طبعا مرت الايام بسرعه بس عيني ع امي وابجي عليها لان محد ضل يمها ريم زوجت وحامل وهذبج ملتهيه بدسته جهال اخويه حاير بأنوسه يوميه اكولها اخر زواجي بس مترضه تكولي يمه تعذبتي بهل الحجي ابويه سنه مالته طلعت
بقى سبوع ع زوجي بلكيكه كملنه كلشي طلب مني اصبغ شعري اسود كتلة اووي شون فال اريد اشقر واخصل كال لا اسود حجايه مني حجايه منه زعل وطنكر منا منا صالحته وصبغت اسود مزرق بس لاكلي اني بيضه وعيوني عسليات كبار صدك حلو طلعنه اجرنه البدله طبعا عيني من اطلع ويا ليكدام اذا اندار يحرك الدنيا تعلمت وجنت اكول يغار كملت كلشي حجزت صالون طبعا مقبل بفندق كال بغرفتي وحدنه فوك اخذ راحتي وطبعا سويت غرفه وحمام كامل رحت وديت هدومي طبعا بيومها محمد عرس عليه ع مترحين وحدج علما قبل الف يالله رحت وهوة جان بلقاعه اجه سبح وعمتي صبت غدة ع الميز اكلنه وكمت غسلت المواعين اني وخدرت جاي عمتي فرحت بيه وهوة كال يلا سوي الغرفه طبعا الاخشاب تخبل تركيه وفرشه وشموع وترتيب يموت مسويها فتحت الجنط خجلت شجايبه خرك اصفطهن بسرعه بس هدومه بيها خير طبعا بعد يومين العرس طلعت العطور والمكياج داعدل بي كملت وجبت هدومه داصفطها هوة نايم ع جربايه يلعب بلموبايل اجه جرني من شعري كلي اووف اريد اشمه بس كتله مازن اذيتني اخ اخ شو زاد هذا شمرني ع جربايه وسد حلكي كلش هشششش ماسمع نفس اني صوت نفسي من الخوف عالي وقلبي راد يطك باسني وعض شفافي لحد مادفعته كتله شبيك اذيتني وخر عني جرني كتله ترة اصرخ وخر وخر امه صاحت ميزو شكو يمعودين مو هسه وخر عني كلي حلكج اشكه اذا عدتيها بعد اني جافله ومبهوته عزا العزاج سارة كيكه مدري شبي طبعا بسرعه بسرعه سويت ورتبت مسحت الاخشاب و فرشت الفرشه وفتحت القران بنص الجربايه وياس وجكليت بس اريد اطلع موقفه من راسي صعد كلي سروش حب اني اسف بس مشتاق ماتحمل كتله ها عادي عادي .....يلا كملي وتعاي نطلع نتعشى كتله لا فدوة محمد يكلب الدنيا ع امي كلي مالج دخل خابرته وكال براحتك نزلت طبعا اخته زوجت وامه بس بلبيت ووالدة مسافر مدري وين نزلت امه الجكارة بحلكها وكاشخه كالت يله ميزو اني ندرايت عليه كتاله ها ميزو ضحك واشر اكص لسانج ضحكت رحنه للمطعم بلمنصور زرزور طبعا تعشينه وفرحت ياربي شنو هاي حلم وين احنه وين همه ابوي الله يرحمه اقوى شي يجيب كباب من برة لو ياخذنه للكاظم ونتعشى لفات مناك كملت وداني للبيت بلباب راد هم يبوس كتله عزا ولك العالم كلي مرتي كتله مضل شي يوم ونص كال ادمرج لا عبالج سهل ضحكت ونزلت طبعا بلمطعم اتكرضم لامي ومحمد طبيت امي نايمه كعدت ع صوتي حجيت الها يمه هيج وهيج اكلنه وامه والمطعم امي رفعت ايدها كالت ياربي اسعدها
بستها وصعدت باجر حنه بس امي مرضت تسوي كالت ماتصير فرحه بلبيت الا محمد يعرس اني ماكسرت كلامها واعرف العكربه مرضت وتحش براسه وهوة يتوسل بامي مهتميت ردت انام مكدرت افكر شبي هذا واكول ي يجوز مشتاق وهيج يسوي غفيت حسيته دك عليه الصبح كال يلا كومي كافي نوم كتله كمت حبي كمت نزلت جوة امي مسويه جاي كمت سويت لكمه وراها اكلنه واجني خواتي يمنه ع غدة وضلينه سوالف وضحك للعصر جاب محمد البومه واجه وبدت رحمه الله تبسمر وتحجي واني مو بحالها سولفولي خواتي وهيج ع الزواج افتهمت بس اني اعرف يعني ماكو بنيه متعرف هسة ونطوني الوصله البيضه
وفهموني وراها صعدت نظفت نفسي وهلسوالف وكملت
طبعا الحنه مالته بقاعه مسويله اصدقائه وكل شويه يدز صورة وطالع يخبل طبعا مازن جميل بمعنى الكلمه اسمر وصاحب جسم وشعرة اسود ثخين وعيونه تموت ولحيه خفيفه يشبهه الاتراك ههههه والبنات بسكوت سوو صينه وشمع وحنوني بس اتلفت ع امي وابجي وهيه تصفك وتهلهل بصوت ناصي طلعت فلوس مني وكلت لاخواتي عشاجن عليه رحت براس الدربونه اكو واحد يشوي كباب شويت كيلوين وطماطه وبصل وطرشي وجبت صمون بلالفين وجيت ماكو قريب علينه دك مازن كتلها هلا بلكيكه كلي انتي وين كتله جبت عشا ودامشي كلي اهااااا وحدج كتله لا وي اختي والجهال ...هذا كال من العن ابوج لابو اختج يا ك..... يا ساقطه اني اكوله اسمع لحضه كال انتهى لو تصيرين بت الله مالي دخل بيج وسدةعزا بعينج سارة صخام بوجهج رجعت ركض للبيت كالو مازن اجه وجاب كيك وببسي ولفات وكناله راحت جيب عشا شو كال وين وراح بس عصب يمه لطمت ع وجهي شبيج يمعودة الليل كوله ابجي واتوسل بي الفرحه طلعت زقنبوت ادز رسائل ميجاوب دك عليه بعد ماغفيت وعيوني ورمن يمكن ساعه 3 الفجر كال جلبه وين جنتي ويامن احلف ميفيد حسيته مو ع طبعه طبعا كايلي مرة اني اشرب بس بلمناسبات ضليت اتوسل بي من اتوسل يزيد ويرجع يكول احبج اكوله وباجر شون يكول اكسر راسج ضل يخربط لحد ما طفه جهازهه ونام اني فلا نمت كمت توضيت وصليت وادعي اكوله ربي دخيلك لا توكعني بشدة مابيه بعد صارت بسبعه نزلت ذبيت جاي ع نار كملت امي كاعدة متعرف الصار ولا احد يدري كالت يمه اسبحج بيدي اليوم كتله لا يمه كالت ميصير راحت للكنتور طلعت جيس حمام وجتي ههههههه كالت اطلعج تلالين صدك سبحتني وتقرة ايات وتصلي ع نبي كامن خواتي يهلهن ويركصن ووطبن للمحمد يكولن زوجناها وخلصنه منها عدنه محمد اصغر منها مر النهار بفرح بس داخلي متمرمر دكيت عليه كلي ها حياتي اني بلحلاق صفنت كلت لو مخبل لو اني كتله رايحه للصالون كلي مثل مافهمتج اريد مكياجج كتله ميخالف راد حمرة حمرة وفوك عيني اسود مثل مال هيفاء وهبي والله رحت اني واختي الجبيرة للصالون محمدجانه ودانه بسيارة ابويه الله يرحمه تعرفن العروس اطول من ساعه 10 لل 3 كملت اجه اخذني محمد بوسته ووصيته ع امي وكال سامحيني ودمعت عيوني بس مرضو ابجي طبيت للبيت كل الحبايب اهناك وامي تهلهل نزلت ع امي بست ايدها وراسها للخمسه جوي الزفافه من طب مازن كلها فتحت حلوكها هلكد ماحلو واني ارجف ارجف واقرة المعوذات اخذونه فرونه وطكينه صور ورجعونه للبيت دخلت ماكو احد امه رايحه يم اختها وصينيه مشاوي بلمطبخ كال راح اطب اسبح كتله اني ابدل هم طبيت نزعت بدلتي وضجت من هلتسريحه والمكياج ردت اسبح كال لا بس فتحي شعرج كتله مهوش مال سبريه كلي تعاي للحمام طبيت وراة نزل راسي وغسله الي ويبسته شغري سرح كلي نزعي هذا السيت لبسي احمر اني هم بدون حجي نزعت ولبست الي رادة كلي يلا كومي نتعشة نزلنه جوة اكلت جنت ميته جوع يباوع عليه ويضحك واني من الفرحه احس روحي راح اموت لو اكررص ايدي ممصدكه كملنه اكل دالم السفرة كال لا عوفيها امشي اني امشي وراه وماجادل ابد طلع من الثلاجه قوطيه شرب طكها كتله مازن مو حرام واحنه عرسان كال اششششش شربها طك الثانيه كال شربي كتله لو اموت هلحجي اني ع الجربايه وهوة كاعد ع كنبه ويباوع كلي شربي داكولج كتله لا ابد هذا حرام ومن هل حجي بهاي ضليت معاندة ياربي شجاه سكر عليه كلي سارة تشربين لو لا كتله لا ونداريت عود فرحانه زعلت والله دقيقه كال لا كتله اي لا كال سهله جر الحزام ماله اول ضربه محسيت لان ممتخيله الثانيه عطت يمه دخيلك ماخلي حرام بحلكي فدوة مازن شجاك يضرب وحس جلدي نسلخ وكلما اعيط يزيد بهلاثناء بس اغطي وجهي من الضرب كمت ماحس تعب عافني رفعت راسي لكيته دينزع الفانيلا ......
وللحكايه بقيه
