توأمي ولكن أنا غير و مالي مثيل

تكملة بارت ٢

قاعدة في غرفتها على النت وقافلة على نفسها الباب لأنها تخاف يجيها وقاعدة تتصفح موقع الدراسة في الخارج
بانه: يعني الدراسة بعد ٣ أيام؟لازم أقول لأمي ترتبلي عشان السكن!
توها بتطلع بس رجعت: لا بتصل عليها جوال وإذا كانت في البيت طلعت من غرفتي! ايه كذا أحسن!!
رفعت جوالها واتصلت وجاها صوت أمها: آلو بانه إنتي طلعتي برا؟؟
بانه: لا!
أم بانه : أجل ليش تتصلين علي دامك معي بنفس البيت؟؟
بانه: يمه إنتي بالبيت؟؟
أم بانه: ايه وين بروح من الصبح يعني؟؟
بانه: خلاص
سكرت وفتحت الباب ونزلت ولقت أمها بالصالة وجتها وجلست.
ام بانه: يوم انك في البيت ليش تدقين من جوالك ليش ما نزلتي ؟؟
بانه: بس كذا مزاج ! المهم يمه انا جاية أبغى أقول لك ترى الدراسة بتبدا بعد ٣ ايام وقلت اقولك علشان تجهزين  لي سالفة السكن!
أم بانه : أمور السكن جاهزة بس نحجز لك التذاكر وانا بروح معاك وبعد ما ارتاح واتطمن ان امورك تمام برجع وأخليك
بانه: أوكي كذا تمام بس بسكن مع مين؟؟
ام بانه: مع ثنتين من بنات صديقات ومن نفس طبقتنا !
بانه: زين!! اجل العله زوجك وينه؟
ام بانه : بانه !! عيب تتكلمين عن عمك كذا!!!
بانه: مالت عليييه!! يخسى عمي!!!اووووف صدق قرف!وقامت وطلعت فوق.
ام بانه هزت رأسها بأسف على بنتها العنيدة.
دخلت غرفتها ورجعت قفلتها ومسكت جوالها واتصلت وصارت تنتظر الرد: آلو
بانه: آلو دندون قلبي!! اخبارك؟
دانه: حياتي بانه! انا بخير وإنتي وامي ؟؟
بانه: كلنا تمام! هاه إنتي بالجامعه؟
دانه: ايه وقاعدين نحوس علشان نعرف مكان القاعة!
بانه: هههههههههه
دانه: يا ليتك سمعتي كلامي وسجلتي معاي ! والله كان انبسط بشوفتك!!
بانه وهي تجلس على السرير: لا حبيبتي انا طموحي فوق فوق بالخارج!!
دانه بجدية: بانه إنتي كذا راح تسوين  مشاكل!!
بانه: ليش؟
دانه: إنتي عارفة عائلتنا ونظرتها للبنت اللي تسافر برا ! الكل راح يوقف في وجهك!
بانه: وهم وش دخلهم؟ انا أصلا ما اعرف احد من هالعائلة!! وهذي عائلتك إنتي ومالهم كلام عندي!!
دانه تتنهد: الله يهديك بس!!
بانه: أجمعين!
دانه: طيب حبيبتي تعالي عندي وتعرفي عليهم!
بانه بقرف: على هالمتخلفين!! لا ما أبغى!
دانه: بس إنتي بتسافرين ٤ سنين !! تكفين خليني اشوفك قبل لا تسافرين!!
بانه: ما ادري بفكر!
دانه : انا بقول لجدتي تقول لجدي!
توها بانه بتقول لا بس دانه قالت بسرعة: حبيبتي بنو انا بسكر لقينا القاعة  وبدخل اول محاضرة بااي!
بانه: بااي! وسكَّرت ورمت الجوال على السرير وراحت للاب توبها.
..................
قاعد يحوس في أوراق الشركة ودخل عليه وهو يدندن .
محمد وهو يبتسم: صباح الخير!
معاذ : صباح النور!! اووه اشوفك مروق!
محمد: وليه ما اروق وانا اصبح على وجهك يا حلو!
معاذ: شايفني زوجتك تقولي  الكلام ذَا!
محمد: لو زوجتي تشبهك  انا بنتحر!!
معاذ: أقول انقلع بس!!
محمد: ههههههههه
دخل نادر اللي دائما هادي وقليل الكلام: صباح الخير
محمد ومعاذ : صباح النور!
معاذ : وينك تأخرت؟؟
نادر : تو الساعة!!.. وجلس وبدا يشتغل
محمد بهمس لمعاذ وهو يناظر نادر: اخوك هذا عايش بين الناس؟؟
معاذ : لا بين البقر ، ايه بين الناس!
محمد : قصدي ما فيه مرة شفته يضحك!
معاذ: والله ما ندري وش فيه طول وقته هادي وما نسمع له صوت!! وعازل نفسه! ليه؟ ما ادري!
نادر انتبه لهم : خير فيه شي؟؟
معاذ: لا أبد!
اثنينهم التفتو ورجعو لأوراقهم وبدو يشتغلون!
............
وصل المطاروراح يشوف رفيقه في الرحلة ودخل المكتب،
سلطان: سلام!
جاسم زميله: أهلين كابتن سلطان ها؟ جاهز للرحلة؟؟
سلطان: أكيد يا كابتن جاسم جاهز!
جاسم: جايينك يا أمريكا!!
سلطان: ههههههه اللي يسمعك يقول أول مرة نروح لها! انا أبغى افهم ليه ما في احد يروح لرحلات امريكا غيرنا؟؟
جاسم: والله يا كابتن سلطان قول هالكلام لمنظم الرحلات مو لي!
سلطان: انا مو ذابحني الا منظم الرحلات هذا!!
جاسم: ههههههه
سلطان : توكلنا على الله!
جاسم: والنعم بالله يالله!
طلعو من المكتب وبدو يمشون متوجهين للطيارة!
.............
دخلت المستشفى وراحت تبدأ مناوبتها،
ندى وحدة من الممرضات وزميلة آلاء : آلاء!
آلاء: هلا ندى بغيتي شي؟؟
ندى: أبد بس ابغاك توقفين مكاني شوي في الاستقبال بودّي أوراق وبجي!
آلاء : طيب مو مشكلة. راحت وقفت مكانها..
دخل بنفس خايسة : نورة عايض ال..... اي غرفة؟؟
آلاء طالعت الواقف قدامه اللي قاعد يطالعها باحتقار كأن الناس عنده حشرة.: لحظة أشوف!
وبدت تدور في الكمبيوتر!
الشخص الواقف قدامها: اخلصي سنه!!
آلاء: غرفة ١٠٢
الرجال: الحمدلله على السلامة! سنه علشان تعطينا رقم غرفة !! وهو ماشي سمع آلاء اللي كانت تكلم نفسها بهمس: صدق من قال ( يا صاح إن الكبر خلق سيّء .. هيهات يوجد في سوى الجهلاء )
عَصّب من كلامها والتفت لما سمع ندى تناديها : آلاء يا عمري مشكورة!!
آلاء: لا عادي حبيبتي انا بروح اشيك على المريضة اللي طالعة من الملاحظة!
ندى: اوك
رجعت ندى مكانها والاء  راحت تطل على المريضة وتتأكد من راحتها وصحتها تحت أنظار حاقدة!!
..................
وش تتوقعون سبب هدوء نادر؟؟ ووش تتوقعون الرجال بيسوي لآلاء؟؟ وهل تتوقعون ان بانه بتروح لجدها؟ ودانه تقدر تقنع جدها ان بانه تجي؟؟
تفاعلو معاي علشان انزل اسرع💜💜