عقبات حب (باللهجة الجزائرية)

البارت 04

سلام كشروداتي  اليوم قررت نكمللكم الرواية   الحب الابدي كيما كملت رواية  انا و حبيبة زوجي  الي نتمنى تشوفوها
انا قررت نكمل الروايتين  باه نحطلكم روايتي الثالثة  لكن اذا ملقيتش تفاعل منحطهتش هيا شوي تفاعل دبدوباتي  و هيا
راح تكون مميزة ) 😍😍😍😘😘
...
..................................................
رحمة دهشت من تصرفات حمة معاها و تفاعلت معاه لانوا تحبوا اييه تحبوا و تعشقوا و تفنى عليه
راحوا رحمة و حمة للكهربة و هوما حاكمين يدين بعض و رحمة وجها حمر
ركبوا فالكهربة
رورو : واش لعشاق هادا وين تشرفوا بنتي راهي تستنا
حمة حكم يد رحمة لي قاعدة قداموا و باسها و هي وين تلقاها
حمة : معليش تستنى لينة شوية خالها كان حاب يهدر مع حبوا
رحمة خلاص ذابت و مبقاش فيها كي سمعت كلمة حبوا و وجها زاد حمار اكثر
رورو : والله لا تحشمها يا حمة لولاد معانا ااو
حمة : ميهمش هههه
ضربتوا رحمة على كتفوا
حمة : والله يا رحمة غير حسيت لهوا ضربني مشي يدك (يهدر و هو يسوق )
رحمة : هاهاهاها ما ابلدك
وصلوا للمستشفى هبطوا و دخلوا
رورو مقودة ولادها واحد بيد و لوخر باليد الثانية
محمد حاكم رحمة من يدها كي العشاق
يوسف يحكي :
بعد ما طمنيت على احوال لينة و زدت شكيت اكثر وصيت حسين يقولي كي يجوا عائلتها يقولي و رحت لداري ايه انا نتقلت و وليت نعيش وحدي في شقة كريتها و خليت القصر لي سترجعتوا للعائلة لانوا منقدرش نعيش في بلاسة قعدت فيها رورو
ايه دخلت للدار لقيت جواب واصلني فتحتوا و يريتني مفتحتوا لقيت حاجة بالنسبة ليا لغز و ملقيتش ليه حل لغز حيرني و خرجني من عقلي مفهمت والوا قعدت فوق فرشي قاعد غير نخمم في محتوا الجواب و نعاود حتى رقدت نضت صباح على صوت التيليفون شفت شكون لقيتوا حسين
انا : الوووو
حسين : اسمع يو راهم جاو العائلة تاع الطفلة هديك
انا : اوكي اوكي راني جاي
نضت لبست و خرجت نجري للكلينيك و صلت رحت ديراكت للكلوار لي فيه غرفة تاع لينة شفت وحدة عاطيتني بالظهر مقودة زوج دراري صغار قد لينة فالعمر و تهدر مع حسين و شفت حمة حاكم وحدة من يدها كانوا عشيقتوا
حتى نشوف هديك لمراة دارت و كانت الصدمة قوية على قلبي لي دق غير شافها دهشت و انا نشوف فيها ااه يا رورو شعال تبدلتي تبدلت قاع زادت طوالت و ملامح وجها تبدلت شوية و زيانت بقيت سارح فيها حتى شفتها دخلت للغرفة تاع لينة
( كنت راح نخليكم معلقين مع اللقطة لي غير شافها اومبعد غدتوني و كملت شوية)
من جيهة اخرى عند البوس :
البوس : هههه واش فريد مسمعتش بالجديد
فريد : (يخزرلوا متسائل ) نعم بوس ؟؟؟
البوس : ياك راهي جات ل**** تاع روميساء
فريد : واش مزال متخلصتش منها
البوس : ههههه مزال خلي نشيخوا يوسف شوية يكون شافها دوكا
فاريد : كيفاه !!
البوس : ههههه ايه تعرفني نسهل و نسهل و نسهل اومبعد نغلقها منزيدش نفتحها
فاريد : ههههه نعرفك بوس
( هوما يهدروا و يجي واحد يخدم عند البوس قاطعهم )
@: بوس .... (هو جا يكمل يهدر و يرفد البوس المسدس و يقتلوا بلا شفقة و لا رحمة )
البوس : هدا على خاطر قاطعني و انا نحكي مع السيد ارفدوه (يهدر مع الحراس تاعوا )
العودة
😘😘#الحلقة12😘😘 :
يوسف يحكي :
شفتها دخلت عند لينة هي و هادوك زوج دراري لي يشبهولي بزاف انا سارح هكاك و يجي عندي حسين
حسين : يو يا يو ياو راك هنا
يوسف : انعم خو
حسين (حسين عمبالوا بحكاية يوسف كلها): اسمع هاديك لمرا لي راك شاك بلي هي رورو ملا ناكدلك بلي هيا
يوسف : عمبالي بلي هي شفتها
حسين : مليح
يوسف : اسمع حمة متزوج
حسين : لا منضنش ديجا مشكيتش يكون متزوج رورو على خاطر مصبح و هو يتمعشق معا وحدة جات معاهم
يوسف : زعمة صح شوف انا لازم نحكي معا حمة
حسين : اسمع متخربهاش معا رورو و متروحش تحكي معاها
يوسف : نن مهبلتش لكن لازم نعرف السبب الي خلا رورو تروح و تخليني
حسين : يوسف نتا و رورو طلقتوا ؟؟
يوسف : نن طبعا
حسين : يوسف واش رايك نديرو تحاليل و نشوفوا الا لينة بنتك و نزيد نلهي لولاد صغار ونديرلهم تان و ادا جاو ولادك تقاضيها تقدر تديهم لمرتك بكل سهولة
يوسف : فكرة تاع نشوف لولادي مليحة لكن نقاضيها محال كيفاه هيا لي زيدت و ربات و كبرت و انا نظهر فاخر حلقة و نديهملها و انا منحبش غير على ولادي نحب على مرتي
حسين : زايد لحديث توا لازم نحكوا مع حمة
😘😘#الحلقة13😘😘 :
رورو تحكي :
دخلت عند لينة لقيتها فرحانة و تضحك و تلعب بلعب جديد (شراهملها يوسف )
رحت نجري ليها نحمل و نبوس فيها
رورو : حبيبة ماماه هيا توحشتها
لينة : ماماتي توحثتك انا
رورو : انا تاني يا ماما راحت وجيعة تاع بنتي
لينة : ااحت وذيعة عمو يوثف قالي دوك اوح ثامل (كامل )
رورو (سمعت اسم يوسف قلبها دق دقة غير عادية دقة حلوة فكرتها فيه و ف يماتهم
رورو : لينة شكون عمو يوسف
لينة : ماماتي عمو يوثف حبني كيما سييين (وحدة تقرا معاها ) حبها باباها
رورو بكمت ملقات متقول و فنفس لوقت تصدمت من احساس بنتها و فقدانها لبابها و تعلقها بيوسف هادا لي خلاه تشبهوا ببابات صحبتها و دارت مكانتوا في مكانة الاب
رورو حبت تبدل لموضوع
رورو : ماماتي متوحشتش يوسف و الياس
لينة : وااااي ماما يوثف و الياث ذاو
رورو : ايه و دوك نعيطلهم يجو عندك
راحت رورو جابت ولادها لي غير شافوا لينة راحوا يجروا ليها و يحملوا فيها و يبوسوا فيها
الياس : لينة متذيديش توحي و متننيش مأنا
يوسف : لينة توحثتك انا
لينة : انا تان توحثتكم
رورو عجبتها محبة و وحش ولادها لبعضهم و قعدت غير تشوف فيهم هي هكا و تشوف في لينة حاكمة راسها و بانتلها تتوجع
راحت تجري ليها
رورو : لينة اكي مليحة ماما
لينة : ماماتي اندي وذيعة في اسي
رورو : دوك روح وجيعة نروح نشوف عموا حسين و نجي
لينة (نادت تبكي و تصيح ) : لالا انا حب عمو يوثف ذيبيلي عموا يوثف (تبكي و تشهق )
رورو حارت فبنتها لي راهي فاشد وجيعتها و تطلب تشوف راجل معندهاش 24ساعة من لي تعرفوا
راحت تجري تعيط لحسين زدمت على البيرو تاعوا غير دخلت ضربت في نيفها ريحة محال ثم محال تنساها ريحة يوسف حبيبها و راجلها قعدت مدة ساهية اومبعد تفكرت لينة و سمعت حسين لي من صباح و هو يهدر معاها
حسين : مدام واش بيك
رورو : دكتور بنتي راهي بالوجيعة و تبكي تعيش شوفهالي تعيش
حسين : وشنوا واش بيها اوكي اوكي الحقيني اني جاي
رورو : تعيص دوكتور شوف بنتي
حسين : اوكي مدام اني جاي
خرجت رورو راحت لبنتها
و حسين رفد تيليفون عيط ليوسف لي كان رقد من التعب

يوسف راقد و ينوقز تيليفونوا رفد و مشافش حتى شكون عيط
يوسف : الووو (صوتو تاع واحد هداك وين ناد من رقاد )
حسين : يوسف متتخلعش لكنحبيت نقولك بلي لينة زاد لحال عليها و يلزم نديروا العملية تاعها
يوسف : كيفاه استنى اني جاي وقت طريق برك اني جاي
.......STOOOOOOOP✋✋✋✋✋✋
هيا شوي تفاعل و الا نحط الرواية الثالثة و نشربلكم الخل ههه
voTe + Commentaire = nouvelle partie