كرهت جميع النساء الا انتي

بارت 6

صعب لمن يجي شخص وينطينه كلشي بلا مقابل نيران نطتني كلشي بلا مقابل بلا ماتطلب شي بوقت كانو الكل يستغلوني ويحاولون يستغفلوني
وياخذون مني شي الي يريدو الا هي خلتني احس باأمل بطاقه بحيويه
اني خفت اسئل نفسي خفت احس بتأنيب الضمير بسبب استغلالي لطيبت نيران لان ماكان بيدي اختار
مابيدي اعوفة واخليها تروح ولااكدر اكللها اني ماااحبج او اني ماعندي احساس معين تجاهج  ماعرفت شكول بس خفت يروح هذا الضوة الي بعيونها خفت من حزنها
لهذا السبب استمريت يمكن خليتها عايشه بحلم  وعشت اني هم بحلم يمكن احلامنه مختلفه بس كلنه نبحث شي واحد
بعد مرور سبع اشهر على عمليتي كدرت اوكف على رجلي ولكن كانت مشيتي بيها  صعوبه كلي الدكتور مراح تكدر
تمشي بشكل جدا طبيعي  لان كان نجاح عمليتك كان معجزة بس اكو امل انو بكثرت التمارين والعلاج الطبيعي والادويه ترجع تتحسن
من رجعت وكفت على حيلي حسيت ولااول مرة انو اني واكف على جبل وداباوع على كل الحواليه والي استغلوني واذوني داباوعهم وكاانما حشرات
رجعت سامر يمكن مو مثل  قبل بكلش يس اكيد مو سامر الانسان المستهتر الي ميفكر بس بنفسه و بس يفكر باالعلاقات والسهر والفلوس رجعت سامر الانسان
وسامر الي نمزجت  شخصيته مابين طيبته وقساوته
ولكن كل انسان عندة ضعف واني عندي نقطته ضعف
وهي نور حبيبتي السابقه الي لمن عرفت بيه رجعت  امشي وعرفت عندي فلوس رجعتلي مع العلم بالبدايه كنت اعرف غايتها واعرف هي انسانه مصلحجيه ومتحب بس نفسها
وحاولت بكل الطرق ارفضها بس ضعفي تغلب عليه
كامت تحاول تجي للبيت وتكعد تسولف وتضحك وتحير شسوي
اما نيران كانت متحجي مجانت تشكي من الألم الي بداخلها بس كانت نظراتها الحزينه تفضحها
رجعت احب نور وصرت ضعيف ومرة من المرات صارت مشكله بيني وبين نور وكالتلي نور هاي بسبب هاي نيران لان هاي تأثر عليك وظلت تلح عليه انو اطردها
لحد مااليوم رجعت للبيت وسمعت صوت اماعين انكسرت رحت للمطبخ شفت نيران دتلم  كزاز من الكاع
ماادري ليش صرت قاسي وياها وماهتميت
كتلها شبيج متباعين يوميه تكسرين شي نزلت راسها كالت ماادري اسفه كتلها اي هو هذا الشاطرة بي اسفه
خلت عينها بعيني وجان دكلي انت ليش كمت تتعامل هيج ويايه اني سويتلك
كتلها شمسويلج ماكله شاربه نايمه بلاش وفوكاها انطيج راتب وانتي خدامه
كالت خدامه كتلها اي خاف عبالج انتي من اهل البيت اظاهر نسيتي
كلتلي مانسيت بس انت اظاهر نسيت
مع الاسف كتلها شتقصدين كالت مااقصد شي   ودارت وجهه كتلها موداحجي وياج  مجاوبتني اني صرت عصبي كمشتها من. يدها ودرتها عليه كتلها انتي اظاهر اخذتي عين عليه اكثر من الازم
كتلها احجي وياج جاوبيني موديرين وجهج فد شي انتي جان تشمر الماعون من يدها كالتلي اني انسانه مو فدشي عندي احساس  مثلك كافي عد وكامت تحجي بصوت عالي كتلها انتي فعلا ماعندج اخلاق وماتستحين يله طلعي من بيتي كالتلي وين اروح بهالليل كتلها مو مشكلتي وين متروحين روحي وجريتها من يدها وكتلها يله لمي هدومج وطلعي عالسريع
ورة ربع ساعه شفتها لابسه ربط وشايله جنطه بيدها
ونزلت من الدرج كتلها تعاي هاي فلوس اخذيها وبعد مااريد اشوفج  اخذتها من يدي وجان تشمرها بوجهي كلتلي الله كريم الله موجود الك يوم
وطلعت من البيت ومن بعد ماطلعت كعدت على  الكرسي وكمت اشرب جكاير وظليت كاعد فوك الساعه مامتحرك بعدين اذكرت انو هي بيت عمها شالو لغير محافظه راحو وهي متندلهم
وابو فراس مسافر يم ابنه لعد هاي وين راح تروح بهالليل
اني شلون خليتها تطلع
وكمت شغلت السيارة وظليت افتر ادور عليها وظليت فوك الساعه وماكو اثر رحت يم بيت ابو فراس ماكو خابرته كال مخابرتني نيران
زين هي متعرف احد وين راحت
وظليت افتر بالشارع لحد ماتعبت ومالكيتها ورجعت للبيت
واول ما دخلت للبيت رحت للمطبخ شفت مكان الكزاز وقطرات دم بالكاع وشميت عطرها بالبيت عطر وجودها
تخبلت كعدت على الكاع فتحت دكم قميصي وظليت اشرب جكاير
وكلت لروحي اني شلون سمعت حجي نور وسويت هيجي بنيران شلون كل هالفترة جنت اجرحها وهي كانت تتالم وساكته شلون نسيت كلي الي سوته ويايه
يمكن اني بعدني متغيرت بعدني سامر الاناني المستهتر
وكمت وكفت وظليت اروح واجي وجنت احس روحي دتنسحب مني شويه شويه
مااعرف شسوي او شنو الحل او وين راح اروح
وسمعت التلفون يدك وجانت نور ظل يدك وحسيت اعصابي نهارت كمشت التلفون وضربته بالحايط وكمت اصيح واكول كله منج
ماعرفت شلون يومي مر وليلتي شلون عدت انتظرت الصبح وطلعت هم ادور وملكيتها مااعرفت وين اروح المن اروح ورجع ابو  فراس وهم سئل وراد يعرف شي بس ماعرف شي وراحت نيران وماعرفنه وين

يتبع ...