الاربعاء الصبح رشيد كمل البيت ونضفنا اني وماما تباوعلي حايره توسلت بيها
يمه اخوج مااكدرله عده اليوم والخميس الصبح جابو الغراض واخذوني للصالون ابجي باوعت لسعد بالباب واكف صار نار لحيته طولان حبيبي ومبين عليه منايم وكف كبالي ولج وين رايحه صدك تحجين
- سعد-تعاي صحت بيها جريتها من ايدها جنت افول المولده بانزين دبه البانزين بيدي جريتها وفوتتها للبيت التكسي كتله روح امها صافنه عليه يمه سعد شبيك عوفها هسه رشيد يسويلي هوسه
- هو وينه ابنج سديت باب البيت منا العالم رشييييييد
- رشيد- هاي شكو خزرته اطلع بره
- سعد- شلت دبه البانزين فقدت درتها على روحي وطلعت الجداحه من الجيب مال شورت -- هسه احركها لروحي صحت بي
- انت مخببببل ?
- اي يله مخبل مخبل
- شتريد فهمني باوعت لجمانه تتوسل بي وتبجي ويصيح عليها وخري عني احسنلج
- اريد اخويييه وحبيبتي متصير لغيري
- لك سعددد اطلع بره صحت بعلو صوتي
- يعني مراح تنطيها موووو
- اخذ اختك وروح كلشي ماريد منك
- جمانه الي ومتصير لغيري
- مو كيفك امشي جمانه روحي التكسي ينتضرج صحت بيها امشي شبيج واكفههه
- جمانه- اي مشيت خطوتين واسمع سعد يجدح بالجداحه
- رشيد- لك دسوييييييً كبت نار بالطرمه امي فارشه زوليه خفيفه عالمحجر غاسلتها ومنتضره تنشفه شلتها وركضت عليه كوه طفه لشتي كلها ترجف باوعت بعينه جسمه ينخض باوعت لجمانه خربت اخذت سعد وللمستشفى كبل لحكت عليه بس شعر جسمه تحرك كله ورجله بيها حروق ويم ركبته هم جنت ميت خوف لا يتسمم جسمه نطو 14ابره تسمم ودهونات شجاه هلكد يحبها خابرت خالي كتله مموافق اني الغي كلشي وره 6ساعات افاق طبيت باوعتله بغضب دار وجهه عني ملفلين كل جسمه ويم ركبته شعره نصه محرك
- سعد- مااعرف شحسيت ذيج اللحضه روحي تطلع مني ليش هيج تصرفت تصرف شيطاني مع الاسف بعيد عن رب العالمين لو ميت جان احتركت بجهنم طب رشيد عليه درت وجهي ماريد اشوفه
- رشيد- سعد همست باوعني
- باوعتله دمعت عيني امي وين
- متدري سالت كلولها طالع وي رشيد
- مممم درت وجهي
- سعد ليش هيج سويت مخبل عاقل
- احبها واحبك حجيت وماباوع بوجهه تخيل نسمه تصير لغيرك
- هزيت راسي احركك حتى
- مااكدر احركك انت اخويه حركت روحي دمعت عيني باوعتله والله مجنت ادري بيها هي ولك اني مربيها شون هيج اسوي
- تدري ليش هيج صار لان اني وديتك عليها لان ندى عرض واليدك باب الناس تندك عليه بابه اني الساعدتك تدمر اختي لان ردت ااذي عرض حتى لو البنيه مو شي شعليه دع الخلق للخالق
- احبها رشيد اموت اذا مصارت الي
- هزيت راسي بالخير عليك لعد ابتسمت من هالموقف عرفت شون حتحافظ عليها
- صدك دمعت عيني خليت راسي عالمخده ارتاح غمضت عيني ماعدي غيرك اخ
- ولا اني جريت نفس طيب وتعال تقدم
- وينها جمانه
- بالبيت خربت متحملت من شافتك تحترك ولك صيحه مكدرت تصيح
- سوده بوجهي نسمه وين
- نسوم زعلانه تنهدت لازم اصالحها
- الله كريم وتفرج شكرا رشيد يعني الا احرك روحي يله تصدك
- بس والله حركه كلك حركات ابوسعود غمزتله
- اني حاير بشغله وحده هسه
- وهي
- البنزين راح منين اجيب للمولده
- ههههههاي خرب رسك -- وره كم يوم طلع من المستشفى رجعته للبيت امه تخبلت مفهميها مكسوره رجله وهي كلش على نيتها راسن تصدك جمانه عيونها مفاركته تقربت منه
- جمانه- سعد بيه ولا بيك
- سعد- اسم الله عليج شفتي شكد احبج
- اي نصيت راسي ابتسم تقدم مره لخ ووافقو لبسني الحلقه يباوع بعيني
- سعد- جميله همست باذنها طلعت الفون من جيبي روحي طلعت هاج بي برامج عود خابريني
- اي ميخالف كيفت ممصدكه صار الي نوبات الواحد ميصدك الفرحه لحدومايمضي كم يوم من يتذكر يوم الصارت عده يحسه احلى ايام حياته اني هيج حسيت
- رشيد- نسوم
- نعم جاوبته ببرود
- زعلانه شنو ?
- لا هيج رايد شي
- تنهدت رايدج بشغله
- شنو احجي خاله تريدني وياها
- جريتها من ايدها لغرفه جمانه شبيج
- مابيه وحر اريد اطلع
- واذا موخرت
- وخر رشيد
- هاي شبيج
- مابيه
- والله جانت نفسيتي تعبانه
- والله حلوه كلما تتعب نفسيتك هيج تنكلب عيني زواج وماريده ردت انزع الحلقه جلبت بايدي ضيقه كمت ابجي
- تقربت منها ابتسم احبج واسف شوفي حتى حلقتي متريد تفاركج
- ماريدك بعد طلعت من عيني
- عضيت شفتي ومنا اشرت على كلبها ادري بيج تحبيني وراح تسامحيني بستها من ركبتها اسف ومتتكرر ممار بعيج حاله كبل
- تعبتني
- مو اعتذرت اعتذر بعد
- لا باوعت بعينه تقربت لحضه حضنني قوي
- اووف نسوم نسمتي لزمتها من حنكها برقه قربتها لشفافي بستها غمضت ------
- سعد - كمل المهر اخذتها وطلعت تعشينا بره ممصدك بروحي عاقد عليها جانت ناعمه وبريئه واخاف عليها من عيون العالم رجعتها لبيتنا يمكن حموت اليوم اني
- وين سعودي
- فوك شويه مدام نسمه وامي يمكم
- لالا خل نرجع
- هاي شبيج تخافين مني
- ها لا
- اني سعد جمانه شبيج اني اللي ببيت خالج تقربت منج همست باذنها بستج وحضنتج وذبتي بيدي
- اي ممست ذابت ورخت حتى اصابعي شالني وصعدني فوك احس روحي ريشه بيده بضخامته واسلوبه المرن احسه خبره وي النسوان ضجت من احساسي بس من وصل لشفتي ومكدر يوكف كعد عالجربايه ولزمني من خدي عرفت بي ضاع بلمستي
- جميلتي بريئي جمانتي صرتي الي همست ترجف روحي
- اي حبيبي من اول بس الك
- احبج قربتها وبستها مثل اول بوسه بلهفه جريتها لحضني ووو--- قررنا العرس فديوم لان المصاريف كومه اجرنا البدلات اني ونسوم وسوونا الحنه بالحديقه مال بيتنا خلو الولد كله عالحديقه ونفس الديجي الهم بحنتهم لان بره بالشارع خلو كراسي سوينا لفات صاج دجاج كومه والحنه شيغنون بالشارع تطلع يمنا الاغنيه لان كلش عالي تونسنا حيل اني وتسمه طلعنا نخبل ردت بس يفوت يحنيني لل11يله فاتو بقوطهم فدوه الله يحفضهم لشبابهم يخبلون طبو يضحكون كعدو يمنا لزمني من ايدي جان يرجف سعد شبيك
- طالعه كمر حموت خرب عمي شطببني شلنا بهالفضايح
- نسمه- رشيد باوعني شباوع سكتي عمي منا الناس عسه ننفضح والنسوان تضحك عليه
- جمانه- اشرت لنسمه نركص شوي نخبلهم كمنا نركص وامي وامه يركصون وياه خطيه رشيد حلكه وكع بالكع وسعد يباوعلي من جوه ليجوه ويبلع ريك واجتني المغثه طبت ندى اكيد تنعزم غير كرابتنه وباركتلي باوعت لسعد خزرته سعد باوعلي ونصه خربان ضحكعابت هالشكل ليش تضحك كعدت يمه باسني من راسي عباله حهتم بيها ميدري ناويه اترسله حياته مراح اخلي حتى ببنته يفكر اي مره غيري ماكو تزوجنا ودخلنا بغرفته شالني وصاح لرشيد ولك من تكعد باجر خابر كعدني نتريك سوه
- رشيد- باوعت لنسمه هاي اذذا كعدت هههه
- طبينا للغرفه بده الخوف يبين عليه
- تعاي تقربت منها نزعت السحاب جنت همجي للاسف مسيطرت دمعت عينها كفت شلت ايدي من جسمها بستها من ركبتها برقه اسف همست نزعتها برقه ونيمتها واخذتها جانت عصفوره بين ايدي تخبلت من حضنتني رغم كل الامها عاطفتي وحناني كلش انفعلت وياها طلعت الشال من جوه مخدتي باعي باعي خطيه صار سنتين نايم جوه المهده
- ههههه حضنتي قوي ونمت منصدكه بحضنه ولاهو مصدك
- حبيبتي انتي صدك بين ايدي لو اني احلم
- والله اني مو الشال
- عطرج عطرج اوووف كمت اسمع بت هوفن من وراج
- احبك اموت عليج نمنا والصبح كعدته كوم عاد كسووولي
- شنو ساعه بيش
- ب10
- دتعاي بابا جريته وتقربت منها مره لخ
- يله كوم نسبح
- لا يكعد رشيد يله دك التلفون هالك يامتستحي اختي شعدها يمك
- ههههاي انجب لك هاشونك والله استحي اسال شونها جمانه
- بربك اني هم اخجل اسالك على نسمه اني الحمد لله كلشي تمام
- واني هم تنهدت يله كوم تنريك امك يمنا بالحديقه مسوين الريوك
- ها ماشي نازليلكم لبست حبيبتي كلبيتها البيضه ست العرايس ولبست دشداشه بيضه فتحت الشباك صحت يوووم هلهلت امي سديت الشباك ونزلت يمهم هطيه كلش فرحانين بينا اباوع يمكن احنا اسعد عائلتين يباوعلي رشيد
- رشيد- اني غير اغبر بعني لوًناطي اختي لغير واحد جان محسيت هالاحساس الحلو بعدين تعال شو كلشي انطيكيا بايسكلي وقمصاني واختي باقي بس امي منطيتكياها
- والله لو ابويه عايش جان اخذتها اله ههههه
- همزين مات
- يابه موطيتك اختي شتريد بعد
- فدوه لروحها ودلالها
- اسسسسمع --- احوالنا الماديه تدهورت بالذات رشيد قطعو الراتب عننه فكرت نكعد فد بيت لان احنا كل يوم متغدايين ومتريكين وماعشين سوه لازم واحد من البيوت فارغه قررنا ناجر بيت رشيد لان اكبر من بيتنا ونكعد كلنا ببيتنا كدر رشيد يسيطر صار نصرفنا متقاسم اني تبحبحت وهو هم سوتلي ندى كم مشكله بس جمانه حبيبتي متفهمه وتلبسها ومغروره ووواثقه تكول هاي منو يمي اني ملكه جمال وفعلا هي اميرتي الصغيره رشيد اشتره سياره وترقى بعمله ولله الحمد اني طلعلي ايفاد والجمد لله تفوقت وزادت درجتي احوالنا تحسنت بس بقينا بفد بيت امي وامهم سوه كعداتهم صلاتهم وسوالفهم واني ورشيد نراكيل ونسمه وجمجم سوالف سفراتنا وطلعاتنا سوه نسمه صار عدها سعد الصغير وجمانه بعدها نجحت من السادس بمعدل بسيط ب60 وكعدت تدللني مدمرتني بدلالها ونسمه هم رشيد بخياتي مشايفه هيج مرتاح الا وي اختي اذا عالت بي اكلبللها الدنيا واني اذا ضوجتني جمانه تاكللها رزاله من رشيد الصداقه مواقف مو بس عشره اذا جان عدك صديق مسوي موقف واحد وياك لتعوفه وحافظ على صداقتك ويا كلشي يتعوض الا الصداقه وخليها ببالك اليدك باب الناس تندك عليه بابه لتدوسس وتحجي بعروض العالم تذكر عدك عرض امك اختك مرتك بنتك انت مو معصوم من الغلط الله موجود ويحاسب كلمن بغلطه ونصيحه لكل ام انطي مجال لبنًتج تحجيلج كلشي صادقيها وصدقيها وتصدقي عليها رغم تفاهه عمر المراهقه بس اكثر عمر خطر وتحتاج بيه البنوته امها وابوها هم قصتنا كملت جمانه صار عدها براء بنوته تشبهه من جانت طفله سعد طاير بيها وتذكره بجمانه من جانت صغيره اتمنى تكونون استمتعتو واستفاذيتو عاشو عيشه سعيده ----
مريم السعدي
-
