ضليت اسولف ويا لحد ما دك مازن كلي ويامن انتظار كتله خواتي ومن هلحجي كال جايج كتله مازن فدوة امي بروحها بلبيت وهاي مرت اخوي يم اهلها بس اليوم بقيني ومريضه ومالها خلك
محجه شي كتله تعال بات يمنه كال لا بس اجيج باجر من
ا رجع من القاعه كتله ميخالف سديته منه رجعت اتصلت ع رائد كتله نتواصل بمواقع التواصل افضل ..ماطول عليكم بتت علمود احجي لان مابيه صبر بعد حجي حجي الا ان حجيتله الي يجري عليه هوة ساكت كال شفت كدمات لهذا ردت اعرف التفاصيل محمد بيومها ماجه بات يم اهل مرته
ومازن دك عليه اكثر من مرة ع مداكدر انام وانتي ماكو بس قلبي مات من يمه ومن اي رجال لكن الدكتور جان مجرد شخص ايرد احجي اله الي جرة عليه حجيت اله القصه بما انزل للفجر بقينه امي تكعد وتنام وتون الليل كله شرحت حالت امي اله كال باجر جبيها بس اعرف مازن مراح يخليني اروح ضلينه نسولف وابجي لحد مابرد قلبي للفجر نمت ماحسيت الاا مي توعيني كومي يايمه دنيا نهار كمت لميت الفرش خدرت جاي سويت لكمه اكلت ووكلتها البيت نظيف مابي شي بس صدفت مطر وجان قوي والدربونه غركت خابرت مازن كتله الدربونه غركت وطين كال منا للعصر واجيج كتله ميخالف دكيت ع اخوي كتله مناوين ترجعون كال العصر نجي
سويت غدة وكعدنه ع الصوبه وتغدينه وامي تسولفلي ع ايام قبل وتكولي خواتج كاطعات وميسالن واني اكولها يمه الحياه مشاغل وتعب ضلينه لحد العصر جاه محمد ومرته اني من يومها مالي دخل بيها كد السلام بس
طبو لغرفتهم امي ضلت يمه شو مجاج طفل اكوله بعدة مامقسوم وساعه تكول اريد اروح للنجف اشوف ابوج وساعه تنام وضعها مو تمام
اني حاجيت رائد كتله لادز الي لو شيصير اني من احتاجك ادخلك .....
دك مازن كلي طلعيلي لراس الدربونه لبست وودعت امي وطلعت جفصت اجفص كوة عبرت دخلت السيارة حته طين بوجههي ضل يضحك عليه وصلنه للبيت طبيت سلمت ع خالتي الي ماشوفها اصلا وماعرفت شنو سالفتها طبيت كبل للحمام سبحت وبدلت نظفت غرفتي وبخرتها كملت صعد مازن ....حاول يتقربلي صديته وماقبلت بس باختصار هذا نوع اذا اعاند يزيد بس بوكتها مجنت اعرف واذا اعوفه براحته يعوفني مارضيت ابد لحد ماجنزني كتل .وكلعادة كمت ورجعت اولول وغسلت وهوة نام بيومها تعبانه بس موغريب عليه الي صار بس جسمي ماعاد يتحمل كعد سبح وراد جاي وطلع للكوفي ضليت وحدي خابرت رائد هلكد مابجيت صوتي انبح جان يكولي عوفي وطلكي بس ضروف اهلي متساعد ولليوم مشاكل بس مو مال احجيها الكم لان طول نرجع ضلينه فترة اني ورائد بس لا بينه حب ولا شي مجرد فضفضه. ومازن نفس حاله يوم هيج ويوم هيج العي روحي بشغل البيت وجان مايرضى اطلع الا وياه مع العلم الكل حاسديني عليه من الاهل والاقارب ...بقيت فترة تعلمت وشويه رائد شال عني الهم بس ساعه يرزلني ع اني راضخه وساعه يواسيني لحد ما فديوم
دك محمد كال تعالي امج منتهيه اني عبالي مثل اي يوم دكيت ع مازن ماكدر اجي شغل ومحمد ضل يدك يدك كتله تعالي انت كتله لمازن ماقبل كال ساعه ويمج طلعيلي من الباب والله لميت غراضي وكلت لعمتي وجاه خذاني من الباب واني قلبي يلعب وصلت لبيتنه اشوف هوسه اني رجلي ماتت اريد انزل ماكدرت بس ناس طابه وطالعه عرفت امي ماتت عطت وملخت روحي ونزلت ركض وصلت مغطين وجهه ويردون ياخذوة نمت عليه بوستها وضليت انحب وانوح ويجرني النسوان وارجع لحد ماطلعوها للمستشفى حته يطلعون شهادة وفاه ضليت بلطرمه الطم الطم لحد مانهد حيلي دخلني النسوان بلهول ردو جابوها بلتابوت واني نايمه بلكاع ماعاد بيه اكوم جني خواتي اشوفهن ملخن ارواحهن بس اني مابيه اسوي شؤي بس دموع تصب يحاجوني اشر براسي مابيه شي وطلعوها واني بس اباوع مازن برة كل شويه يمد راسه عليه ... هنا نكسرت كل الجرة والصار ميعادل هاي الكسرة بقيت 3 ايام ورجعت لبيتي ميته بس نفس بيه ضل ولا واهس بيه حتى مازن عفته شيريد يصير يصير رجعت تعبانه مهمومه حاول يواسني يطلعني بس اخذت فترة يلا رجعت ع حيلي بهل اثناء بعدة ع نفس حاله ماتغير ابد واني ضليت وي رائد
مرت ايام هوايه وكبرت وتعبت
فديوم بليل كلي سارة ليش ماصار عدنه طفل ليهسه
اني سكتت وراها كتله منك السبب
كال مابيه شي اني
اني عاد فاضكتله منك ثم منك ثم منك كال بيه
كتله ي همجيتك والحيونه العندك وتريد طفل ولك كل قطعه بجسمي تكرهك اي اكرهك
واكره نفسك وعطرك واسمك هوة صافن ولو ضل اخر انسان ماحبل منك واخلف انت مو من البشر انت حيوان وفوكاها مريض الي تريدة مني اخذة صلخت كتله اشبع اشبع شسوي سوي مات احساسي حته بالام وضليت ادعي احجي وياريت تموتني اريداموت هلحجي امه صعدت ع عياطي اول مرة تصعد صاح نزلي ماكو شي نزلت اني بردت هوة مسووة شي عافني وطلع
بقيت وحدي نزلت امه سالت وضلت تنصح وحجي بس اختصرت الكلام كتلها
ماكو شي كالت طالعه يم الجيران
اني وراحت ضليت افتر بلبيت سويت لكمه واكلت
صعدت حجيت لرائد الي صار طبعا لوما رائد جان ضليت اسكت بس حسيت بدعم منه وبديت اقوة ..بهل الفترة طلعت سالفه الهجرة وناس تهاجر ةالي يموت والي يوصل ..اني كتله اريد اهاجر كال صدك كتله اي ماضل شي الي هنا وماعد بيه صبر ...كال سارة متاكدة كتله اكيد ..ضلينه نتناقش ع الوضع كتله مايهمني اني خسرت كلشي حته ربحي خسارة قررت بعد
...سدة مني راح ..ورة ساعه كال اجي وياج
كتله رائد عدك حياتك وشغلك مامجبور تضحي علمودي كال اني اريد اطلع مو شغله وياج بلكي يصير براسنه خير فهمني كم سالفه لازم اسويها
واني مكذبت خبر طلعت الجواز والهويه وذهباتي ع جهه بيومها مازن ولا وصل للبيت ولا اجه وانه هم مادكيت عليه
بس امه داكه عليه والي فهمته بايت برة
ضليت احجي وي رائد للفجر وتفقنه ع كلشي
نمت ...وكعدت ع حسة يطكطك بلغرفه بس ماحاجاني ابد كمت اني غلست ونزلت جوة شفت عمتي كاعدة الظاهر قلقه ع مازن ..كالت حبيبتي صارلج شكد مايوم ادخلت بيكم ولا سالت ع طفل ولا غيرها لان هاي حياتكم وانتو حرين بيها وانتي يتيمه وحبيتج حسبتج بنتي ..اني دمعت عيوني كالت ماما لاتبجين مازن يحبج واذا عفتي ينتهي ...بجيت حضنتني وكامت تبجي اكثر ع صوتنه نزل كال شكو ..كالت ماكو شي دلع نسوان ميزو هوة كال ماما عوفيها اذا تريد تطلع ....اني نداريت عليه وكتله الي تريدة يجرالك ..جرتني امه للمطبخ وضلت تحجي وتقنعني ع الليل كوله هوة منهار وجان يم صاحبه ومازن مر بتجربه صعبه بطفولته يجوز بسببها تتعاركون ..حاولت اعرف لبجت السالفه وسدتها ع العموم اتريكنه وصحناه كال ماريد .صعدت فوك يمه سوه روحه مامهتم الي اني هم خليت سماعات باذاني وضليت الم بغراضي وهدومي واني جنت مداسمع شي بس ردت اشوفه شيسوي والله والله اسمعه ينحب مثل الطفل ويشهك قلبي عورني وختنكت ويزيد لحد ما ركضت عليه حضنته كتله اروح فدوة الك اسكت بست ايدة وراسه وهوة زاد اكثر كال سارة القرار الج بس اني احبج تر يدين اطلكج روحي دام كارهتني
صار سنين وياج ماقصرت بشي و حبيتج
انتي مرتي وبنتي وروحي والله احبج
بس هاي رغبتي مو بيدي
كتله تتعالج كال اي اتعالج اني شبكته وضليت ابجي واكوله تتعالج مو يهز براسه ومر اليوم بين العتب وبجي وختمناها بعشه برة ورجعنه وراها الفرحه بعيوني ونسيت الضيم والقهر وتمنيت يتقربلي ..بس تمنع عني ونام واني هم حضنته ونمت
للحكايه بقيه
