اني سارةعمري 23..... ادرس ادارة واقتصاد
مازن عمرة 27 خريج اعدادية وعنده كوفي شوب
احنه 3 بنات وولد واحد
والدي سايق تكسي لكن الحمدلله مايوم مدينه ايدينه ع احد ع كد حالة ياخذة صبح ويجيبه لليل ...
امي انسانه بسيطه
......
اختي الجبيرة مزوجه شرطي وحايره بجهالها ..وعيشتها ...
اخويه ...يحب خطيبته بجنون ....
اختي الصغيرة مدللة
تسلسلي الوسط اختي الاكبر مزوجه واخويه خاطبيله والصغيرة طالبه
كملت الاعداديه ودخلت الكليه عالم جديد وغريب عليه
عالم حلو صح وبي حريه ....لكن بي هوايه نفاق وكذب .....
قبل لا اتخرج تعرفت ع شاب جان يجي للكليه ع اخته الي هيه بغير مرحله اكثر من مرة اشوفه يعجبني كلش بتصرفاته ولبسه وعطرة...جميل جميل جميل ..جسم طول لحيه لونه خمري ... اني جنت كلش فقيرة مالي دخل ابد بهل سوالف صح تعرفت ع شخص بحياتي من ضمن الجامعه لكن جان غايته لعب واسباب هوايه خلتني انفصل عنه واتركهه .....
و مازن من يجي للقسم قلبي يرجف واضل اباوع عليه لحد ماينبهوني .......وراها اضحك واكلهم هذا الحلو كاتلني ياعمه فصديقتي نور ...كالت لج سارة شبيج مابيج خير روحي تقربي اله سلمي عليه...او حاجي اخته ....صادقيها ... ولا ضلين هيج مسودنه وصافنه ..كتله لافدوة استحي واني حظي مكعد وي الحافي يكعد وي ههذا جنه كيكه راحت... ايام ....لتهيت بدراستي ...وجتي ايام وصارت امتحانات واني ملتهيه بلدراسه وهيج
دك موبايلي رقم غريب جنت نايمه واقرة عدلت روحي داجاوب ملحكت فصل ...رجعت دادرس بهل اثناء امي.... صاحتلي تعالي سوي عشة وكت عشا نزلت سويت عشا كبه وبتيته وشوربه وزلاطه وهيج.....هل سوالف المممله ومتعبه ...لكن جانت حياتنه حلوة ومابيها ....حزن او هم نلتم كلنه ع صينيه ونسولف ونضحك ..... اتعشينه لميت المواعين غسلتهن وشربنه جاي كتله يمه راح ادرس فدوة لا تصيحوني واذا نمت كعديني على الصلاة هم اصلي وادرس كالت يايمه موتيها لروحج دشوفي حالج اصفر وشعرج هلس من ورة الدرلسه كتلها ...
يمه بس كعديني كالت الله يوفقج ويرزقج برجال يجازي تعبج ..ضحكت وصعدت شفت نفس الرقم داك 3 مرات اني هم خزنته ورحت حته اشوفه منو رحت للفايبر والواتس دادور طلع اسمه يمه ....يمه هذا الحلو....
داك عليه كمت ع حيلي افتج الصورة واكول اي هوة وارجع اريد اكتب وارجع احذف وضليت هيج ساعه صارت 11/30واني كل شويه اشوف متصل لو لا كلت هذا نام باجر من يدك اشوفه شبي على العموم بيومها ردت ادرس بس مدخل دماغي ولا حرف هنوب خال صورة جنه كيكه ام الكاكو يخبل والله صارت بلوحدة واني لو اقلب نت لو افتح ملزمه لو اطلع صورته واشوف جني وحدة مخبله ههههههه واضحك ع روحي شجاني ياربي من هسة تخبلت بي ..... دكيت عليه دك دك اخر شي دا سدة جاوب ..الو ..الو مرحبا انت داك عليه منو ..
كال اها هلاو شونج كتله
هلو بس منو كال اني مازن ..
كتله ييي ومازن ومنو بهل حجي اني ارجف والعب بشعري وابتسم ههههه .
.كال مازن اخو زينه اجي للكليه وشفتج. ووحبيت اتعرف عليج كتله .
.ماعرفك ولا اعرف زينه كال سارة ترة نور حاجيتلي كلشي واعرف بيج من اجي لحد ماروح انتي بحاله صدمه اني من سمعت هيج حسيت حرارة براسي
وسديت التليفون مدري شجاني من الفشله سديته وغلقته بعد مادزيت رساله لنور طيحت حظها .....
ثاني يوم رحت للكليه الصبح بوجهي قبل للقسم لا سنتر ولا شي جتي نور كتلها رجاءا لهنا وبس بس عيب الي سويتي كالت بس اسمعي اني لخاطرج ترة
كتلها انتهت بعد وياج شبيج
ولج ثوله شفته بكروب ع الفيس وعرفته ودخلت اله وعرفني وسولفنه وكتله اكو بنيه معجبه بيك وكلت عليج اني داخلي فرحانه بس ضجت من تصرفها عفتها وكمت بغير مكان وهيه كالت مخبله يومين وتفكين هل الحجي دخل الاستاذ وامتحنت وجاوبت الي اكدر عليه ..وطلعت جان اشوفه اني هم مشيت سريع كلش حته لا اضل باهته بي
صعدت الخط وقلبي يدك سريع كلش خليت سماعات بذاني لحد ماكالو وصلتي نزلت طبيت للبيت امي مكمله الغدة هايمه شون جاوبتي وهل حجي اني بس اهز براسي كالت شبيج كتلها نعسانه اكلت لكمه وصعدت للفراش مافتحت نت نمت كعدت ورة الغروب جسمي يوجعني وتعبانه بس زين باجر ريست عطله نزلت اخذت بندوله وشربت جاي واكلت لكمه خفيفه وضليت اسولف وي اهلي لحد ساعه 10 صعدت نمت بفراشي جريت التليفون فتحت نت شفته داز رساله ومتصل علية
افتحه مافتحه هووف خاف يطلع مرئي شسوي شمرته الفون دخلت اختي تون براسي شويه. .....
واني مالي خلك روحي انطيتها الشسوار وسديت الباب ورجعت بسرعه فتحت الرساله اريد اقرة
كاتب سالمين ؟
جاوبي داحاجيج زين
وللحكايه بقيه
