Minero Guinto - TRINITY

Kabanata 5 - SUSI

Kabanata 5

 

 

 

SUSI

            Malalim na ang gabi ng lumabas sila Minero at hepe mula sa morge at nagtungo sa presinto.

Pumasok si Minero sa gray na pinto, abong liwanag ang sumalubong sa kanya mula sa dalawang gray flourescent sa itaas ng agiw na kisame.

Nasa labas naman ang hepe, pinakalma ng sigarilyo ang gasgas nyang sikmura sa kakasuka.

Pumasok ang hepe at may dalang guyabano gray-juice, nakaplastik na bagong itim na sando, binigay kay Minero.

            “Heto guyabano juice magpalamig ka muna at itim na sando, palitan mo ang puting t-shirt mo na puro mustard Minero.”

            “Salamat hepe.”

            Muling lumabas ang hepe at tinuloy ang paninigarilyo.

Hinubad ni Minero ang itim na jacket na maraming maliit na punyal at puti na t-shirt, lumabas ang kanyang barbel muscle at gym abs, sinuot ang saktong itim na sando, muling sinuot ang jacket.

Nakalimutan na nya ang tungkol sa panaginip na kung saan ay naka-suot sya ng itim na sando.

            Muling naupo sa gray monoblock na may lamesang kulay abo sa gitna.

Walang bintana sa palibot ng abuhing dingding.

Gusto nyang mapag-isa at makapag-isip pero ang kulay gray na electric fan ang maingay na umistorbo sa umiikot nyang diwa.

Kapag nag-iisip ay hindi sya naninigarilyo katulad ng hepe dahil ayaw nya sa makapal na usok at abo na dulot nito na halos malasahan nya sa dila ang mantsa ng nicotine.

Maasim  na guyabano gray-juice na alok ng hepe ang kanyang ininom upang mahugasan ang Formaline sa kanyang lalamunan.

Malaking katanungan ang bumangon sa isip nya kung sino ang nagdulot ng malaking pasa sa dibdib ng pari.

            Dinukot nya ang manipis na itim na kamera na ginamit sa pagkuha ng larawan sa simbahan.

Pinindot ang gilid at nagliwanag ang maliit na screen.

Naliitan sa larawan ng kamera kaya buksan nya na parang panyong nakatiklop. Inangat ang harap ng screen ng kamera at naging dalawang bahagi.

Binuklat ang dalawang bahagi at naging apat.

Kaninang maliit na monitor ng kamera ay naging kasing laki ng blankong yellow pad, malalaki na ang nakikita nyang imahe na tig-aapat na larawan ng sabay sabay.

Pinipindot nya maliit na left arrow sa ibabang kanan ng manipis na screen at lilipat  sa kasunod na serye ng mga imahe.

            Walang bintana ang kwarto kaya naiinitan sya sa loob.

Tiniis na lang nya ang ingay ng gray fan.

Maingat na tinitingnan ang mga imahe at ayaw na makaligtaaan kahit maliit na detalye.

Sa utak nya ay nakikita mga anggulo sa krimen pero hindi nya matumbok.

Amoy ng formaline ang naiwan sa alaala nya tuwing makikita ang larawan ng bangkay.

Naglalaro sa utak nya na malakas ang taong bubuhat sa pari upang isabit sa pader, siguradong wala ring awa.

Tinanggal nya sa isipan ang imposibleng bagay ng walang sapat na ebidensya.

Nagbaka-sakaling may makitang sagot sa larawan sa screen.

            Naalala ni Minero ang sinabi ng matabang receptionist sa morge, cardiac arrest at pagkatuhog sa bakal ay magkasabay naganap.

Pangyayari ang nakikita nya sa isipan - Ubod lakas na pwersa ang tumama sa dibdib ng pari kaya tumilapon sa bintana ng malayo, na cardiac arrest sa ere at nadurog ang puso, bumulusok sa ibaba at natuhog ng bakal sa pader sa ibaba - Sino ang may ganung uri ng lakas?

            Napansin nya ang pagkakatulad sa mga larawan na kanyang tinitingnan.

Inayos nya at lumabas ang apat ng sabay-sabay sa screen, naroroon ang nakatinging tao.

Ginamit nya ang zoom at pinalaki ang mukha para maging malinaw.

Imahe ng tao sa larawan at ang magtataho na nakita nya ay iisa. Kamukha ng magtataho na nakita nyang nakatingin sa itaas ng tore sa labas ng simbahan. Malakas ang kutob na may nalalaman ang tao. Hindi psychologist si Minero pero nabasa nya ang galaw at kilos ng taong may tinatago. Naamoy nya ang usok ng sigarilyo, pumasok ang hepe sa kwarto na parang katol na umuusok ang bibig.

            “Naisip kong dalhin natin sa tarot reader ang kaso” sabi ng hepe.

            “Dalawa lang ang maaring mangyari kapag dun tayo nagpunta. Maaring makatulong o palalain ang imbestigasyon. Makabubuting ibase natin ang desisyon sa mga ebidensya” sagot ni Minero.

            Inikot ni Minero ang screen upang makita ng hepe ang larawan na kanyang tinitingnan. Tiningnan ng hepe ang mga malaking larawan.

            “Kilala ko ito” sabi ng hepe.

            “Sino ang taong yan?” tanong ni Minero.

             “Si Tolits ang magtataho!”

            Kilala ng hepe ang magtataho dahil suki sya ng mainit at matamis na taho na nilalako nito tuwing umaga sa kanilang lugar. Minsan ay mga bata ni Tolits ang naglalako, may sampung Alumium na pag-aari si Tolits. Tuwing bibilhan ng hepe ang kanyang dalawang anak ng taho ay meron din sya. Nararamdaman nya ang rayuma sa tuhod sa dalas na pagbili ng taho, umiwas na din sya sa pagbili nito sa takot sa diabetes at arthritis. Malapit lang sa kanila ang tirahan nito at wala syang naririnig na ginawang masama. Pero sa trabaho nya ay mahirap maamoy ang tinatago ng tao hanggat hindi kinakausap.

            “Bakit Minero?”

            “Lahat ng larawan ay nandun ang taong ito. May alam sya sa krimen.”

            “Alam ko kung nasaan si Tolits.”

            “Kelangan nating maimbestigahan” sabi ni Minero.

            “Hahanapin ko ngayon din!” sagot ng hepe.

            Mula sa presinto ay tinawag ng hepe ang tatlong pulis at sumakay sa mobile car. Pinuntahan nila ang bahay ni Tolits sa squatter area. Walang sumasagot sa loob ng bahay nito. Nakita nya ang isa sa tauhan nito na naglalako ng taho sa kanilang lugar, tinanong nya kung nasaan si Tolits.

             “Baka po nasa paborito nyang beerhouse.”

            “Saan?”

            “Celebrity Stage.”

            Alam na nila ang kung nasaan ang beerhouse. Mabilis silang umalis sa squatter area at nagpunta sa club. Nagmamadali sila dahil baka maalerto si Tolits at makapagtago.

            “Hintayin nyo muna ang signal ko bago kayo magwangwang. Pupunta muna ako sa likod, sigurado tatakas yun sa likuran” sabi ng hepe sa tatlong pulis na kasama habang matulin nilang pinuntahan ang beerhouse.