قبل مينتهي دوامي دگ تلفوني .....طلعته من الجنطه ....مسج من يوسف
من لا يكتفي بك لا يستحقك ..... متى اللقاك يا اميرتي جن جنوني بين لغة الارقام تائه ولم اعد افهم غير لغة العيونِ
ريم : دزيتله مسج
انتظرك بالبارك اخلص بعد ساعه بنفس المكان
يوسف:وصلني مسج دزيتلها اخلص قبلج اذاً اني انتظرج
ريم : خلصت دوامي وبوجهي من المترو الى البارك .... وصلت للمكان ملگيته ... رفعت التلفون الو
يوسف جنت منتچي على الشجره قريب عليها بالضل ما ادري بيها وصلت الا من دگ التلفون وجاوبت
الو
ريم : يوسف اني وصلت
يوسف: مديت راسي شفتها (ابتسمت)
حبيبتي اعتذر ما اكدر اجي صار عندي ضرف
ريم : ليش منطيتني خبر حتى ارجع للبيت
يوسف : مصارلي مجال .... يله اتصل عليج بعدين
ريم : عصبت لان ولا هامه ومكلف نفسه حتى ينطيني خبر
كعدت اراقب المي والطيور والناس
سمعت صوت ورايه الماء والخضراء والوجه الحسن .... التفتت
كاعد ورايه على الزرع
نقطه بصالحك
يوسف : من سديت الخط وشفتها كعدت كمت وكعدت على الزرع لكن وراها بالضبط وقريب عليها .... حسيت بيها ضاجت حتى تحجي ويا نفسها
حجيت التفتت گلتلي نقطه بصالحك
جاوبتها من الصدفه نتعامل بلغة الارقام ونفتهم بيها .... دليل تقارب
ريم : العقل افضل من القلب بالحكمه
يوسف: والي سلبوا عقله
ريم : يتلاحگ لقلبه
يوسف : فات الاوان ..... سطو مسلح
ريم : ضحكت .... احب اعتراف المتكبرين
يوسف : مفهوم التكبر عندي لمن يكون عندي حبيبه مثل الواگفه كدامي ..... كمت من مكاني ورحت عليها اخذت ايدها وخليتها جوه عكسي
فأشواقي وصلت لحدود الهذيان
ريم : احبك من تهذي تعزف على اوتار قلبي
يوسف : راح ابدي اسأل
ريم : مستعده ١/٢/٣
يوسف : ابديلي بعائلتج
ريم : اب ام اخت واني .....عائله علميه ووقتها غير قابل للضياع
عقلها يقيس الامور اكثر من القلب ..... ماعندي علاقات سابقه ولا جربت الحب
يوسف : بالاعاده.... مجربتي الحب ؟
ريم : ابتسمت وجهه قريب على وجهي ونظراتنا ملتقيه اقصد قبل ما اشوفك .... نرجع طموحي اكبر من الحب الي مجان اصلا من اولوياتي الى ان شفتك ودمرت كل دفاعاتي
يوسف: الحمد لله طلعت مسوي انجاز
ريم : اقرب الى المعجزه .... يوسف اني تقدملي اكثر من شخص وبأيام الجامعه هوايه طلبوا مني علاقه وحاولوا ويايه .....بيني وبينك كيمياء .... وتفاعل بطئ محسيت عليه الا من سافرت لاهلك
يعني عقلي هالمره غدرني وترك قلبي خارج السيطره
يوسف: الغبيه( الي جان يگولهابالبارتات الاولى عليها) جانت مجرد كلمه تستر لمشاعر الحب
ريم : الغبيه اتحايلت على المستفز بالغباء .... وهاللحظه ....اثبتت ذكائها ( تقصد لان جان ينتظرها وديتغزل بيها )..... اتوقع الي عرفته عني كافي حاليا اسمع منك
كعدنا بمكان على نفس لزمة الايد
يوسف : ٣ ولد واب وام ٢ عزاب واحد متزوج اسبانيه وعنده ٣ اطفال .... سجلي حافل بالعلاقات النسائيه .... لكن حب انت اول حبيبه .... مشتركين ب لامجال للحب في قاموس حياتي الى ان شفتج وتعرضت لسطوا مسلح
دراسه مو كلش احب ادرس بس جان عندي موهبه بالحاسبات والرياضيات دخلت على اساسها جامعه اتخصصت واشتغلت بشركه مبرمج هواية الطفوله العزف على البيانو ..... ويمكن هالهوايه سبب عشقي للحاسبات وكدرت اثبت نفسي بهالمجال لان اتخيل نفسي من اشتغل اللعب على البيانو مو الحاسبه
حياتي منظمه (ابتسمت) الى ان اجى الاعصار وگلبها رأساً على عقب ... سابقا روتين حياتي اكعد من وكت ... دوام .... ارجع انام .... العصر ... اما اطلع او اتفرج تلفزيون او اذا عندي شغل اكمله للمغرب بعدها اكون حر نفسي .... اشفر حالتي النفسيه بهذا اليوم على شكل موسيقى اذا كانت هادئه معناها يوم مثل الي قبله اذا سريعه يعني قلق او تواجهني صعوبه بشغلي اذا رومانسيه .... هاي تفتهميها بعدين
اذا تفائل معناها سويت شي راضي بي عن نفسي .... صار تغير بروتين يومي
وحاليا اسمع عبد الحليم لان هو الوحيد الي اعرف اغانيه من ابويه وامي لكن ما يوم جربت سمعتها الا من عرفتج
ريم : دقيقه كلشي افتهمته الا الرومانسيه .... اريد افتهم
يوسف : رغبه
ريم : سرع الاحداث بعيد عن جسي
يوسف : خلص ما الها مكان بحياتي
ريم : تعرف السجين بمطبخي تقطع اي شي يمر عليها حتى لو ريشه
يوسف : ضحكت ... ورفعتلها حاجبي بتعجب ..... احببت مجرمه
ريم : موجوده بداخل اي امرآه بس تحتاج فعل يحركها ..... ومن اول مره محترفه
يوسف : الخيانه جبن ..... والهزيمه ثلثين المرجله والتوبه نصوحه
ريم : ضحكت من كل قلبي .... لان سوه نفسه خاف .... ذكرني اشوفك السجين حتى تحفظ منظرها
يوسف : ذكريني وين گلتي مخليتها .....
ريم : عاشق حرامي وجبان
يوسف : خلص وكت الضحك نرجع كملي الاشياء الي تحبيها الاصدقاء المقربين
ريم : ماعندي شي بالاكل اكرهه ولا المشروبات ..... اكلي صحي لان امي دكتوره طبقت علينا نظام الصحه من الصغر
اقرب انسانه الي اختي وضحى بت خالتي وبت خالك عندي اصدقاء وصديقات اساتذه وطلاب بالجامعه .... احب الافلام الاجنبيه من اسافر ويا اهلي خارج العراق نروح اني واختي للسينما
يوسف : اني هم عندي مكان اعشقه بس ممكن انت متحبي عكسي السينما اكدر اتقبلها
ريم : عرفته
يوسف : اذا ذكيه
ريم : مو ذكاء بس دراسه شخصيه
يوسف : اسمع واحكم
ريم : مكان تستخدم بي حاسه وحده وتقيم العمل
يوسف : صح
ريم : جمهوره اغلبهم كبار بالعمر ومن الطبقات الراقيه
يوسف : ابهرتيني اتوقع تعرفي
ريم : احب اجرب واروح وياك للاوبرا اذا عزمتني
يوسف : غروري ينحني كدام هالذكاء
ريم : خليك حذر مو سهل احد يخدعني
يوسف : شوكت افاتح اهلج او اخلي خالتج أ تفاتحهم
ريم : ليش متنطيني مجال اعرفك اكثر
يوسف : خطوبه ..... نتعرف بيها وبعد ما واحد يفتهم الثاني
نعقد
ريم : اتفقنا ..... شفت الساعه ..... بعد اقل من ساعه تمطر
سألته نرجع
يوسف : ماكو نرجع نروح للبيت ناخذ شمسيه ونطلع انت الي طول اليوم
ريم : بدايه غير موفقه لان عندي دراسه
يوسف : خلص ... اخذي الكتب واقري اكعد وياج بدون ما اسبب ازعاج
ريم : يمكن افضل من ما ادرس وحدي على الاقل ما احتاج افكر بيك وانت ويايه
يوسف : حبيبتي انت عاصفة مشاعر متهدأ
ريم : يوسف احبك لدرجه متغيب عن بالي لحظه
يوسف : يله حتى ما أأخرچ عن دراستج .... انتظر اكون حاضر المناقشه وانت لابسه حلقتي بفارع الصبر
ريم : تكون سعادتي وطموحي مضاعف انت من اولوياتي حاليا
