كرهت جميع النساء الا انتي

بارت 10

لمن فكرت بكلام نيران  وبشروطها حسيت بالتناقض
وشلون دكلي انت غبي وانت تستاهل الناس الي. داير مدايرك الي يستغلوك ولمن كلتلي نور صديقتك الي تركتك بمجرد ماصار عندك اعاقه ومتكدر تمشي ومن رجعت تمشي  رجعتلك
كلامها يدل انو هي تكرهه الضعف الي عندي وتكرهه استغلال الناس الي فمستحيل هي تريد تستغلني
واما بالنسبه الي فماااريد بعد احد يستغلني
واني مراح اقبل بشروط  نيران  وهذا اخر قرار توصلت اله
ورة يومين من التفكير المطول  رحت لبيت نيران
وطلعت نيران وسلمت عليها كلتلي ها شنو قرارك كتلها لا
كالت شنو كتلها يعني ماااقبل كتلها اني مااريد احد يستغلني وانتي الوحيدة الي مااريدج تسقطين من نظري اريدج دائما تبقين المراة الوحيدة الي شفتها  بحياتي كانت نقيه وصادقه ومو اسغلاليه وصدكيني اني مو علمود لااسجل البيت بااسمج انتي تستاهلين اكثر لان انتي الي سويتي ويايه قبل مااكدر اجازيج علي وانتي مو بس تستحقين بيت تستحقين بيت مبني من ذهب
ًالشرط الثاني مستحيل اقبل بي لان
لان اني من يوم الي صرتي بحياتي عرفت انو اني من قبلج ماعرفت معنى الحب
وماعشت احساس بس وياج ولكن جنت اخدع نفسي
بعدم حبج كنت احاول الكي مبررات لتصرفاتي وياج
لهذا السبب اني مراح ازوج غيرج  ولا راح اجبرج تزوجيني  انتي قرري
واني مستعد لااي قرار انتي تتاخذي بس والله العظيم احبج والله مادك كلبي لغيرج مرن هوايه بحياتي بس انتي
غير انتي تفرقين انتي ملكتي كل ذرة بيه
فكري واني باانتظار قرارج كل هذا الكلام وهي مجاوبتني بس تباوع عليه وكانت عيونها حزينه بشكل
كالتلي اني لمن زوجت خفت افكر بيك خفت اخون زوجي بتفكيري بس اوف على الوجع الي بكلبي فضيع لوبيدي ارجع سنتين ليورة واخليك تشعر بلي جنت احسه
ولوبيدي اخلي وجعي بيك حتى تحسن استاذ سامر كلشي ولا وجع الكلوب صعب  تصلح شعور كسرته الكزاز الي ينكسر ويطشر صعب تلمه وترجعه مثل ماكان ولو حاولت ترجعه راح يفقد جماله ورونقه
مع السلامه سامر
اول مرة بحياتي اشعر بهذا الحزن يمكن حتى من فقدت قدرتي على المشي ماحسيت هيج بس هسه المي عظيم وجع منعرف نلكي الى علاج وجع فظيع احس انو خنجر ديدخل بكلبي شلون راح اتغلب على وجعي شلون راح انسى شلون راح ارد اعيش وحدي وارجع بخيبته الامل  بعد ماكانت اعتقد انو فرحه راح تغير كل حياتي
صار شهر على اخر مرة شفت نيران وعلى اخر مرة تكلمت وياها وعلى اخر مرة كنت احس انو اني عايش ياالله على شعور الحب وشلون الحب ياذينه
ويدمر الروح الي بداخلنه
ولكن فجئه تلفوني دك وكان رقم نيران ماصدكت اعتقدت داحلم جاوبت وكلي لهفه وسمعت صوتها وحسيته مثل الاوكسجين الي رد الحياة بيه وكلت الو وكالتلي هلو سامر
اني موافقه ازوجك
وسدت التلفون تخبلت ماعرفت شسوي كمت اكمز مثل الاطفال واضحك بصوت عالي  وعلى الصوت اجوي كل الي بالبيت عبالهم شي كلي ابو فراس شكو كتله راح ازوج كلي اي على الخير اني منتظر هاي الحظه الي اشوفك عريس واجه حضني كلي منو العروسه كتله نيران
سكت بعدين كلي مبروك تستاهلون اثنينكم
كتلهم يله راح اطلع ورحت لبيت نيران وهالمرة كلتلي تفضل ودخلت للبيت كعدت وحجيت وياها وماانطتني السبب الي خلاها تغير قرارها بس مجرد اتفقنا على الزواج وكان بعد اسبوع
ولكن هي كانت باردة وممهتمه ومكانت فرحانه
مااعرف بشنو كانت تحس بس اني كنت منتظر هاي الحظه ومر الاسبوع وزوجنه واول يوم النه بيتنه وحدنه واول لحظه دخلنه للبيت نيران عافتني وراحت نامت ماحبيت اضغط عليها كلت خلي اخليها على راحتها
وكمت يوميه احاول اتقرب منها وهي تصدني
وكل شويه دكلي كلمه جارحه وذكرني بشي
واني اسكت لحد مامر فترة على زواجنه واني متحمل وادوس على نفسي لحد مااليوم رجعت وشفت نيران طالعه حلوة بشكل
حبيت اتقرب منها كالتلي شدسوي كتلها اني اريدج
واني انطيتج فرصه كل هاي الفترة خلينه وعيش حياتنه طبيعي كالت احنا مو طبيعين ولاعلاقتنه طبيعيه حتى نعيش طبيعي كتلها انتي شتريدين كالت مااريد شي عيش انت بحالك واني بحالي
كتلها اني ازوجت حتى اعيش بوحدي كلتلي اي هذا الموجود كتلها اني اخر شي خليت القرار الج ليش رجعتي كلتيلي اني موافقه على الزواج كالت اي صحيح كالولي سامر راح يموت من القهر عليج ونقهرت عليك وقبلت بيك
من كالت هيج نصدمت ورحت عليها هي جانت واكفه على الدرج ودفعتها على الحايط
كتلها انتي شتريدين وين تريدين توصلين كافي اني تعبت
اني ضجت اني احبج بس راح تخليني اكرهج كافي عد كافي رحميني
وكمت اعيط وهي ساكته
كتلها راح اموت اني من وراج كلبي مليان قهر اني غلطت وتنازلتلج هوايه اني عمري ماندليت ومحد كدر هيجي يسوي بيه مثلج بس كافي كامت تصعب عليه نفسي هوايه دنكتلج راسج روحي نيران سوي الي تريدي اني بعد ماعندي قابليه لاي شي لان تعبت صبري نفذ وقوتي خلصت  بقه بس حبي الج وراح تموتي لهذا السبب
وكعدت على الدرج لان حسيت راسي راح يطك
وهي صعدت فوك كمت نمت بالمكتب مالتي والصبح طلعت
والعصر خابر واحد من اصدقائي القديمين وطلعت وياه بس مكنت مستمتع  شويه وكمت طلعت
رجعت البيت جان البيت ظلمه صعدت على كيفي ودخلت للغرفه وشفت نيران نايمه بدلت ملابسي بدون صوت ورحت نمت يمها هاي اول مرة انام بصفها
واخذتني النومه وحسيت الصبح نيران كاعدة على الكرسي  تباوع عليه اني من شفتها نزلت من السرير ورحت دخلت الحمام وبدلت ومن داطلع سمعت صوتها تصيحني جانت فوك واكفه تحجي ويايه كتلها هاشتريدين كالت ممكن احجي وياك كتلها بعدين كالت لا هسه
كالت يله تعال فوك كمت صعدت فوك كتلها خير جانت كاعدة ومن دخلت اني كامت اجتي عليه اني استغرب من هاي الحركه
كلتلي اني اسفه البارحه انت هوايه جنت عصبي
كتلها يله ماصار شي
كالت بس حبيت اعتذر كتلها علمود هاي صحتيني كالت اي كتله اي زين ديله باي من وصلت يم البيت وفتحت الباب جان اسمعها دكلي بعدك تحبني اني وكفت بمكاني
حسيت كلبي وكف نداريت عليها كتلها احبج كلمه صغيرة كلش بالي احسه اتجاهج
كالت ليش كتلها ليش شنو كالت ليش جرحتني ليش خليتني اضوج منك
كتلها ليش انتي ماكرهتيني كالت ماكدرت
ماكدرت غير احبك ويوم عن يوم احبك اكثر موبيدي اني حبيتك وانت جنت عاجز كنت ضعيف بس كنت تحاول تظهر نفسك قوي بس كنت من داخلك كلش ضعيف وخايف وفاقد الامل واني حبيتك اني ماحبيتك لان ردت استغلك او اخذ شي منك حبيتك لشخصك لكونك انت
بس انت جرحتني بالصميم رحت كمشت ايدها وبستها كتلها اني اسف بس والله احبج اني ماكدر بدونج كافي ترة كلبي تعبان لتخلي يتوجع اكثر اني راحتي بيدج
كالت اني سامحتك لان مااكدر اسوي غير هذا الشي بس دربالك تجرحني لان اني هم اكدر اجرحك واكدر انتقم منك دربالك من جرح الكلوب
كتلها احبج وحضنتها وعشت وياها عالم وردي ملكتها وكلشي بيها صار مالتي شي يخصني
اني ماحبيت غير نيران
وهي انسانه حبتني لنفسي حبت الروح الي بداخلي
عشت حياة حلوة وهادئه ويا نيران حياة بيها حب واحترام وتفاهم

خلصت قصتنه عزيزاتي القصه تتكلم عن الحب الكبير وعن انو كلنا بشر ماكو فرق بين غني وفقير كلنا خلقنه رب كريم انسانه شجاعه قويه بسيطه حبت انسان برغم عجزة وبرغم عدم قدرته  حبت قلبه حبت حساسه
وساعدته
ولكن هو انسان كان يحمل بداخله وجع من كل الي حاولو يستغلو ويستغفلو لان لمن احتاج اقرب الناس سقطت الاقنعه عن وجوهم واكتشف حقيقتهم
فتولد بداخله احاسيس ممزوجه مابين غضب ومابين حب وقسوة ومابين ضعف
ولكن الحب تغلب على كل هاي العوائق
اجمل شعور نعيشه هو الحب
وايضا تعلمنه انو منتقرب من اشخاص يحاولون يستغلونه
لان راح يبيعونه بمجرد سقوطنه او نكسارنه وتتكلم
انو منجرح الكلوب لان كل انسان بداخله شر وهذا الشر يظهر بمجرد احد ياذي حذرو من كسر الخواطر

تحياتي وحبي واحترامي لكم عزيزاتي
الكاتبة_روجمان