نصدمت حجيت وي ربي كتله ربي احنه حرمات وين نروح ربي برد نار اخويه واهدي علينه مشيت خطوتين لزمت سيارة ابويه وضليت انحب كتله بوييه انكسر ضهرنا ومحمد كام يعيرنه بلكمه كوم ارجع ابوس رجلك طلعو امي واختي ع بجي والنوح كابلوني وضلو يبجون طبينه دنيا حارة خنكه امي طلعت ذهباتها اخذت اختي راحت باعتهم
وبقيت اني سويت عشا على امل محمد يرجع فاك شويه ماضال عدنه مسواك هوة هم خطيه يشتغل بمحل مال موبايلات يوميته 25 من الصبح لليل ومسوي سلف ديزوج بيها خابرت حمودي ميجاوب اووف ياربي شسوي كملت هلطماطه وبيتنجان دك مازن حاجيته ابجي كتله راح اطك محمد هيج وهيج كال حبي لا شيلين هم باجر يمج شكد متريدين كتله مو هيج بس هوة هم خطيه كلي لا مجبور بيكم لعد وين ترحون دك محمد كتله روح اخويه دك جاوبته كتله ها حمودي سويت عشا تعال كلي ماجي وازقنبت كتله تعال امي راح تموت كلي هاي العايزة مين اجيب وادفنها عززة شجاك تخبلت ولك شبيك وين انروح كلي سارة روحي لا انتحر والله سدة
ضليت انخي وادعي باهل البيت وانحب
دك مازن كتله هيج وهيج كال ولا يهمج باجر ادبرها انطيني مكان شغله كتله ولك شراح تسوي كلي مالج شغل كتله وين ضلينه نحجي ويهون عليه دخلت امي وريم سديته
صبيت عشا ريم ضلت تتافف شنو هاي خاست بطنه من العدس والبيتنجان امي سكتت كتله شبيكم يمعودة على ساعه فرج عافت الاكل وصعدت امي كالت سارة حيلي نهد جيبي دوة الضغط نطيتها الدوة و خدرت جاي شربته ونامت ابو السحب كل دقيقه يطفي دنيا حارة وتاليه كطعها ماكو ندفع فلوس فرشت الها باب المطبخ ع برد الهوة ونامت امي ودمعتها بعينها وضلت تحاجي ابويه لحد ماغمضت سودة عليه غسلت مواعين وكعدت اعاين ع الباب شوكت يجي محمد عبرت 11 وماكو ادك عليه يرفض دكيت ع ايناس هلو انوسه شونج جاوبت هلا معلك تحجي محمد يمج لا صاير شي سكتت وهاي نفتحت بيه فكر واني ماتحمل وماصبر وتعبت والله لا يفقكم صار سنه مخطوبه وتاليه ازوج بفكر اجاني الظهر شمرت بوجهه ذهباته وراح وانعل يومكم ويوم العرفتكم بي اني ساكته وايدي ع خدي اخاف احجي وامي تفز سدته بعد ماسمعت حجي مينلبس عليه ثوب .......ضليت اتلفت صعدت ع ريم داكوله لكيتها دتسولف طبعا اختي تحب ابن جيرانه وسالفته سالفه اذا احجيها يراد دهر ع العموم اشرت بديها روحي بعدين طلعت ماعرف شسؤي ادك عليمن استحي اكول لمازن دكيت ع اختي الجبيرة حجيت الها كالت سارة شبيدي اني رجلي عسكري لو عندي ماقصر جهالي 4 وهوة جندي يادوب دنلحك نسد حلوكهم من الجوع كتله تعاي حاجي محمد انتي ورجلج كالت الله كريم سديته منها احس روحي ختنكت اكثر نزلت ع امي شفتها نايمه طلعت برة ابجي لحد ما طب محمد تلكيته بوسته شميته كتله خويه منو عدنه غيرك اروحلك فدوة لو اعرف اخدم بلبيوت واساعدك سودة عليه كعد بلكاع ويبجي كلي عافتني ايناس حضنته وضليت ابجي كتله متفيدك من هسة بينت مسح وجهه وكال كله من وراكم احبها شبيج ولج راح اموت كتله محمد اروحاك فدوة امي مالها خلك ....باوع عليه وطب جوة شاف امي نايمه راح للهول دقايق وامي فتحت عيونها كالت هايمه اخوج جا كتلة اي كامت ع حيلها راحتله هوة كالب خلقته بوسته كلتله يمه هاك هاي مليون وهذن 200 روح ازوج بيهن شو هذا بدون ميكول مين كوم اخذها وبوس امي واصعد فوك يخابر نزل ورة شويه كلها يمه بعد اريد 750 حته تكفي وي السلفه وازوج كالتله يمه ابوك بعدة حته ترابه اخضر شافته نعقج كالت هوة لو عدل جان زوجك يله يمه الي تريدة سوي وهل 750 سهله محمد
كام يركص من الفرح واني بس اباوع من الصبح امي مخابرة عمي متوسله علمود محمد يزوج
ثاني يوم اجانه عمي وولدة وحجت الهم امي كالو سهله بس يام محمد نريد نخفف حمل وناخذ الصغيرة لسلام ابني اني وامي وريم ضلينه ساكتين محمد كال عمي اخذهن بعبايتهن كله لا اريد اصغرهم ريم رئسا عافتنه وصعدت واني وامي ساكتين امي كالت سهله ابو سلام الي بي خير ربك يسهله طلع عمي محمد صاح ريم سمعتي عمي شكال كالت ماريدة هذا كام يكفر ويكسر ويحجي ع امي تربيتج وتربيتج واني امداني لساني مكطوم ماعرف احجي كلها غصبا ماعليج كالت ربم ماريده وصعدت درجتين والله سحلها ونزله من شعرها كاله حجايتين متناعد تزوجين سلام امي كامت يبووو شجاك ولك هذول خواتك واني جريتها وصعدت فوك ضلت تبجي وتنوح واني مابيدي شي غير اصبرها ماطولها عليكم محمد تحول وحش وامي موتت ابويه هدت حيلها وريم رضخت لامر الواقع
وبين فترة وفترة تجي ايناس تتلوك براسنه وتاخذة وتصعدفوك ينزل الولد مسودن وركبته حمرا وزركه وهيه تتمضحك وامي بس تسكتت حيلها نهد الضغط تعبها
طبعا صبغ الغرفه وشترة غرفه بفلوس الذهب مال امي والي جامعته وكمل مابقي غير النواعم ..ماحجياكم ع التنحش مالتها علينه .........
مازن تغير عليه واني كمت افكر ليش مايزوجني واخلص صار البيت جحيم كلت احاجي واشوف ردة بس استحي راح يصير سنه ع علاقتنه كليه مداومت اني وامي كمنه نلف كبه بلبيت ونبيع وتجهيزات نعمه دبرناها عمي شال عرس محمد كله و اختي زوجت سلام سودة عليه راحت وتبجي لحد هسه محمد اخوي ماعرس ماتت بيبيتها وننتظر الاربعين تطلع اسفه القصه اخذت غير اتجاهه نرجع لمازن
مازن روحي وعيوني كلما اكول متغير يكولي انتي بتعدتي عني واحجيله الي ديصير يعذرني وحاولت ارجع علاقتنه بس مو مثل قبل ماكدر اشوفه لان بطلت من الكليه بس رجعنه ورجع ع نفس طبعه لازم يحسسني بلذل والاهانه من نتعارك مرات اريدة ومرات اكول اخاف نزوج وياذيني لو من يعصب يضل يلعن بيه واكسرج وهلحجي .....مرت ايام كلت لازم ازوج قبل لا تجي العكربه ايناس وماعرف شراح يصير
فيوم كتله مازن عندي حجي وياك كال حبي دقايق واحاجيج
دك كلبي يدك يدك كتله اجوني خطابه واني مداتحمل اخويه وهلحجي وراح اقبل بس ابقى احبك سكت كلي شوفي احركم حرك هيج منج ومن اهلج وفعلج وحجي يخوف اذا نزفيتي لغيري اني ماعرف افرح لو اخاف حسيته وحش وسد التليفون بوجهي
والله صفنت ساعه احس دماغي بارد ماعرف ياربي شجاي يصير ..........دك تعذر وكال باجر اهلي يمج ...مجاوبته سديته ...وغمضت.وحسيت روحي اطير مدري وين
ماحس اله شمس بعيوني وامي تكولي يله كومي ع البيت يادوب نلحك نلف كبه وبورك....
