#قصة_طلاقي
لاية الراوي
جان الوقت العصر ....والدنيا نهاية الربيع بعدها مو حارة كلش...حلو الجو ....كاعدين اني ويا.....نشرب چاي وعادي سوالف والكعدة حلوة .....واتفاجئ بي يسألني !
ندوش شنو رأيج باللي يزوج مرتين ؟
هههههههههههه شنو مناسبة السؤال هذا ؟!
هيج اجة ببالي ..
معرف كل واحد وظروفه اذا مضطر وعنده سبب مقنع ....احتمال ينعذر من زوجته الاولى ....
هااا يعني تشوفين انو ماكو مانع اذا اكو سبب مقنع ....
هههههههههه شبيك صهيب ....عبالك دا تحجيني شي دا يصير الك دليل ....
صفن ......
شبيك اليوم اشو اسئلتك غريبة اكو شي،؟
هاا لالا بس اجة ببالي ....
وبديت اسولف ويا عن بداية الامتحانات وشون راح يبدي التعب بتخلي الاسئلة وكسران الظهر وهو يجاوب بس شكله باله بشي .....الى ان رجع كال ....
ندى اني قبل سنتين سألتج اذا زوجت لاجل الخلفة شنو التصرف الي راح تسوي وكلتي بوقتها انت بطريق واني بطريق والله يهنيك مو .....
اني بديت احس اكو شي من ورة هالاسئلة .....
صهيب انت تريد تكول شي ....كول وكافي لف ودوران ....
بقى ساكت شوي بعدين كال .....
ندى اني خطبت ....
!!!!!!!!!!!
شنووووووو.....دتشاقى لو جديات ....بديت احس بحرارة بجسمي .....
على كيفج افهمي وحاول يلزم ايدي وسحبتها ....
احجي دا اسمع .....
ندو حياتي .....اني من حقي يصير عندي اطفال والله حللي الزواج من اربع .....وانتي هسة كلتي اذا سبب مقنع ....
يكفيييي ...وصلت الفكرة .. وگفت ....شايف كل الخير والله يرزقك .....بس انسى شي اسمه ندى خوش .....
ورحت للحمام اريد اغسل وجهي احس روحي بحلم اريد اصحى منه .....سديت الباب واغسل بوجهي بمي بارد واباوع بالمرايا واكول معقولة الي ديحجي شنو هاي .....
ندگ الباب .....ندو فتحي احجي وياج افهمج ....ندى افتحي ندى ....
نشفت وجهي واخذت نفس ....وفتحت الباب ....
تقرب دا يلزم ايدي ....رفعتها ....صهيب شوي مجال اريد اطلع ممكن .....
ندى حبي بس نتفاهم ....بس سمعيني ....بس اشرحلج ....
اني فهمت كلشي .....الف مبروك وشايف كل الخير ....
ومشيت للغرفة .....وعالكنتور طلعت ملابس طلعة معرف شنو اتصرف ولا وين اروح بس اريد اطلع من بيته .....
