حرب العشق

10

-انت بتهزر صح ؟!
كانت هذه اول جمله خرجت من فم سيلا
- مالك : ممكن تسمعيني الاول ؟
توجهت سيلا الى ادهم ممسكه بيده بقوه
- سيلا : انا مش عايزه اسمع اي حاجه انا عايزه امشي من هنا (نظرت لادهم بعين على وشك البكاء) خدني من هنا يادومه
- رحيم (ياسر) : اهدي ياسيلا وافهمي الوضع الاول
- سيلا بغضب جارف : انت بالذات تخرس خااالص ، اللي انا فيه دا كله بسببك انت
- ادهم : سيلا حبيبتي اهدي كده وتعالي اقعدي وانا هشرحلك كل حاجه
- سيلا : لو بتحبني يا ادهم خدني من هنا انا مش عايزه اشوف الانسان دا خالص
- مالك بغضب : اسكتي !! مش بنقول اسمعي يبقى تسمعي بلاش دلع
- سيلا : انت مين عشان تكلمني كده ؟ انت مجنون ولا ايه ! انا بقى مش هفضل هنا لحظه واحده
- ملك : اهدى يا مالك ( توجهت بنظرها لسيلا ) وانتي كمان ياسيلا صدقيني الوضع ميتحملش اي عواطف انتي معرضه لخطر كبير وكل اللي هنا يهمهم سلامتك
- سيلا بانهيار : بس انا مش هتحمل اكون معاه في مكان واحد انا بخاف منه لان بسببه انا في الوضع دا
- ادهم : صدقيني ياسيلا انتي المفروض تشكريه على اللي عمله معاكي
- سيلا باستهزاء : فعلا ! اشكره ! على ايه بقى ؟ على اني كنت هموت بسببه ؟ ولا على اني في خطر دلوقتي ؟ ولا عشان بقيت مريضه نفسيا بسببه ؟
- رحيم (ياسر) : لانك متجوزتيش رامز ...... لانك مبقيتيش مدمنه ...... لانك متقتلتيش بقالك 3 سنين ........ لانك مبقيتيش الوسيله الي تكسر ادهم وتجر رجليه في طريق مفيش فيه رجوع
- سيلا : انت بتقول ايه ؟ حد يفهمني
- رحيم (ياسر) : انا هقولك
---------------------
- الحقني يامرواان
صرخت بها نسمه ليصعد مروان الى الحجره راكضا
- مروان : في ايه يانسمه
- نسمه ببكاء : بنتي يامروان مبتتحركش
- مروان بخوف : دي دافيه يانسمه
- نسمه بانهيار : الحق بنتي يامروان
---------------------
- سيلا : شكرا ياياسر على اللي عملته ليا
واسفه جدا للكلام اللي قولته
- رحيم (ياسر ) بابتسامه : انتي اخت ادهم يعني اختي مفيش بينا شكر اولا ، ثانيا بقى انا اسمي رحيم مش ياسر
- سيلا : اسفه اصلي اتعودت على اسم ياسر
دق هاتف مالك ليبتسم ويجيب
- مالك : سلام عليكم
-(***) : ...........................
- مالك : الحمد لله ياحبيبتي وانتي عامله ايه ؟
-(***) : ..........................
- مالك : عايزني في ايه ؟
- (***) : ...................... ..
- مالك : حاضر ياكوكي هكون عندك بكره الصبح
- (***) : ..........................
- مالك : لا لوحدي ياكوكي ، مع السلامه
- ملك : عايزاك ليه ؟
- مالك : مش هي دا حسين بيه
- ملك : وهو عايزك في ايه ؟
- مالك : مش عارف ياملك عموما هروح واعرف بكرا (نظر الى سيلا ثم توجه ببصره الى رحيم (ياسر ) قائلا ) خلي بالك منها ودواها تاخده في معاده
- رحيم (ياسر ) : متخافش عليها
- مالك مخاطبا سيلا : مش هتعرفي تشوفي ادهم ولا ملك تاني انا بس اللي هبقى اجي من وقت للتاني محتاجه حاجه ؟ - سيلا : لا مش عايزه
- مالك : طيب ، يالا يا ادهم انت هترجع القاهره معايا (توجه بنظره لملك ) وانتي ياملك هترجعي البيت اللي كنا فيه والحراسه هتفضل معاكي وهتكتر شويه ماشي ؟
- ملك : حراسه تزيد ليه ؟ ما انا كويسه
- مالك : معلش اطمئنان
- ملك : ماشي
- رحيم مخاطبا ملك : خلي بالك من نفسك ولو احتاجتي اي حاجه كلميني
- ملك مبتسمه : حااضر (نظرت لسيلا ) سلام ياسيلي هبقى اكلمك اطمن عليكي
- سيلا : سلام يالوكا
----------------------
- حسين : حفيدتي عامله ايه ؟
- مروان : كويسه يابابا
- حسين : يعني اطمنت ؟
- مروان : اه ياحاج اطمنت خير بقى
- حسين : اخوك بيتحداني يامروان
- مروان : مالك ؟!!
- حسين : اه مالك اخوك مخبي البنت مني مفكر انه كده بيحميها ناسي ان في الاكبر مني واللي ممكن يقتله
- مروان : مكانش دا اتفاقنا يابابا
- حسين بغضب : وانا مش اد كلمتي ياابن
كوثر فعقل اخوك كده وخليه يجيب البنت
- مروان بضيق : مااشي ياا......حسين باشا
غادر مروان المكتب وهو في قمه غضبه
---------------------
- كوثر : حمد الله على السلامه ياحبيبي
- مالك : الله يسلمك ياكوكي وحشتيني
- كوثر : بكاش اوووي لاني لو وحشاك كنت سالت عليا
- مالك : غصب عني ياكوكي والله
- كوثر : صادق ياحبيبي اطلع غير هدومك وانزل عشان تتغدى وتشوف ابوك عايزك في ايه
وبعد مرور نصف ساعه كان مالك بجوار كوثر يتناول غدائه عندما دخل مروان المنزل
- مروان : ابو المماليك حمد الله على السلامه
- مالك : الله يسلمك يامروان ، متعرفش حسين بيه عايزني في ايه ؟
- مروان : طيب كمل اكلك وبعدين نتكلم على رواقه في الجنينه
- مالك : انا خلصت اكل يالا بينا
قام كلا منهما معا وخرجا اللى حديقه القصر - مالك : ها يامروان ابوك عايزني في ايه ؟
- مروان : مالك انت تعرف طريق البنت ؟
- مالك : بنت مين اللي بتتكلم عنها ؟
- مروان : سيلا
وكأن كل حرف قد سقط على راس مالك كالصاعقه ، تمالك نفسه ونظر الى مروان
- مالك باستهزاء : اللي ماتت ! اها في المقابر
- مروان : بلاش نلف وندور على بعض انا عارف انها عايشه ومتاكد انك عارف مكانها
- مالك ببرود : عايشه مين بس ! ولو انا مخبيها انا كده هقولك لما تسالني مثلا ؟!
- مروان : مالك الكبير عرف انك عارف مكانها وان انت اللي مخبيها سيبها يامالك قولهم على مكانها صدقني هيقتلك ، هيقتلك يامالك
- مالك بهدوء : وهو اللي باعتك تقولي كده ؟
- مروان بقلق : صدقني يا اخويا الراجل دا مبيهزرش بلاش تلاعبه ارميها ليه واطلع منها
- مالك : لو اخر لحظه في عمري انا مش هسيب اي مخلوق يلمسها يامروان
- مروان بصدمه : انت بتحبها يامالك !
اخفض مالك نظره من مروان ولم يجيب
- مروان باصرار اكبر : بتحبها يا اخويا ؟!
- مالك : اه بحبها ، لو احساسي بالمسؤليه تجاهها حب يبقى بحبها ، لو خوفي عليها حب يبقى بحبها ، لو وجع قلبي لما بتعيط اسمه حب يبقى بحبها ، لو اختارت موتي مقابل حياتها حب يبقى بحبها
كان يقول حديثه باندفاع شديد جعله لا يرى تعبير الاخر
- مروان : غبي ! ...... انت يا مالك غبي !! دايما بتحب الشخص الغلط
استعاد هدوءه قليلا ليردف قائلا : .....
- مروان : مالك البنت دي محكوم عليها بالاعدام فوق لأن مينفعش صدقني مينفعش - مالك بغضب : لا ينفع وسيلا مش هتموت مش هسمح لأي مخلوق انه يفكر مجرد تفكير انه يلمس شعره منها فااهم ؟ روح قول للباشا بتاعك ولحسين بيه ان عشان يوصلولها لازم يقتلوني الاول وساعتها بردو مش هيعرفوا يوصلوا لسيلا ، سلام يا اخويا هم ان يغادر ولكن اوقه صراخ نسمه من داخل القصر
-------------------
اسفه جدا على التأخير كان في ظروف
بحبكوا وشكرا على المتابعه اتمنى تعجبكوا