توأمي ولكن أنا غير و مالي مثيل

تكملة بارت ١ (٢)

في مجلس الرجال عكس الحريم الهدوء كان سيد الموقف، قاعد بهيبته بين أحفاده الثلاث،
الجد: وش أخبار الشركة يا محمد؟
محمد: كل شي تمام يالغالي!
الجد: زين زين ! وانت يا سلطان اليوم عندك سفرة؟
سلطان: ايه والله يا يبة عندي اليوم رحلة.
الجد: على بلاد الكفار؟
سلطان: ههههه ايه يا يبة على بلاد الأجانب!
الجد: الله يسهل دربك يا وليدي.
سلطان: تسلم يالغالي!
والتفت الجد على يوسف: وش احوال امورك في الشغل مع المجرمين اللي ما يخافون ربهم؟
يوسف بهيبة وقوة شخصية: بخير وأموري طيية دامك فوق راسي !
الجد ابتسم بفخر، وبعد الفطور قام كل واحد يروح يوصل خواته ويروح على شغله من هناك.
..............................
في بيت كبير ما يسكنه الكثير، نزلت من الدرج بعد ما تأكدت من الخادمة ان أمها تحت،
نزلت بكل غرور وكبرياء وجلست على طاولة الفطور: صباح الخير مامي
الأم: صباح النور.
ما فاتتها العيون الدنيئة بس هي ما أعطتها اي اهتمام.
الأم: حبيبتي بانه ما صبحتي على عمك؟
بانه وهي تطالع بغرور: ما تعودت أصبح على كل من هب ودب!
قام بعصبية: أنا كل من هب ودب؟؟! يا قليلة التربية!!!
الأم: سعد هد شوي!!
سعد: ما تسمعين وش تقول بنتك يا أية !!!
أية : بانه حبيبتي اعتذري!
طالعته وقامت بغرور:يخسي أعتذر منه!! انا ما اعتذر من أحد أبد!!
ولفت وصعدت الدرج بهدوء وسعد عَصّب والتفت على زوجته: هذي بنتك يبغالها تربية من أول و جديد!!
أية تاكل ومو هامها الموضوع: فكنا واللي يرحم والديك انت تدري ان البنت ما تحبك وهذا شي مو جديد عليك!
سعد: يعني عادي عندك تغلط على اللي أكبر منها؟
أية بملل : يوووه سعد!! خلصنا خل هالصباح يمشي على خيير!!
سعد في نفسه ونظرات الحقد من عيونه طالعة : أنا أوريك يا بانه أنا أوريك !! بس تطيحين بيديني و أنا أعلمك!!
.................................
في بيت جنب البيت الكبير كان الكل قاعد على الفطور لأن أي واحد يتأخر راح يكون له عقاب!!
جلس على الطاولة وقال : أبدو أكل !
الكل بدا يأكل، والأبو ينقل نظراته بين عياله الاثنين وتكلم بصوته القوي: الجمعة بكرة ببيت الوالد ما ابغا احد ما يكون حاضر فاهمين!!
الكل: فاهمين!!
يزن بهمس: وش عندهم؟
مازن: وانا وش دراني! قايلين لك ساحر أعرف!؟
يزن: الله يستر العادة كل أربعاء وخميس و......
ما أمداه يكمل الجملة الا أطلعهم ابوهم بحدة: اعتقد قلت وقت الأكل الكل ينطم ويحترم النعمة ولا أنا غلطان؟؟!
يزن : السموحة يبة!
مازن بهمس: اسفين!
الأم: يا صالح خف عليهم شوي!!
صالح: شيخة لا تدلعينهم ترى ما في أحد يخربهم الا دلعك!
شيخة سكتت
قام صالح ووقفوا عياله الاثنين ولما راح قعدوا وهم يزفرون.
شيخة: يا عيالي كم مرة أقول لكم لا تتكلمون؟
يزن: يمة عاد احنا وش قلنا ما قلنا شي!
مازن: أقول يا توأمي قم بس نروح محاضرتنا لا نتأخر !
يزن: يالله.... قاموا وباسو راس أمهم بحب وطلعوا يروحون لمحاضرتهم .
شيخة: الله يوفقكم وين ما كنتم يا عيالي!
.......................
في البيت الثالث جنب البيتين كان الوضع العكس تمام.
نازلين من الدرج يتسابقون: انا جنب أبوي!!!
وصل أول و جلس ، والبنت زعلت وكشرت.
أمهم: لولوة ولافي!! وش فيكم تركضون؟
لولوة: يبة! قومه انا ابغا اجلس جنبك!!
الأبو: ههههههه خلاص هو قعد أول!
لافي: اقعدي في اي مكان انا جنب ابو الشباب!ويدز ابوه بكتفه!
الأبو: خيير قاطع الميانه يا ولد!
الأم: انت اللي عودتهم كل كلمة ديمقراطية وديمقراطية يالله كلها الحين!
الأبو : والله إذا في أحد بيأكلهم فهو القمر اللي جنبي ويغمز!
لولوة ولافي: ههههههههههه
الأم بخجل: صافي!! بس فشلة شوف العيال يضحكون علينا!!
صافي(الأبو) : ما عليك منهم !
جتهم صوتها وهي نازلة مع اخوها: ما عليكم منهم هذولا مهابيل وتحب راس أمها وأبوها.
الأبو: هلا وغلا ببنتي آلاء هلا بالممرضة النشيطة!
نادر بهدوء : صباح الخير.
الكل : صباح النور.
لافي: يا عيني على الرومنسية وكناري الحب والله يا ابو الصف انت خطير وحنا ما ندري!
الابو يمثل العصبية: ابو الصف في عينك يا ولد!!
لولوة: أقول يبة دور غيرها ترى ما يليق عليك العصبية!
الابو: صدق يعني انا منيب مقنع؟
لافي : أبدا
الابو: اجل كيف العب على أبوي واسوي نفسي معذبكم والله مفروض ادخل فنون التمثيل ولا وش رايك لموي؟
الأم(لمياء): ما عليك من احد و يازينك مثل ما انت!
الابو: احم يا عيال ما ودكم تروحون أشغالكم؟ ويطالع أمهم: انا وأمكم عندنا سالفة ولا وش رأيك يا قمر.؟
الأم : والله الشره علي اللي قاعدة معكم للحين
الكل: هههههههههههههههههههههههه
................
حبايبي! ادري أنكم ملخبطين كثير بالشخصيات والبيوت إنشاءالله البارت الجاي بقول لكم الشخصيات وأعمارهم وكل شي يخص الرواية انتظروني! ابغا رأيكم  عن الرواية؟