عقبات حب (باللهجة الجزائرية)

البارت الثالث

😘😘#الحلقة8 😘😘 :
اااااه يا قلبي خرجت نجري هبطت لتحت لقيت كل واحد حاكم رسالة و وردة كيما تاعي ضحكت ضحكة تاع وجيعة و رحت نجري لدارهم لقيت حالتهم حالة و كل واحد حاكم رسالة و وردة و لي يبكي يبكي و مكشبر و امير طايح فالارض على ركايبوا قاعد كي المصدوم رحت نجري ليه عمبالي بلي هو الوحيد لي قريب لرورو طاحت عيني غير على هاد الجملة
( خويا حبيبي انا نكون سافرت كي تكون تقرا فهاد الرسالة رد بالك على يوسف و متخليهش يتهور و يدير حاجة في روحوا و قولوا بلي راهوا عمري و منحملش عليه .....)
مقدرتش نكمل نقرا و طحت على ركايبي نبكي و نعيط و نصيح
يوسف : علاه يا رورو علاه ديري فيا هكا علاه روحتي بلا متفهمي مني علاه يا رورو
بعد هداك النهار كرهت روحي و حوست على رورو في كل مكان و المطارات كلها سقسيتها باش نشوف اما رحلة راحت فيها اما والوا فص ملح و ذاب و منهداك النهار من البار منخرجش حتى يجي ليل يروح بيا فادي و هو يلوم فيا لاني ضيعت حالي و انا نبدا غير نصيح على اسم رورو
جاز عام و انا على هداك الحال حتى خطرة جا ليا امير لي من نهار مشفتوش جا وهدر معايا و انا قررت نرجع لحاياتي و نوقف على شركتي لي هملتها كي وليت خدمة لقيت الشركة تحت الصفر و كان لازم نرهن الفيلا و الاراضي تاعنا و الكهاربي كل بقالي غير القصر بعد مدة حجز البنك على كل ممتلكاتي غير القصر لانوا كاتبوا على اسم ماني تفلست و ملقيت حتى واحد يساعدني على هاذيك بعت القصر و شريت فيلا و شريت كهربة قيس دراهمي و درت مشروع و حليت مع واحد صاحبي طبيب كلينيك تاع الامراض المستعصية وشتهرت و عودت وقفة على روحي و كبرت المستشفى تاعي و هداك وجه الشر تا ع فريد و سيادوا مزالهم موريا ايه و نعار فقت و ملقيتش رورو رحت لفريد لاني شكيت يكون عندوا هو و سيادوا فلي صار قالي بلي معندوا حتى يد طبعا بعد مفشختوا بالضرب 😘😘#الحلقة9😘😘 :
خطرة رحت للكلينيك كي العادة حوست على حسين لي هو شريكي ملقيتوش فالبيروا سقسيت عليه قالولي راهوا فواحد الغرفة رحت ليها كي دخلت ليها ضربتني ريحة نعرفها و موحال ننساها ريحة نعشقها ريحة تاع رورو تلفت الموضوع و دخلت لقيت طفلة غير شفتها قلبي دق دقة غير عادية دقة حلوة شفت مليح فالطفلة و حليت عينيا و فمي كانت تشبه لرورو بنسبة لا تصدق بقيت غير نشوف فيها شعرها لونوا كي لون شعري و طويل عينيها اااه يا عينيها لي يهبلوني كي عنين رورو فمها صغير و مكعبر و نيفها صغرون و مرسوم كي نيف رورو و حواجبها مقدين كي جواجب رورو كلش فيها يفكرني في رورو و كانها بنتها
انا باهت فيها حتى سمعتها هدرت مع حسين
لينة : عمو حثين شكون هدا اجل
يوسف : ههههه انا عمو يوسف و انا صاحب عموا حسين
لينة : و انا لينة عمو يوثف
رحت رفدتها بين يديا و نبوس فيها اااه شميت فيها ريحة رورو دخلني شك
يوسف : ماحلاك انتي يا لينة ، وينوا باباكي انتي (حبيت نتاكد )
لينة : ماماتي اولي بلي بابا ااح بعيدة و كاث نهال يذي
زاد دخلني الوسواس هنا قاطع تفكيري صوت حسين
حسين : يوسف هادي بنت خت حمة صاحبنا تاع يمات الجامعة
يوسف : وعلاه حمة عندوا ختوا
حسين : معلباليش مي مزال محكاليش
يوسف : اممم اوكي وشبيها لينة
حسين : عندها ورم في راسها
حسيت بالم في قلبي كاني محملتش عليها قوتلوا و انا ملهوف عليها : ايه اومبعد ؟؟
حسين : راح نديرولها عملية بعد ظهور التحاليل و الفوحوصات
😘😘#الحلقة10😘😘 :
رورو تحكي :
بعد ما روحت من عند لينة بقيت نفكر فيها و محملتش عليها مبعد طحت رقدت مفقتش حتى الغد منداك شفت ساعة لقيتها 11 ندت نجري تفكرت لينة و لولاد لي كي جيت لبارح لقيتهم راقدين لبست حوايجي و رحت للكوزينة لقيت لولاد قعدين ياكلوا و رحمة سارحة و محمد مكاشوا
شافوني لولاد جاو يجروا ليا حملوني
يوسف : ماماتي وين كنثي (كنتي)
الياس : ماما توحثتك
رورو : انا تاني توحشتكم حبيباتي
الياس : ماما وينا لينة توحثتها
يوسف : انا تاني توحثتها
رورو : اومبعد نروحوا نشوفوا لينة هيا راهي مريضة و خليتها عند الطبيب
الياس : ثح ماما اوحوا شوفو لينة
يوسف : ماما لينة اثبيها مليدة
رورو وجعها قلبها كي تفكرت مرض تاع لينة و حبت تنسي ولادها و تتفادى هدا السؤال
رورو : هيا حبيباتي اطلعوا الفوق دوك نجي نلبسلكم و نروحوا عند لينة
طلعوا لولاد لفوق و رورو راحة عند رحمة لي مصبح و هي سارحة
رورو جوز في يدها قدام وجه رحمة : اييييو رحمة
تفجعت رحمة : اوووف يا رورو وقتك انتي
رورو : شببه الزين
رحمة : ااااه والوا والوا (تبدل فالموضوع) و نتوما وكتاه تروحوا عند لينة
رورو : نوضي عاونيني نلبس لدراري و نعيط لحمة يجي يدينا
رحمة : امممممم هيا
طلعوا لبسوا لدراري كيف كيف سلوبات جين فالنوار يديها طايحين و شميز بيضة بولو (Polo ) و اديداس كحلة و زينولهم شعرهم يتاكلوا يعني
رورو لبسة حيجاب سامبل و شباب و طالون و خيمار فلون الحجاب
و رحمة لبسة غوب فالفوشيا و قصيرة و بليمونش مسقدين و طقت شعرها و لبسة طالون و دات للينة روبة كيما تاعها برك صغيرة و سباط شباب
رورو عيطت لحمة قالها درجين و نكون عندك
درجين و جا حمة دخل لدار
حمة : رورو هيا
رورو : انا جينا
هبطوا قاع غير رحمة لي كانت تحط فحوايج لينة و مبعد هبطت
حمة قعد مبهور فزينها لكن تنرفز كي شاف بلي روبة قصيرة
حمة (بغش ) : رورو اسبقيني نتي و لولاد لسيارة اني جاي انا و رحمة (قال اسمها و هو لاز على سنانوا )
رورو : اوكي خرجت رورو هي و لولاد و خلات رحمة باهت في حمة
راح حمة لرحمة و حكمها من يدها و زير عليها حتى وجعها
حمة (يحكي و هو لاز على سنيه ) : رحمة روحي نحي نص روبة لي راكي لابستها
رحمة(و الدموع فعينيها) : ااااه وجعتني حمة
طلقلها يدها كي شافها تتوجع و شاف الدموع فعينيها
حمة (بصوت حنين يدوخ) : و الله يا رحمة و راس لميمة تبكي غير تشوفي سواد ليل فالنهار
رحمة : باهي لكن خليني لابستها الروب و الله غير خيرتها لينة الخطرة لي فاتت كي روحنا مع بعض نشروا و دوك موش حابة نكسر بخاطرها
حمة جبد رحمة ليه و حط جبينوا على جبينها و خشموا فوق خشمها و يهدر معاها بصوت حنين يذوب
حمة : رحمة انتي متاعي يعني حاجة تخصني و انا منحبش اي حد يشوف حاجتي بنص عين و يتغزل فيها مفهوم
رحمة (بصوت يرعش ) : اممممم مفهوم
حمة (تنهد ) : متقوليش اممم (هههه باش تفكركم هادي 😝😜😂😂)
رحمة : اوكي
اسها من جبينها و قاللها : هيا رورو راهي تستنا
...................................
شوي تفاعل بنات حتى نحس بالي مجهودي ماهوش باطل و الا نحبس النشر و شكرا لدعمي و ننصحكم تشوفو  روايتي الثانية
انا و حبيبة زوجي روععة 
Vote + comment et merci