جاز اسبوع على عرس ماريا و امير و هوما في صفحة من العسل
رورو و يوسف عايشين احلى ايامهم حتى واحد نهار رورو قاعدة في حجر يوسف فالجنينة و يصوني تليفونوا من الخدمة
يوسف : رورو تليفون من الخدمة نروح نهدر معاهم و نجي عمري باسها من جبهتها و راح
رفد يوسف
الوا
الوا استاذ راهي صرات كارثة
واش صرا واش كاين
تحرق مخزن (تاع الحوايج تاع باباه لي يخدم فيه يوسف )
وشنوااااا ؟؟ كيفاه هادي ؟؟
تحرق غير لجزء لي فيه الطلبية الاخيرة و فيها كمية كبيرة
اني جاي
و كوبا
يوسف : رورو راه صرا مشكل فالخدمة و مستعجل نروح كي نجي نحكيلك
رورو : معليه عمري باستوا من شفايفوا و راح يوسف يحكي :
وصلت للمخزن لقيت نار كلات ماكلة لحوايج لكن لي حيرني هدا لي شعل النار قاصد اخر طلبية لانها راح نخسر بزاف جرتها اوووف راسي راح يطرطق
انا هكاك و نتفكر فاريد ااااه ما يكون غير هو دبراكت عيطتلوا
يوسف : واش ط***
فاريد : هههههه واش عجباتك المفاجئة تاعي
يوسف : هههه عجبتني بزاف بصح فكرتني فواحد سيد كان يخدم سيادوا و دار عليهم و قتل شاف تاعوا و و سرق دراهموا و يعني بلا ما نكمل باين راك عرفتوا هدا سيد
فاريد : يا ***** يا ***** والله ما *** يماك
يوسف : ااااه نسبت باش نقولك عندي واحد لفيديوا هايل كاش نهار نعرضك تشوفوا معايا
فاريد : يا كلب (يهدر و الغش طالعلوا )
يوسف : بلا منكثر الهدرة معاك حبيت نقولك بلي نزيد تقيس حاجة من ممتلكاتي و لا عائلتي تندم على النهار لي زدت فيه اييييه نسيت عندي واحد لكمبيات تاع كل الصفقات تاع دروغ و بزاف من لخماج تاعك بلا منذكرهملك
فاريد : يا كلب تخلصها تخلصها
يوسف : مزال عندك عين تهدد يا ق***
فادي : نتلقاو يا يوسف
يوسف : هههه موت تديك
و كوبا عليه يغزل من الخامج لي حاصل معاه
( واش لبنات زادوا تخلطولكم الافكار تاعكم و تبدلت توقعاتكم على حرب فريد و يوسف مزال احداث و تعرفوا مشاكلهم مع بعض ) رحت للشريكة مدمر لقيت بابا فمكتبي مين دخلت و هو يحكي مسكتش و انا ماشي معاه جملة مخي بعيد معا فاريد و رؤوس لكبار لي يخدم معاهم لي قد ما حاولت نطيحهم مقدرتش لكن راني نستنا فالوقت المناسب لي نطيح بيهم
( هادا لمحة على واش راح يصرا لبنات )
انا نخمم هكاك و نفيق على صوت الباب لي تخبط عرفت بلي بابا خرج مغشش
اووف تخنقت كل ما نقول حليت مشكلة تخرجلي مشكلة أخرى من الحيط
انا قاعد و ينوقز تيليفوني رورو تعيط
يوسف : وي عمري
رورو : حبيبي سفا
يوسف : سفا بيبي صرالي مشكل خربلي قاع الخدمة اومبعد نحكيلك واش صرا
رورو : اوكي عمري
يوسف : بيبي انا نروح دوك عندي اجتماع
رورو : يوسف
يوسف : وي عمري
رورو : شتهيت فراز
يوسف : كي نكون جاي نجيب لبيبي منطولش
رورو : اوكي
رحت دخلت للاجتماع تفاهمت معا العمال و قررنا نحلوا لمشكل و نلغوا صفقة اخرى باش نوفروا كمية لهادي صفقة و نزيدوا نخيطوا باش نكونوا وفرنا كل الكمية .
كملت الخدمة رحت حوست لرورو لفراز رحت لدار مهدود و تاعب دخلت لدار عرضتني رورو
رات تجري عندوا حملاتوا
رورو : حبي توحشتك
يوسف حملها و زاد لزها ليه حس روحو رتاح كشم ريحتها
يوسف : انا تان توحشتك بيبي
رورو : بيبي جبتلي واش قتلك راني ستنيت بزاف
يوسف : ديزولي بيبي ملقيتش حوست و ماكاش
رورو بوزت شفايفها كي صغار و عينيها تغرغرت بدموع
يوسف : والله و الله تبكي يا رورو غير تشوفي هاهي لفراز نقز يوسف جا فالفراش معاها جبدها ليه حملها و هي مطوعاتوا و دورت يديها على كرشوا
رورو : يوسف محكيتليش واش صرا فخدمتك (تحكي و هي مركزا معا t.v )
يوسف : تحرق المخزن تا لحوايج (يحكي و مركز مع t.v )
رورو تنطرت جات قاعدة
رورو : اييه واش صرا
يوسف : تحرقت غير لحوايج تاع جهة الصفقة اللخرة لي قادرة تخسرني بزاف لكن حلينها انا و زملاء سايي
رورو نادت فتحت رجليها و قعدت فوق كرشوا طابست عليه و بان صدرها من المريول لاكس لي لابساتوا
وجهامقابل وجهوا شفايفها قراب من شفايفوا لدرجة انها كون تحرك شفايفها تقيس شفايفوا
رورو : حبيبي راجل و يتتكل عليه
زاد لزها ليه و قالها في وذنها بصوت كلوا رغبة و بحة
يوسف : و حبيبتي مرا و يتتكل عليها بحركتين شعلت نار فحبيبها
رورو : ههههه نحبك بيبي
( دارت يديها في وجهوا )
يوسف : رورو علا واش معولة في ليلة لكلبة هادي
رورو : ههههه والوا عمري
شفايفها لي يقيسوا شفايفوا استفزوه
حكملها شفتها لوطانية بين سنانوا و نقض على شفايفها يبوس و يلحس و خطرات يعض قلبها تحتوا و رفدلها يديها لفوف بيد وحدة و شفايفوا مفارقوش شفايفها
يدوا مشات على كل جسمها هبط من شفايفها و خلالها ليطراس من كثرة ماباسها و لحسها هبط لصدرها لظاهر من من النصف مريول لي لابساتوا نحالها لميريول و قعدت كان بسوتيان يطبع فبوسات فصدرها و كرشها و يديها شفايفوا مخلاوش بلاصة من جسمها ممسوهاش و هي تان من الرغبة و الشعور لي تحس بيه نحا يوسف قاع حوايجوا خلاص مبقاش فيه و نحالها شورط لي لابسا و قعدت فدو بياس مقدرش يستحمل جسمها لاسمر اللي يبرق و مرسوم نحالها سوتيان و هي مخلياتوا و متفاعلة معاه و هو شفايفوا في شفايفها هو جا ينحيلها سليب و هي كانوا كهرباء ضربتها نقزت جات قاعدة
قاعدة مغمض عينيها تفكرت ااااه تفكرت نهار لي غتاصبها يوسف فيه تفكرت واش صرالها تفكرت اكثر نهار تالمت فيه قعدت تبكي بسكات كان دموع تسيل من عينيها لمغمضة
يوسف يحكي :
كونا هايلين و هي متفاعلة معايا هبلتني جننتني مبقاش فيا فدقيقة تنطرت جات قاعدة كانوا تصقعة بالكهرباء مفهمتش واش سرالها قعدت تبكي فهمت بلي تفكرت واش سرالها فالليلة الي انا نادم عليها طول حياتي نشاء الله تتفهمني نشاء الله تفهم السبب لي خلاني ندير هكاك يوسف حب يبدل الجواء قلبها تحتوا و قعد يدغدغ فيها و هي ضحكتها تتسمع من اخر الدنيا
رورو : هههه يا يوسف يزي هههه
يوسف : اعطيني بوسة نحبس
رورو : باهي باهي
جات طبع بوسة فخدوا دور وجهوا جات فشفايوا ضربتوا على صدروا و غرست راسها في حضنوا
يوسف : هههه ما احلاه الحشامة تاعي
رورو : يوسف يزي
يوسف : باهي باهي هيا نودو نروح نخدم على روحي
رورو : اممم
جات تنود تفكرت بلي راهي عريانة خزرت فيوسف عرفت بلي راهوا عريان
رورو : يوسف غمض عينيك خليني نود
يوسف : ههههه منغمضش
رورو : يوسففففف
يوسف : هههههه
لبس بوكسور تاعوا و هي مغمضة عينيها و هو يضحك عليها و رفدها و هي تفرفط بين يديه تغطي في روحها داها لدوش
حطها فالبانوا و شعل العين تعمر البانوا دار فيه الجال دوش حتى تعمر بالرغوة دخل فالبانوا وقفها و جبدها ليه و هي وجها رجع حمر دور يدوا على خصرها و بيد جبد راسوا ليه و حط جبهتوا على جبهتها
يوسف (تكلم بصوت كلوا رغبة و بحة ) : ماعادش تحشمي من راجلك عمري و نتي كلك بكلك ملكي و تاعي يعني بلا متقعدي تفرفطي دوك اوكي عمري
رورو دارتلوا براسها ايه حكم شومبوا و غسللها شعرها شللهولها و حكم جال دوش جوزو على كل جسمها و هي مسلمتلوا شللها و دوش هو تان و حكمها لفها منشفة و دار منشفة فنصوا و خرج رافدها و هي مدورا يديها على رقبتوا و نفسها سخون في رقبتوا روهجوا حطها فوق المطرح راح جبدلها روب من لخزانة و جبد دبش ليه لبسلها حوايجها و هي وجها حمر طوماطيش كمل لبسلها لبس و هي راحت تنشف في شعرها طويل طولت باش كملت و هو كان يلبس فصباطوا كمل قعد فالفرش و متكي يديه للور قعد يتامل في شفعرها طويل لي زاد طوال ما احلاه هو سارح فيها و هي لمت شعرها كودوشفال و راحت ليه قعدت فحجروا باستوا من شفايفوا و هي مدورة يديها على رقبتوا
رورو : نحبك عمري
يوسف : و انا نموت فيك عينيا عمبالك اني شاد روحي على شعرا باش مننقضش عليك هبلتيني يا طفلة واش درتيلي
رورو : ههههه درتلك لبخوخو
يوسف : والله غير راهي باينتلي هكاك
رورو نادت من فوقوا و قاتلوا : قوم قوم راح الحال عليك
يوسف : اممم صح . رورو عمبالك واش هبلني في جسمك ؟؟
رورو و جها حمر : واش ؟؟
يوسف : كرشك لي تكعبرت
هبط على ركبة و نص و حكمها من كرشها و باسها
يوسف : ولدي توحشتك
رورو : حتى بنتي توحشاتك
يوسف طلع رايسوا قحرلها : راك مليح وليدي عمبالي بلي راك مليح كيفاش مشي مليح و نتا في كرش اجمل و اروع نقلوا يوسف و رورو لقصر عائلتوا
وصلوا استقبلتهم العائلة كل و لقات هاديك لسقة بنت عم يوسف قعدت تدحنس على يوسف و ترمي في يديها
مان يوسف : كيفاه حتى بدلت رايك يا ولدي
يوسف : والوا كي اصريتي نتي وليت قلت نجي
مان يوسف : مرحبا يا ولدي مرحبا كي نتا كي مرتك
رورو : يعيشك خالتي صفية (مان يوسف)
صفية : لالا يا بنتي مليوم تعيطيلي ماني
رورو : اوكي ماني
دخلوا لصالة قعدت مايا بنت عم يوسف قداموا و ترمي في يديها و تتمعجن يوسف شاف في رورو لي قاعدة قداموا كيفاش تقحر لمايا محبش تتعاود حكاية المرة لي فاتت جبدها ليه و دور يدوا على رقبتها
يوسف (يهمسلها في وذنها ) : يعيشلي مغيارتي لي قاعدة تقحر لمايا قريب تقتلها
رورو زادت جبدتلوا يدو : و انا يعيشلي لي مقصرش و قاعد يحكي معاها
يوسف : رورو شوفي كلش كلش غير نتي متتغشيش و مايا منزيدش نهدر معاها
رورو : اوكي
جبدها ليه باسها من جبينها
يمات يوسف : واش نتوما متحترموش هههه ايه واش نستنا من بنت شارع و طبقة الفقيرة ههه
رورو غادتها عمرها و عنيها زغلوا بالدموع
يوسف شاف عينين رورو و هو مغشش من يماه
همسلها في وذنها : والله يا رورو وراس ولدي تبكي غير نقلب الدنيا
رورو دموعها طاحوا لحظتها و جات قايمة يوسف شاف دموعها زبل طلعلوا لراسوا هو كلش كلش غير دموع رورو
يوسف : يما رورو مرتي و هي لي راح نكمل معاها حياتي تسما تزيدي تجرحيها بالهدرة و لا تقلقيها وجهي متزيديش تشوفيه
سميحة (يماه ) : هههه واش اولدي دور على يماك على جال وحدة متسواش و فهداك لوقت هدر بابات يوسف : اسمعي نتي سكتينا و بركاي من الهدرة الزايدة الطفلة خاطيك و محلاها و نتي موراها
سميحة : والله غير تخلصيها يا لي متسواش
رورو تفلقت بالبكا هدرت و هي تبكي
رورو : لكان مش مرحب بيا هنا قولولي من دوك خلوني نروح لدارنا
يوسف : ر*** نتي واش هاد لهدرة
زادت تفلقت بالبكا و يوسف قلبوا وجعوا عليها
راحت مان يوسف حضنت رورو و طلعتها معاها لغرفتها حطتها في فرشها و هي جات تنوظ و تحكمها رورو من يدها
رورو : ماني معليش نرقد في حضنك
صفية : طبعا يا بنتي و دخلت معاها في الفرش و حطتها في حضنها تمسحلها على شعرها
رورو (تبكي ) : ماني طاطا سميحة علاه تكرهني
صفية : ايييه يا بنتي واش نقولك . لكن نتي متتقلقيش و ارقدي دوك
دخل يوسف لقا رورو راقدة و مانوا خارجة
يوسف : سمحيلي ماني تعبناك معانا
صفية : هههه واش من تعب هاديك راهوا مقامها في مقامك طفل تفتق و تدخل للقلب
يوسف حضن مانوا حضناتو و قعدت طبطبلوا في ضهروا
صفية : اتلها في مرتك يا ولدي
يوسف : عينيا هديك يا صفية
راحت صفية دخل يوسف معا رورو في الفرش و حضنها و باسها من خدها و قعد يلعبلها بشعرها و رقد
رورو تحكي :
فطنت نشم فريحة بنينة ريحة نعشقها و نموت فيها ريحة عمري و حبيبي طلعت راسي لقيتوا راقد كي البيبي طلعت راسي بستوا من شفايفوا بوسة خفيفة
و رجعت غرست راسي في حضنوا
ااااه يا يوسف قداش نحبك
Lyouma dertelkom un partie chui twil 3la jal ziina ta3na li tjr tfarhni b les commenatire 😘
Un vote et un commentaire w nkmlou
أنت تقرأ
عقبات حب (باللهجة الجزائرية)
عاطفيةقصة بالدارجة الجزائري شابة بزاف مي طويلة تحكي على قصة حب حقيقية مليئة بالمغامرات و بعض المواقف الجريئة 💕
