كرهت جميع النساء الا انتي

بارت 5

كتلها اعرف بس  اني جنت معصب وطلعت كل عصبيتي بيج اني اعتذر منج.....
وشفتها فتحت عينها كالت لا استاذ سامر مصار شي
المفروض اني اسمع كلامك
كتلها اوكي مصار شي عادي  واني هم لازم اقلل انفعالي شويه
بتسمت وكالت اروح اكمل شغلي محتاج شي كتلها لا
وراحت نيران
وبدت  علاقتي بنيران تاخذ غير مجرا بدت تهتم بكلشي
اكلي نومتي الدوةً حتى من اجي انام تغطيني بديت
اتعود عليها لدرجه من تغيب عني ادورها بديت احسها بكل مكان حتى منعتها تطلع كمت احس انو اني ملكتها بدون اي مقابل اخذت انسانه بدون ماانطيها شي بدون كلمه
يمكن تغيرت معاملتي وياها بطريقه جذريه وكمت اعاملها بطريقه لطيفه بس دورات احس نفسي اني داستغلها
وارجع واخلي انانيتي تتغلب عليه
وارجع اعتمد عليها بكلشي حسيت نيران غناني عن الجميع كمت اكعد وياها واسولف  وياها ودورات اجيب كتاب او روايه او كتب شعر واخليها تقراها بصوتها احب اسمع صوتهااحب وجودها حسيت وجودها سد الفراغ الجبير الي كان بحياتي .....
ومرت فترت الشهرين الي جان الي منطيناها الدكتور قبل العمليه  واتكلمت ويا الدكتور وبدة يرتب موضوع سفري طبعا جان من الطبيعي انو ابو فراس يسافر ويايه يس اني طلعت حجه حتى اسفر نيران ويايه لان حسيت انو اني محتاجها حسيت انو لازم قبل ماادخل للعمليه اشوفها واذا طلعت من العمليه هي همً اول وحدة اشوفها
المهم هي مكان عدها جواز فااخرت السفر اسبوعين علما رتبتلها مسئلت الجواز وكل الامور وحجزنه
طبعا قبل منسافر بيومين اشترتلها ملابس يس هي كانت جدا خجوله حتى لمن اختارت الملابس اختارت الملابس الفضفاضه والي متبين انوثتها مكانت تهتم بمظهرها ابدا
وكان في بعض الاحيان هذا الشي يزعجني اني احب المراة الانيقه  جدا تجذبني المراة المميزة
المهم انو احنا سافرنه وتقريبا هناك تلث ايام وسويت العمليه وفعلا اول وحدة شفتا من فتحت عيني من بعد العمليه كانت نيران وشفت وجهت وخشمها احمر وعيونها مورمه ودموع على خدها كتلها ليش تبجين جان جرت يدي وباستني من بطن يدي كلتلي متت من الخوف عليك
خفت بعد ماااشوفكً الحمدلله رب العالمين
طلعت من العمليه بخير وشفتك
كتلها ليش هالكد خفتي عليه كالتلي مو بس خفت
متت من الخوف كلبي راد يوكف ظليت ادعي
كتلها ليش تحبيني سكتت كلتلي استاذ سامر
لتحجي انت قبل شويه طلعت من العمليه كتلها
اي اعرف بس العمليه برجلي مو بحلكي وضحكت وهي خجلت 😊😊😊 ودنكت راسها
اني ضحكت على برائتها وطيبت قلبها وبهذا اليوم
اتاكدت من شكوكي واتاكدت انو نيران تحبني لان كنت اشوفها من تسوي شي تسوي بعاطفه من تحجي ويايه ومن تجي تنطيني الدوة كنت احس بعيونها تحجي وبلمعت عيونها وبخجل خدودها
واليوم اتاكدت من حبها بس ياترة اني احبها لو تعودت عليها تعودت على وجودة تعودت كلشي سوي نيران
تعودت يجيبني الشي قبل ماااطلبه لان هي وكاانما نخلقت لراحتي
مااعرف شنو حساسي اتجاة نيران بس الي اعرفه انو اني مستحيل اتخله عنها
وفعلا بقت نيران طول فترت العلاج الطبيعي والمراجعات هي تساعدني  حتى من  امشي تسندني وكلشي  تسويلي بحيث ابو فراس كلي نيالك على هيج هديه من رب العالمين كتله شتقصد منو
كلي قابل منو اكيد نيران
كتله شبيها كلي نيران الله دزها الك هديه
مااشفت ا مراة بحياتي كلها تساعد انسان بهاي الطريقه وبالذات انسان ميربطة بي شي مجرد الشخص الي تشتغل بيته والشخص الي كان يجرحها وياذيها هوايه
بس هي ماكدرت غير توكف وياة وبجانبه
باوع عليه وكلي باابتسامه  خفيفيه متشوف الموضوع غريب
كتله مدافتهم شتقصد
كلي اقصد انو يمكن نيران تحبك
واريد اطلب منك شي هاي البنيه امانه واني مسئول عنها وبضمير انسان اكلك لتجرحها مسكينه هاي بريئه حاول بتصرفاتك تبينلهاانك ماعندك مشاعر اتجاة
بس هاي اذا فعلا انت متحس بشي انجاة
اذا ماعندك شعور من ناحيتها اما اذا تحس بعاطفه ما فهذا حديث اخر  اني ماجاوبته سكتت  ماااعرف ردت اتهرب منه اوخفت اواجه نفسي ماااعرف
ولكن انو الشي الوحيد الي اريد اعرفه انو مااريدها تنجرح مااريد ها تتألم  واكون اني السبب لان متستاهل
لان يمكن هي الانسانه الوحيدة الي خلت عندي  عزيمه واصرار وكفت بجانبي و  لان هي الوحيدة الي سوتلي كلشي بلامقابل وحتى بدون ماااطلبه
يتبع .....