خلّونا نتركهم ونروح للمطار..
جالسين في اماكنهم ويستعدون للإقلاع وطلب من الركاب ربط أحزمة الأمان،،
وبعد لحظات جت المضيفة..
(الكلام بالإنجليزي بس بكتبه بالعربي)
المضيفة: عفوا كابتن!!
سلطان: نعم؟
المضيفة: هناك راكبة تسبب المشاكل فهي تطلب منا النزول وعندما رفضت طلبت مني احضار كابتن الطائرة!!
سلطان استغرب والتفت على جاسم..
جاسم: رح شف ياخي وش السالفة!
سلطان: طيب
راح ورا المضيفة ولما وصل سمع البنت تكلم المضيفة بلهجة سعودية!
البنت: ساعة ويا ذَا الوجه تنادين اللي يسوق الطيارة !!
المضيفة ما فهمت شي: عفوا؟
البنت: ياشين الثوارة أقول!!
انتبهت البنت على سلطان: انت اللي تسوق الطيارة؟
سلطان: عفوا شلون أقدر أخدمك؟
البنت: أبغى انزل الحين!!
سلطان: نعم وش بغيتي!؟
البنت: انت أصمخ !! ما تسمع!؟ أقولك ابغا انزل الحييين!!!!
سلطان صار يناظر البنت كانت لابسة بلوزة سوداء وحجاب أسود و بنطلون اسود ونظارات بس هالأمور ما أخفت جمالها!
البنت: خير!! معجب تناظرني كذا! تبغى صورة؟؟
سلطان بدا يعصب : استغفر الله!
البنت: ليه شايف جني قدامك؟؟
سلطان: يا اختي ليش تبغين تنزلين؟ يعني خايفة من الطيران؟؟
البنت: وانت وش دخلك ليه أبغى انزل؟؟ لا يكون انت طرزان الشجاع اللي ينقذ الناس من الخوف؟؟ خلصني أبغى انزل!!!
سلطان في نفسه: وجع وش طولت لسانها ذي: طيب ليه ركبتي دام انك تبغين تنزلين؟؟
البنت: ياشين اللقافة!! وش دخل أمك انت؟؟!
سلطان: احترمي نفسك!! واتركي عنك طولت اللسان!
البنت: لا تكفى!! ما بقى اللا تضربني!!
سلطان: نزول ما فيه ومادام انك ركبتي انطقي واربطي الحزام!! ويكفي سخافة !! صدق من قال ان لم تستحي فافعل ما تشاء!!
مشى وخلى البنت وراه وهي عيونها شوي وتطلع من مكانها وبعد ما استوعبت وش قال !
البنت: مالت عليك اووووف !! ياربي أبغى انزل!! انا الغبية اللي اركب طيارات وانا عندي فوبيا منها لو أني مسافرة بطريقة ثانية أبرك!!!!!
رجع لجاسم وهو ينفخ وجاسم لاحظ عليه: وش فيك؟؟
سلطان: صدق قلة أدب!
جاسم: وش صاير وانا اخوك؟
سلطان قاله كل شي
جاسم: ههههههههههههههه
سلطان: هالبنت عليها طولت لسان تقول منشار وعندها رد لكل شي وقلة حياء عجيبة!!
جاسم اللي دموعه طلعت: هههههههههههههه
سلطان: خير وش عندك تضحك؟؟
جاسم: انت طرزان هههههههههههه تخيل بس! هههههههههههههه
سلطان: أقول اسكت تراني ماني رايق لك!!
جاسم: هههههههه
ناظره سلطان بقهر وبدا يستعد للإقلاع..
...................
كان الكل حاضر اللا هم الاثنين متغيبين لأنهم تأخروا بأشغالهم..
دخلت من الباب اللي بين بيتهم وبين بيت جدها وهي توها بتدخل تقابلت معاه عند الباب..
جاء من شغله ووقف سيارته اليوم تأخر بالشغل وهو يعرف جده ما يحب احد يتأخر..
وصل عند الباب وشافها توها بتدخل،، تلاقت عيونهم،، شافته يناظرها بسخرية واستهزاء ولف عيونه عنها ودخل..
آلاء : وش فيه يناظرني كذا!! الحمدلله والشكر!! والله شكله من كثر ما يشوف مجرمين صار ما عاد يفرق بين أهله وبينهم !! عاد انا وش علي منه!!
دخلت البيت تلحق على الجمعه
..................
بصوت عالي في الصالة الكبيرة: هذي أختي بانه!!
الكل يناظرها وهي تنقل نظرات عيونها العسلية بين الكل! وركزت نظراتها على الرجال الكبير اللي قاعد بينهم في الوسط..
الجد يناظرها وهي تواجهه بنظراتها وما نزلت عيونها!
انقطع الصمت على صوت صالح: بتظلين واقفة!! ما تعرفين ان الأصول تقول المفروض تجين وتبوسينا على راسنا !! ولا ما تربيتي عليها!!!
دانه التفتت لأختهاوبدا الخوف يبين عليها لأنها تعرف انه اختها لسانها طويل وما تقدر احد !!
بانه بلهجة سخرية: أول خلني أعرف اهلي بعدين اشوف اسلم ولا لا!
صالح وقف وكأنه ما صدق انها تكلمت، علشان يبرد حرت رفض أمها له: والله هذي من قلة التربية!!
بانه: أكيد انت عمي صالح!! والله زي ما وصفوك!! وما ألوم أمي يوم انها ما وافقت عليك!!
صالح فار دمه وزوجته بان عليها الضيق
أما صافي فكان مرسوم على وجهه شبه ابتسامه وفي نفسه: والله طلعت هالبنت عكس التوقعات وطلعت عكس دانه وأخيرا جا أحد يبرد الخاطر!!!
صالح: إنتي يبغالك تربية من أول وجديد!! وأنا اللي بربيك!!
بانه وهي تكتف يدها وتناظره باستخفاف: بأي صفة؟؟ لا تقول عمي لأَنِّي من جد بضحك!!
صالح كان بيرد لأن بانه قهرته،، بس صوت الجدة سكتته!! بعد ما شافت نظرات الرجاء من دانه انها تتصرف: صالح!! وبعدين!! خلصنا!! البنت ضيفة عندنا!!
صالح: ما تسمعين وش تقول؟؟ هذا بدال ما تعلمونها الأدب!!
بانه باستهزاء: الحمدلله والشكر!! يعني لازم انزل عيوني وما أدافع عن نفسي علشان أطلع مؤدبة!!
وصلها صوت من ورا: لا وإنتي الصادقة!! يبغالك قَص لسان علشان تعرفين وشلون تتكلمين مع تاج رأسك!!
بانه التفتت بغرور وهي تناظر يوسف من فوق لتحت: أنا بانه!! ومافي أحد يقدر يوصل لرأسي أبد!!
يوسف: إنتي......
الجد: خلاص !! ماعاد لي اعتبار ولا وشو؟!
الكل سكت ويوسف راح له وباس راْسه: السموحة.. اعتبارك فوق روسنا.. والتفت يناظر بانه اللي تناظره بعدم اهتمام..
دخلت آلاء وسلمت وهي تحس الجو مكهرب..
الجد بعد لحظات: نفس النظرة! ونفس الغرور!! ونفس العناد والوقفة!!
بانه: افتخر أني أشبهه !!
الجد: طالعه عليه!!
بانه: في احد ما يتشرف انه يشبه ابوه!!
الجد : كنت متأكد انك راح تكونين مثله!!
بانه: علشان كذا خليتني بعيد عن أختي!!؟
دانه وهي تقرب وتهمس: بانه! تكفين خلاص!! علشان خاطري!!
بانه ناظرتها وما ردت..
الجد: الماضي راح! واحنا اليوم! وإنتي وحدة مننا..
بانه ناظرت عيونه وتأكدت انه يكذب بس مشتها وما علقت علشان أختها وهي في بالها أشياء كثيرة..
الجد: هذا عمك صالح......... وبدا يعرفها على الكل..
بعد فترة،، الجدة: يالله يا بنات تعالوا الصالة الثانية ناخذ راحتنا..
قاموا وقامت معهم بانه ودانه ماسكة يدها وكأنها مو مصدقة انه اختها معها..
جلسوا بالصالة الثانية وعل طول انطلق لسان مدى: والله وطلعت خطير يا جميل!!
بانه تناظرها وفيها الضحكة: مين إنتي؟
مدى: انا مدى بنت عمتك نجود
بانه : اها
رواء بهمس لرؤية: والله تخوف هالبنت شفتيها وش كثر قوية!!
رؤية ترد بهمس: ايه والله! انا توقعتها تشبه دانه طيبة مو العكس!!!
روابي: وش عندكم تتساسرون؟
رواء و رؤية: ولا شي!!
لولوه لهبه: تتوقعين يصير أكشن الأيام الجاية؟؟
هبه: انا متأكدة بتصير مشاكل دام هذي هنا!!
لولوه: بس دانه مسكينة شوفيها وش كثر فرحانه فيها..
هبه: ايه والله تكسر الخاطر!! وكأنها ما صدقت انها جت!!
ظلت تناظر اختها وش كثر متغيرة من اخر مرة شافتها كانت متوقعة مشاكل بس ما توقعت انه اختها تكلم اللي اكبر منها بهذي الطريقة!!
لاحظت بانه نظرات دانه لها..
بانه: دانه وش فيك ؟ ليش تناظريني كذا؟؟
دانه: بانه تكفيين! مابي مشاكل!! أبغى الكل يحبك مثل ما أنا احبك!!
بانه بحب : من عيوني!!
دانه: تسلم لي عيونك!
لهنا نوقف اترك لكم حرية التعليق.....
أنت تقرأ
توأمي ولكن أنا غير و مالي مثيل
Fiksi Umumدانه و بانه توأم مفترقين عن بعض يا ترى وش السبب؟؟ وهل يقدرون يرجعون لبعض ولا لا؟؟ رواية توأمي ولكن أنا غير ومالي مثيل💕 أتمنى تعجبكم الف شكر ل ( قلب أمي وروحها)💚
