طبيت للغرفه صبيتله جاي
شرب وسولفنه وكتله اريد اشوف امي كلي باجر اوديج
امي صحته راحت فوك الضغط سكر وذبحه تعبت سودة عليه ومرت اخويه ممداريتها فكل يومين اروح ...انظف البيت واسويلها لكمه وارجع
فبوسته كتله نام اني مجايني نووم كعدت رتبت كنتوري
وطلعت الشريط ردت اذبه وكلت لا
نداريت عليه غفه وناممم رجعت الشريط المانع بمكانه كملت مددت يمه ضل عندي فضول اريد اعرف شنو جان يسوي انتظرت ينام بعد راح بنومته
جريت الموبايل فتحته دخلت ع كل البرامج والملفات المخزونه شفت العجب من صور ومحادثات وفيديوات اخذت الفون ونزلت بلكاع افتح واقرة واشوف .....عرفت رجلي مريض اي مريض سويت بحث عن مرضه. مرضه اسمه الساديه الجنسيه ..طبعا اني موجودة او لا هوة يمارس هلشي كتابه وصوت واكو هوايه مثله بنات وولد ...مع العلم كلش طبيعي من نطلع ونطب حاله حال اي رجال بس عندة قفلات وعصبيه بس عادي ..لكن مشكلتي بعلاقتي الزوجيه الي هيه المفروض مودة ورحمه ماشفت لا مودة ولا رحمه اني غسلت ايدي منه وعرفت لو اكضي عمري اتغذب لو اطلك واواجهه مصيري وادري امي شو بلحالتين ذله بس جسمي ماعد يتحمل الاذيه داخل نفسي قررت الطلاك او اكوله اتعالج كمت اكضي ايام وليالي اقرة ع هلموضوع وهوة خف مو مثل الاول احسه يدوس ع نفسه حته لا اهج واسمع كلمه احبج الف مرة بليوم بس داخلي بدة يكرهه
اجه الشتا والدنيا باردة وعمتي تعلمت عليها وجودها او لا ميفرق عايشه بحالها ومايوم كالت ليش ماعدكم طفل او حجت شي فقيرة اهم شي باكيت الجكاير ميخلص ..وابو ماعرف شي بس مسافر ودلئما ينسد الموضوع يسرعه واخته ازوجت وعاشات بغير محافظه بلسنه تجي مرة وتروح ماشفت شي منهم الله شاهد وهوة هم ممقصر بشي ماعدا العلاقه .
بين فترة وفترة من نطلع اكول بس اجيب علاج واكرر الحبوب منع الحمل للضمان .....مرت ايام واني شلت البيت لان ضايجه وحدي وتحايلت عليه اكمل كليتي بس موافق مع العلم اخر سنه الي ........ تعلمت ومشت الحياه وكامت تاخذ من صحتي وعافيتي ........فديوم اجه تعبان سبح وارتاح اتغدة صعد صعدت وراها حاولت اسوي الي اسمعه من دلع وهلسوالف ضليت ادلع عليه كال احجي كتله اريد تروح طبيب كال مال شنو كتله يعالجك كلي شبيه اذا ع الطفل مامهتم هسة ..كتله لا حبي ميزو بتسم الي ..ارتاحيت كتله دكتور نفسي جان نايم وحاط ايدة وره راسه واني اسولف كام على حيله كلي ليش مريض اني لو مخبل ولج احجي عدل كتله اسمع فدوة لطولك انت الي بيك مرض نفسي واني قريت عنه وبي علاج حته نعيش مرتاحين حالنه حال البشر خوما اضل عمري كله هيج جسمي ماعاد يتحمل اذيه ....مازن لو دكتور لو طلكني
جرني من شعري وكال لا اني المريض ولا اطلكج والي بي اسمهه تحرر وانتي وحدة همجيه ماتفتهمين بلذة كتله يالذة هاي انت مو بشر حيوان هيه جرة شعر وهيه ضربه
كلي تعاي اشوفج شلونه الحيوان صدك صرخت خنكني بيدة عيوني طلعن من الدموع اريد هوة ماكو مرت الدقايق لحد ماصدك شفت الحيوان شنو الحيوان احن منه وخر عني شرح طويل ماكدر اختصره بكلمه وكلهن اشياء تجرح الحياء بس حته راسي داسه برجله ومن الضرب كمت ماحس بالم صراحتا احسه تبنج وخر عني وكعد بلكاع براس الجربايه يبجي يبجي لحد ماكام غسل وبدل وطلع اني ضاله بمكاني كمت كلعادة سبحت وابجي بس لا مسكن كام يفيد ولا دوة جسمي نرض وازرك حسيت روحي تخبلت ماعرف شجره عليه لا كدرت اتقبل عنفه و ولااتقلمت.. بنيتي ضعيفه وضعفت اكثر رجلي ترجف طلعت من الحمام منهارة الدنيا سودة شربت شكو دوة بلغرفه وابجي واكول يمه سامحيني مابريتج لحد ما احس روحي طوف ماعرف وين وماحسيت بشي الا واني بلمستشفى والكانونه بيدي وهوة فوك راسي .........ويكول كعدت كعدت
واجه طبيب فحص نبضي وحاجني صوت بعيد ومو واضح وعيوني تغوشن اسمعه يكول سمعيني فتحي عينج اني بس اهز براسي لساني ثكيل خشبه .....رجعت نمت كعدت صاحيه فتحت عيني كتله اريد اروح للحمام اني اترنح سندني وداني غسلت وطلعت اجه الطبيب دنيا لليل الظاهر بس نفس صوته كال شبيج هبطي رجلج عليج شونج هسة كتله زينه كلي اكو واحد بهلعمر ويحاول ينتحر سكتت دمعي كام يصب كال اسمعي مهما كانت الحياه صعبه اتقبليها بقوة وبقلبي اكوله خاب ماتسكت عايشه وي ذيب اني ...ورجلي يباوع عليه ويبجي كال احنه بلعادة الانتحار لازم نسوي بي تقرير بس اني علمودكم وانتي صغيرة لميتها وسويتها تسمم ضليت للصبح والطبيب رايح جاي عليه وتعرفون ردهه النساء ميصير رجالي يدخل هوة برة وامه رايحه يم اختها صارلها كذا يوم فلطبيب اخر مرة اجه كلي هذا رقمي اذا تحبين ا سمعج اني بهتت كلتله دكتور كال ..سارة اسمعج هوة شاب وصغير الظاهر توة متخرج ماطول عليكم ...طلعت من المستشفى وماززن هلفترة خف عني بس يمارس هلسالفه بدون علمي واني اعرف بس ماضل بيه حيل وادور وراه رجعت للبيت وعمتي جت ورة كم يوم ورجعت حياتنه واني اروح لامي وضعيتها تعبت كلش كلش ومرت محمد حبلى وخواتي حايرات بخلفتهن ومحمد ير كض ع الغيشه وامي مابيها تلف كبه مثل الاول فكمت اساعدهم ومازن مايحجي ابد بلعكس ينقهر ماتركت امي ابد اما الدكتور ...........رقمه بعدة ومالي واهس شي
عفته والتهيت بضيمي وعرفت هذا واقع ولازم اجرعه
فديوم دنيا مطر وبرد دك محمد كال سارة امج تعبانه تعاي كتله شبيها يمه كال مابيها بس تعاي يمها ماكو احد يمها اني دكيت ع مازن وكتله واجه وداني شارعنه دربونه صغيرة ذبني براس الدربونه واني تمشيت بلطين لحد ماوصلت وشفت امي حالها حال
ومرت اخويه رايحه لاهلها طبيت بوستها صيح هلا هلا يمه هلا مابيها تحجي كتلها نامي يوم كمت سويت لكمه وعزلت البيت وصخ شحاله وكومتها سبحتها واشاقيهاوابوسها وتضحك من رحت فدوة لضحكتها غديتها وكالت يمه حنام تعبت اني هم فرشت الها بعد ماغسلت الفرش كله ريحتها تخمخم وكعدت بصف راسها .وطلعت الموبايل واجه ع بالي الطبيب الي ماعرف اسمه طلعت الرقم من الجنطه بعد مادفنته واتصلت بي بعد مامر شهر ع الحادث ...
الووو
الووو
منو
سارة
اهلا وسهلا بيج شونج
تمام وانت
الحمدلله
ماتوقعت هلكد تتاخرين
كتله ضروفي متساعد
شسمك كال رائد
بقلبي كلت مازن فنه حظي رائد شراح يسوي
دوامه الضياع
وللحكايه بقيه
القصة حقيقة
