جاوبي .....
بلة هذا صدك يحجي واني مشعول جدي علية
والله ولا جاوبت كلت جنه يلعب
ونور دك وماجاوبها مالي واهس فشله كلش
دكت الباب دخل اخويه حمودي كلي سراوي حبي باجر ايناس الي هيه خطيبته تجي فدوة لعينج ويا امي واريد ترفعون راسي وهل حجي كتله تدلل عمري باجر دولمه وسمج واطيب الاكل كتله منو جاي كلي هيه واهلها كتله سهله حبي عافني وراح نزلت ع امي كتله يمه هيج وهيج كال محمد كالت اييييييي يمه من هسة يرجف بعدها مجايه وكم حجايه متنحجي هههههههه ضحكت بستها كتلها يوم بس هلواحد خلي نفرح بي طبعا خطيبته من هاي اووي وايييع ومواليديها صغيرة بس يحبها وابويه يسكت بامي ويكولها عوفي براحته خطيه من شغله ويجيب وهيه تبسمر نبع الحنان هههههههه نسد الموضع وصعدت فوك مداك ولا شي ضليت اكلب بلنت ذكرت نور كالت ع الفيس شفته دخلت ع الاصدقاء وشفته دخلت صفحته يبووووو كلهن بنات وتعليقات من هاي الزينه ضليت اكلب بلمنشورات شو رئسا دخلي فايبر كال شدسوين بصفحتي ضليت صافنه كلت يمه شون عرف جاوبت كتله عيني شجابني يمك واني ماعرف صفحتك ع الفيس رئسا دز ههههههههه ورة شويه دز صورة اني مسويه لايك لوحدة من الصور هههههههه خربت ضحك كلت ربي شنو سالفه الفشلات ويا حجينه بيومها مسجات وهيج وكتله ترة نور تبالغ وهيج وعرفت هوة خريج اعداديه وعنده قاعه وكوفي شوب وهمه بس ولد وبنيه وبيتهم بلرصافه ومن هلحجي وكتله علينه وضلينه نسولف لل2 وكل شويه يذكرني بليسويته وافشل واضحك كال سارة اني معجب بيج والايام تشهد وتعرفين مازن منو اني اسمعه واستحي اكوله اني اكثر بعدين كال اروح باجر ورايه تمرين وشغل وكتله اني هم ورايه عزيمه كلي اريد كتله من عيوني كلي فديتهن هلعيون العسليات خجلت ونهينه الماحدثه واني جني وحدة سكرانه من الفرح ماعرف شون نمت كل شوية افتح المحادثه واقرة مدري شون مر اليوم وكعدوني الصبح كمت بسرعه غسلت وسوينه ريوك وتريكنه مكافش ع الشغل واني وختي ريم وجتي اختي الجبيرة وعصابتها وسويينه جدر دولمه وتشربب وسمجتين شوي وجوي وتغدينه واشوف اخويه طاير بيها واعيونه تقرة الحب الف واسرح واتخيل روحي وي مازن هنوب اخذة وصعد بغرفته عود ديشوفها غراض ولهينه اهلها نزل مثول اكثر منها فماعرف صار بيه اريد مثلهم اعيش وكل شويه اسرح وتليفوني فوك ولا نزلته دزيت ابن اختي جابه اشوفه محاجيني من الصبح صباح العسل ووينج خيرج ها ام كرش شخبار الدولمه ضحكت واحس امي تكولي ولج سرو كومي جيبي حلويات ....اني اشتغل واتخيل اني ومازن العرسان خلص اليوم مصدكت كملت الشغل صعدت تعبانه وباجر امتحان درست شويه وحاجيته شونج ام كرش زينه وانت تمام سولفت اله ع العزيمه واخويه وضلينه نضحك كال باجر اجيج كتله تعال كل الهلا كال بس لا صفنين بيه استحي اني اضحك ماعرف اجاوبه كملنه المحادثه من وكت لان تعبانه واريد ادرس
هم مدري شون نمت بيومها كعدت الصبح لبست احلى شي ومكياج خفيف ورحت عيني ع باب القسم اكول هسة يجي امتحنت مادري شجاوبت طلعت شفته واكف وي ولد اني مشيت اجه سلم عليه جاوبته هنوب ماعرف احجي سودنت اكثر بس ابتسم كلي شطالعه كيكه كتله شكرا وبكلبي اكوله انت الكيكه ..ام العسل .....بقيت ويا وعشت احلى ايام ...بينه وبين اهلي ...احس ملكت الكون ....
مرن 5 اشهر وعرف بيه شخصيتي ضعيفه وفقيرة وصار حب بيناتنه ومشاكل وزعل ودائما اني اتعذر واصالحه عشقته بجنون بس دائما يحسسني انتي مرة واني الرجال ودائما يقهرتي ويبجيني لان فقيرة وماعندي غيرة بقينه مدة الا ان يوم من الايام سمعت عياط جوة وجنت احاجي نزلت ركض ماعرف شون نزلت. الدرج اجبح بي امي تكعد بابويه ميكعد
ولج دكي ع اخوج ابوج كاطع النفس امي تفرك بصدر ابويه اختي طلعت دك باب الجيران دكيت ع محمد وايدي ترجف كتله ابويه تخربط كال جاي بهلحجي ولد طبو شالو ابويه ةركض للمستشفى امي جيبي العبايه وملخت وجهها كتله اجي وياج رجعوني راحو كومه وياها سدينه الباب كمت الطم بوجهي بس صوت ماكو واختي ملخت روحها اجه محمد طب كال وينه كناله راحو للمستشفى راح وراهم بعد ماعرف بمستشفى شيخ زايد طلع ركض ماكو ربع ساعه اقل جابو امي متخربطه ابويه مات مابيها تحجي حته طبت حافيه وفوطتها ماكو كعدت بلكاع شكت هدومها مادري مين جني النسوان وضلن يهدن بيها اني واختي نفرك باديها ورجلها واحس صوت العالم بعيد واشوف امي بس تلطم ماطولها عليكم مات ابويه ابو ضحكه الحلوة دفنو الولد وعمي وكرابتنه ماعدنه علاقه بيهم قويه
مرت الفاتحه وصار السابع وراح وبقينه بروحنه امي تون يوميه واخويه ملتهي صار الكل براسه واني وخواتي نهارينه مازن ويايه معافني لحظه مر على سالفه ابويه
شهرين
دنيه عصر وحارة بعد ماعطلنه ونجحت الحمدلله
دخل اخويه عصبي كال اريد ابيع البيت ضهري نكسر شصير اني اريد ازوج الف متبقى بجيبي اني واختي وامي فكينه حلوكنه اول مرة محمد هيج اعصاب ويعيط
كاافي موتوني فوكاها ممزوجاات وع قلبي وامي يراد الها علاج
واهل مرتي ضلو يحجون اذا يضل حالك هيج منطيك مرة ع الفكر الي انته بي
امي بس تبجي اني احجي حجايه ويكولي انجبي واسكتي مشكوك حلكي ماتحمل بعد انطوني حصتي واطلع
امي كالته يمه واني وخواتك شلون كلها طبكم مررض تعبت افهمي تعبت
وعافنه وطلع طلعت وراه كلي الله ياخذكم مثل ماعافكم عليه ابويه ومات وسد الباب وطلع
صدمه فوك صدمه
ر ............
وللحكايه بقيه
سوزان المندلاوي
