Flash back
صوت رنه التليفون ...
ايلين : الو ..
سامي : بقولك ايه ماتطلعي دي زوزه عمله حته صنيه مكرونه بالبشاميل حاجه كده وهم .. وبتقولك تعالي !
ايلين : حضرتك انا عندي امتحان ميدترم بكره و مش مذاكره حاجه ..😂
سامي :ههههههه نفس مُرشح كل مره.. ايه الجديد ما أنا اللي بساعدك فيهم علي طول ..
ايلين : ماشي يا باشمهندس المستقبل شاكرين جدا افضال حضرتك 😂
سامي: ماشي يااختي اطلعي و بعد ما ناكل نذاكر .. انا علي لحم بطني و زوزه مش راضية تحط الاكل الا لما سيادتك تيجي 😂 انا بقولك اهو انتي حرة لو مجتيش في ظرف ثانيتين انا هاخد الصنيه دي واطلع اجري اكلها لوحدي !
ايلين: اهدي يا عم المفجوع هقول لماما وطالعة ..واياك تحط ايدك في الصنيه دي من غيري!
سامي : موعدكيش !!
- بعد دقيقتين .. صوت جرس الباب
زوزه : ساااامي
سامي : حاضر يا زوزه انا هفتح
ايلين : امسك الكتب دي !! انتي فين يا زوزه !! انا جيت!!
زوزه : تعالي يا قلب زوزه انا في المطبخ بحضرلكم باقي الاكل ..
ايلين : الريحة بجد جنان مش ممكن يا زوزه ايه ده .
زوزه : تسلمي يا حبيبتي ، تعالي يا زفت خد الصينيه وحطها علي السفره ..هو انا مكتوب عليا الهم يا ربي لازم انا اللي اعمل كل حاجة ..
ايلين : سيبيها يا زوزه انا هوديها ..
زوزه : لا يا حبيبتي سخنه عليكي خلي الزفت يجيي ياخدها هو !!
سامي : انتي ليه محسساني انك لقتيني علي باب جامع يا ماما 😂 هو انا مش ابنك !!
زوزه : افضل ناكف فيا انت لحد ما المكرونه تبرد وتاكلها ساقعه 😏
سامي : لا وعلي ايه انا هاخدها من سُكات ..
...................................................
بعد ما انهو طعامهم ..
ايلين : بجد يا زوزه تسلم ايدك ❤ طعم المكرونة رهيب ..
زوزه : بالهنا والشفا يا حبيبتي ❤ اتفضلوا الشاي .. بطلو رغي بقي وابدئو ذاكرو!! وصحيح وانتي نازلة متنسيش تاخدي الطبق ده فيه نايب امال وانا اول ما اخلص اللي في ايدي هنزلها ..
ايلين : ماشي يا زوزه تسلمي ❤
- بعد ٤ ساعات ..
ايلين : انا خلاص دماغي هتنفجر يا سامي مش قادره اكمل !
سامي : يا بنتي فاضل جزء اخير ، لازم نخلص عشان الامتحان ..
أنت تقرأ
وجدت نفسي معك ( مُكتملة )
Romanceجاء يحمل كوب من القهوه في يديه لها .. جلس بجانبها فوضعت رأسها علي كتفهُ وظلا يشاهدا حركة الامواج علي الشاطئ ، كان بينهما رابط عجيب لم يحتاجا ل أن يملأَ الصمت بكلمات واهية لتخطي هذا الصمت المحرج بل كان وجودهما معآ كافي لملء كل الفراغات .. كانت اقّرب...
