كرهت جميع النساء الا انتي

بارت 9

كتلها اي اني غبي واعترف بس صدكيني اني بيوم الي تعاركت وياج جنت ضايج وعصبي ومن طلعتي
طلعت وراج ادور عليج وظليت فترة طويله ادور عليج مابقيت مكان مارحته
بس ردت اشوفج بس ردت اسمع  عنج شي بس ردت خبر منج لحد ماعرفت من ابو فراس عنج  ولمن كلي ماصدكت نفسي حسيت نفسي ميت وردتلي  الروح اني احبج واريد ازوجج واريد اصحح كل اخطائي وياج كالتلي روح ماعدنا بنات للزواج
كتلها نيران اني مقدر وضعج ومقدر الي مريتي بي واني اجيت داصحح خطئي بس ليش مدتنطيني فرصه  كلتلي استاذ سامر خلص وقتك يله  الله وياك كتلها وتالي وياج
وجان اجرها من يدها ودخلتها لحديقه  مال بيتها
كتلها اني هسه بهاي الحظه اكدر املكج لتضطريني
اسوي شي ميعجبج اني غلطت واجيت داصحح غلطي واني صارلي سنتين نسيت انو اني رجال  سكتت كل عواطفي واحاسيسي لخاطرج اني احبج
كافي اترجاج خلي نزوج ونبدي صفحه جديدة اعتبري انو انتي عرفتيني هسه بالجديد تعرفنه من جديد
واني مستعد كلشي تريدي اسوي  كلتلي اي شي اريدة كتلها اي شي كالت متترجع عن كلامك كتلها لا
مااتراجع عن كلامي كالت زين افكر واردلك خبر كتلها يعني تقبلين ازوجج كالت اني ماكلت اقبل كلت افكر ضحكتلها كتله والله احبج والله اني تندمت هوايه
وهسه ارييد اصحح غلطي واعوضج عن كلشي
كنت احس بنظرتها بيها شي غريب وخفت من الي دتفكر بي
كلتلي سامر كتلها نعم كالت صديقتك نور شخبارها كتلها ماادري كالت اكيد تعرف ازوجت او لا

كتله اي اعرف مامزوجه بس اني من يوم الي طلعتي من البيت وعرفت انو اني صرت ضعيف بسببها وجرحتج واذيتج بسببها قطعت علاقتي بيها وحاولت تصحح الامور بس اني ماقبلت ونتهى كلشي بينا كالت اي زين
اوكي اني افكر واردلك خير كتلها اوكي اني انتظر منج كلمه
وسلمت عليها وصعدت سيارتي وجنت فرحان كلش
بس بعدين اذكرت نظراتها الي مطمنتني بس حاولت اني أطمن نفسي
وظليت طول الاسبوع منتظر كلمه منها لحد ماخابرتني اليوم كلتلي اني اريد اشوفك واحجي وياك كتلها وين اشوفج كالت اني اجيك للبيت كتلها اي اهلا وسهلا
وسدت التلفون والعصر تقريبا ساعه بالسته اجتي جانت انيقه ولا عبالك هذيج نيران الي جنت اضوج لان اشوفها مو انيقه هسه صايرة حلوة كلش وانيقه  وحتى مشيتها واسلوبة كلامها وكعدتها كلشي متغير موعبالك هي
بس نظراتها بعدها نفسها
المهم اجتي ودخلت وكامت تفتر بالبيت مثل الي دتسترجع ذاكرتها ودخلت للمطبخ وظلت تباوع وبعدين طلعت وكعدت وجان دكلي اني عندي شروط حتى ازوجك كتلها شنو شروطج كالت اول شي هذا البيت تسجله بااسمي
كتلها لويش عود كالت حتى من اجي اعيش بي احس نفسي اني ام البيت مو الخدامه الي تشتغل عدكم
اني ضجت كلت معقوله دتستغلني ودتستغل حبي الها يس كتلها اي وشنو شرطج الثاني كالتلي تخطب صديقتك نور كتلها شنو كالت الي سمعته كتلها شنو تخبلتي تريدني ازوجها كالت لا بالبدايه اخطبها واعقدلها وبعدين اخطبني اني واعقدلي. كتلها شنو المعنى من هذا كالت ماكو معنى كتلها معقوله تريدن وحدة شاركج زوجج كالت اي شكو بيها كتلها مداصدكج كالت هذا شرطي. والشرط الثالث مابينه اي علاقه زوجيه لحد ماااني اكلك
كتلها شنو هالشروط التعجيزيه كالت واالله هاي  شروطي تريد تريد متريد براحتك كتلها يعني الشرط الاول وفتهمته وممكن والشرط الاخير هم يجوز ممكن بس مال تريدني ازوج وحدة قبلج وبعدين ازوجج. هاي مدتدخل عقلي
كال لاخلي تدخل عقلك وانت مراح تزوجها بس بلااسم
وعالعموم فكر اذا عجبك كلي واذا رفضت فاااني انطيتك فرصه تصحح الماضي ولكنك اصريت تبقي بعيوبه وكامت وطلعت  اني تخبلت متغيلت انو اكو وحدة تفكر هيج
بس مااعرف شنو الي براسها اكيد مخططه لشي بس نيران قلبة طيب معقوله هلكد  تغيرت معقوله الي سويته اني خلاها هيج اصير
للاسف لمن ننجرح نبدي مثل الي ميعرف يسبح  بس يلعب لمن ننجرح بس نحاول نثبت شي او نحاول نجرح مثل منجرحنه ونخدع مثل  ما نخدعنه
اني اريدها لنيران وكبشي مااريد غيرها مااتخيل نفسي ويا غير امراة ابد

ولكن القرار كان صعب وكان لابد انو اما اوافق على شروط نيران اوً ارفض وكان مبين من كلام نيران انو شروطها غير قابله للتغير
يتبع ......