وجدت نفسي معك ( مُكتملة )

افتقدتك

( حان معاد السفر )

زوزه : حضرتي كل حاجه يا حبيبتي ؟

ايلين : اه يا زوزه ..

زوزه: خلي بالك من نفسك يا ايلين والبسي تقيل انا بسمع ان كندا ساقعه اوي .. وكلي كويس ( تحاول ان تداري دموعها ) متسبيش نفسك من غير اكل هااا 💔

ايلين : يا زوزه متعيطيش عشان والله ما هتحمل وهعيط انا كمان .. انا هبقي كويسة ومش هتحسوا بغيابي والله هكلمك كل يوم علي سكايب عشان نشوف بعض ❤ وتحكيلي عملتي ايه زي كل يوم .. فاكره انا علمتك تفتحيه ازاي صح ؟

زوزه : متقلقيش يا حبيبتي والزفت معايا هيساعدني .. ( همت لتحتضنها حضن كله دفء) انتي بنتي اللي مخالفتهاش يا ايلين من ساعه ما امك الله يرحمها خلفتك وانا بحسك بنتي انا كمان مش بنتها لوحدها ..

ايلين : ( تبكي ) انا عارفة يا زوزة وربنا يعلم انتو ايه بالنسبه لي .. انا من غيركم لوحدي ! انتو كل عيلتي ❤

( يحتضنوا بعض )
صوت سامي علي الباب

من امبارح بتودعو في بعض .. يلا انا جهزت العربية .. هتتأخري علي الطيارة

ايلين : جايه اهو .. هتوحشيني قوي يا زوزه ❤ اول ما اوصل بيت عمتي هكلمك علي طول.

سامي : يلاااا

.....................................

( في المطار )

سامي : خلي بالك من نفسك هاا .. وارجعي بسرعه! ( احس انه هيتأثر ويحزنها فتمالك نفسه )
وقال :   ومتنسيش الحاجات اللي قلتلك عليها ماشي! علله تنسي حاجه.

ايلين : حضنته .. وانت كمان هتوحشني جداا .. وهكون موجوده معاك طول الوقت ..

سامي : ااا يلا يلا عشان متتأخريش بينادو علي طيارتك ..

سلام..

.ً..................................

( بعد مرور شهرين )

سامي جالس في غرفته والهاتف في يديه يحدث ايلين ..

سامي : بس يا ستي ! كلمه منها علي كلمه مني قلتلها خلاص مش هينفع نكمل ..

ايلين : يا ابني البنت كويسة وهي بتعمل كده عشان بتحبك ..

سامي : مش قادر يا ايلين حواري معاها طول اكتر من اللازم ، انا مكنتش  مرتاح .. كده احسن . سيبك انتي و الواد الرزل اللي معاكي في المنحة ده لسه بيضايقك ؟

ايلين : لسه رخم كالعادة بس علي مين يا بابا ..انا اقدر على ١٠ زيه 😁
( صوت عمته ايلين )