امير : ميسو نوضي اووووف
رورو : اممم امير خليني نرقد
امير : خلاص ارقدي انا لقلت نديك تحوسي و نتي محبتيش
روميساء غير سمعت واش قال و ناضت
رورو : واش قلت تديني نحوس
امير : مي نتي اكي حابة ترقدي باي
رورو رمات عليه مخدة
رورو : اهبط يا لحمار اهبط لتحت و دوك نجي
( دوك نعرفكم على بطلة تاعنا اسمها روميساء و يعيطولها رورو غير خوها يعيطلها ميسوا رورو عمرها 18 سنة حبست قرايتها لانها محبتش رورو جاية شوية طويلة و عينيها شابين ماروا فشمس يتيدل لونهم شعرها مطويل مقصير سمرة و حلوة و لاطاي تاعها شابة روميساء شخصيتها غامضة لكن راح تكتشفوها مع لوقت رورو يتيمة الاب و الام ماتوا في حادث لكنها عاشت مع خالتها لمتزوجة بعمها و عندها زوج دراري فادي لي قد روميساء و امير لي كبير عليها 25 سنة )
رورو لبست سروال بلون العنبي و خيمار كيف كيف ( مدايرة خيمار) و جيلي قري و اديداس بيضا و دارت ماسكار و غلوس روز كلاغ و شوية كحل و دارت شوية بارفا (بزاف هههه) و هبطت عند خوها لي قلبها بل عياط
امير : يا بقرة هدا وين
رورو : اي احتارم نفسك و هايا نروحوا
( امير يحب رورو كي ختو و حاسبها ختوا الصغيرة لي ميقدرش يعيش بلا بيها لانها من كان في عمرها 13 سنة نوصفلكم امير جاي طويل و خشية و سمر و عينيه مارون يهبلوا بقلاوة جزائرية هههه 😉😉)
ركبت روميساء فالكرهبة تاع خوها و قعدت تبربش فالتليفون بلا مطلع راسها قالت لامير
رورو : اسمع متحشيهاليش كيما لمرة لخرة ديتني للمناج و ديجا وين راهوا فادي مشي نرمالمون يجي معانا ؟! لكلب لبارح دالي ليكوتور ايه باش مننساش شارجور تاعي فسد لبارح فليل حتى جبت تاع ماما نورة ( خالتها ) شبعتني رخس كي جيت نديه و ديجا علا... (و هنا طلعت راسها و لقات خوها و صاحبوا ميتين بضحك هي غير طلعت راسها تفشخوا بالضحك في وجها و هي وين تلقاها و جها رجع حمر حمر )
يوسف : يا بن عمي ختك شعال تهدر موتور
امير : هههه مشفت والوا ههه
رورو : ما اضمركم هيا نروحوا خير مدوك نهبط و ديجا علاه رانا حابسين
امير : كونا حنسقسيواك وين تروحي مي نتي مسكتيش و مخليتلناش فرصة نهدرو
نسيت موصتلكمش يوسف بطل تاعنا
( يوسف وليد يماه و باباه عائلة من اشهر عائلات البلاد ابيض طويل لحية خفيفة شعروا ديما ورجعوا للور ميحبش يخدم غير كي تجيه في راسوا يروح يخدم مع عموا ليتاجر بسيارات و لا يحكم حانوت من حوانات باباه يوسف متواضع و قاري ادارة اعمال
لكن مكملش و معندوش زهر فالبنات رغم اللي لبنات عليه بالصف بقلاوة معسلة 😍😍راهوا هههه )
بعد اسبوع :
نورة (يمات امير ) : يا رورو اني رحت يا لمهبولة وين راكي
خرجت رورو من لكوزينة لابسة شورط قصير و تريكوا عريض و رافدة حكة النوتيلا و جها مبلبز بيها
رورو : وي ماما نورة
نورة : اني رايحة يا لمهبولة شوفي وجهك كيفاش راه
رورو : او رايح معاك تون تون فريد ( بابات امير و عمها ) ؟؟
نورة : ايه او رايح و امير راح معا ماريا (خطيبة امير و صحبة رورو طفلة هايلة تفتق ) يشوفوا دار و فادي راهوا عند وائل (صاحب فادي ) و راح يبات عندوا و امير لعشية يجي و لماكلة راهي فالبراد اجبدي سخني و كولي و بلاكي ديري كاش حاجة و ايا باي
(و انا نقول وعلاه روميساء تهدر بزاف هادي راهي رحاية هههه )
رورو : باي باي ماما نورة
راحت نورة و رورو قعدت فالصالة تتفرج حتى نوقز الباب رورو عمبالها فادي ولا امير رورو فتحت الباب لقاتوا يوسف صاحب امير
رورو نسات علا روحها واش راهي لابسة
رورو : يويو (يوسف يعيطول يويو) امير راح معا ماريا راحوا يشوفو دار لسحقيتوا عيطلوا
يوسف عينيه خرجت في رورو مقدرش يقعد يخزر فيها و معا هو راهوا شارب و معمبلوش واش راه يدير طبعها و غلقلها فمها و هي مصدومة و تعافر فيه باش يطلقها و كانت تحاول فيه باش يطلقها و هو والوا مكانش يسمع فيها كان غير يشوف فبدنها لهبلوا اخرجوا من عقلو
Hya chui jaime w chui commentaire nhotolkoM ka SuiTe 😘
أنت تقرأ
عقبات حب (باللهجة الجزائرية)
Romanceقصة بالدارجة الجزائري شابة بزاف مي طويلة تحكي على قصة حب حقيقية مليئة بالمغامرات و بعض المواقف الجريئة 💕
