توأمي ولكن أنا غير و مالي مثيل

تكملة بارت ٢ (٢)

في المدرسة ، في الصف ، كل مرة تشوفها تتكلم وتسولف ولا تدري عن الدرس!
وبعصبية: وبعدين يعني!!
البنت وهي قاعدة: نعم استاذة هبه؟؟ إنتي تكلميني؟؟!
هبه: لا أكلم الجدار اللي وراك!!
البنت: فكرتك تكلميني انا.. وتلتفت للجدار : يا جدار رد! الأستاذة تكلمك!!
البنات: هههههه
هبه : تصدقين دمك خفيف! عطياني اسمك بسرعة!!
البنت: سوسن يامن العلي وإذا تبغين رقم الجوال عادي ترا!!
هبه بحزم : برا اطلعي برا!!
البنت: لا ما راح اطلع!!!!
هبه جتها وهي معصبة وتمسكها من يدها وتسحبها وتفتح الباب وتطردها: لا عاد اشوف وجهك داخل الفصل في حصتي! فاهمة؟؟!
جت المرشدة: خير يا استاذة هبه!
هبه بعصبية: اسمعيني يا استاذة هيا! هذي الطالبة تنزلينها عند المديرة هذي الطالبة مستهترة لأبعد الحدود وقليلة أدب!!
أستاذة هيا: وإنتي كل مرة تسوين مشكلة وبعدين معاك يا سوسن!! يالله قدامي على المديرة!!
سوسن: زين لا تصارخين!!
ومشت والأستاذة هيا ورآها
رجعت هبه لفصلها وسكَّرت الباب بهدوء : نرجع لدرسنا..
..............
في المدرسة الثانوية وتحديدا فصل ٣/٤ أدبي
الاستاذة : لا لا أنتم مصختوها مافيه احترام!!
مدى بصوت واطي: مصخناها ولا حليناها
البنات: ههههههههههه
الاستاذة: لو فيها خير توقف وتوريني طولها
مدى بصوت واطي: ليه بتفصلين لها فستان؟
البنات: ههههههههههه
الاستاذة وهي تأخذ أغراضها : الدرس مشروح!!
مدى: لا تكفين بنموت أصلا احنا ما نفهم شي كأنك تتكلمين فلبيني!!
البنات صاروا يضحكون والأستاذة طلعت وهي معصبة من البنت اللي ما تدري مين هي ومن السنه اللي فاتت  كل مرة تدخل تبغى تشرح الدرس تطلع للبنت الصوت وتخرب عليها!!
......................
كان عندها بالغرفة وطلع بعد ما سمعها كلام يسم البدن وسمع جواله يرن رد وهو معصب: خيير!!
الطرف الثاني : يامن؟؟
يامن: مين معي؟؟
الطرف الثاني: أنا أنوار ( مديرة المدرسة)
يامن: ايه هلا خيير؟؟
أنوار : وين يجي الخير وبنتك كل يوم مسوية مشكلة مع استاذة..
يامن : وش مشكلته؟؟!
انوار: هالمرة مشكلة مع مدرسة الرياضيات والأستاذة طردتها!
يامن: وشلون تطردها!! هي ما تدري هي بنت ميين!!
انوار: الا تدري وما يهمها!
يامن: وش اسم المدرسة خليني افصلها من شغلها!
أنوار: لا هذي غير! ما تقدر تفصلها!!
يامن بسخرية: ليه بنت الوزير وانا مادري! انا افصلها وافصل ابوها بعد!!
انوار: لا وانت صادق!  بنت الزايد!
يامن تفاجأ: الزايد عائلة الزايد ما غيرها؟؟؟؟
انوار : ايه!
يامن: لا هذي ما نقدر نفصلها! اووووف منك يا سوسن : طيب عطيني اياها أكلمها تدخل البنت الحصص وأرقع السالفة شوي!
انوار: طيب!
طلبت المديرة انوار من الفراشة  تنادي  هبه اللي جت وأول ما شافت سوسن عصبت: نعم؟؟
المديرة تمد لها التلفون: تفضلي مكالمة لك!
هبه باستغراب : مين؟؟
المديرة انوار: والد الطالبة سوسن!
هبه: وليه أكلمه؟
انوار: هو طالبك عشان يكلمك عن بنته!
هبه: ما بيني وبينه كلام! ليه هو من محارمي وانا ما ادري!!  وبعدين بنته هالمستهترة ما أبغى اشوف وجهها في حصص لي ابدا!! وآخر الفصل من الحين تعتبر نفسها راسبة! وإذا احد ما رباها انا اربيها!!
يامن اللي سمع كل الكلام اللي قالته هبة: انا بنتي مو متربية؟؟ والله لعلمك إنتي التربية على أصولها!  وسكر الخط وهو معصب : انا اعلمك!!
وطلع من المستشفى وهو معصب!
( انوار (المديرة) تصير بنت عّم يامن علشان كذا سوسن ما عليها من احد)
.............
وقت العصر قاعد في الوسط بين  عياله الاثنين
وولده يصارخ: هذا اللي ناقص!! تسافر للخارج احنا ما عندنا بنات يسافرون!!!
صافي: هد يا صالح الله يهديك !!
صالح: وش اهدي ؟؟ أقولك البنت بتسافر تقول لي هدي؟؟؟؟! انت عادي عندك ايه!! انا من شفتك مخلي بنتك تشتغل بالمستشفى وانا غاسل يدي منك!!
صافي اللي نادرا ما يعصب: صالح ما اسمح لك تغلط على بنتي!! وانا الحمدلله واثق في تربيتي !! ما يحتاج اخنقها وأحبسها زي بعض الناس!!
صالح: وش قصدك!؟
الجد وهو يضرب العصا بالأرض: بس خلاص انتو الاثنين!! .. وبعد سكوت لحظات: بنجيبها هنا! وبتكون تحت عيونا!!
صافي: يبة انت عارف ان أمها ما راح تخليكم تأخذونها ولا نسيت الاتفاق؟!
الجد : لا ما نسيت!
صالح: اخخخخخ بس لو هي وافقت وتزوجها كان انا الحين مربيها هي وبنتها!
صافي في نفسه: آيه مجنونة تتزوج واحد معقد مثلك!!
الجد: دانه هي اللي بتجيبها!
صافي: ودانه وش دخلها في الموضوع؟
الجد: دانه جتني اليوم  وطلبت مني اخلي اختها تجي عندنا وتتعرف على الكل وتقعد معها كم يوم!
صالح: ولما تجي ما راح نخليها تروح!!وأمها اذا كان فيها خير تروح تشتكي!!
الجد: بالظبط!
صافي اللي ما عجبه اللي يسوونه ابوه وأخوه اللي يتحكمون في كل شي وخانقين الكل،،، قام
الجد: وين؟؟
صافي : عندي كم شغلة لازم أخلصها!
طلع من المجلس وهو مقهور من تفكير أهله المتحجر!
.................
في غرفة الجدة ، دانة قاعدة مع الجدة وتهمز  لها رجولها وتسولف وتضحك..
الجدة: ايه يا بنتي!! هنا يعورني!
دانه: بِسْم الله على قلبك!
الجدة: جعل عيني ما تبكيك!
دخل الجد: السلام عليكم!
دانه : وعليكم السلام!!
الجد جلس جنب دانه: وانا ابوك يا دانه،،
دانه: سم يبة!
الجد: خلي اختك تجي وتقعد معاك زي ما تبغى!
دانه بفرح كبيير: صدق يبة!!! وتقوم تبوس راْسه : الله يخليك لي ولا يحرمني منك!!
الجد: ولا منك!
دانه: يالله اجل بروح اتصل عليها وأقول لها!
راحت والجدة تطالع زوجها بنظرات شك هي تعرفه وتعرف ان تحت راْسه شي!!
الجدة: انا أعرفك! ما تخلي بنت آيه اللي ما اعترفت فيها من سنين تجي الحين، الا وانت تفكر بشي!!
الجد قام: أقول اتركي عنك هالأمور! ولا تدخلين في أمور ما تخصك!!
ومشى والجدة تهز رأسها وهي حاسة ان فيه مصيبة جاية: الله يستر!!
...............
جا من الشغل تعبان ورما نفسه على الكنبة وغمض عيونه حس بأحد يمسح على راْسه فتح عيونه وطالعها وش كثر يحبها ويغليها
زوجته غصون: حياتي تعبان؟
معاذ وهو يبوس يدها:  ايه
غصون : سلامة قلبك! ويعطيك العافية!!
معاذ: الله يعافيك!
غصون: أحط لك شي تأكله ؟
معاذ ما أمداه يقول كلمه اللا وهو غاط بنوم عميق! غصون ابتسمت وباست جبينه: الله يخليك لي ولا يحرمني منك!!
................
في غرفتها وهي تكلم اختها بحماس: ايه والله وافق!!
بانه بسخرية: يالله وأخيرا وافق علينا بابا نويل!!
دانه باستغراب: مين بابا نويل؟
بانه: جدك!!
دانه: بانه لا تقولين عنه كذا ترى ما ارضى !
بانه: عشتو!!
دانه: يالله منك يا بانه!!
بانه : خلاص سكتنا لا تموتين علينا!!
دانه: المهم وش قلتي تجين؟؟
بانه: امممممممم ليش لا على الأقل اشوفك اخر مرة شفتك فيها لما جيت المدرسة
دانه: ايه تذكرين لما لبستي مريول وجيتي مدرستي والكل ما عرف يفرق بيننا لأننا توأم؟
بانه: ايه ههههههههههه
دانه: والأستاذة تناديك دانه وإنتي ما تردين عليها ! بغيتي تفضحينا! هههههههه
بانه: وش أسوي ما كنت ادري انها تقصدك!
دانه: هههههههه انا راح أقول لجدتي ونجي ونأخذك!
بانه: ماله داعي عطيني العنوان وانا أجي !
دانه : أوكي.
..........
حبايبي لهنا ونوقف ! حابة أقول لكم انه البارت الثالث بتبدا فيه الأحداث المهمة! انتظروني!
ابغا توقعاتكم!