يوم العقد
يوسف: يله حبيبتي ما خلصتي
ريم : احجي وياه من غرفتي .......دقايق واطلعلك ...... لبست فستان احمر ..... ويا كوت بيج .... وحذاء بيج ... وشعري فتحته ومكياج بيج وحمره حمره
طلعت .... خلصت .....
يوسف: واو ..... سابقا جنت اتوقع الشگره تجذبني بس حاليا عرفت صاحبة الشعر الاسود تحرگني وتشعل نار بقلبي
ريم: وگف گبالي يله ..... اميرتي ..... اقل من ساعه تصيرين
زوجتي ...... جاوبته حبيبي اريد ناخذ صور ورا منعقد ..... شكلي مرتب
يوسف: ريم نروح ومن نرجع اجاوبج ...... لان حاليا خايف اتهور
وتكلفني الغلطه ساعة انتظار أتصلحين المكياج
ريم : اوه يوسف دا احجي صدك ...... اريد ادز الصور لاهلي
يوسف : جريت ايدها فتحت باب الشقه وطلعنا للمصعد ...... والله اميره ..... اخذت ايدها بوستها .....
ريم : بقى لازم بطن ايدي يبوسها الى ان طلعنا من المصعد يله نزلها ...... يوسف مو من نتزوج تقل رومانسيتك ...... ترى تعودت عليك تظهر مشاعرك
يوسف: خلي نتزوج حبيبتي ازيد ما انقص
ريم : صعدنا السياره .........ورا٤٥ دقيقه تقريبا .... خلصنا العقد ..... اول ما طلعنا خلى ايده على چتفي ...... يا حلوه انت مرتي
وانت زوجي وحبيبي
يوسف: خلي نروح للبارك ناخذ صور
ريم : اني هم اختاريته ....... وصلنا للبارك ...... اخذنا صور ..... بس احلى لقطه من وداني على المصطبه الي صارحني يمها ....اول ما رجع من سفره
لگينا كاعدين عليها .... راح گلهم بهالمكان التقيت بزوجتي واريد اخذ وياها صوره بنفس المكان ........ باركولنا وگاموا عافولنا المصطبه ..... ووحده منهم عرضت هي تاخذلنا الصور
احلى صوره كعد وكعدني على رجله وشبك اصابعي بأصابعه ورفعناها بينت الحلقات وذبوا اكل للبط كله اتجمع يمنا اخذولنا صوره حسيتها تشبه قصص الخيال مي وبط وشمس وخضار
وهو بوسني من خدي
يوسف عيب ....
يوسف: حبيبتي هنا ماعدهم عيب ...... هاي البوسه بريئه يم بوسهم
ريم : كافي طالعه عينك اليوم
يوسف: ماعندج حجه اذا طلعت صرتي زوجتي .....
ريم : اخذني كعدنا جوه شجره محد يشوفنا وهو متمدد على رجلي ......
يوسف: من اليوم متفارگيني بس من تروحين تنامين بشقتج .....
واذا تقبلين افرغلج غرفه واجهزها وتباتين ويايه ...... الى ان نتزوج وننجمع بغرفه وحده
ريم : لا ابقى بشقتي الى ان نتزوج
يوسف : ابتسمت ليش ماعندج ثقه بيه ......
ريم : لا مو قصة ثقه بس افضل
يوسف : لا حبيبتي قصة ثقه ...... واني اكلج لتثقين بيه ..... كلش وارده اجيج تالي الليل ...... بالخصوص بعد ما صرتي مرتي ..... يله حبيبتي خلي نرجع تعبت
ريم : يله اني هم تعبت ...... واحنه بالسياره سألني شنو اوصيلج سيديات لمطربين اتحبيهم حتى احفظ اغانيهم
جاوبته كاظم الساهر عمرو ذياب وحسين الجسمي
وصلنا نزلنا من السياره هو مخلي ايده على چتفي واني لافه ايدي على ظهره ......
يوسف: ريمه امي دتتصل تعالي يمي حتى نفتح كاميرا وياهم
ريم : يوسف ابدل واجيك
يوسف : اني امرلج
ريم : يله حتى احضر شي سريع ناكله سوا ........ من وصلت فتحت باب شقتي فاجئني شالني ودخلني .......
يوسف: راح ابقى وياج ..... نزلني وگفني گباله يلعب بخصل شعري ...... قرب وجهه على وجهي يتنفس الهوا الي ازفره ...... بوس رگبتي
يوسف : اميرتي ممنوع رجال يلمس اصبع منج حتى جماعتج ممنوع اتصافحيهم........ ممنوع تلبسين ملابس تبين تفاصيل جسمج ....
ريم : يوسف ..... نزعت اول قناع
يوسف: انتي مرتي ..... يعني الي وحدي
ريم : بس انت المفروض عايش بمجتمع متحرر وعندك علاقات سابقه ومطبع بطبعهم
يوسف : لا حبيبتي يم زوجاتنا دمنا شرقي اخويه رامي مرته أسبانيه بس تعلمت على اطباعه وغيرته عليها
انت هم تتعلمين ..... على طبعي ..... وغيرتي عليج ماعندي سيطره عليها ..... ولا جنت متوقع بيوم احس بهالشعور
ريم : احس بأنفاسه ..... بس لتوصلها لحد تخنگني بيها ..... جرني كعدني على القنفه بصفه .....
يوسف : احاول ...... بدلي وتعالي حتى اتصل بأهلي
ريم : انت هم روح بدل وارجع ........
يوسف : اروح بس ارجع الگاج لابسه الشورت والكيمونه الي جنتي لابستهم بيوم طفيت النار
ريم : اتذكرك يا بو عين زايغه جنت تبصبص بيومها كرهتك لان عيونك قبيحه .... وجريئه
يوسف : ابتسم من هاليوم عرفت اني حبيتج ......ارجع الگاج لابسته ......
ريم : طلع ..... واني رحت لبست دشداشه فانيلا قطنيه ربع ردن ويا الركبه لونها ابيض بيها قلوب حمر ..... لان اتذكرت بيوم الي طفى النار وانتبه على ملابسي نظراته وصلتلي الي يدور براسه ..... بوقتها جنت مو مرته ..... وخفت منه .... هالمره خفت اكثر
دك الباب رحت فتحتله ...... شعره مبلل ولابس شورت وتيشيرت مال بيت .....
يوسف : ليش ملبستي الي گتلج عليه
ريم : ارتاح بهاي اكثر ...... اكعد بين ما اسوي اكل
يوسف : كعدت ....وگفت كدامي دتسوي اكل ...... رحت وگفت وراها لفيت ايدي على خصرها
ريمه ..... تجين ويايه نروح لاهلي ..... كم يوم ونرجع
يشوفوج وتتعرفين عليهم .....
ريم : خلي أسأل اهلي بالاول ..... اذا وافقوا ..... ارتب وقتي
يوسف عفيه من اتشوفني التهي عن دراستي وياك ...... انت نبهني .... هسه يله خلي نكعد ناكل
يوسف:اخذتها غسلت ايدها ..... وهي تضحك ......
ريم : نشفت ايدي ..... التفيت حضنته ..... ذكرتني بأمي من جانت تغسل ايدي ....
الله لا يحرمني منك ...... وجودك نساني حتى الغربه ......
كلمة احبك قليل عليك ....ضحك
يوسف: انت بريئه عكسي تماماً..... ترى اني احس بيج من تخافين مني ...ريم اول كتاب قريتي عن شنو
ريم : اول كتاب قريته غير كتب المدرسه ..... رواية سكسبير ..... صف اول متوسط ....ليش ...... ابتسامته جانت بيها خبث
يوسف:اول كتاب قريته .... بس مو تنصدمين .... كيف تنجح في القُبله الاولى
ريم : ابتسمت ..... ان شاء الله متكون متذكر اول وحده طبقت بيها الكتاب ........ ابتسم
يوسف: لا ما اتذكر ( ما ردت اضوجها )مسحت الذاكره
بس انتِ بيها ...... لازم اطبق الكتاب
ريم : يا خبيث ...... دا احس وياك صايره غبيه ما افتهم نواياك بسرعه
يوسف : چتفتها وهي تضحك تريد تفك نفسها .......
ريم : غمضت عيني .... وقربت وجهي من وجهه......
بديت احس بأنفاسه على بشرتي وشفايفه على وجهي بوس حتى عيني ...... خله راسي على صدره وحضني
يوسف:حبيبتي انت انسانه طاهره لدرجه تخليني اضبط نفسي وياج واحترم مشاعري تجاهج
ريم : حبيبي ابو عين زايغه راح يتربى على ايدي ......اتوقع الي عنده تجارب سابقه دائما يفضل ياخذ وحده ...... بدون تجارب صح
يوسف: صح لان هي الوحيده الي أتخلي يحس هو الرجل الاول بحياتها و وياه تعيش مشاعر اول مره تتعرف عليها الي مثلج .... الرجال يبقى وياها مرتاح البال لان أتصون مشاعرها اله .... المفروض اني بالمقابل ...... ابوح بمشاعري وادللج لان انت اولى بأي كلمه حلوه .... تطلع مني .....
ريم : ابقى بوح بمشاعرك ..... حتى ابقى مثل الورده عطرها ينعش انفاسك .... واعكس السعاده الي بداخلي عليك وعلى حياتنا
يله يا حلو ..... خلي ناكل وبعدها نتصل بأهلك وبأهلي
يوسف: يله حبيبتي ........... حتى وراها تقرين ..
