بقلمي ام مريم اماسي الليل
حقوق النشر محفوظه
ريم : اخذت الاوراق الي احتاجها حتى ادرس ويوسف ويايه دخلنا للكافيه كعدنا قريب على الشباك وطلبنا چاي ..... وجوده يمي هادئ خلاني اكدر اركز الى ان وصلت مرحله نسيت هو اصلا موجود رفعت راسي شفته يكتب بالتلفون
وشكله معصب .... بالاول مخليت ابالي ممكن تكون الي بالمحادثه جسي .... من اجتي على بالي معرفت ارجع وهو جان كلش مندمج ويكتب بسرعه وعصبيه ....
گلت خلي أكبر عقلي .... واصدگ هو تركها الى ان اتأكد .... بس بداخلي غيره وقلق .... ورا مده من الوقت نزل التلفون بعصبيه انتبه اني جنت اراقبه وتاركه اوراقي
يوسف : ما انتبهت عليج خلصتي .....
ريم : من وكت ما جان حاجبك معگود وتكتب بسرعه مبرمج محترف
يوسف : شغله .... بيها مشكله
ريم اتمنى متكون الشغله الي بالي
يوسف : اي شغله تقصدين ......
ريم : جنت اهز برجلي متوتره .... تخمين لتخلي بالك صار عندي
تشتت بسبب التركيز
يوسف : ريم ذكيه عرفت الي جانت ويايه بالتلفون جسي
واني مو خبير بالتحايل واللف والدوران ..... اتحججت بشغل
واجابتها جانت اكيده عرفت ..... بس هملت الموضوع خالشي قلقني ... خفت رد فعلها يكون مثل المره السابقه
ريم : رجعت امثل ادرس بس بالحقيقه مقريت ولا كلمه جنت اتحاور ويا عقلي ...... بعدها بوقت قصير دخلوا طلال وربا وشيرين وولد وبنيه ما اعرفهم ....
من شفتهم اشرتلهم شفت يوسف لف وجهه على اتجاه ايدي
جماعتي اختاروا مكان .... رحت عليهم سلمت
طلال: الحين كملت بريم
ريم : لا ما اكدر ابقى وياكم اعذروني ويايه صديق وانتو جايين تدرسون
شيرين : تعالي وجيبي نكعد سوا انت هم دتقرين مبين من الاوراق الي على الميز
ربا : ابتسمت ... خلوها يا جماعه على راحتها يمكن ما يحب أعدتنا
ريم : خزرتها بالشقى.... يله اخذوا راحتكم .... گام طلال من مكانه صاحني التفتت عليه اجى وگف قريب مني
طلال : انا جاهز في اي وقت ودك اخذك للمكتبه
ريم : شكرا دكرتني والله نسيت الكتاب
طلال: تامرين يالغاليه اليوم افتگدتج .... عسى المانع خير
ريم : حسيت راسي يوجعني طلعت قبلكم ان شاء الله باجر اشوفكم اترخص
طلال: الف سلامه لو احتجتي شي حنه مالنا غير بعض
ريم : لان هو كلش حباب ورزن ويحب يساعد الكل والبنات يعاملنا بأحترام حبيت الاطفه
مشكور ما تگصر .... من سمع جوابي ضحك.... جدامج سنين لتتعلمي لهجتنا وانا اتعلم العراگي منك اتفگنا
ريم : اتفقنا .... رجعت كعدت على الكرسي .... شفت يوسف متوتر مخلي ايده تسند وجهه ويهز برجليه ....
أتأخرت عليك
يوسف:اولويات متعدده
ريم:طموح وانت لا غير
يوسف:محبيت الي شفته
ريم: يمكن لان تحب المسجات
يوسف:ماكو مقارنه بين افعال المرآه وافعال الرجل
ريم: اذا كانت عديمه الشخصيه
يوسف:محبيته ولا ارتاحيتله
ريم: مو بالضروره نتشارك نفس الاراء لازم نحتفظ بخصوصيه
لاترمي الناس بالحجاره وبيتك من زجاج .....
يوسف:صح جنت احجي ويا جسي مسجات بس مو نفس طريقة الكلام بينكم
ريم: انت شفت شي تريد اتشوفه وتوهم نفسك بي .... الولد جدا مؤدب وتعاملي وياه اخوي
يوسف : يكون افضل يبقى منتبه على نفسه
ريم : انت متوتر وتعكس هالشي عليه خلي نرجع..... انطيك فرصه ترتب وضعك .... ماكو بدايه بدون تصفية الماضي ......
لزم ايدي
يوسف: ريم گتلج طريقنا مابي رجعه
ريم : اكو ثغرات ترجعنا بس الفرق بندم
يوسف: ريم لتاخذين الامور بسوء الظن وتگلبين الموقف لصالحج
ريم :ماعندي علاقه سابقه ادان عليها ...
خلي نطلع ما اريد احد ينتبه علينا
يوسف: وگفت....وكفت طلعنا سوا .....شارده عني او اتحاول تجاهلني .... سحبت ايدها خليتها بأيدي بقت ايدها مفتوحه ما لفتها على ايدي
التفتت عليها بدون سوء ظن ..... فهمتج شنو انت بالنسبه الي حاليا
ريم: الكلام غير الفعل ....
يوسف:لعد نتحاسب ..... على افعالنا ونشوف منو الغلطان
ريم : بدون منتحاسب انطيك فرصه تصفي الماضي ..... تركته وعبرت الشارع
يوسف: انتظري
ريم : بقى يمشي ورايه مسافه قريبه بدون ميحجي الى ان وصلنا للمصعد .... وگف بصفي .... ترى انت ظالمه
جاوبته شكد متصور .... وماعندي رحمه
يوسف: طلعنا من المصعد ..... راح تبقين زعلانه ماكو شي من الي الشك الي بالج
ريم: گتلك مو سهل احد يضحك عليه ..... من تكون صفحتك بيضه ويايه اكدر اكتب عليها بدايتنا
دخلت للشقه لزم الباب حتى لا اسده
يوسف: عندي قابليه اتحمل الخبالات بس ماعندي قابليه اتحمل الزعل
ريم : من ايدك جان المفروض تحذر ....
يوسف : بعصبيه وتالي وياج كبرتيها
ويم : تصبح على خير
يوسف: عصبت وانت من اهله عفتها ورحت لشقتي
ريم : دخلت للشقه متضايقه منه .... وبيني وبين نفسي اذا ما اخلي يحترم مشاعري ويحترم وجودي وياه معناها من الاول قللت قيمة نفسي وهو راح يتمادى .......
بقينا ٣ ايام اتجنب اشوفه وكم مره يجي يدگ الباب عليه ما افتحله
الى يوم راس السنه الصبح اندكت الباب .... رحت شفت من العين ماكو احد
فتحت الباب لكيت صندوك احمر ويا ما طلعت اخذته طلعلي يوسف وبيده هوسكي خاتل بصف الباب
يوسف : والله اذا متصالحيني اهده عليج
ريم: اول مره اشوف چلب بهالضخامه واني اصلا جبانه)
اريد ارجع كم خطوه حتى اسد الباب حس عليه يوسف ضحك هده ...... بس حسيت وگف على طوله ونام فوگايه
واني اعيط وخره راح اموت يا عديم الاحساس
يوسف : گولي مصالحتني واوخره .....
ريم : بعياط وعصبيه مصالحتك .... جره مدلي ايده من الرعب الي عيشني بي انطيته ايدي كعدت ..... رجلي متشيلني ....
رفعت وجهي والهث .... انت مستحيل تكون عاقل ....
هو يضحك
يوسف : ما خليتي بيه عقل حاولت وياج بكل الطرق مفاد الا فلم الرعب ....
ريم : بأحلامك
يوسف : ارجعه
ريم : أياك
يوسف : يله گومي بدلي انتظرج هنا
ريم : روح لتفقدني اعصابي
يوسف : فرصه والي يضيعها غبي ...... اتبدلين لو افلته
ريم : كافي تعبتني .... هده بلكت اخلص منك ومن هالحياة
يوسف : هديته كامت تركض بالشقه وهو وراها تعيط ....
ريم : ابدل والله ابدل ...... كرهتك وكرهت اليوم الي شفتك بي
يوسف : صحت هوسكي ركض كعد جوه رجلي .... يله بدلي
راح انتظرج هنا اشرت على القنفه
ريم : الله يلعنك
يوسف : اشرتلها تروح للغرفه .... لو هوسكي
ريم : دخلت قفلت الباب ....... يوسف اطلع برا ......
يوسف : سمعتها ...... ابقي حبيبتي شوكت مراح تحتاجين الحمام تطلعين تلگيني انتظرج ......
ريم : فتحت الباب ..... مديت راسي مبتسمه كافي لعب جهال
يوسف : ابتسمتلها بدلي بسرعة ...... ترى والله اعوف هوسكي يمج واقفل عليج باب الشقه واطلع اتونس ما ارجع الا تالي الليل اخذه
ريم : والله لا اردلكياها ....
يوسف : عشر دقايق وانت گبالي
ريم : رگعت الباب بسرعه بدلت يسويها هالمخبل
