كرهت جميع النساء الا انتي

بارت 4

للكاتبه روجمان

اليوم  العصر اجتي امي وخواتي كلهن  هنا وازواجهم اني كتله لاابو   فراس نيران تدخل للغرفه متطلع لحد ميرحون اهلي
اني اعرف  ازواج خواتي شنو وشلون راح يصرفون ونيران فقيرة المهم لمن اجوي كلتلي امي سامر انت موًعندك خدامه  كتلها اي كالت لعد وينها كتلها ماموجودة كالت وين رايحه كتلها طالعه كالت والله خوش الخدامات يطلعن يفترن سكتت مجاوبتها ظلينه كاعدين وخواتي مابطلن اريد اشتري فلان حاجه واريد فلان حاجه وماعدنه وابني يريد فلان شي من يجون لحد ميرحون يطلبون مني ويظلون يكلولي احنا نريد بس ماعدنا فلوس ومن هالحجي
عد اختي الجبيرة كالت اكوم اسوي جاي راحت سوي جاي ورة شويه جتي وجايبه نيران وياها اني كلش ضجت
جان دكلي لعد هاي مو الخدامه الجديدة ونيران تباوع عليه وخايفه كتلها نيران كالت نعم كتلها روحي لغرفتج يله وهي بسرعه راحت وسمعت خطواتة على الدرج
جان زوج اختي كلي والله حلوة بالعافيه عليك من هاي ضامها وكذبت كلت طالعه اي متهني اني من كلي هيج صرت اعصاب كتله انت فد واحد متستحي عبالك الناس كلهم مثلك وكتلهم يله كلكم طلعو من بيتي وبعد مااريد اشوفكم  لان انتو لاعدكم ضمير ولاعدكم ذوق ناس انتهازين واستغلالين اختي وامي حاولو يحجون كتلهم ولا كلمه طلعو مااريد اشوفكم وعلى صوتي اجه ابو فراس كلي شكو كتله شوف اخر مرة يدخلون للبيت وكامو وطلعو من بيتي
بس صدك نغثيت وضجت وكمت اصيح بصوت عالي نيران
وجان اسمع خطوات سريعه اجتي كالت نعم استاذ سامر
كتلها انتي غبيه مو كلتلج مطلعين من الغرفه انتي اظلين متفتهمين وثوله وسكتت وردت  منها اجاوبني  مجاوبت بس جانت ترجف وجانت خابفه كلش
عد شويه  اني هديت كتلها ليش مجاوبين كالت اسفه والله مو قصدي
باوعت عليها كتلها حذرتج سابقا انو من اكول كلمه تنفذيها وبدون اي نقاش ومتكسرين حجايتي ولا اقسم بالله ارجعج من مكان ماجابج ابو فراس يم مرت عمج
رفعت وجهه وعيونها مليانه دموع كلتلي لا الله يخليك اني اسفه بعد مااكسر حجايتك بس اني عطشت ونزلت اشرب مي اسفه كتلها يله روحي
واني دخلت لغرفتي بس ضجت من اهلي واستغلالهم وضجت لان طلعت كل قهري بهاي المسكينه وذكرت من رفعت وجهى وكلتلي الله يخليك اني اسفه كلت لنفسي لعد شكد جانت مرت عمها تاذيه لمجرد ذكر اسمها هيج تخاف
كعدت شويه وبعدين نمت والصبح حسيت على صوت الباب كلت منو كالت اني استاذ سامر كتلها دخلي المشكله انو اني من انام ماالبس شي ليفوك اضوج عد هي دخلت ولمن شافتني  بسرعه دارت وجهها اني ضحكت وحبيت اضوجهت كتلها تعاي شكو هي مدنكه راسها تباع بالكاع وجان دكلي اكو واحد برة يريدك كال اسمه دكتور امير
كتلها اوكي وصراحه اليوم مزاجي مرتاح حبيت شويه العب بااعصاب نيران هي دتطلع واني ناديتها كتلها نيران كالت نعم استاذ كتلها تعاي ساعديني اكوم اكعد على الكرسي كالت اي عد اجتي ودتحاول اساعدني واباوع يدها ترجف وجه صار احمر من الخجل بس من دساعدني وصارت قريبه مني كانت انفاسها يمي وكانت قريبه جدا مني لدرجه انوً صار عندي شعور بداخلي انو اتقرب عليها اكثر  ولمن كعدتني على الكرسي مع العلم اني اكدر اكعد وحدي بس ردت اتقرب منها لمن كعدت على الكرسي كتلها انطيني قميصي انطتني القميص ولبسته كتلها ممكن تسديلي الدكم بس هزت براسها يعني اي
وتقربت مني وبدت تسد الدكم بس حسيت بيها شويه ويغمى عليها ماادري ليش معقوله  هاي البنيه هالكد تخاف مني او هي بريئه لهاي الدرجه بس الحقيقيه انو اني كلبي كام يوجعني من تقربت عليه وماادري شنو السبب هيج صار عندي فد احساس غريب صراحه قربهاحرك شي بداخلي
ولمن كملت الدكم ورفعت راسها وجان يصير وجه بوجهي ورادت تروح كمشت يدها كالت تريدشي مني استاذ سامر ظليت ساكت وكامش يدها واباوع بوجه وكلبي كام يدك بسرعه وحسيت بوجع  وحسيت برغبه وكان قرب هذا الجسد الصغير مني شعور متعب ردت ابتعد عنها و كتلها لا مااريد بس وظليت ساكت وكلبي كام ينفض عفت يدها بسرعه كتلها سويلي ريوك وقدمي شي للدكتور كالت اي حاضر وطلعت بسرعه ماااعرف شصار بيه صارلي فترة طويله مشاعر بهذا الاحساس ومشاعر بااي شعور اتجاه اي امراة لان اني حاولت اكبد مشاعري لان اعرف شعوري اتجاة اي امراة ضعف بهذا بالذات بهذا وضعي واي امراة تدخل حياتي معناتها تريد تستغلني وتقسمرني واني وضعي مايسمح ادخل بهيج مشاكل لان صراحه  وجعت افكر باانو اسوي عمليه بلكي وارجع امشي  وارجع اعيش حياتي بشكل طبيعي
المهم غسلت وطلعت للدكتور وسولفت وياة وكلي انو قبل اجراء العمليه الي اصلا راح تكون خارج العراق راح تكون لازم تحاليل وفحوصات وتقريبا العمليه راح تكون بعد شهرين يله اكدر اسوي العمليه اتفقت ويا الدكتور على المدة وشنو العلاج الي اخذة وشنو الامور الي لازم اسويها
راح الدكتور
ورحت اتريك وشفت الاكل جاهز ونيران واكفه دتنتظرني اجي حتى صبلي جاي اني بديت اكل وشفتها هي بعدها واكفه صراحه صار عندي احساس انو لازم اعتذر من عدها لان حسيت انو اني البارحه ظلمته وجرحته كلش عد كتلها اني اسف على  الي صار البارحه بس اني مااريدج تختلطين بااهلي وبخواتي وماااريد ازواج خواتي يشوفوج  فلي اريدة منج انو بعد متكسرين كلمتي والي اكوله تنفذي كالت اي استاذ تأمرتي 
بس صدكني مجنت متقصدة
باوعت عليها كتله اعرف  مجنتي. تقصدين بس اني انفعلت

يتبع .....