بقه منها 70
- ميهم اخاف ااتاخر هاي 500يمك
- ماشي سهله اذا بقه منها اخلي يم خاله
- اوك بدلت وهو يمي يعدل بالبدله حضنني ونزلنا سوه وصلني للكراج وراح اختنكت لان مودعت امي وطلعت من دون متدري متقبل اطلع تكول بعدك مطايب واني محد مرضني غير كعدتي بالبيت طلعت بالكراجات كيات وكبل للمعسكر ومن المعسكر راسن لتل اعفر لخط النار تفاجات من هالنقله بقيت هناك سبوع بين يوم ويوم اخابر اهلي امي وجمانه رجعت صالحتها وحجيت وياها حجي يخبل كتلها اموت عليج واحلى اخت بالدنيا وادري بيج حترفعين راسي وكلتلي ماما تحبني وصايره ابد متاذيني بالحجي وكمت انام بحضنها مثل مجنت انام بحضن بابا فرحت حيل الله يهديهم نسومه بقت ببالي ليش محجيتلها ليش
- سعد- اخذت مسووليتهم كامله اتسوك وي مسواك اهلي واي شي يحتاجو صرت سايق بس هاي الزعطوطه دمرتلي اعصابي طلعت الصبح وصارلي سبوع مشايفها جانت عطله مال محرم
- جمانه- من شافني نزع مناضره الشمسيه كالعاده جنت مخليه عطر بت هوفن بس موهواي تقرب عبر الشارع وجاني على رصيفنا
- جمانه صعدي وي نسمه اني اوصلج رشيد كال
- مدرتله بال عفته ومشيت من يمه خطيه اخويه مامن الدجاه يم الذيب
- وكفت بوجهه صرت اعصاب اني مو وياج غمضت عيني من اقتربت شميت عطرها يابه الذكريات كلها هاجت عليه رخت رجلي ورجفت روحي بقيت اباوعله خازرتني واني عيوني ذبلت
- واذا مصعدت تضربني يعني
- جمانه شبيج ليش هيج متغيره
- باوعتله وباوعت عالفرع مبي احد ونسمه بعد مطالعه انداريت عليه براء وجميله ماتت تره اني جمانه اخت رشيد دير بالك تتقرب مني عموو
- ممم كامت تمشي سريع لحكتها بالسياره لحد ماوصلت وطلعت لدوامي فات اسبوع نفس الحاله اوديها واجيبها وراها مثل قبل اخاف احد يقربلها اخر شي وصلتها وصعدت نمت بفراشي خابر رشيد سولفنا وضحكنا بالفون وسالني اذا كلت لنسمه كتله لا وكللي لتكول اريد من اجي اعرف رايها كتله ماشي اخر حجايه كالها يوم الالك وافرح بيك متحملت --- رشيد انطيني اختك تقبل بيه انكطع الاتصال مااعرف هوه سده خجلت خرب عمي شحجاني صدك اني حجيت اني هيج اخرط لحد ما احجي كل الداخل بكلبي شكد عيب اكيد هو سده بوجهي يكولك هذا استغل فرصه طاح حضييي نزلت بباب الحوش اغسل السياره اشوف الولد اللي عجنته بباب بيت رشيد واكف يم سيارته --- هااا لك شعدك تقربت منه نصه راسه والله قصدي شريف عمي بتكم احسن تربايه واني جايب امي وجاي والتامرون بي يصير
- شنو قصدك جاي تخطبها هديته وكلبي انقبض بيه حاله من اتوتر العب باذني ضليت العب لحد ماكامت تحركني لابت روحي نسمه مو ببيتنا اكيد عدهم شلت التلفون وخابرتها --- ها سومه شنو خطابه
- اي عزه شمدريك مره دتحجي وي خاله مبينين طاكين
- ممم وجمانه شنو رايها
- ساكته صافنه همست انت شعليك روح يله سديت التلفون باوعتلها
- هذا سعد شكلج
- مكال شي ضل باله يكول منًو ذوله غربه
- كتيله خطابه
- ااي
- وشكال
- مكال شي كال البي خير يقدمه الله
- نصيت راسي حايره مدااكدر اتخيل روحي وي غيره صدك موهامه لعد اله اقبل
- سعد- رجعت للبيت روحي تلوب وبلحضه ضعف رحت على امي يوم خطبيلي كيفت وفرحت وكالت بنت خالتك يمه شبيها صح جبيره بس انت اكبر منها -- اي شي جان يوم صفنت بيني وبين روحي تره مترهم اخذ فرق بيني وبينها 13سنه كلتلي باجر اسيير الهم واحجي وي خالتك انقبض كلبي اكثر صعدت لغرفتي ادور بفراشي على شالها روحي تلللوب باوعت من الشباك طلع الولد بسيارته خابرت نسمه تعاي اريد افهم الصار
- نسمه- الولد من حي اور بعد 3فروع وبيت ام سلمان اسمهم واسمه سلمان عده 3خوات واخ واحد صغير بالمتوسطه وهو مهندس كهرباءي يشتغل بالداءره موضف وهاي معلومات عنه خاله تكول اسالي عنه لان رشيد طالع ملتحق بعد سبوع يله يرجع والناس مستعجلين
- صفنت بالورقه تاليها اني اسال عن الي يخطبج --- صار هسه حروح اسال عنه بدلت وطلعت سالت ردت ولو بس حجابه عليه ماكو كلها تحمد بيه رجعت لكيت امي مخابره على خالتي وهلهلت بطبتي صارت صدك وحورط طرف ثالث ويايه لا يا الله شسويت صعدت كبل للغرفه اروح منا واجي منا مثل المطلكه وتطلك منين اجيب رشيد هسه بلعت اربع حبايات بندول ونمت للفجر يله كعدت سبحت ونزلت للحديقه افتر طلعت بالشارع غسلت السياره نضفتها وهي تلمع بس بيش التهي كشف الجو صعدت بدلت ونزلت الوب روحي دتطلع شون اهج واسافر والغي كلشي شسوي ااخ ربي تالي عمري اوكع بهيج حب والله لحد هسه فشلان من رشيد انفتحت باب بيتهم وطلعت دتروح للمدرسه عينها مورمه ماادري منايمه ماادري باجيه باوعتلها رفعت عينها باوعتلي هي برصيفهم واكفه واني برصيفنا بقيت صافن اباوع طولها ورشاقتها برائتها وصغر سنها ويعكس خيالي وضللي بالشمس ضخامتي وعمري مو متوالمين مشت بتعب بثكل مدري شبيها لمحتها تمسح عينها شنو دتبجي فاتو اربعه ولد للفرع بعدها تمشي بثكل عثرت بقيطانها كعدت عالرصيف تربطه واحد منهم شمر ورقه بحضنها شمرتها بالكع من راح وكملت مشيتها شغلت وطلعت وراها
- جمانه- هيج كارهته كره هيج عادي عده يالله مدااكدر اتخيل روحي لغيره صدك راح يلزمني غيره وصلت المدرسه وطلع لمدرسته فتت ابجي لهدى ومتعرف شون تسكت بيه لج فضحتينا ماعدي غير هدى احجيلها لان مااكدر احجي لنسمه اخاف تكوله طلعت قهري بحضن هدى ارتاحيت وفتت لدروسي كملت دوام وطلعت شفته جاي مشي بتراكسوده واكف على صفحه انتضرني امشي ومشه ورايه كمت امشي واتعثر انفتح قيطاني مدري شبي كلسا ينفتح الفرع فارغ هوه ورايه استحي انصي واربطه
- سعد- كلسا عاثره بقيطانها ضوجني تقربت منها نصيت ربطتها ضلت جامده عدلته رفعت راسي باوعت بعينها تباوعلي مبرطمه ساكته واني هم مداجمع فاتت من يمنا سياره وكفت توصللي لزند ايدي صدك احجي وافكر انطيتها مجال فاتت مشت وصلت لبيتهم اراقبها سدت الباب فتت للبيت وامي هلهلت كالت باجر نشرب شربتكم صارت بوجهي نسمه واني مدمعه عيني
- نسمه- سعد حبيبي تكدر تلغي كلشي عدك مجال لتتندم بعدين
- وخري نسمه من وجي رحمه للعباس رديتي جواب لخاله ام رشيد
- ااي كتلها وخابرتهم باجر يشترون نيشان وراحو لبيت خالها هم طلبوها وصارت قرايه الفاتحه هناك والخميس مهرها
- شنووو اليوم ثلاثاء
- اي مستعجلين العالم ماعدهم شي بعد
- صعدت لغرفتي صدك تحجون اني شداسوي بروحي لا يا الله راحت امي وكالت لخاله ام رشيد ونسمه كالت لجمانه عرفت
- جمانه- هيج ويايه خطب ليش ليش شبيه اني مفكر حتى تفكير لعد شبي يلحكني بعينه شبي يباوعلي ويتمناني لا اني متوهمه كلشي انتهى اصحي لزمانج الولد المتقدم خوش ولد لتضيعي حجيت لهدى كلشي دخلت على صفحته كلتلي لج هذا يخبل بس اني مفرحانه ابد اجه الخميس وكطعت مهر لبست كوستم وكطعت مهر والولد فات لبسني الذهب جانو فرحانين واني مستغربه حيل وخايفه باوعت لنسمه وخاله ام سعد نسمه حست بيه هي وهدى نصيت راسي كمل المهر بطلعان الروح مخليته حته يبوسني من راسي ونسمه تعذرت كالتلهم تخجل الولد حجاي وكلهم احلى شي بيها خجلها لو تدري شون جنت اتقرب من اللي جنت احبه عرفت بسعد هم كطع مهر الاربعاء
- سعد- كطعت مهر ثاني يوم امي مثل الممصدكه عباس المستعجل يمه كالوله عرسك مبارك الا اليله كطعت وبت خالتي طايره واني روحي ملبوجه رجعت للبيت كمت بس اكبسل وانام ابلع بالمسكنات وانام الخميس وره مهرها روحي رادت تطلع كلت اكيد هسه يخابرها صدك وتحاجي بالتلفون عود صدك تحجي وياه مثل مجانت تحاجيني اشتعلت غيره ونار بكلبي لل12دكيت على تلفون امها حتى لو ردت امها اطلع اي حجه عسه ما البيت احترك جان انتضار تخبللت رجعت دكيت 3مرات لحد ما ردت باستغراب --- الوو
- الوو الو جمانه دتحاجي
- اي
- شنو اي شنو شكو محاجيته جمانه شدتحاجي شدتكوليله شنو تسمعين منننه احجييي
- انت شعليك همست مخنوكه واني كوه متحمله حجي سلمان خطيبي احسه ثكيل على كلبي
- جمانه لتحاجي سدي قفلي الجهاز فهمتي
- لا مفهمت همست كوه كمت اجر النفس شهكت
- قفلييييي لا ومحمد هسه اجي اكسره مثل القبله
- اي راح اقفله سديت التلفون وقفلته وضليت اشهك وابجي شتريد مني مو طيحت حظ حضي شتررريد خليت راسي بمهدتي اصيح كل عقلي وكلبي لحد مارتاحيت ونمت باجر جمعه ضليت نايمه للوحده خطيه امي مكعدتني كالت تعبانه
- سعد- رجعت دكيت لكيته مقفول يله ارتاحيت نمت براحه وقلق ممزوجه احس بيه انفصام شخصيه احبها ومتفيدني ومينطوني بعدها صغيره واني جبير
- كعدت الضهر نسمه جايه ورجعت رتحت لبيتهم من شافتني نايمه خابرني رشيد جان ويانا بكلشي طبعا كلشي نخابره نكوله وكييفلي من عرف انخطبت خابر وحجه وي امي بعدين حاجاني
- رشيد- جمجم حبيبي فرحانه
- ماادري خايفه بجيت
- ليش حبيبتي
- ماادري ماعرفه رشيد ماريد اتزوج بطلت عفيه حباب خل نلغي كلشي
- عادي نلغي بس خليها ببالج سلمان خوش ولد وحباب وراح تحبي بس طي مجال حرامات وانتو هم مو هسه تتزوجون كالت امي عالشتا
- اي
- فشوفي منا للشتا اذا بعدج تخافين ومستغربه ننهي كلشي ولا يهمج محد يكدر يجبرج
- برد كلبي بكلامه جنت محتاجه واحد يكولي كيفج سكتت وانطيت لنفسي مهله
- رشيد- جمجم وين نسومه
- توها جانت هنا
- زين هسه اخابرها يله روحي بيباي ديري بالج على روحج
- ماشي باي حبيبي
- رشيد- وره يومين دكيت لنسمه صارلي شهر بس افكر بيها لازم اطلبها بعد 4ايام نزلتي اريد اخذ موافقتها بعد مااكدر سعودي بعد مخابر مدري شديكول ذاك اليوم وانكطع الخط وبعد متصل ومن اتصل بي ميرد خابرت نسمه الو نسومه
- هلو رشيد شونك
- هلو عيني تنهدت شونج
- الحمد لله مشتاقين
- هه صدك
- والله
- نسمه تنهدت نسمه اني كلش حبيتج ومدتطلعين من راسي وكلبي
- شنوو
- اذا مموافقه كوليلي بس نضراتج وحركاتج تثبتلي انج انتي مبادلتني
- اي نضرات اني مباوعتلك
- ها يعني اني يتهيا لي
- اي
- يعني مموافقه عليه
- مو هيج بس طيني مجال افكر ميخالف
- اي انتضر لاخرلحضه من اخر يوم بعمري جنت واكف عالساتر ضهريه هدنه وصنطه ودااحجي وبعد 5امتار عني صحباني ماخذ راحتي من كلت اخر يوم مااسمع الا ضربه قويه كلش انشمرت وبعد محسيت على روحي
- نسمه- عزه بعيني شنو هاي صحت رشيدددد رشيييد جاوبني رحمه لاالله انكطع الاتصال رشيييد جاوبني الله بخليك
- سعد- هاي شبيج لج نزلت على صياحها
- رشيد انضرب سعد يمكن مات كمت الطم مااكو داحاجي باوع التلفون انكطع يمكن يمكن مات ياالله رشيييد
- سعد- نشف الدم اللي بجسمي دتحاجي طيني التلفون دكيتله مغلق تخبلت كعدت على ركبي شسمعتي احجييي
- داحاجي كمت ابجي واصيح وصارت ضربه قويه وراها انكطع عفيه شون شون الله يخليك شسوي بس لامااات
- ششششش جبي اسكتي مماتتكولج ممات دير بالج تحجين هيج حلكج اشكه جسمي كام يرجف وهاي يمي بس تبجي كعدت تمالكت اعصابي دكيت عاللواء اليمهم بالقطاع ردو وكلي هجوم واسرو الجنود 6ومن ضمنهم رشيد لا يا الله اسرى بيد الميخافون الله خابرت خاله وكتله وذكرياتنا تتمشى ببالي اخر لقاء النا اخر مكالمه اخر حجي دموعي منشفت سمعت صياح امه وبيومها جان عدي عطله ومداومت مجرد وصلت جمانه للمدرسه ورجعت امه خطيه راسن اخذها اخوها للمستشفى ونسمه وامي وياها بقيت انتضر وكت طلعت جمانه وصيه رشيد بقيت بس ادعيله مياذو يربي منشف دمعي الله يدري بمعزته بكلبي رجعت جمانه من المدرسه مكدرت اجيبها بقيت واكف بالباب كلسا ادك عاللواء عسى ولعل خبر منه لزموهم حرروهم شفتها فاتت للفرع باوعتلي ونصت راسها وصلت لبيتهم دكت الباب صحتها -- جمانه جمانه تعاي ماكو احد بالبيت مترد عليه تقربت منها جمانه باعيني ماكو احد بالبيت
- شكوو وينها ماما وشبيك حتبجي شبيك سعد
- تعاي لبيتنا هنا يم نسمه
- شكو عفيه انخمط كلبي ماما بيها شي
- دتعاي هسه طببتها للبيت ------ للبيت بخطوات ثكيله طبينا للبيت نسمه متمدده عالقنفه مصخنه تهذي باسم رشيد وخالتي وخطيبتي يمها يسوولها كمادات
- جمانه- باوعت لخطيبته تخبل درت وجهي عليه حايره شبيها نسمه ليش هيج تهذي باسم رشيد رجلي رخت رشيد ملتحق شبي رشيد برطمت باوعت بوجهه يباوعني مغرغره عينه
- سعد- ادعيله
- ماه ماه ماادعيله كمت اضرب على صدره شنو عافني ومات مثل بابا بقيت اضرب بصدره الجنت ارتاح بيه
- لالالا لتكولين مات بس ماسري
- يمممه اخويه يمه سوده عليه اخويه جرني كمت املخ بوجهي لزم ايدي وحضنتي ضليت اشهك بحضنه واصيح شون خاف يكتلو شوون كلي شون لازم اني اموت مو هوه هوه مغلط هو حباب مماذي احد بحياته كلها
- سعد- تبجي وابجي لبجاهاواضغط عليها بحضني اريد ادخلها لكلبي حتى متتالم شون ماريدها تتاذه ماحسيت الا وكعت سندتها خليتها عالقنفه الثانيه كامت خالتي وبتها تباوعلي مستغربه حقها ماكو هيج شي غطيت جمانه اباوع لوجهه خفت عليها كلش كعدت بالكع وراسي بين رجلي صدك حتعوفني رشيد صدك اختنكت وكمت توضيت وعدل للامام طبيت بحركه لشباكه ابجي بس يرد سالم اخويه الماخلفته امي اصيح وابجي شون شسوي اذا خابرو وكالو مات اموت وراه والله لليل يله طلعت
- رشيد- انشمرنا واخذونا الدواعش اسارى بس اثناء مسيره الاسر انتبهت هذا الموقع قبل فتره اسبوع زرعه الغام محمد حسين ابتعدت مشيت اعوج ااشر لصحباني مفهمو طك اللغم عليهم وللاسف راحو الولد انهزمت اني بين البساتين امشي ركض لحد ماوكعت من التعب والنزف حسيت بليل وريحه سبرتو قويه والم بيدي فضيع فزيت شفت رجال بال50من عمره ديداويني
- انت داعشي
- لا عمي انه من اهل الله انت اليوم خطاري لحد مايرجعونً جماعتك اذا طلعت منا يكتلوك
- يدرون مضيعين واحد ديدورون عليه يعني؟
- لالا لحد هسه مذاعو بالجوامع
- عمي الويانا كلهم ماتو طك بيهم اللغم وانه وكعت روحي بحفره
- انت خطاري لحد ماالله يفرجها
- انشاء الله انشاء الله --- شايفين واحد طلع من حلك السبع اني هيج --- عمي عدك تلفون
- لا والله ماعدي كم يوم واجيبه الك تطمن هلك بي
- ماشي صفنت هسه نسمه تتخبل ماادري سمعت الضربه لو قبلها انكطع انشاء الله نسمعت شي بقيت 3ايام تحسنت حالتي
- سعد- لحد هسه ماكو خبر واللواء يكول بالعاده من يلزمون اسارى يكلبوها للدنيا اكو امل يرجع امه انشلت خطيه واني باقي انتضر هالامل وجمانه يمنا تكسر الكلب مفرفح لفراك خويه ولدموعها ونسمه هم مردت كلبي فضحتها عيونها من كثر حبها لرشيد منشفت دمعتها واني هم اكسر الخاطر معقوله رشيد بعد ماشوفه معقوله بعد المن اسولف واضحك ويامن منين اجيب عشره 30سنه لك رشيييد شون بيه ربي دخيلك استر عليه دخيلك ربي اجه خال جمانه واخذها لبيته طلعت من البيت باوعتلي ونصت راسهاماريدها تروح خايف عليها
- جمانه- نسمه تحبه لرشيد من جنت اسمع بجيها بليل هي وسعد احس يواسوني روحي طلعت حتى حلقتي نزعتها اجه سلمان ومكدرت استقبله حاول يخفف عني يحاجيني توسلت بي يعوفني بقينا بيت خالو سبوع ورجعت داومت شفته بباب مدرستي
- سعد- من شفتها نزلت من السياره مال خالها اشرتلها تعاي بالبدايه ترددت مجتي وراها راحت السياره الوصلتها وتقربت من سيارتي شفتها جتي نزلت وسديت باب السياره رحتلها --- وصلت يمها -- شونج شو رفعي راسج باعيني
- باوعت بوجهه جوه عينه اسود ووجهه اصفر حالته مو احسن من حالتي --- موزينه برطمت
- تنهدت شون صارت خاله
- احسن الحمد لله باوعتله شونها نسمه وانت شونك
- تنهدت بحسره يم الله --- محتاجه شي احجي
- لا هزيت راسي بلا صوت درت وجهي داروح
- جمانه صحت
- انداريت عليه
- تقربت منها تخابريني اليوم بس اريد ----- عافتني وراحت اني شبيه خرب احنا بيا حال بس قصدي ماعوفها وحدها شون هسه فهمتني غلط اوووف
- اني مشايفه هيج واحد اناني تذكرت كل كرهي اله هزيت راسي بعدت افكاري رجعنا للبيت مالتنا صارت عطله نص السنه
- سعد- فتحت البرده شفتها نزلت من سياره خالها وي امها امها عالكرسي ماعوفهم ذوله اهل رشيد وجمانه حتى نضره ماانضرلها شنو اني ماعدي غيره رحت لبيتهم دكيت الباب كمت ادك الباب تعال رشيد شوف جنت انت جرسي بصيحه رشيد تصيح تعال فوت والله وكت طلعت جمانه تفضل نصيت وفتت سلمت على خاله خطيه حضنتني وضلت تبجي بستها من راسها خاله ادعيله اروحلج فدوه واي شي تحتاجون اني يمكم
-
