جازت سمانة و ماريا و رورو داروا قاع لحوانات قاع لبلايس و رورو نهار كامل و هي فتيليفون معا يوسف تلاقاو غير زوج خطرات لانوا ماريا مانع عليه يشوفها زعما باش يتوحشها
رورو شرات غوب سواغي حجاب فالروج لانوا العرس ميكس و شرات خيمار فالنوار و سباط طالون نواغ و شرات قفطان فالبلوا فار و سباط فالدوري و خيمار كيف كيف
ماريا تصديرتها قاع واجدة
نهار قبل لعرس :
(حنا فعاداتنا نديروا عشا لعروسة وحدها و عشا لعريس و غدوا منداك لقهوة فلاصال)
نهار لعشا رورو راحت لدار خالتها باش تعاونهم جاز نهار كلوا شغل و خدمة و تعب و فليل راحت عند ماريا لانوا حنتها و قعدت باتت معاها
نهار لعرس :
رورو : ماريا نوظي
ماريا : خليني نزيد شوية
رورو : يا ماريا ليوم عرسك نودي
ماريا (نادت مفجوعة ) : ياه رورو علاه منوظتينيش دوك ميكفينيش الوقت
رورو : عندي ساعة و انا نود فيك ريقي شاح و نتي تقوليلي علاه منوظتينيش
ماريا : مشي وقت الهدرة دوك انا نروح نلبس حوايجي و يدينا احمد(خوها لي ميحبوش يوسف ) للحجامة
رورو : انا اني لابسة نستنا فيك برك
راحوا لبنات للحجامة زغرتوا و غناو ومشطوا و داروا ماكياج
ماريا مشطت كاي عروسة نهار عرسها و دارة ماكياج شباب
رورو سرحت شعرها برك لانوا حدير الخمار و دارة ماكياج كبرلها عينيها و غوج حمر فشفايفها
( حنا عندنا لعروسة تروح لدار باباها اومبع يجي راجلها يخرجها من دارهم تحت يد باباها )
رورو جا فادي داها باش تجي معا امير يجيب عروستوا
راحت رورو لبست روب لي شراتها داﻻت خيمارها بشكل جديد و يوسف كل دقيقة معاها فالتيليفون كملت رورو لبية و وجدت روحها امير دارهم قاع واجدين راحوا ركبوا فكراهبهم
و رورو تستنى فيوسف يعطلها باش تهبط تروح معاها هيا قاعدة و يجي فادي و امير
امير : صحة صحة ختي ديتيلهم قاع زين
راحت ليه رورو حملاتوا
رورو : حتى خويا راهوا بوقوص
امير : اييه وعلاه من دوك انا بوقوص من بكري
فادي : رورو شتي قنينة طير
رورو : هههههه ايه شفتها
امير : اممممم اتمخصروا اتمخصروا . ايه رورو روحي معا فادي
رورو : نن انا نروح مع رويجلي راهوا يستنى فيا
طلع امير حواجبوا تاع مشي عاجبوا الحال : اوكي اوكي انا نروح اومبعد
رورو : اومبعد
فادي : رورو يوسف او يسنا فيك اهبطي
رورو : ايه دقيقة نجيب حوايجي
رفدت رورو حوايجها باش تبدل لتم و هبطت عند يوسف
هبطت لقاتهم راحوا قاع غير يوسف حاكم قاروا و متكسل على كهربتوا يستنى فيها راحت تجري ليه بطالوا حملتوا يوسف كان مدهوش من زينها محسش بيها كي حملاتوا فطناتوا كي قاتلوا
رورو : عمري توحشتك
يوسف حوملها و غرس راسوا في رقبتها يشم فريحتها
يوسف : يا عيوني كون تشوفي شعال توحشتك
بعدت عليه رورو قعدت دور قداموا كي صغار توري فالغوب تاعها
رورو : عمري شفت لغوب تاعي
يوسف يقربلها و يخزرلها فعينيها فخزرة كلها حب و عشق و اعجاب جبدها ليه و قاللها : تفتق يا عمري هبلتني راك يظهرلي مشي غير امير باش يبات عريس ليوم ههه
رورو : ههههه ما ابلدك هيا هيا نروحوا راح الحال
ركبوا فالكهربة و راحوا طريق كامل و يوسف حاكم يد رورو خطرا يبوسها خطرا يعضها
وصلوا دخلوا لقاو العرسان في بلاصتهم راحوا يسلموا عليهم
رورو : مبروك عمري
ماريا : يبارك فيك بيبي و نتي مبروك البيبي
رورو محضنا يوسف و هو مداير يدوا على كرشها
رورو : مرسي عمري لعقوبة ليك
ماريا : نشاء الله
يوسف : مبروك خو
امير : يسلمك يهدر فوق القلب
يوسف : عمري هيا نروحوا نريحوا
رورو : اممممم هيا (تهدر و هي غايسة و فعينيها حزن يوسف فهمها فهم بلي راهي تتحسر لانها مدارتش عرس )
قربلها و قاللها في وذنها : و راس ولدي يا رورو غير نديرلك عرس دزاير قاع تهدر عليه
دارتلوا رورو و الفرحة في عينيها : اه مرسي عمري
و طلعت طبعت بوسة على خدوا
قربلها يوسف يحكي في وذنها : كون عمبالي بلي تبوسيني كون راني قوتلك من بكري
رورو : هههه امشي نقعدوا راني عييت من الوقفة
يوسف : ايييه و نتي علاه تلبسي فالطالون ياك قتلك متلبسيهش
رورو : اوووووه يوسف ملا واش نلبس
يوسف : والوا والوا مقلتش راحوا قعدوا و بعد مدة داروا غنية تاع يارا ما بعرف و رورو تعشق هاد لغنية و خففوا من ضوء و هبطوا قاع ليكوبل يشطحوا
رورو : عمري هيا نهبطوا نشطحوا
يوسف : رورو مشي جوي ريحي
رورو : هيا عمري تخليهالي في قلبي
أنت تقرأ
عقبات حب (باللهجة الجزائرية)
Romansaقصة بالدارجة الجزائري شابة بزاف مي طويلة تحكي على قصة حب حقيقية مليئة بالمغامرات و بعض المواقف الجريئة 💕
